سوزان المندلاوي
كعدت من النوم ..صوت مطر ..و
.ضلمه ..جريت الفون ساعه 7،،،،
مريم ..مريم ...
ها رعد ..
ليش خليتيني هلكد نايم ..
كعدتك اكثر من مرة ..وترجع تنام ..
هاي شنو ولا حاس ..البارحه منايم زين ...
اي ..غير انت تبقى متاخر يم اصدقائك ..
ياحبي ضوجه وين اروح لعد ...
يمي هوة اني يمج ...
احبك ..
اموت عليج ....
جتي نامت بحضني ..رعد صدك تحبني ...
اي ..
اني هم ...
حبي ...ارجع وياك ..ماعوفك وحدك اصلا اموت بدونك ..
اسم الله عليج براحتج ..
بقيت العب بشعرها وهيه تسولف ..
يلا ولج كومي مو ورايه ..سوك ..
اي صدك ....
كمت ..
مصدع مال نووم ..
مريوم سويلي جاي ..حبي ..
رعد خلصنه ..
اووو ...باوعت ع الساعه ..
كتلها جيبي هدومي خلي انزل للمدينه بلكي كاعدين ..
كالت بس لا جيب هوايه ..
لاتنسى بعد يومين ..نسافر ..
اي اي ..اعرف امشي ويايه ..اشوفج الشط ...
لا يمعود دتمطر ...
ي صح دمشي تونسي شويه ..
لا ام ماريا راح تجي يمي ..تعرف ابو ماريا دوامه لليلي وتضوج ..
هاااا هسة ام ماريا ...
خطيه ..وحدها ...
جابت الهدوم وبدلت ..
انطتني ورقه بيها ..الغراض الي تريدها ....
كتلها دمشي ولج ..
شجلبت مابيه ..حيل مااجي ..
طلعت ..بلباب ..كتلها مريوم تريدين شي ..
لا حبي سلامتك ....
زين المطر خف ..
اي ..
يلا ..باي ..
رحت امشي سريع ..هوى بارد..وغيوم ..ومطر خفيف ..
طلعت برة ..الموقع انتظرت تكسي ...
اتاخر ..زين اني لابس ..قمصله مطريه ...
بس هم تبللت ..
انتظرت هواية يلا اجه تكسي ..
صعدت ...
اتفقت ويا اسوك وينتظرني لان مطر ..
وبلكي الكه احد مفتح ...
وصلت ..نزلت ..جان اكثرها معزله ..
يادوب جبت..معلبات .واجبان ندبر حالنه بيهن ..
.وخبز وصمون ..وهل شغلات ....
رجعت ..ع ابو التكسي ..لكيته ماكو ..
الظاهر امشي ..شرطه او حرس ....
فكلت اكو وكت ..سالت ع مخضر..
دلوني واحد ...بين البيوت ..
فاكو طفل ..كلي امشي ورايه عمو ...
مشيت وراه ..طبينه بقيصريه ..ومنها عبرانه ع جهه الثانيه ..
وعبرنه شارع ..الطفل يمشي بلبايسكل .
.واني وراه ..
طبينه بشارع كصيف...
طلعنه ..كلي وصلنه ...
اشرلي ..
من جهه اليسرى اخر شي ..
بيت وبي محل ..
الشارع ..طين وكصيف ..
جفصت تجفص ...
وصلت ..يمه ..لكيتة مفتح ..
اخذت منه .كم حاجه لان ماكو شي زين
.وانطيته حسابه وطلعت ..
من داطلع ..تيهت رجعت داساله شفته ماكو ...
مشيت .....
طبيت بهذا الشارع ..شو عبالك مو هوة ..
رجعت فتت بغير مكان ..
شفت شاب سالته اريد اطلع ..
دلاني ..
رحت ..فتت بدربونه كصيفه وبيوتها ضلمه .....
شفت طفل صغير كلش ..كاعد ببااب ..
تقربت منه ..
كتله عمو شمطلعك
بهل مطر ودنيا
لليل مجاوب ..
زين اهلك وين ..
بيتكم وين هم مجاوب ..
انت ضايع ..ماما وين ...حبيبي ...
