Dean's POV
Habang naglalambingan--este nagkukulitan kami ni Jema biglang sumulpot si Fhen
"J-Jema"
Napaupo ako sabay tingin sakanya
"Fhen, bakit?" tanong ni Jema
"A-Ahh, dinner muna tayo, nakaready na kasi yung dinner" sagot ni Fhen
Sakto! Nagugutom na ako!
Tumayo ako at inalalayan kong tumayo si Jema
"Tara" aya ni Jema
Habang naglalakad kami papunta sa restaurant nagsalita si Fhen
"Jema, bukas 9 AM yung meeting natin"
"Okay" sabi ni Jema
Oo nga pala, hanggang anong oras kaya sila bukas??
Tumingin ako kay Jema
"Babe, hanggang anong oras yung meeting nyo bukas?" tanong ko
"Ah, baka hanggang 5 PM, hindi ko sure, depende" sagot ni Jema sakin
"Ibig sabihin mag-isa lang akong mamasyal bukas?"
Kinurot ni Jema yung pisngi ko
"Kaya magbe-behave ka, okay?"
Ngumiti ako
"Okay B!" sabi ko
"*Ehem! A-Ano, mauna na pala kayo, m-may kukunin lang ako sa hotel" paalam ni Fhen pagkatapos umalis na sya
Napangisi ako
Selos ka lang eh!
"Nagselos yon" sabi ni Jema, nakatingin din sya kay Fhen na naglalakad palayo
"Talagang magseselos yon, pogi ba naman ng ipinalit mo eh, tapos sweet pa" sabi ko
Tumingin sya sakin
"Ang kapal talaga ng mukha mo!"
Natawa ako
"Hahah! Honest lang!"
"Ewan! Tara na nga, nagugutom na ako eh" sabi nya pagkatapos nauna na syang maglakad
Pagdating namin sa reastaurant agad akong kumuha ng pagkaen, syempre pinagsilbihan ko uli si Jema
Sweet ko diba? Heheh!
Habang kumakaen kami ni Jema nakita kong pumasok si Fhen, kasama na nya si Jen
Halata yung lungkot sa mukha ni Fhen
Ano kayang nangyare? Nag-away ata sila??
"Dean" tawag sakin ni Jema
"B-Bakit?"
"Gusto kong uminom bukas ng gabi, inom tayo? Last night na natin dito bukas kaya gusto kong sulitin"
Bigla kong naalala yung nangyare samin ni Jema nung huli syang nalasing
"W-Wag na.." sabi ko
"Bakit naman? Iinom lang naman, chill lang"
"Ayoko"
"Hala... bakit?!"
Inilapag ko yung kutsara ko pagkatapos napakamot ako sa sintido ko
"Basta Jema, ibang klase ka kapag nalalasing eh!" sagot ko
"B-Bakit? Ano ba ako kapag nalalasing ako? Wala naman akong ginagawa"
"Wala daw..." bulong ko
"Ano?"
"Wala! basta..."
"Teka lang, may tinatago ka ba sakin? May ginawa ba ako nung nalasing ako??" tanong nya sakin
Napalunok ako
"W-Wala" sagot ko
"Wehh? Parang meron eh..."
Taena, baka mamaya kulitin ako nito...
"Ganito nalang, sasamahan nalang kitang uminom, pero please lang Jema, wag kang magpapakalasing ng sobra" sabi ko
"Oo na, chill lang naman" sabi nya
Napatingin ako kay Fhen at nahuli ko syang nakatingin kay Jema
Sige, pagmasdan mo lang yung sinayang mo... mamatay ka sa selos...
Kumuha ako ng ulam at inilapit ko iyon kay Jema
"Ahh" utos ko sakanya
"Ha??"
"Kainin mo to"
"Ayoko nga! Busog na ako"
"Nakatingin si Fhen" sabi ko
"T-Talaga?"
Tumango ako
Isinubo ni Jema yung pagkaen kaya napangiti ako habang nakatingin kay Jema
Siguro ganitong-ganito kami ni Jema kung sakaling maging kami... pero alam ko naman na malabong mangyare yon...
"Bakit ganyan yung tingin mo sakin?" tanong nya sakin
"Bakit bawal ba?"
"Pwede naman, pero wag kang maiinlove ha" sabi nya kaya natawa ako ng mahina
Yun na nga eh, mukhang naiinlove na nga eh..
Pero siguro naman pwede pang mapigilan to diba??
"Sabi ko naman sayo diba? Hindi kita type" pagsisinungaling ko
"Dapat lang!" sabi nya
"Basta yung usapan natin ha, ilalakad mo ako kay Carly"
Parang natigilan saglit si Jema
"S-Sinabi ko ba yon?"
"Jema naman, kakasabi mo palang kanina eh!" sabi ko habang nakanguso
"O-Oo na, joke lang eh, ilalakad kita sakanya" sabi nya sabay ngiti
Maya-maya pumunta na kami sa hotel, inaantok na din kasi ako
KINABUKASAN...
Wala na si Jema nang magising ako
Tumingin ako sa orasan ko
10 AM na pala, napasarap yung tulog ko ha...
Tumayo ako at naglakad papunta sa balcony pagkatapos nag-unat ako
Hays! Ano kayang gagawin ko habang wala si Jema??
