سوزان المندلاوي
طلعت ..ركض ورايه..سلام ..
رعد رعد ..اوكف..انداريت ... ميصير انت هيج
عصبي ع كلشي واقل شي شبيك متكولي ...
كتله سلام فدوة لعينك جوز مني ...
يمعود فشلته كدام الزلم ...طيحت حظه
بعد ماحجي كدامك شي ...
اخ الله لو واكع بايدي الا اخرب التفيك مالته ..
بقينه نمشي ..ونححي ...
رعد شبيك مو ع بعضك واعصاب ..صاير وبس تتعارك ..
ماكو شي ..
احجي شبيك ..
اريد اجازة ..مريم موتتني ..طكت روحها اهنا ..
اشوفلك والله ..
بس هيه متدري تتاخر بلنزول ..
تدري ...
لعد شصار ...
ملت ..
لو ما ام ماريا لاجان خبلتني ...
يلا حبي لاضوج هسة اني هم سمارة مرات تنك ..هنه هذا طببع النسوان يانك ويابجي ..
هههه ي والله تكول احنه دماغنه فاارغ ومرتاحين ..
وصلنه ..كلي تعال طب ..
لا اروح
تعال صوحبي ..
صفنت كلت هسة ..ارجع واضل مريم شكو وشبيك ..خلي اكضيلي هنا ساعه ..
طبيت ..
سمارة ..طلعتنه ..
اهلا عيني عاش من شافك ..
اهلا بيج ..
راحت ع رجلها .مدري شحاجته ..
كلها اي ..
طبيت كعدت جوة ...
بقينه اني وسلام سوالف ...
شويه وجابت صينيه عشا ..
كلت هاي شنو يمعود...
يلا انزل اكل ويانه ...
لا شبعان ...سلام كال
دنزل ولك ....تستحي ..
لا ماستحي بس ضايج ..
سالت سمارة شكو ..
كلها ماكو شي ..
نزلت ..بنزلتي دكت مريم ..
الو ..الو
ها وينك ..اني وخاله ام ماريا سوينه عشا تعال ..
لا حبي اكلو انتو ..اني اكلت وي الولد ..
ها ..
ي ..
شوكت تجي
فدشويه ..
سديته وكعدت اكل ...سمارة عينها عليه ..
اني بكلبي اكول هاي شبيها ...
متستحي مو رجلها كاعد ...
ضليت صافن ع سلام ..
مناقصة شي حلو ومرتب ..صح شويه متروس بس مرتب روحه ..
اكيد سالفه..مشاكل ..نسوان بيناتهم ..الله اعلم البيوت اسرار ..
صح اني دائما اسمع شكلك حلو وجذاب ..بس مزوج ..
ودائما يكولون انت احلى من مرتك ..
حتى مريم تكول انت احلى مني ..
شكلي عادي .ومرتب بملابسي وعطري وشعري ....اسمر وطويلي بصخامه ..ملامحي مرتبه ..
مملوحه ..بسماري ..واسوي سكسوكه ..وعندي رصعه ..
داخل نفسي كمت اضحك ..
ع الرصعه ..دائما جنت اسمع ..
فدوة شون رصعات تخبل ..
سلام كلي ها شبيك يمعود ..تضحك ..
لا ولك سالفه ..
دكل اكل ..
داكل شبيك ..
كملت كمت ...
رحت غسلت جوة ...
بلحمام ...
اباوع هاي المرايه شايفها ..وين وهلمغسله والغراض هم وين شايفهم ...
طبت عليه سمارة ..
عزة بعينج طلعي ..
خابرني ..اريد احاجيك بموضوع ..مهم
طلعي ميخالف ...
طلعت سديت الباب ..
خرب ببليسج شنو من جرءة عدها ..
احس كلبي طفر من مكانه ..
المطبخ يصير بطنه الحمام ..
طلعت سلام بعدهه ..كاعد ياكل ..
كتله ادري هذا هم دجاج ..وتمصمص بي ..لو سمج وتكركطه دكوم ..
اي ولك ..عوفني اني هيج ..
ديلا رايح اني ..
لا
ابقى نشرب جاي ..
لا حبي اروح ....
طلعت بطلعتي كام ويايه اوكف ...
غسل واجه ..وين راح كتله ..
كال طارق دك عليه ..
عوفه خلي يولي ..
لا اريد افتهم ..
يلا خويي ..
كلمن راح من مكان .
جو بارد ومغيمه ...حتى الكمر ماكو ...
دك الفون اباوع هذا رقم سمارة ..
جاوبت ..
شتريدين ...
كالت انت شبيك ويايه ...
مابيه ..انتي الي تريدي شنو ..
