ទីប្រឹក្សាបេះដូង
"សូមឲម្ចាស់កោះរីករាយនៅក្នុងយប់នេះ ថ្នមបុត្រផ្កាយរបស់ពួកយើងផងទ្រង់នៅក្មេងខ្ចីណាស់"
ឃើញចៅហ្វាយអៀនដល់ដើរចេញញាប់ជើងហើយ នាយជំនិតនៅស្រែកបន្ទរនាំសម្លេងហ៊ោអឺងកងបន្ថែមទៀតឲអ្នកជាចៅហ្វាយបានឮទៀត។
"ប្រមុខ!"
ឃើញនាយប្រមុខមកដល់មុខបន្ទប់ពួកនាងក៏នាំគ្នាឱនគោរព ស៊ូហ្កាមិនមាត់បក់ដៃឲពួកនាងចេញទៅវិញ ដើម្បីបានសប្បាយជាមួយគេបើមិនអ៊ីចឹងក៏បានទៅសម្រាក។
នាយសង្ហាដើរចូលមកខាងក្នុងយ៉ាងថ្នមសម្លេងបំផុតខ្លាចរំខានដល់ភរិយាថ្មោងថ្មីរបស់ខ្លួន។
"អរគុណអូនដែលយល់ព្រមរៀបការជាមួយអូន អរគុណដែលព្រមធ្វើជាផ្កាយបំភ្លឺដល់បង"
ស៊ូហ្កាដាក់ខ្លួនអង្គុយក្បែរជីមីនលើកដៃវែកសក់ដែលធ្លាក់បាំងមុខស្រស់ស្អាតរបស់ផ្កាយតូចរបស់គេ នៅពេលជួបជីមីនដំបូងគេលួចនឹកសួរខ្លួនឯងក្នុងចិត្តថា តើក្នុងលោកនៅមានបុរសណាស្រស់ស្អាតដូចជីមីនទៀតដែរឬទេ?
"ហ្ហឹម!"
ដោយមានអារម្មណ៍ថាក្ដៅជីមីនចាប់ទាញអាវចេញតិចៗតាមរបៀបមនុស្សមមើ ឃើញបែបនេះនាយធំក៏ងើបចេញទៅក្នុងបន្ទប់ទឹកនិងចេញមកវិញជាមួយកន្សែងនិងទឹកមួយចានថ្មល្មមសម្រាប់ដាក់ទឹកជូតខ្លួន។
"បងសុំអនុញ្ញាតណា"
នាយនិយាយសុំអនុញ្ញាតមនុស្សដែលលង់លក់ទៅមិនដឹងអី ទោះបីជានាយចង់ធ្វើអ្វីលើសពីជូតខ្លួនក៏ប្រហែលគេមិនដឹងដូចគ្នា។
កន្សែងព៌ណសចាប់ជូតលើរង្វង់មុខថ្មមៗហាក់ដូចខ្លាចគេឈឺ បន្ទាប់មកទើបអូសមកកញ្ចឹងក នាយសង្ហានៅបន្តជូតខ្លួនឲគេមួយតួខ្លួនតែម្ដង មិនថាផ្នែកខាងលើឬខាងក្រោមហើយក៏ប្ដូរយកអាវស៊ឺមីព៌ណសរបស់ខ្លួនមកឲគេពាក់ជំនួសឈុតដែលមកពីពិធី។
"សុបិនល្អផ្កាយតូចរបស់បង"
នាយថើបថ្ងាសគេបន្តិចរួចទើបបិទភ្លើងទុកតែអំពូលពងមាន់ក្បាលដំណេកប៉ុណ្ណោះ នាយធំបើកទូរយកភួយនុងខ្នើយមួយទៅគេងលើសាឡុងគៀនជញ្ជាំង គេមិនហ៊ានគេងគ្រែជាមួយជីមីនព្រោះគេមិនទាន់ទទួលខ្លួននៅឡើយទេ។
ព្រឹកព្រលឹមថ្ងៃបន្ទាប់ ទឹករលកបោកបក់ផ្ទៃច្រាំងរួមទាំងពន្លឺព្រះអាទិត្យរះពីទិសខាងកើតមកប៉ះផ្ទៃទឹកខៀវស្រងាត់ថ្លាដូចកញ្ចក់ រំលេចសម្រស់ដ៏ស្រស់ឡូយឆាយទុកជាទីគយគន់សម្រាប់មនុស្សទូទៅឲមានអារម្មណ៍ស្រស់ថ្លា។
"ហ្ហឹម! នេះភ្លឺហើយហ៎"
កាយតូចដែលលង់លក់យ៉ាងស្រួលពេញមួយយប់ក៏ចាប់ផ្ដើមភ្ញាក់ដើម្បីទទួលថ្ងៃថ្មី ជីមីនដែលនៅលើគ្រែមិនទាន់សូម្បីងើបអង្គុយងាកមើលទៅខាងក្រៅឃើញថាថ្ងៃក៏រះខ្ពស់ណាស់ទៅហើយ។
"អួយ!ឈឺអីក៏ឈឺថ្នាក់នេះ"
ជីមីនគោះក្បាលខ្លួនឯងតិចៗគ្រាន់តែងើបអង្គុយក៏មានអារម្មណ៍ថាឈឺដូចគេយកញញួរមកដុំទៅហើយ ហើយពេលនេះឯងដែលគេដឹងថាសម្លៀកបំពាក់របស់គេត្រូវបានដូរ ។
"អ្នកណាគេដូរឲយើង?"
