طلعت..شفت امي ..كتلها ..راح اروح بيت اهل مريم علمود نودعهم ع باجر ..مكالت شي..طلعت برةبلطرمه ..انتظر مريم تكمل وتجي ..
طب علاوي من برة..
كتله ها ولك وين جنت ..
كلي يم ربعي ..
ولك ذيب ريحتك كلها جكاير ..
لا..امي تشمك وتكول لابوية شيخلصك ..
هسة اغسل واذب هدومي ..
رعد شون صرت ..
مابيه شي حب ...
صدك وين رايح ..
يم اهل مريم ..علمود نودعهم ..
هاا راح تروح ..
اي ..ادعيلي الله يفتحها بوجهي ..
شلوني وادعيلك..هههههه.اني اريد واحد يدعيلي
.ربي يوفقك ..حتى تصلحلي الدراجه ..
صدك بليل انطيك فلوس ..صلحها ..
هلا هلا ..بصراف ..
طلعت مريم ...علاوي طب جوة ..
اخذت مريم واخذنه تكسي ورحنه لاهلها ..
مريم اهلها ..خوش ناس ..بس مرات امها ضوجني ..وابوها خوش رجال ..ميدخل بشي ..
همه 2بنات ..وولدواحد ..
مريم اكبرهم ..
طبينه سلمنه عليهم...
وكعدنه بلهول ..
مريم كامت بقيت اني وابوها نسولف ..فكتله ...لعمي ع شغلي محجة شي ..رحب بلموضوع ..
شويه وطبت ام مريم
كالت شنو سالفه سفركم ..
كتلها خاله شغل ..
كالت واني بنتي انطيتها الك هنا مو محافظات ..
كلت الها مدة ونرجع ..
اباع ع مريم ساكته ..
كالت رعد تريد روح انت ليش ..دتفرفر بنتي وهيه حامل ..
ابو مريم كال ..ام مريم عوفيهم شلج دخل انتي ...
ادري هيه مو بنتي ...يابو مريم ...
كالت مريم متروح ...
مريم كالت شبيج ماما ..
لا ماما ولا شي ..ادري فوك قلة رزقه هنوب يفر بيج محافظات...
اني كاعد ع اعصابي .....
ابوها وامها ..ضلو يجادولون بلحجي ..كتلها ..
خاله ملخص الكلام شنو الي تريدي ..
الي اريدة ..بنتي متروح
وانت متفكر تكول لازم تروح دكتورة خوما تحليل وخلص....
اني طفرت ..روحي..
كتلها كومي مريم ..دنروح ..
امها كالت متروح ..ومتسافر
حجايه منا ومنا ..
كتلها مريم طالع اني تجين ..
وباجر رايح لشغلي....
ابوها ماقبلاطلع ..كلها بابا كومي روحي وي رجلج ..
وامها تكولها اذا اطلعين ماريدج بعد ..
بقت حايرة ..وتبجي ..
انقهرت عليها ..
رديت طبيت ..كتلها خاله هاي مرتي .واني مسؤل عليها ..ومن تشكي مني بشي هذاك الوكت احجي ..
وهيه بكيفها تريد تجي ويايه او لا ..
وسلمت ع عمي وطلعت ..برة ..احجي وي عمي ..
دقايق وطلعت مريم ..
بوست ابوها ..وطلعنه ..
الطريق كله تحجي ويايه واني ساكت ..
احاول ابرد اعصابي..
احبها ماريد اعصب عليها ...
وصلنه للبيت ..طبيت عادي ..سويت ماكو شي صار ..
رحت للغرفه دابدل اجتي ..
رعد ..
مجاوبت درت وجهي ..
جتي كبالي ..
والله موقصدي هيج يصير ..
كتلها مريم ..ع شنو امج تكول فكر ..
شنو ميته جوع اهنا ..
لو اخذتج ..ابلاش..
لا والله مو قصدها ..
باعي اول مرة واخر مرة اهلج يدخلون بحياتنه ..
اخذج واسافر ..اهج مالهم دخل ..
وماحب شيصيربينه تكولين لاهلج ..زين ..
عفتها وطلعت ..
كعدت يم اخويه بلهول ..سولفت شويه ويا
رديت طبيت ..للغرفه شفتها تبجي ..
بداخلي مقهور عليها ..
بس تصرف امها ابد محلو ..
وهيه غلط منها تحجي كلشي ...
فتحت الكنتور طلعت فلوس ..
كالت
رعد ..
درت وجهي ..ماتحمل اشوفها تبجي ...
رعد اني اسفه ..