اندار يمنى يسرى شارع اظلم ..وفارغ ..
بس صوت المطر ...
دكيت الباب ..
الي كاعد بصفها ..
طلعتلي عجوز ..
شعرها ابيض ...
كتلها ..
حجيه هذا الولد الكم ..مدت راسها ...
وسدت الباب بوجههي ...
اندار الطفل ماكو ..ماكو ...
ضليت ..افر براسي وين راح ..هسة جان هنا ..
بقيت واكف ..وين راح ..
المطر زاد ...طلعت ..وصلت ع الشارع اباع ساعه 10/30 ...هوايه تاخرت ..
ضليت واكف ..فاتت سيارة كتله عفيه شكد متريد بس وصلني ...
صعدت ويا وضل يسولف ...
وصلنه المطر زاد ..صار قوي ..
انطيته كروته ..نزلت ..طبيت من البوابه ..وتفتيش..
..كملت كمت امشي سريع لان تنكعت ...
دكت مريم ..
ها حبي وين صرت ..
قريب 10 دقائق....
يمج ...مريم ..
بسرعه حضري..الحمام..و هدوم ..منكع ..
ياسودة عليه ...
ام ماريا ..جتج ..
ي وراحت جيب ..غراض وترجع ..
مو تعرف مخلصه كلشي
ي حبي جبت ..ويايه..مسواك
.
اوكف ندكت الباب ..يمكن ..جتي ..
سمعت صوت الباب وحجي بس ممفهوم ...
سمعت صوت رعد رعد وصراخ عاالي ..
وراها انكتم ..
ذبيت الغراض من ايدي ..
ركضت ..
والفون بايدي ..مريم ..جاوبي مريم ..الووو ...
وصلت قريب ...شفت ...البيت اضلم ..
وصلت ...الباب مفتوحه ...
طبيت مريم ..
وينج مريم ...
فتحت الضوة ...
ماكو كهرباء ..مشيت ..عثرت بشي ..
جريت فوني ..ضويت ..هاي مريم ..مددة بلكاع ..
صيحت مريم ..كومي شبيج ..مريم .
.
شفت واحد طلع من المطبخ
بس ضلمه ماركزت بي ...
رحت عليه ..ضربني لزمته ..
وصلت للباب البرة ..
عكس ضوة السما ..شكله ..
.بس موواضح ...جريته ..قوي من ظهرهه ..ضربني ع راسي ...
.اخر شي شفته ..وشم..بجتفه ...شكل جناح ملائكه ...
ومحسيت بشي وراها ....
حسيت ام ماريا وابو ماريا فوك راسي ...
واكو عالم بعد ..
فتحت عيني شكو ...
ام ماريا وارجلها يبجون ...
شكو احجو مريم وين ...
عبالي حلم..كابوس ...
مديت ايدي ع راسي يوجعني ايدي نترست دم ...
كمت ...
رديت وكعت ..
ابو ماريا كلي اكعد ..راسك كله دم يرادلك خياط ..
مريم وين ..
يبجون .....
انداريت ..مددة بلكاع وخالين عليها بطانيه ..بس ايدها طالعه ..وكلها دم ..
عطت مريم ..مررريم ...
رعد ..متذكر شصار ...
لا لا ....
الشرطه بلطريق...
اباع بلباب..سلام وسمارة ...
طبو ...اني بقيت اصرخ وابجي ......
طب سلام ..شصار ..احجي ..رعد ..
اني بس اعيط ....
اريد اكعد من هلكابوس ..مداعرف ...
اكولهم هذا كابوس ....
كمت ...
لزموني ..وخرو عني ..دفعتهم كمت ماشوف وجهه احد ...
مشيت وصلت يم مريم ...
ردت اوخر الغطه عنا جروني ..رجعت يمها ...
كعدت ...وخرت عنها البطانيه ...
سابحه بدمها ..ومغمضه عيونها ...
وجهها اصفر ....
حضنتها ..وكمت ابجي ...
مريم ..لا تعوفيني ..انتي وابني ...مريم كومي ..
كومي ..لا تعوفيني ...
وللحكايه بقيه ...
