.....سوزا المندلاوي ......
فتحت .عيني اريد احرك ..جسمي ماكدر احس نفسي ..
مربوط ..
اريد اجر ايدي ...
ماكدر ..ايدي ورجلي مربوطه ...
اني وين ...
منو هنااا ..
اجتي سمارة ..
انتي اي ...انتي كتلتي ..مريم ..
انتي وباسم ....
الا انتقم منكم ..هدوني ...
كمت اعيط فتحيني ...
فتحي ايدي ...
رعد اشششش اسكت ...
اسكت دمرت حياتي ...دمرتني ...
اني زوجت سلام ..اعز صديق الك حتى انتقم منك ...
اني
اي انت ..ليش ..اخذته مني ..اني حبيته ليش ...
انتي شنو الي تريدي ...
ليش هيج تسوين ويايه ...
انت تعرف ..
شنو ..الي اعرفه احجي ..
اسكت ..لا تعيط ...
اجه ..باسم ...
هذا ..الي قتلهم مو ..
لا ...
باسم ..كلي ..انت ليش تنكر وجودنه ...
يا وجود ..هذا ..شبيكم انتو شنو الي تريدو مني ...
الى متى اضل هيج انت ماعرف تضحك علينه لو على روحك .....
رعد اصحى ....شبيك ...
انتو شبيكم ويايه ..الي تريدو شنو ...
سمارة كالت ..لباسم ..شغل الفيديو ..خلي يشوف منو الي كتل ..مريم ..وكتل سلام ...اكيد ...
شغل ..السيدي ...بلابتوب خلو كبالي ...
كعدت اباوع ...ضلمه ..
شنو هسة مفتهمت شي ..
اسكت وباوع ..
اجه واحد يمشي ...بيدة علاكه ...شمر هدوم بلحاويه بس مو واضح شكله ..
شبيكم هسة اني شفتهمت ..
قربي الصورة سمارة خلي يشوف منو ..
قربت الصورة ...وكفتها..
هذا ..منو ...هذا ..
هذا انت ..شنو متعرف روحك انت انت ...
لا يستحيل هذا الفيديو تركيب ...
انتو لاعبين بي ..
زين الفيديو تركيب ...
والوشم ...
يا وشم..
جناح الملائكه ...
شبي ...
راسي ..اخ ..
كوموني ..للحمام ...
باسم جر هدومي ..كلي شوف ..
جسمك ...
لا لا ..هذا جنون
هاي انتو هيج سويتو بيه ..
اطلع ...مريض ..مخبل ..
رجع شمرني ع القنفه ...
انت كتلتهم بس ليش ...
تريد تنتقم مني ...شسويت الك اني ..
هوة قضاء وقدر ...
فوك ماعفتني ..وعذبتني ...
جيت اخذت مني سلام ...
انتي شدتحجين ..
كامت تعيط بوجهي ...
رعد اني مرتك جنت ...
غمضت عيوني وفتحتها ..اريد اصحى اريد اعرف هذا شنو الي بي اني ...
شبيهم ويايه ...
اني مرتك ..جنت ..
وهذاخالي انت تعرفه كلش زين ...
وجان عندي طفل منك ...
اذكر ...
ليش دتنكرني ليش ...
ياطفل ...
ابنه اني وياك ..
اني ماعرفج ..
جابت ..الفون ..
كالت هذا ابنه ..اني وياك ..هذا طفلنا ..فهد..
هاي صورنه ..اني وياك شووف
هذا الطفل اعرفه شفته مرة ..وشفته هوايه باحلامي ...
لا لا كافي ..كافي ...
اذكر ..حبنه بلمراهقه ..اذكر ..رعد..
اني جيرانكم ..
اذا مصدك بيه اسال امك ..ابوك
اخوك احمد ..علي ..اختك ..
افتحي ايدي ..اريد اتصل بامي ..
اني اتصل الك ..
جرت الفون من جيبي ..ودكت ع امي ..
جاوبت فتحت سبيكر ..
الو
هلو يمه شونج ..
الحمدلله
وانت ..
برحمه الله ..
ماما ..سمراء ...منو..
رعد ..شبيك..ماما..
شرجعك ابني ...
دتاخذ علاجك لو لا ..
كمت ابجي ..يا علاج امي ..
مال حاله نفسيه ..
اي .اخة
شبيك حبيبي ...مو كلنه شدة وراحت ..
رعد ارجع ..كتلك لاتروح ..
رعد مو داحجيك ..
اي امي ..راجع ..
اني منو .....منوووو
رعد ..ليش كتلتهم ليش..بس كولي ..ابوس ايدك ..
بقيت ساكت ..
احس الم ..براسي قوي ..ويا دوخه ...
غمضت عيوني ..
شفت ..نفسي ...اني كاعد بسيارة ...
وجانت سمارة ..بلكراج ...
دتخابر اهلها ...
رجعت بك ....
حسيت ..صعدت ع شي ...
كلبي وجعني ...
سمارة فهد وين ..
مو يمك
لا ...ولج وينه ...
فهد فهد بابا ..
نزلت ..شفت ..ابني ..فهد...جوة السيارة ...ميت ...
لا لا ..لا.....
دخلت بضوة ثاني ...
دنيا مطر ..اني منكع ...
مريم ..فتحت الباب ...
حضنتني ...
اني ضربتها ..بسجينه ...
لان رادت تكتل ابني ..ابطنها ..اي ...تكتله بس يجي للدنيا ...وتحرمني منه ...
سلام ...رحت لسلام ...
راد يقتلني..هوة الاول ..
بس مثله مثل سمارة ..ومريم ..لازم يموت ...
كلهم كتلو ابني وحرموني منه مو اني قتلته ..
اهمالهم ..كتله...اييييي...
اذكر امي ..تكولي ..ابدة حياه جديدة ..رعد لاتنسى علاجك ...علاجك ...
علي يكولي ..رعد ..اخاف من ضربه راسك لا ترجعك ..للبلاوي ..
ابويه ..يلوم بيه ..يكولي انت قتلت ..طفلك ...
اشوف نفسي واكف ع قبر ابني ...وابجي..
واكوله الا انتقم من الي كتلك ....
مو اني مو اي ..همه كتلو ..همه ...
اني منو ...
وللحكايه بقيه ..
