سوزان المندلاوي
وصلت للبيت ...لميت غراضي ...
من فتحت الجنطه شفت علاكه سلام ...
ااووو نسيت ...
دكيت ..ع الولد ..
كتله اكو امانه ..من سلام الكم ...
كلي اي وين تريد اجيك ..
كتله بكيفك للبيتنه او.للكراج لان راح اطلع هسة ..
كال اجيك للبيت اقرب ..
دليته البيت ..
ورتبت جنطتي..وطلعت يم اهلي ..
كعدت يمهم ...
امي كالت راح تروح ..
اي يمه لازم ...
ليش يابني مناوي تعوف شغلك ..
لا..ماعوفه ع الاقل ملتهي بي يامي ..
اجه ابويه ..
ها راح تروح ...
ي ...
زين ..بس لا انت هنا ونخلص من مشاكلك ولا وانت هناك نخلص متكولي شوكت نرتاح منك ..
اني ضليت صافن عليه...
كتله انت شبيك ..
احسك تشمت بيه وتركص ع جرحي ...انت شنو شلون اب ...
انت عدو الي ...
اخذت غراضي وطلعت ...
ماريد اتواجهه ويا ..
وتاليه يذب الصوج بامي ...
طلعت وامي تصيح ورايه ...
بس بعد مارجع ..
دك الولد عليه ..
كلي جيتك كتله تعال براس الشارع ....
اجاني ...
فتحت الجنطه وطلعت غراضه ...
وسلمتهه بايدة ..
اتشكر مني وسالني وين رايح ..
كتله للكراج ..
كلي تعال اوصلك بدربي ..
لا تسلم اني منا اخذ تكسي ..
تعال هوة بدربي ..
صعدت ويا ..
ضل يسولف وياية ..
سالته انت شتقرب لسلام ..
كلي اني ..صديق اله ..
وهاي الغراض المن ...
الي غير ...
رد كال اني وسلام اصدقاء من الصغر ..ورابين سوهه ..
سالته تعرف ..طارق ..
اندار عليه مين تعرفه ..
كتله ويايه بلموقع ..
كال اي شلون ماعرفة هم صاحبنه ..عليك الله اذا شفته ..كوله ..احمد يسلم عليك ..
ان شاء الله ....
رد كال شلونه شغلكم..انت والولد ..صعب وخطر مو اهناك ..
صفنت عليه ....
كتله تمام ..
اني فتر راسي ...
هوة مو كال لامي ..شنو اله .وليش يسال ع الشغل ...ياخطورة يقصد
وصلت للكراج شكرت منه ونزلت ....
ركبت ..سيارة ...
صعدت ...
مشت بينه السيارة ..بس مردت انام ..كمت اكرهه النوم
ابالي الف قصه ..من الدكمه الى الطفل ..اريد اعرف الطفل منو ...وليش ..جنت اشوفه ...
وصلت ..قريب المغرب ..نزلت يم ابو الاسواق ...
نزلت جبت كم حاجه ...
واذكرت يوم الي شفت الطفل ..
رحت ..مشيت نفس ..ما الطفل دلاني ...
طبيت بقيصريه وعبرت ...ع الشارع الثاني وفتت بنفس الممر الضيق ..وطلعت ع شارع ...
رحت يم ..ابو المخضر ...
وكفت يمه سالته ...
كتله ..اكو هنا بهذا الشارع طفل صغير ووصفت اله شكله تعرفه ...
ضل ساكت ..كلي الف طفل بهل منطقه ليش تسال ..
كتله تذكرني ..جيتك قبل اربعين يوم بليل اسوكت منك ..
ضل صافن بوجهي ..
خويه الي تريدة شنو انت ..وطلع من ورة الميز .منو انت وشنو الي تريدة بلضبط ...
كتله هذا الطفل بيوم الي ..جيت ..لكيته ضياع ..فحبيت اسال لكه اهله ..
كلي خويه ماكو احد ضايع اهنا ابد ..انت متوهم ..
شكرت منه وطلعت ...
ضليت افتر بلافرع بلكي الكاه ..
بس لا شفته ولا لكيته ...
