،،،،سوزان المندلاوي،،،،،،،،،،،
..........................................................................
مرت الايام ....
صعبه ..ومرة...ومتعبه ..اخذت مني طعم الراحه ..والضحكه ...
بس ماكدر ابقى ضعيف ..عندي هدف ولازم اوصله ...
كدرت اكوم ع حيلي من جديد ....
رجعت لموقع شغلي ...
بس جان كئيب ..واحس كلشي طافي بي ..حتى ضوة ماكو ...والهوى الي بي يخنك ..
الكل جان ينتظرني ..سلام ..والوالد..
وابو ماريا وزوجته ...
بس مكدرت ارجع لكابينتي ..غيرتها ..
انتقلت بغير كرفان وغير قاطع ...ابعد ...
كدرت اشوف ضابط التحقيق ..
التحقيق بدة مني ..الى الجيران ..والحرس ..
سالني عن علاقتي بزوجتي ...
حسب الشهود والي كلته ..علاقتي بيها جانت زينه ..
وسالني اكو احد مشتبهه بي ..كتله لا ..
انختمت
ويا لا حصلت حق ولا باطل ..حالها من حال الملايين الي تموت وتنتسب القضيه للمجهول ...نسدت صفحه ..القضيه للمجهول ...
المجهول الي قتل ..مريم ..
اكو علامه بي ..جان ضخم وطويل ..
وعنده وشم بجتفه ..شكل جناح الملاك .
.لازم
اتقرب من الكل ..
طارق
سرمد
سمراء
والخال باسم ...
هذول الاربعه .واحد منهم .الي قتل مريم ....وابني ..وكتلني اني هم ...
كل مجرم يترك وراه دلليل ...
..بعد مرور شهر ...كدرت اطب
لبيتي ..
رحت للكرفان ...
اطلعت المفاتح ...فتحت الباب ..مديت رجلي ..وضليت واكف ...
كلشي صار مر كدام عيني مثل الحلم ...
اخذت نفس عميق ..وطبيت ...
احس روحها موجودة ..
يالله اريد خيط يوصلني للدلليل ...
طبيت دورت شي ..
جان كلشي مكلوب ..وهوسة ...
حتى اذا اكو دلليل فاختفى ...
فتحت باب الغرفه ...
هدومنه مطشرهه والغراض..
سمعت صوتها برة ..طلعت ..دورت بلمطبخ ..بلحمام ..بلهول ماكو شي....
ضليت افتر اكثر من مرة ..مثل المخبل ...
اسمع صوت وصدى بي ...
رعد رعد ...
صوت مريم ...ادور ماكو ...
طلعت ...
وكفت كبال الباب ...
حسيت ..راح افقد عقلي ....
رجع الصداع ..براسي ...
واقوة..من قبل ....
وصوتها مديروح ..من راسي ..شون تستنجد بيه رعد رعد ....
اريد ادخل مرة ثانيه ..مكدرت ....
دك سلام ..
رعد شعدك ..هنا ..
درت راسي ..شمعرفك انت ..
شبيك مو بيتي قريب عليك ..
جيت اخذ غراض ..
تعالي ...
ميهم .....
سديته ....
رجعت وصلت يم الباب ..داقفلها ..
واترك كلشي ..........
قفلتها ..وجان اكو بايات ..اثنين .مقابيل الباب ..
.كعدت كمت ابجي .....
خنكتني العبرة ......
واحس راسي ..يريد يطك ..وكلبي هم ..
دنجت راسي بلكاع ..شفت ..دكمه ..مال قميص ..بلوز ..ماعرف ...
مسحت ..عيوني .....
شلتها ....مسحتها بهدومي لان بيها تراب
باوعت عليها لونها زيتوني ..
ذكرت اني والمجرم
اتلازمت اهنا ..وجريته من هدومه وشفت الوشم ..
وضربني ع راسي ..ووكعت ..
اكيد هاي اله ..من جريته ...
