سوزان المندلاوي
سمارة ..سمارة ..
سدته ...
هيه ماكو غيرها ..هيه وخالها باسم ...
مضل شي واشوف الفيديو ....
واعرف منو القاتل ...
وانتقم بايدي ...
طارق انشطب ..
بقى سرمد ...اتاكد منه ..و
سمارا وخالها ...
رجعت صدك تعبان ..وميت ..تعب ...
بس اريد انام ..
خليت راسي ...نمت محسيت الا ثاني يوم...
طلعت لشغلي ...
شفت سرمد ...
سيارته مشتغله وعايفها ...
صعدت كلبت بلغراض ...ماكو ...شي ..
بس لفت انتباهي ..ع الدشبول صورة لعائله ...
جريتها ..هذول منو ...
اجه سرمد ..شدسوي هنا ...
هاا.مو شفت السيارة مشتغله ..عبالي صار بيك شي ...
انزل ..
هاي صورة شسوي بايدك ..
هيج داشوف منو ..
انت مو سمحلك ..تلعب بخصوصياتي ...
اسف مو قصدي ..
هذول اهلك ..
كتلك لا تدخل ..انت شعليك ...
اعصابك نازل ..
يلا يلا ..
اكولك لا تشمر بلحجي ..كلي
تقبل اني اصعد بسيارتك واللعب بغراضك ..وشي يخص زوجتك ..
طبعا لا لان زوجتي ميته ..
واني هم اهلي كلهم ماتو ..
اني كلي هيج ..
احس حيلي نهد ..
ليش..وشلون ..
اجه صعد يمي ..
عراقك يعرف ليش ..
هذول اهلي ..كلهم فقدتهم ..
بعرس ..
اي ..
عرس ابن عمي ..واني جنت هنا بشغل ..
اي ...
وماتو ...
شلون ...
كام يعيط شنو شلون ...
بانفجار ..
كلهم ...بيوم واحد ..خسارة وحدة ..وتسالني ...
انزل يله ..انزل ...
نزلت مصدوم منه ..هذا مخبل عقله مو صاحي بي شي ..
فشفت ولد كلي شبي ..سرمد يعيط ..عليك ..
كتله ..ماعرف ..
كلي عمي انت شتريد منه ...
ترة الرجال مريض
شبي ..
بي كأبة ...اسم الله عليك ...
هاااا ..ليش
هذا اهله بيوم واحد ماتو مضل منهم نفر ...
اي ..الله يرحمهم ..كلهم ...
مالي دخل بي ...خلص ..
عفته ورجعت لشغلي ...
هذا سرمد ..
هم انشطب ..
مابقى بس ..سمارة ...
كملت شغلي ...ورجعت ..
اتصلت بسلام اكدت عليه ع الشرايط ..
كلي اليوم بليل يمك ...
انتظرك ..
اكيد حبي ..
سلام عليك الله ماريد اي احد يعرف ..حتى زوجتك ..
ليش ...
احسن فدوة ..
اصلا متعاركين صار يومين ..
خير شكو ..
يمعود سالفه ...
احجي عليك الله ...
رعد اريد اصير اب ..متقبل ..تخلف ..
ليش ..ماعرف ..
هاي شنو خاف بيها شي ..
لا صوحبي ..وديتها طبيبه...كلشي مابينه اثنينه ..
خاف علمود شغلك هيج ..
مادري ..والله تعبتني ..
الله يعينك ترى هذا رزقك من الله ..
اي صح ...
يلا رعد اشوفك بليل ..ان شاء الله ...
رجعت للبيت تعبان ..اكلت لكمه .ونمت ...
حسيت ..نفسي ..بلمقبرة بس دنيا لليل ..
امشي ..وارجع لنفس المكان ..
كمت اركض بس اريد اطلع .وهم ارجع لنفس المكان ..
وكعت ..ع وجهي بلكاع ...
رفعت راسي ..
شفت ضل رجال ...
واكف ...
كمت ..مشيت يمه ..شفت ..ظهرهه ..
داك وشم ..ع جتفه ...
اريد الزمه ماكدر ...
تقربت منه شفته ديحفر ..كبر ..
واكو جثه ممدة بصفه ..وكفت بجهه المقابيله ..
اريد اشوف منو شفت نفسي ...مدد اني الجثه
فزيت ..من نومي ...
مخروع ومخنوك ...
اريد انام مثل العالم اريد ارتاح ..
استغفر الله ..تعبت ...
اباوع ..
ماكو احد يمي ..
كمت غسلت ...وكعدت ..
طلعت الدكمه ضليت اباع عليها ....
دك الفون فزيت ..
جريته شفت سلام ..
هلو سلام ..
هلو رعود ..شبيك ..
مابيه توني كعدت من النوم ..
جبت الشرايط ..
اي ..
بربك ..
ي شبيك ..
هسة ..جبته ..
ولك وسمارة ..
مو هنا ..
لعد وين ..
خالها اجه وراحت يمه ..سوتها حجة ..
هااا.....
باع راح اغسل ..وابدل واكل لكمه واشغلهن ..
اشوف ...شنو بيهن
اذا تريد تعالي ..بدربك اريد باكيتين جكاير ..
ولك مين اجيبلك ..
هاي شبيك ..
ابو سيف يبيع ..تعرفه مو ابو الكارتات ..
خوش ...
بين متكمل اني يمك ..
اوك حبي انتظرك ..باي ..
باي ..
اخ راسي ..وينه الزقنبوت ..وينه .
..
كمت اخذت دوة ..
وبدلت وطلعت لسلام ..اذكرت الجكاير ...
رجعت جبت اله ...
شفت خال سمارة يم ابو سيف سلم عليه ..
اني عادي رديت السلام ..
واخذت الجكاير وطلعت ...
صاحني ..رعد ..
نعم
شو كالب الخلقه ..
ع شنو ..
ماعرف اسال نفسك ...
شنو بعدك متأثر ..بموت زوجتك هه..
انت شتقصد ..
هيج سلامتك ..
عافني ومشة ..
رحت ورة ...جريته شتقصد ..
سلامتك شبيك ..
هم راح تتعارك ويايه ..
شبيك ..ولك احجي عدل ...
دمشي يلحساس ...
عافني وطب لكابينته .....
هذا شيقصد ...
رحت ..ركض ...
بس لا اخذ الفيديوات ...
وصلت اشوف هوسه ...
بكابينه ..سلام ..
سالت ..شكو ..
محد يجاوب ...
ولكم شكو ...
طلعلي ولد اعرفه كلي سلام نقتل ...
وكعن من ايدي الغراض شنو ....
سلام مقتول ...........
وللحكايه بقيه ...