موقصدي اضوجك .. ..واخلي امي تتعارك ويا ..عفتها
وطلعت ..
كعدت بلهول ..
اووف راسي يوجعني ..ضليت افرك بي ...
انطيته الفلوس لعلاوي ..كتله صلح الدراجه ..
شبيك رعود ..
ماكو شي سلامتك حبي ..اريد مسكن ..
راسي موتني ..
شبيك راسك ..راسك ..ولك خاف ..الضربه ..
ماعرف ..يمعود احس جاكوك بي ..ويدك
عفته وكمت ..شربت ..حبايتين ..
اجت امي شبيك يمه ..
كتلها راسي يوجعني واذاني هم ..
خاف بلاعيمك ..
مادري ..
ابويه وين ..
هسة يجي ..
خوش اريد احاجي وانام باجر عندي طلعه الصبح .
هسة متكولي شمرت روحك هناك شنو ...
يمه غير رزق ..
الله يفتحها بوجهك ..
مريم وين ..
بلغرفه ..دتحضر الغراض ..
هاا انطيك كم فلس جوةايدك..
لا يمه ماريد ..
شبيك حبيبي احسك ممرتاح ..
ماكو شي قلق ع السفرة ..وراسي موتني..
رعد روح دكتور ..احسن ..
ميخالف ..
طب ابويه ..
كتله الله يساعدك يابه ..
جاوب هلا ..
كتله يابه اني مسافر باجر ..بشغل ..وكمت عليه بوسته ..
ضل يباعلي من فوك ليجوة ..بلكي يصير براسك خير ..
مجاوبت شي ..
رحت طبيت للغرفه ..
بعدها تبجي مريم ..
جريت الفون ..وكعدت اكلب بي ..
جتي يمي ..
رعد عفيه لا ضل هيج اطك اني اذا انت زعلان ..
كتلها كافي لا تبجين ..موزين ع النونو ..
كالت هسة هامك النونو مو اني ..طبني مرض مو
لا ولج اثنينكم ..
عليك الله خوما زعلان بعدك ..
لا حبي
والله
ي
شنو اي ...
احبج ..
كول وداعه مريم ....احبج
دكومي بلا دلال ..اريد انام ..ورانه طريق ..
كامت كالت كملت كلشي ..
كتلها طفي الضوة وتعاي انام ..
نمنه ثاني يوم الصبح ..
كعدت من وكت وكعدتها ...
حتة تحضر غراضها وتبدل ..
طلعت ..كلها نايمه حتة امي ..
اباع ساعه 6..
خرب واحنه بلتسعه طلعتنه ..
كلت هاي هلكد ما براسي ..الشغل كمت مثل المخبل ..من وكت
المهم كعدت من وكت احسن ..
كامت مريم ..
كالت رعد ب6
ادري يلا سويلنه ريوك ..
تريكنه ..كملنه
صعدت ع اخويه احمد شفته كاعد سلمت عليه ..ونزلت
دكيت ع سلام ..
ها خويي شوكت نطلع ..
كال كمل كلشي وتعال ..بيتنه نطلع منا لان السايق يجي لهنا ..
خوش..
طبيت ع مريم كتلها يلا حبي ..
شبيك يمعود بعد وكت ..
رحت عليها بستها ولج فرحان ..
يا ب دومك يلا هسة اكمل ...
انتظرت امي تكعد ..وابويه سلمت عليهم ..
وطبيت ع علاوي سلمت عليه وطلعت ..
واكيد امي ..ضلت تقرهه ايات وتنشر ..
ودعناهم ..وشلت الجنط وطلعنه ..
امي طشت ورانه مي ...
مشينا مسافه قليله ..وطلعنه ع الشارع ..اخذت تكسي لبيت سلام ..
مريم كالت هاي وين رايحين كتلها ..هناك نجمع ..ونطلع ..
منو هذا ..
صديقي..
سكتت..
وصلنه ..دكيت الباب طلعنه سلام ..
مبدل ومحضر نفسه ..
نزلت الجنط ..
ونزلنه ..كال طبو جوة نتاخر شويه ..
طبيت..
طلعت مرته سلمت علينه ..
وضلينه كاعدين ..
مريم ماحجت شي ..
عكس سمارة ..ضحك وسوالف وشقه ....
مريم بس تخزر بعيونها ..ممرتاحه ..اعرفها ...
كامت سمارة جابت عصير ..وكيك ..
اتفضلو عيني لا تستحون ..
ابتسمت بوجهها ..شكرا ..
اندكت الباب ..طلع سلام .....
طب ..ويا ولد ...
وللحكايه بقيه ....