خليتها بجيبي وعرفت هاي هم دلليل ....
راح يفيدني .....
وحمدت الله ..
و
مشيت ..
زين اني ..شون راح اعرف هاي المن ..
وشلون اوصل لصاحبها ....
عبرت بيت ..سلام ..
رديت رجعت ..
دكييت الباب ...
فتحلي الباب سلام ..
طبيت جوة ..
ها صوحبي ..
طبعا سلام دون الكل ..يحاول ينسيني .....
يعني ابد ميجيب طاري مريم ابد ..
وكانما ماكو شي ....
سلمت عليه وكعدت ...
كلي متغدي ..
كتلة لا والله ..
صاح ..سمارة...سمرة ..
كتله زوجتك شسمها..
كلي سمراء ..
بس اندلعها ...
اهاا ..
اجتي سمراء ...
شافتتي ..نصدمت ..
سلمت بخوف ...ها شلونك رعد ..
تمام وانتي ..
برحمه الله ..
رأسا اندارت ع رجلها ..
ها سلام ..
حبي غدة لرعد بسرعه ..
بخوف وردت اي ليش لا ...يدلل ..راحت ..
بقينه اني وسلام كاعدين ..
شلونه مكانك الجديد زين ..
والولد
لا حبابين ..
...اني من انتقلت بغير مكان ..بعتباري وحدي كعدت وي مجموعه ولد ..احنه اربعه جنه ..بس حبابين ..وجانو متعاطفين ويايه...كلش..ويحبوني ..هوايه ..
كتله سلام فدوة شريط الدوة نسيته ..ماعندك ..مسكن ...
كلي لحضة ..
راح اجه جابلي ..
كتله شو غير شكل هذا
كلي معليك نفس المفعول ..يسكن الم
رد كلي متكولي شبي راسك ..
ماعرف وخاصتا من اتوتر يصير بي تشنج ..حتى اعصابي تشنج ..
ولك خاف بيك صرع ...
ههه بس بقت هاي ...
كتله الخميس راح انزل لبغداد
ليش شكو ..
اربعين المرحومه ..
هاا الله يرحمها ..
لعد رعد فدوة اريد منك شغله ..
كول عيوني الك ..
اكو غراض اخذتها منا ..للبيت اهلي اريدك توصلها ..
ولك هوة شكو هنا حتى توصي ..
كلي مو هنا اشكال اجانب
اي
تعرفني اني اتخشخشومصادقهم ..واوصيهم ..على اشياء
ها خوش سالفه هاي ..
تدلل غالي ..والطلب رخيص ..
جتي سمارة ..خلت الاكل ..كبالي ..
بس مارفعت عينها ..
وايديها ترجف ..
شكيت اكو شي
..
لازم اتقرب منها واعرف ..شبيها ..بس شون حتى رقمها ماعاد بجهازي حذفته ..
راحت ..
سلام كال يلا تفضل ..
وانت ..
ضحك اكل لا تهتم الي ....
اكلنه كملنه ..جتي سمارة شالت الاكل ..
كام سلام ديغسل ..
دتلم بلاكل..شفت سلام طب للحمام..
كتله سمراء ...
رفعت عينه عليه ..
خابريني ضروري ..
مجاوبت ..
لزمت ايدها حيل عصرتها سمعتي شكتلج ضروري ..
هزت براسها اي ..
بس الخوف عاميها ..
راحت ..كمت اني هم ..
طلع سلام..وغسلت وراه ..
هاي سمارة الي جانت ...
من اطب لحد ماكلع ضل تسولف وتححي .وتشاقة ....
هسة تتهزم مني اكو ان بلموضوع اكو شي ..
كملت ورجعت ...
كتله باسم ماكو ..
كلي اخذاجازة ..
شعجب ..
والله ماعرف ..
اهاا يرجع لو لا بعد ..
ماعرف اكيد يرجع ..
يمعود حجه بصوت ناصي هذا خالها عليه علامه اكس
ليش عود ..
