سوزان المندلاوي ...
ضليت واكف ...والولد الي ساعدني ..طلعلي كرسي باب بيتهم ..ومي غسلت ...
وغسلت حلكي جان بي دم ..
متعور ...
شويه شربت مي ...
اجه اخويه ..بسيارة ..
نزل ركض ..عليه ..
ها شبيك يمعود رعد خوما متاذي ...
كتله لا حبي الله سترني ..وكعت ع ثيل ..
خوما تحس بشي لا والله شبيك ..
بس الدراجه متفلشه ..
خله ايده ع خصرة ..
اندار ع الدراجه ..
اتحسر ..
واندار عليه ..
فدوة الك ولا يهمك يمعود ..
يلا كوم خلي نروح للمستشفى ..
يمعود مابيه شي لا تلح ..
رعد كوم هاي الضربات بعدين تبين ..
هسة صواباك حار ..
كتله دكعد ..ماكو شي ..
كال دزيت ع صاحبي هسه يجي ..ونشيلها ....
كمت فتريت داير..مداير الدراجه ..كلت الله الستر صدك ..
زين ما وكعت عليه جان صرت فطيسة ...
كلي متكولي شكد تسوق بيها ..وهيج ..مكلوب ..
والله ماعرف ممنتبهه..
يلا فدوة..
ادري تعير بيه كل شوية فدوة ..
اجه صاحب اخوية..
عندة بيكب ..اتعاونه ..عليها ..وشلناها ..
وشكرت من الولد الي ساعدني ..
وصعدنه ..بسيارة صديق اخويه ..
فبطريق شكال اخويه علاوي ..
كال راح ادزها للتصليح ..بيد صاحبي ..
وامشي وياية لطوارئ ..
لا ماروح ..
تروح ..ترووح ..هنوب حتى صديقه كال ..روح احسن ..
كوة اخذني ...
وصلنه للمستشفى ..
طبيت امشي مابيه شي ..
طبيت جوة بلممر..
اشوف الدنيا مكلوبه ..عياط وصياح ..
وكاع المستشفى كلها دم ..وريحه الزفر تكتل ..
كتله شكو صاير انفجار ..
كلي ماعرف يمكن ..
كتله امشي نرجع يمعود ..مدشوف المستشفى ..مخبوصه ..
علاوي قفل الا ..نبقى ..
سالنه ع الطبيب ..واحد يذبنه ع الثاني ...
لحد ماكالو ..بصاله العمليات الصغرى ..
دلوني بمرر.فتت.بي ...
شفت ..عالم بلباب ..
اخويه كلهم
يابه دكتور اريد ...اخويه سوهه حادث ...بلدراجه ..
كالو جوة ..
انتظر ...
اني طفرت روحي كتله دمشي يمعود شطولتها ..وجلبت ..
دامشي ..جرني كلي خلي نطب ..
فتحت الباب ..من هاي الي ..تفتح اثنينها ...
قبل لا اطب اشوف ..اربع شباب مغطين بس
دم ..واحد ..عيني صارت عليه ..خدة كله طاير ..صفح..مفتوح
والدكتور ديخيط بي ...
رئسا سديت الباب ..كتله انعل ابو المستشفى..
يمه اختنكت طلعت ليبرة بس ردت هوة ..
اجه ورايه يضحك ..عليه شبيك ..
كتله انعل يومك ..راح اذب من راسي ...
فلحرس سالو شكو ..
كل شاف واحد ديخيطون وجهه....وتخربط ..يمكن ويضحك
ضحكو كالو ..
هذول ..متعاركين ..بيناتهم ...
وواحد مشرح الثاني ...
اني جنت مدنج ..وخال ايدي ..ع ركبتي درت. راسي ..
كتله مو شغله رجوله اني ..اذا دجاجه يذبحوها ماوكف ..اباوع ..
كلي خويه تكبسل يفقدون ..
عدلت روحي واخذت نفس عميق ..
كال الحارس شبيكم جاين ...
علاوي كله ..مسوي حادث وردنه نتاكد..
..مدري شحاجه ..صديقه ..
وكال امشو ..
كتله علي راح ارجع شقفلت عليه ..
دمشي خزيتنه ..