رجعت للموقع...
دكيت ع سلام كتله سلام اريدك بموضوع ...
كلي تعال ...
رحت للبيت طبيت ..
سلمت عليه وكتله ..سلمت غراضك ..حبي
رحم الله والديك ..صوحبي ...
سلوم اريد منك شغله
كول ..
اريداوصل ..لكامرات الابوابة الرئيسيه ....
ليش ...
تكدر تساعدني لو لا ..
ماعرف والله ...
سلام ضروري ...
سهله ..اعتبرها يمك ..
تسلملي ...
يلا اروح اني تعبان اروح انام ..
ورايه دوام باجر ...
بعد وكت ..
لا حبي ...تعبان ...
ماريد اسالك شلونه يومك بس اكولك الله يصبرك..
شكرك سلام بس انت الوحيد الي وكفت وياية ..
لا تكول هيج انت ..اخويه ..
سلمت عليه وطلعت ..
امشي ..
صدفه شفت ..طارق ..صرنه وجهه بوجهه ..
اني مشيت ..
صاحني ..رعد ..
وكفت ..اجه يمي ..
رعد البقيه بحياتك ..
.صافحني ..
اشكرك ..حياتك الباقيه ..
اعذرني اذا صار بيني وبينك سوء تفاهم بس ماقصد اني شي ..بس صارت بعد ..
اني بقيت صافن ..شكوله هسة ..
احتمال اجه يحاجيني حتة يبرء نفسة ..
كتله عادي طارق ....
كال اني جنت نازل لاهلي من صار الحادث لهذا مكدرت ..
اجي اخذ من خاطرك ..
بوكتها سافرت لتركيا سياحه اسبوع ..
ورجعت ..لهنا تعرف اني دوامي لليلي وانت صباحي ..
يعني مصدفت اشوفك بيوم ..
اسف رعد اذا بدر مني شي جرحك ..الله يصبرك ..
وسلم عليه وراح .....
امشي ..وافكر ....
اني ..من دوامه لدوامه مداعرف ..وين اخلي رجلي ياطريق افوت بي مسدود ...
اذا يكول هوة مسافر جان لعد منو ..الي قتل مريم ...
معقوله سرمد ...
او سمراء
او منو ياربي ..تعبت والله تعبت ...
اتصلت امي بيه...
مالي واهس اجاوبها ...
بس كررت الاتصال اكثر من مرة ..
فتحت خط هايمه ..
ها رعد وصلت ..
اي ...الحمدلله صار كومه ...
يمه خوما زعلت من ابوك ..
لا متعلم عليه اني ...
رعد ماما ..لازم تراجع طبيب ..
وضعك ميعجبني ...
شبيه مثلا مخبل ..
لا موهيج ...
بس ..شكلك تعبان ع الاقل ينطيك فيتامين شي ..
يهدي اعصابك ..
بربج يمه مخابرتني ..دتكوللي هيج ..
هذا فوك ضيمي ..
ياابني بالي يمك ..
لا يضل بالج ماكو شي ...
بس تعبان اريد انام ..
زين يمه ..الله وياك ..
سديته ..وصلت للبيت ...
طبيت تعبان ..
سلمت ع الولد ...و
ذبيت ..ملابسي
وبدلت ..ورحت مددت بفراشي ...
نمت شويه دك الفون ...
سمارة ........
جاوبت ..الو
الو ..
رعد شتريد مني ..
سمارة ..اريد اعرف منو قتل مريم ...
ماعرف ومعليه اني ..
كمت طلعت برة ...
كعدت ...
سمارة اتوسل بيج منو ..
احجي ..
بلبدايه تتحارشين هسة ..
تتهزمين مني شكو كولي ..
رعد ..ماعرف ..شي والله ...عوفني ..
انتي كلتي اله اندمك ..
انتي..الي كتلتيها او منو دازة ..
شوفي الفيديو الي اعرف من الي كتلها بعد كم يوم يمي ...
والا افضحه ..واخذ بثاري بايدي ..
مو اني والله ..مو اني ..
ماعرف ماعرف ..عوفني ...
وسدته .....
وللحكايه بقيه ..