يشرب العرك بلقندرة ....
لا مرة تبقى يمه ولا ولد ...ولا اهل ...مخبل
بس لخاطر عمتي اشغله ويانا ..
اها ..اول مرة اعرف ..
شعبالك لعد ..
اكو شي بعد احجي ..
لا حبي ماكو ..
سلام منو تتوقع اله ايد بكتل ..مريم ...
سكت ..كال واني شمعرفني ..
كتله لازم اعرف منو ..وليش ..
شنو ذنبها ..وذنب طفلي
هسة متكولي شوكت تطلع من هلسالفه ..
اطلع ...
ي ..طلع روحك ..
مديت ايدي بجيبي..
لزمت الدكمه ..
شيطلني ..اني عايش عليها ..
باوع رعد ..انت بشغل ..لاتصير محقق هنا ..صح يحبوك ويحترموك..وتعاطفو وياك هوايه
بس مو معناها ..تصرف بكيفك ....خلي القانون ياخذ مجراه
يعني انسى الي راح ..
شنسى صدك تحجي انت ..صير بمكاني ...
رأسآغير الموضوع ..
كلي شون صار راسك ...
زين ..
صاح سمار وين الجاي ..خوما نمتي بي ...
يله سلام اني اروح ..
تعبان هم انام شويه ..ورايه دوام الفجر ..
يمعود ابقى
لا حبي ..
كمت ودعته ورحت ...
طلعت امشي ....
وصلت ..للكرفان ...الولد بلشغل بس واحد ونايم ..
اني هم ..ذبيت هدومي ..ونمت ..
غفيت ..احس ..
روحي بنفس الدربونه والدنيا مطر ..وطلع الطفل يركض من البيت ..اني اركض وراه ..وصل يم بيت وطب بي ..
شفت باب مفتوحه طبيت ..
وافتح باب الغرف ..ادور عليه
فتحت باب شفت مرايا .جبيرة
.واكف بيها واحد ....وكأنما حاضن شخص منطي ظهره الي
اني بس اباوع ..
جر سجينه ..وضرب الي حاضنه
تقربت اريد اشوف ....
شفت ..مريم ..وكعت ...
والجامه كلها تفطرت ووكعت ..
كمت مخروع اشوف الولد ديكعدني
رعد رعد كوم شبيك ..
مابيه ..كابوس ...
اتعوذ من ابليس ..
اي اي ..
لزمت راسي يوجعني ..
جسمي شنج ..
كتله بلا زحمه عليك...اريد دوة ...
وينه..دواك
كتله ..بلدولاب مالتي...
انطاني حبايه ..ومي شربتهن ..
كلي شبيك ليش هلكد تشرب ادويه ..
راسي ..يوجعني ..
شنو السبب ...
ماعرف ..
مسوي رنين مفراس ..
لا ...
ولك موزين ..
يمعود طبني مرض ...
بقى يسولفلي ..عن كرايبه نفس الشي واكتشف عندة سرطان ...وجان عباله شقيقه ...
بس اني ممهتم بكلامه ...
رديت ذبيت راسي اريد اعرف هلحلم شنو ..وهذا الطفل منو ....
كلت لازم اروح واشوف شنو ..القصه ..
معقوله حلمي الا دخل بلواقع الي عشته ...
ياربي شديصير بيه تعبت ..تعبت ..
مرت اليومين بين شغل ..والولد محسيت بشي ...
الاربعاء بليل ...
اجاني سلام ..انطاني علاكه ..بطنها ..ملابس ..
وكارتونه كلي جهاز ضغط لامي هذول وهاي لجهال اخوية ..
واكد عليه اوصلهن ...
من اوصل ادك ع واحد وهوة يجي ينطيها اله ...
اخذتهم منه ..وخليتهن ..وي جنطتي ..
وانتظرت الصبح يجي ..حتى ..اروح ..لبغداد ...
وللحكايه بقيه