بقلم سوزان المندلاوي ....
اني ..رعد...عمري 26..
شغلي ...سايق الات ثقيله ...
متزوج ..جديد ..
ازوجت عن حب ...جنت كلش احب زوجتي مريم ..
وقاتلت علما ..اخذتها ..
تقريبا قصه حبنه ..طولت 3سنوات ..
مريم ..عمرها..21..سنه ..
قصيرة وناعمه ..وملامحها طفوليه ..وبريئة...
تعرفت عليها ..عن طريق بيت خالتي جيرانهم ..
وبقينه علاقه ..لحد ما الله سهلها ..
وكدرت انجمع بيها ..ونزوج ....
شغلي يعتمد ..ع المشاريع ...
يعني وين ماكو فرصه ..عمل ..اروح اركض بيها ..
مرات ..اكعد اشهر ..وماكو شغل ..
ومرات ..لا مالحك ..بحيث مانام من الشغل ..
فديوم عن طريق اصدقائي ....صديق مقرب الي ..دائمانكعد بلكوفي
اجتني فرصه عمل ..بس محافظات ...
راتبها ..زين ..بس شغله مزعجه بيها ..ماكدر انزل الا اكمل العقد ..
والي عرفته اكدر ..اخذ زوجتي ..وانروح هناك ..يعني موفرين النه ...بيوت جاهزة ..بين مانكمل المشروع ...
شي مرتب...
رجعت للبيت حاير ...
جنت عايش وي اهلي ..امي .وابويه ..واخواني 2..وعندي اخت وحدة ومزوجه ..
جنت الوسط ..
اخويه ..احمد اكبر مني مزوج ..
وعازل بيت اهلي ....
واني هم ...هم مزوج بس عايش وياهم ..
واخويه الصغير علي ...
رجعت للبيت ...
ضايج طبيت للغرفه ..
شفت مريم ..سلمت عليها وبدلت ملابسي ..
ومددت بلفراش ..
اجتي يمي ...
رعودي..تريد عشا
لا
شبيك حبي ..اليوم ..
يوميه تثبرنه ..ع كرشك شكو...
ماكو شي ..
لا عليك الله ..
كولي حتى اني هم اكولك ...
لا كولي انتي الاول ...
لا انت ..
اهوومريم مالي خلك ..شقاج ..
هاي شبيك ..داكولك اني حامل ..
جذب ..
والله ..
كمت كعدت كبالها ..
صدك اي ..والله ..
شون عرفتي ..
حللت ..
اي
شنو اي ولك حامل راح يجينه نونو..
يالله ..احلى خبر سمعته اليوم ..
فدوة لعمرك حياتي ..
راح اصير ابو امير ...
ههه منو يكول يجوز اميرة ...
نعمه شيجي من الله ..حياتي ..
وحضنتها ..وكتلها يلا ام امير جعت..سوينه عشا بهل مناسبه .. ..
تدلل قلبي ابو اميرة ..هههه
راحت ..
هوف ياللهي هنوب حامل واني صار شهر كاعد ..
والفلوس الي عندي خلصن ...كمت اخذ من امي ..فلوس
وابويه بدة يتناحس عليه ...علمود كاعد بلبيت ...
راح اضطر اقبل بشغل حتى لو بعيد ..
شو الولد يكول هوايه عوائل بي ..
خلي اكولها واشوف ..
تقبل تجي ويايه..
لو ..اروح وحدي ...
وضليت افكر ...
جتي مريم ..
جابت الاكل ..كعدنه ناكل ونسولف ...
كملنه ..كتلها حبي عندي حجايه وياج ..مهمه..
خير ..
خير ان شاء الله ..
اوكف خلي اودي الصينيه واجيك ..
خوش
راحت ورجعت ..
اني كاعد ع الجربايه جتي كعدت كبالي ..
شكو ...
كتلها لكيت شغل ..
اي ..يالله ..
بس ..
شكو ..
لا تكولي بلجيش ..ماقبل ..اخاف عليك ..
ضربته .بشقه.لا ولج ..ياجيش ..
اسمعي نفس شغلي ..بس مو هنا ..محافظات ..
اي شكو بيها ..
