Dreams Can Be Nightmares
--
We missed you so much. Please, come back home.
Napabuntong hininga na naman ako. Hindi ko nga alam kung ilang beses ko nang ginagawa 'yon. Si Mama...nag-reply siya. Miss ko na rin sila.
Pero ayokong umuwi. Ginagawa ko 'to para sa sarili ko. Call it selfish pero ayokong sila ang magpagalaw ng buhay ko, lalo na si Papa. Babalik naman ako, eh. Pero hindi pa ngayon. At saka...nandito na ang buhay ko.
Bumangon ako at napatingin sa oras ng phone ko. Madaling-araw pa lang. Yung totoo, bakit lagi akong nagigising ng ganitong oras? Kaunti na lang maniniwala na 'kong may multo rito.
Pagkatapos maghilamos at magsuklay ay lumabas na 'ko ng kwarto. Napakunot pa ang noo ko nang mapansing bukas ang pinto ng kwarto ni South. Sumilip ako kahit madilim pero wala siya. Mukhang may kasama na naman ako, ah.
Pagpunta ko ng kusina ay naabutan ko siya na nakayuko sa lamesa. Medyo messy pa ang buhok niya at halatang basta-basta na lang itong lumabas ng lungga niya. No cellphone, no coffee, no canvass, wala lahat. Sarili lang niya. "South?"
"Hmm..." Mahinang ungol niya. Hindi ko alam kung inaantok siya or what. Mula sa pagkakayuko ay sumilip siya sa'kin. Nakita ko na naman yung blue niyang mata. "Ma'am."
Nag-start na akong magtimpla ng gatas, magpapaantok ako. Gusto ko pa matulog at baka magmukha akong haggard mamaya sa school. "Gusto mo ng coffee?"
"Milk na lang din." Sagot niya habang nakasilip sa ginagawa ko. Tapos yumuko na ulit siya.
Pagkatapos kong magtimpla ay umupo ako sa tabi niya at inilapag yung milk namin. Hindi naman siya umimik. Napakamot ako sa leeg ko at tahimik na ininom ang drink ko. Maya-maya, kahit nag-aalangan ay dahan-dahan kong pinatong yung palad ko sa likuran niya at hinaplos ito. "Okay ka lang?"
"Hm-mm." Maikling sagot niya. Tumingin siya sa'kin at ngumiti ng tipid. Napaiwas tuloy ako ng tingin pero hindi ko inaalis ang kamay ko. Ganda talaga.
Kinuha niya yung kamay kong humahaplos sa likuran niya at niyakap ito na parang bata, sinisiksik niya kasi yung kamay ko sa mukha niya habang nakayuko. Napalunok tuloy ako. Ang init ng hininga niya at saka ramdam na ramdam ko yung lips niya sa balat ko.
"South?"
Huminga siya ng malalim, nakatitig lang siya sa'kin habang panay ang pagdikit ng lips niya sa knuckles ng kamay ko. Ano bang trip nito? Pero may napapansin pa 'ko, eh. Parang bothered kasi ang expression niya, mukha rin siyang inaantok pero bakit hindi pa siya natutulog?
"Yung gatas mo, baka lumamig na." Sabi ko. Ginamit ko ang isang kamay para uminom. Nag-straight body naman siya ng upo at kinuha na ang inumin niya. Ginamit niya yung free hand niya kasi hawak niya pa rin ang kamay ko.
Well, hindi naman ako kokontra kasi ang lambot ng kamay ni South. Sarap humawak. Minsan lang 'to maging mabait!
"Bakit gising ka?" Tanong niya makalipas ang ilang minuto. Panay lang kasi ang pag-inom niya.
Pinunasan ko yung gilid ng lips niyang may milk bago magsalita. "Naalimpungatan lang. Ikaw?"
Nagbaba siya ng tingin, medyo namumula ang pisngi niya pero hindi ko alam kung bakit. Napatingin ako sa lower lip niya nang kagatin niya 'to. Napalunok ako.
"Nanaginip ako ng hindi maganda..." Kumunot ang noo niya bago nagbuntong-hininga. Lalim, ah. "I mean...uhm..."
"Hm? Tuloy mo lang." Pagpu-push ko sa kanya. Para kasing nahihirapan siyang mag-explain.
Humigpit ang kapit niya sa daliri ko. Feeling ko hihimatayin ako nang kinagat-kagat niya ang daliri ko.
Yung totoo, South, inaakit mo ba 'ko?
"I had a nightmare, but...I don't know. Gusto kong ipagpatuloy yung panaginip ko kasi nandoon siya pero natatakot ako. Kaya pinipilit kong gumising."
"Sinong siya?"
"My mother." She sighed. Lumungkot ang ekspresyon ng mukha niya. "I missed her. But I'm so afraid that I choose to forcefully wake up myself sa tuwing mapapaginipan ko siya."
Natahimik ako. Binaba niya ang kamay ko. Saka ko lang napansin na nanginginig na ng kaunti ang kamay niya, nanlalamig din ito nang hawakan ko. "Gusto mo pa bang bumalik sa pagtulog?"
Nanigas siya sa tanong ko. Pero saglit lang 'yon. Umiling siya at bumuntong-hininga na naman. "Gusto ko, pero baka managinip na naman ako," Napayakap siya sa sarili niya."Natatakot ako."