ماريد شي ..
لعد ..
اريد بس اححي وياك ..
بمناسبة شنو ..
بدون مناسبه هيج ارتاح من احاجيك ..
يابنت العالم ماعرف شنو الي ابالج ...بس مافيدج عيني اول انتي مرت صاحبي .وماكدر اخونه ..
والثانيا والمهم ..اني احب زوجتي ومابدلها ..بالف وحدة ..
مداكولك خون ..بس احجي ..وياك ..
سمارة ....
اني امشي..راح جاي .. حسيت ..واحد ورايه ...انداريت ..
ماكو احد ..
رديت كتلها روحي وبعد لا دكين ترة اصرف وياج غير تصرف ..اندمج ..
كالت متاكد ..
ي ..
خلي نشوف منو يندم منو ...
سديته هاي بطرانه ...
خليت الفون بجيبي ...وايدي بجيوبي
ومشيت هم حسيت خطوات ورايه ....
نداريت شفت خيال واحد بين الكرافانات ..
رحت دورت منا منا ماكو ...
حسيت بخوفة بكلبي ومشيت بسرعه للبيت
وصلت قريب ع البيت ....انداريت ..كلبي يلعب ...
ماكو احد بديرة وجهي تروالي واحد ..واكف بعيد ..
رجعت ..شفت ماكو ..
فتحت الباب وطبيت ..
قفلت الباب ..
باوعت من البردة ..ماكو ..شي ..
جتي مريم ..
شكو ..
ماكو ..انداريت عليها ...
شوكت راحت ام ماريا ..
كالت هسة قبل شويه ...
ها..زين ..
هم فتحت البردة ...اباوع ..
اكو شي رعد ..
لا ماكو بس يمكن شفت شي ..
جتي تباوع ويايه مثل شنو ...
ماكو يمكن واوي ..
رجعت شنو هذا ...
هذا ياكلن البنات ...
وين الله وياكلج ..ههههه..
ولك لا تخوفني اني من الغصفور اخاف ..
لا قلبي ماكو شي ...
رحت للغرفه بس كلبي يلعب ..
كلت بس لا هذا ابو فيكه ..ناوي يغدر بيه ..
مدري سرمد ..مدري سمارة ..
ضليت اتكلب ...بلفراش...
رديت..كمت بعد ماتاكدت ..مريم نامت ..
فتحت البردة ..ماكو شي ...
كلت هاي اني فكري مشوش ..رجع راسي يوجعني ..رحت شربت حبوب ...
وطبيت للفراش...
غفيت ...
نفس الحلم تكرر....هلمرة واكف ...كدام المرايه ...انجرحت .دنجت ..داغسل ..
واشوف ..وسمارة ..ورايه ...
انداريت ..ماكو ..رجعت اباوع ..ع المرايه ...
الجامه تفطرت ونكسرت ..
كمت مخرووع شنو ياربي هلحلم يتكرر...استغفر الله ..يارب خير
اباوع ساعه 3/30...
كمت متسوة انام بعد ...
غسلت ..
وسويتلي لكمه ..
ورحت ع مريم كتلها راح راح اطلع ..للشغل ..لا تكعدين ..
وطلعت ...
جانت دنيا لليل حتة الفجر بعدة مطالع ..بس خيط ...الفجر ..
رحت للموقع ...
وبدة الشغل ..
سلام دك علية ..
كلي حصلت الك اجازة ..
بربك ..
شكد..
اسبوع ..
مشكور ..
لا يمعودتدلل..
خابرت ..مريم كتلها ...
حصلت اجازة ..بنهايه الاسبوع ..
فرحت هوايه ......سديته منها ...
وكملت شغلي .....
زين مشفت احد لا المهندس ولا سرمد ...
رجعت للبيت ....
مريم كلش فرحانه ...
وطبيت شفتها تحضر بغراضها ...
يمعودة موهيج بعد يومين ..
لا رعود فرحانه كلش ....مشتاقه لاهلي ...
ي ..راح ابقيج يمهم ..وا رجع اني ...
لامابقى ارجع وياك ...
وترجعين تونين ..براسي..
لا مو اون بس هذا المكان يخنكني ..احسه سجن ..
ابد مرتاحيت اله ...ولا راح ارتاح بي .......
يلا مريوم سوينه لكمه ...
اي من عيوني ....
بس مسواك خلصنه ...
ميخالف اكل وانام وانزل للسوك ..
تغديت ..وكملت بقت مريت تضحك وتسولف من الفرحه ...
مثل الطفل وكالو الة باجر عيد ...
كتلها حبي راح انام تعبان ...
رحت نمت .............
وللحكايه بقيه ...