وممنوع انزل ..الا انكمل المشرع ..
شنو هاي ..سجن ..
لا
غير عقد حبي
وشراح تسوي
ماعرف ..
اكو قرارين ..
لو ..اروح وحدي ..لو اخذج ويايه ..
.وشون اجي وياك ..
عادي هوايه عوائل هناك ...
ماعرف ..رعد حتاريت ..ترة ..
زين اني توني حامل خاف مو زين ..
لا شعليج خوما راح نروح ركض ..
ضلينه ..نسولف لحد ماتفقنه نروح ..
سوهه..
فرحت اني ..
من فرحتي خابرت الولد بليل وكتله ..اريد اشتغل ..وياكم ..
كلي باجر تعال وجيب فايلك وياك ..وكم شغله ..
كتله ميهم من الصبح يمك ..
نمنه ..
ثاني ..كعدت من وكت ..بدلت ..
حست عليه مريم ..
رفعت .راسها ..كتلها نامي حبي راح اكمل شغلتي ..
طلعت من الغرفه علكيف ..
شفت امي كاعدة ..
ها ماما خيرك ..
والله يامي ..عندي شغل ..
جانت دصب جاي ..الها ..
اكعد سولفلي ..
باوعت ع الساعه بعد..
وكت كلت خلي اكل لكمه ..واسولف الها ..
كعدت كتلها لكيت شغل ..
يالله وين ..
فهمتها مو هنا بمحافظه ولازم ..اروح هناك مدة..
ولك ومرتك ..
صدك ع الخير ماما ..ان شاء الله الولد الصالح ..
كمت بستها وكتلها بوجودج يااحلى ام بلدنيا ..
مريم اخذها ويايه هناك بيوت جاهزة ..
كالت كرفان ..
اي تقريبا ..
هاا ..
انت غير تسال ابوك اخوانك ..شو من حالك تاخذ قرار
يامي راتبها زين ..
ميخالف حبيبي..لازم تسال
بليل اكلهم ..
كملت اكلي ودكيت ع صاحبي ..سلام
جاوب حسهه مال نايم .
كتله راح اجيك ..
وين ..
شبيك نايم ..
اي ولك ..انت كعدتني ..
غير علمود الشغل ..
اي حبي كملت اوراقك اي ..
سلوم ..
ها حبي ..راح اجيب زوجتي ..
هاا لعد هويتها وهلسوالف ..لازم ..
ونسيت شي ..اذا عائله ياخذون منك فلوس من الراتب قطع..
هاا شكد ..
كلي المبلغ ميسوة ..
كتله مو مشكلة راح انسخ الاوراق واجي ..
اوك انتظرك ..
كمت طبيت للغرفه ..
امي تحاجيني ها شصار ..عفتها ومشيت ..
دورت ع الهوية..وطلعت صوت ..ضلمه ماشوف شي ..
كامت مريم ..ها رعد شبيك ..
مابيه نامي نامي ..
بقيت بيها نوم انت ..طيرت نومتي ..
نامي ..طالع اني ...
اخذتهن وطلعت ...
طلعت ورايه مريم ..تعال رعد ..فهمنه كتلها من ارجع ..مع السلامه ..
طلعت احنه عدنه دراجة مال اخويه الصغير ..
اخذتها ورحت استنسخت الوراق ورحت لبيت صاحبي ..سلام
انطيتها اله ..
وكلي بهل يومين ارجع الك خبر شوكت دوامك ..
كتله احضر غراضي ..
شتحضر ..بيوت كامله ..
ادري بيوت كامله خوما نروح بدون هدوم ..
هههههه لا يمعود جيب هدوم الشغل بمنطقه حدوديه وبيها هوى ثلج ..
زين كلبي ..
سلمت عليه ..
وكتله انتظر منك اتصال...
جنه نسولف..بلباب ..
كلي يمعود باردة..والهوى يكص.. تعال طب .جوة نسولف ...
كتله لا اروح ..
يمعود دتعال..
اني ترددت لان صح التقي بي هوايه ..بس مداخل بيتهم ..
قبل ........ضل يلح عليه ..
طبيت ..لبيتهم ..
وللحكايه بقيه