Hindi ko talaga alam kung anong tamang gawin sa ganitong situation. Medyo nangangapa kasi ako sa personality niya, hindi ko alam kung paano ba siya ico-comfort, kung paano ko pakakalmahin ang isip niya...kung paano ko tatanggalin ang takot niya. Hindi ko rin alam kung paano ko siya pangingitiin.
Ganito ba talaga kapag gusto mo ang isang tao? Nagiging concern ka na sa feelings niya?
Kahit hindi ko alam kung tama...tumayo ako, hinawakan ang likuran ng ulo niya at inilapat ito sa tiyan ko, bumaba ang kamay ko hanggang balikat niya at hinapit siya palapit sa'kin. Medyo natigilan pa siya, pero unti-unti niya ring iniyakap ang kamay niya sa baywang ko. Hinaplos ko ang buhok niya. "Huwag ka nang matakot."
Iyon lang ang kaya kong sabihin. Ang silly, pero wala, eh. Ano ba naman kaya kong gawin para sa batang 'to? Nakakabobo pala yung ganito.
Humigpit ang pagkakayakap niya. "Will you...sleep with me?"
"Sure."
Natigilan ako.
Wait.
A...anong tanong niya? Pumayag ba 'ko? Matutulog kami...ng magkatabi?
Napalunok ako. Magaling, Jade, sagot ka ng sagot. Hindi ka marunong mag-isip!
Oh, well. At least makakatabi ko siya. Winner!
Hindi na namin naubos ang iniinom namin dahil nag-aya na si Bata na pumuntang kwarto niya. Halatang antok na antok na siya dahil panay na ang paghikab nito. Ako rin naman inaantok na, pero napapalunok talaga ako kapag naiisip kong magtatabi talaga kami.
Hindi ko naman siguro siya magagahasa, 'di ba? Kailangan ko na yatang magdasal.
Pagkapasok sa loob ng madilim niyang kwarto ay nilibot ko pa rin ito ng tingin. Medyo nakikita ko naman since nakakapag-adjust na ang mata ko. Mukhang mahina lang yung aircon kasi hindi gano'n kalamig pero ayos na rin. Katamtaman lang. Hinawakan niya 'ko sa kamay at hinila papuntang kama.
Umupo siya at sinilip ang mukha ko, kahit madilim pansin ko pa rin yung bothered expression niya. "Sorry. Nakakaabala na ba ako?"
"H-hindi, okay lang." Ngumiti ako. "Promise, okay lang."
Chance ko na kaya 'to! Yay, ang perv talaga ng dating.
Humiga na siya, umusod siya kaunti pakaliwa at tinapik yung kanang part ng kama at dahil masunurin ako ay kaagad na akong humiga. Medyo may space nga lang sa pagitan namin. Nahihiya ako, eh.
Tumagilid siya ng pagkakahiga kaya nakatingin siya sa'kin. Tumagilid na rin ako, bale, magkaharapan kami. Napansin ko yung pagkunot ng noo niya. Problema?
"Ang layo mo."
Lumapit ako sa kanya, hanggang sa halos magkapalitan na kami ng hininga. Hindi naman siya nag-react so ibig sabihin okay lang sa kanya. Amoy na amoy ko ang hininga niya, amoy milk. igla akong nauhaw. Kakainom ko lang ng gatas tulad niya pero parang mas gusto kong tikman 'yong nasa labi niya. Iba na 'to.
You've gone mental, Jade.
Inalis ko muna 'yon sa isip ko at baka kung ano pang magawa kong kahalayan. Instead, niyakap ko na lang siya sa baywang niya at hinapit pa siya palapit. Mukha namang nagustuhan niya ang ginawa ko kasi sumiksik pa siya sa leeg ko. Napangiti tuloy ako, para kasi siyang bata.
"Matulog ka na."
"Hmm."
Naramdaman ko yung kamay niyang pumatong sa baywang ko, pati na ang paghinga niya. Hinapit niya ako palapit. "Ma'am."
"Hm?" Lagi na lang akong tinatawag na Ma'am.
Matagal bago siya sumagot. "Wala."
Feeling ko may gusto siyang sabihin pero hindi niya alam kung pa'no siya magsisimula. Feel ko lang. Mas okay siguro kung ako nang magtatanong? "South—"
"Maniniwala ka ba kapag sinabi kong nakapatay na 'ko?"
Ito na ba 'yon? Ito na ba ang tamang oras para magtanong? Pero baka kasi maging mailap na naman siya. Baka mag-isip siya ng kung ano. Ayoko naman ng gano'n, lalo na't unti-unti na siyang nag-o-open up sa'kin.
Hindi ko siya sinagot. Instead, iniharap ko ang mukha niya sa'kin at hinalikan siya sa noo. Nginitian ko siya kahit madilim. "Matulog muna tayo, ha?"
"Okay." Sumiksik ulit siya sa leeg ko.
"Sleep well, South." Sabi ko sa tonong inaantok. Gusto ko nang matulog. Nakapikit na ang mata ko at bumibigat na rin ang talukap nito.
"Ikaw rin...Jade."
_____