Maya-maya naghilamos na ako, nagpalit na din ako ng damit
Napagpasyahan ko kasing bumili ng mga pasalubong para sa pamilya at kaibigan ko pagkatapos kong mag-almusal
Ilang oras pa yung lumipas, nandito ako ngayon sa bilihan ng mga souvenir, medyo mahal pero okay lang, minsan lang naman to
Bumili ako ng mga tshirt at mga pagkaen.
Dahil nalibang ako sa kakapili ng mga pampasalubong hindi ko namalayan yung oras
Tumingin ako sa orasan ko
4PM na pala, grabe! Ang bilis ng oras, nakabalik na kaya si Jema sa hotel?
Makabalik na nga muna sa hotel, siguro naman tama na tong pinamili ko, medyo mabigat na din kasi
Pagbalik ko sa hotel nagpahinga muna ako
Wala pa dito si Jema, ang tagal naman ng meeting nila! Nababagot ako kapag wala sya eh!
Nagpahinga muna ako, makalipas yung isang oras lumabas uli ako para maglakad-lakad
Habang naglalakad ako nakita ko si Jema at si Fhen na magkasama
Kumunot yung noo ko
Saan sila pupunta??
Sinundan ko silang dalawa
Nagtago ako sa poste pagkatapos sumilip ako, nanlaki yung mga mata ko dahil sa nakita ko
Nakita ko silang naghahalikan...
Napalunok ako
Napahawak din ako sa dibdib ko
Oo na, nasaktan ako dahil sa nakita ko, alam kong wala akong karapatan dahil amo ko lang si Jema, pero... pero ang sakit pala...
Ilang sandali lang at natagpuan ko yung sarili ko na naglalakad palayo
Nakatulala lang ako habang naglalakad
Magiging masaya na sya ngayon...
Okay na din yon, ang mahalaga ay yung masaya sya..
Napahinto ako sa paglalakad at napansin kong nasa harap pala ako ng isang bar
Naglakad ako papasok pagkatapos umupo ako, may lumapit naman sakin na waiter
"Sir, ano pong order nyo?"
"Isang bucket na Smirnoff" sagot ko
"Okay po!"
Napatingin ako sa stage, meron kasing kumakantang banda doon
Maya-maya lang at dumating na yung order ko kaya nagsimula na akong uminom
Naalala ko yung una naming pagkikita ni Jema kaya napangiti ako
"Kinaen ko yung lahat ng sinabi ko dati... akala ko kasi hindi ako maiinlove eh..." bulong ko sa sarili ko sabay inom ng alak
Napailing ako
"Grabe! Ngayon ko lang to naramdaman... maiinlove na nga lang don pa sa taong may mahal ng iba..."
Huminga ako ng malalim
Nakakainis!
Ilang minuto pa yung lumipas at nararamdaman kong may tama na ako
Biglang may babae na umupo sa harap ko
"Hi! Mag-isa ka lang ba?" tanong nya sakin
Napangisi ako
"May nakikita ka ba na may kasama ako? Hahah! Kung meron baka may third eye ka miss?" pamimilosopo ko
Natawa sya
"Nakakatuwa ka naman, joker ka pala..." sabi nya
Pinagmasdan ko yung mukha nya
Maganda din naman sya
"Hindi naman, heheh! Ano nga palang kailangan mo?"
"Wala, pwede naman sigurong umupo dito diba? Makikipagkwentuhan lang"
Napanguso ako
"N-Naku miss! Baka magselos yung gf ko, heheheh! Selosa pa naman yon, baka masampal ka non!"
"H-Ha? May Gf ka pala, sorry!", aalis na sana sya kaso pinigilan ko sya
"Wait! Hahahah! Joke lang, wala pala akong girlfriend, hahah!" sabi ko sabay kamot sa ulo ko
"Yung totoo?"
Umiling ako
"NGSB!" sagot ko, ngumiti sya
"Sa gwapo mong yan NGSB ka?"
"Bakit masama ba?" tanong ko
"Hindi naman, nakakapagtaka lang, pero nainlove ka na ba?" tanong nya sakin
Napansin kong wala syang iniinom kaya kinuha ko yung isang bote ng smirnoff, binuksan ko iyon at ibinigay sakanya
"Thank you... ano na yung tinatanong ko? Nainlove kana ba?"
Ngumisi ako
"Oo naman, k-kaso nainlove ako sa taong may mahal ng iba, heheh!"
"Aaawww! Yun lang... hindi mo ba sinabi sakanya?"
Umiling ako
"Hindi, wala naman akong laban don sa mahal nya, mayaman yon, mahirap lang ako, businessman, driver lang ako"
"Grabe ka naman, masyado mong minamaliit yung sarili mo, mukhang mabait at mapagmahal ka naman eh" sabi nya
Ngumiti ako
Nag-inuman lang kaming dalawa habang nagkukwentuhan, nang maubos yung una kong inorder nagorder uli yung babae ng isa pang bucket
Kahit papaano nakalimutan ko si Jema...
----------
Update po..
Lagot ka kay Jema 🥴
Good night na 🫡 bukas uli... SANA... 🥴