والله مشه الولد واحنه وراه ..
طب قبلنه ..
وكال طبو ..
كال هسة يجيكوك ..
شكرت منه ..
وراح ..
كاعد طبيب ..صغير بلعمر ..
سلمت عليه ..اشر اكعد ..
حتى مرد السلام ..
شبيك ..
كتله سويت حادث ..بلدراحه
اي وشيوحعك..عدك كسر ..
اني اباع ع اخويه ...
كتله ماعرف ..
مدري شكتب بورقه ..
وانطاه الي..
كتله شنو هاي ...
كال روح همه يكلولك ..
طلعت ..انداريت ع علي خربان ضحك ..
كلي هذا لو مركوع بوري ..هسة..
لو توة كاعد من النوم ..
كتله لا والله الطب تجارة صار عدنه ...
استغفر الله ..
والله سالت ..طلعت اشعه ..
ر حت سويت ..اشعه..
رديت رجعت لدكتور ..
كال رضوض بسيطه ..
واذا زوعت بليل تعال ..
يابه ليش ..
مجاوب اصلا ..
واني مصدكت اطلع ...
طلعت ..
وكتله امشي ..لا اشرحك ...هنا ..
هلحجي مريم ..كلبت الدنيا ..كل شويه ادك ..
رجعت للبيت تعبان .ومسطور ..
اول ماطبيت ..
الكل طلعلي..خوما متاذي ..امي ..ومريم ..واخويه احمد ..
شبيك يمعود ..
متكد ماكو شي ...
اي والله ..
احمد كال ..مخبل شوكت تعقل ..وعافني وصعد
امي ضلت تسال شونك ..وشبيك ..
عمي ماكو شي ..
هسة اسبح وارتاح ..
هنوب مريم كاضيتها دك ولطم ..
ولج ماكو شي والله ..
طبيت سبحت تعبان ..
وبدة صدك جسمي يوجعني ..اخذت مسكن ونمت ...
محسيت الا دنيا لليل ..
كمت مكسر ...
جسمي يوجعني ..
وكلها نايمه ..حتى مريم ....
طلعت غسلت ..ورحت فتحت الثلاجه ..
جوعان ...
احس احد ورايه ..
درت راسي مريم ..
كتلها خرب بيومج خرعتيني
كالت شبيك ..خوما يوجعك شي ..
اي ..متوجع ..
اجت قريب شكو ..
كتلها كلبي يوجعني ..احبج ..
خرب بيومك..خرعتني ...
لاميت جوعان ..
يمه مات الجوع ..اكعد ..
هسة اسويلك لكمه ..
كعدت ..
كالت هذا سلام الف مرة دك عليك ..
ياا وشكلتي اله..
مكلت شي ..ولا جاوبت ..
ليش..
انت مو متقبل اجاوب احد ...
ي ولج بس هذا ..ابو الشغل ..
واني شمدريني ..
جابت الاكل يمي ..
كتلها اكلي كالت لا ماريد ..
ولج اكلي شويه لخاطر النونو اريدة مدنفش ..
كالت رعد ..
خو.ما يوجعك شي ..
اي شويه عضامي ..
عزة ..
لا ولج عادي ...مال..وكعه ..
لا تخافين ..
حبي من باجر حضري الهدوم وغراضنه بجنط ..
رعد ..كلبي يلعب ...من هلشغل شو اول يوم ..وانت سويت حادث ..
لا حبي اني جنت اسوق سريع ..
خوما كلتي لامي هيج ....
ع شنو..مال كلبي يلعب ...
هاااا لا ..
اي مبينه من الها ...
كامت ع الطباخ سوت جاي ...
مريوم ..ماكو شي حبي لا تخافين ..
وكمت حضنتها ..وكمت ابوس
وتكولي وخر اغار اغار ..
يمعود احنه بلمطبخ ..خرب..
واذا بلمطبخ اريد ابوس ..
رعد شبيك ...مو مسوي حادث ..وجسمك يوجعك ...
لا مابيه شي ..حبي ادلل عليج ..
دوخر راح احترك ..
رجعت كعدت بمكاني ..
وكملت اكل ....واخذنه الجاي وطبينه للغرفه ....
وللحكايه بقيه ..