ជីមីនសួរខ្លួនឯងក្នុងចិត្តក៏ភ័យខ្លាចថាស៊ូហ្កាអ្នកប្ដូរឲតែចិត្តមួយទៀតក៏ប្រាប់ថាអាចជាអ្នកបម្រើក៏ថាបាន។
"ក្រោកមកកុំភ្លេចញុាំផងបងបានរំងាស់វាទុកឲវាជួយឲស្វាងស្រា បងមានការងារត្រូវដោះស្រាយបន្ទាន់ថ្ងៃបន្តិចបានបងត្រឡប់មកវិញ ត្រូវការអ្វីប្រាប់អ្នកបម្រើបាន"
ក្រដាសនូតជាមួយទឹកបំបាត់ជាតិស្រវឹងមួយកែវដាក់ទុកលើក្បាលដំណេក គេក្រោកពីព្រលឹមដើម្បីរំងាស់តាមពិតឲអ្នកបម្រើធ្វើក៏បានតែគេចង់បំពេញនាទីមើលថែប្រពន្ធដោយខ្លួនឯង។
"គេធ្វើវាសម្រាប់យើង?"
ដូចជាដាក់ទុនពេកហើយឬ ជាម្ចាស់កោះមកដាក់ខ្លួនចូលផ្ទះបាយរំងាស់ថ្នាំបំបាត់ជាតិស្រវឹងឲគេបែបនេះ មិនគិតច្រើនជីមីនក៏ទាញវាមកផឹកអស់រួចក៏ដាក់ខ្លួនគេងវិញព្រោះឈឺក្បាលពេក។
"ផ្កាយតូចភ្ញាក់មករកអ្វីញុាំឬនៅ"
ថ្ងៃបន្តិចស៊ូហ្កាក៏ត្រឡប់មកវិញដូចពាក្យដែលបានប្រាប់គ្រាន់តែមកដល់ភ្លាមអ្វីដែលនាយសួរមុនគេគឺសុខទុក្ខរបស់ជីមីន។
"ចាស៎នៅទេអ្នកប្រុស"
"រៀបអាហារឲយើងមួយឈុតរួចលើកទៅខាងលើ"
ថាហើយនាយក៏ប្រញាប់រត់ទៅខាងលើ ចង់ដឹងថាជីមីនកើតអ្វីខ្លាំងឬអត់បានជាគេងមិនរកអ្វីមកបំពេញក្រពះសោះនេះក៏ថ្ងៃហើយដែរ។
ក្រាក!
"ផ្កាយតូចហា៎!ក្រោកមកញុាំអីបន្តិចសិនមក"
ស៊ូហ្កាលើកដៃស្ទាបថ្ងាសគេមើលឃើញថាមិនក្ដៅក៏ដាស់គេតិចៗយ៉ាងថ្នមសម្លេង ហើយក៏បានផលជីមីនក្រោកមកបើកភ្នែកសម្លឹងមុខគេម៉ក់ៗរបៀបឆ្ងល់។
"លោកមកវិញពីពេលណា"
គេងើយមើលនាឡិកាដែលដាក់តាំងលើតុឃើញថាម៉ោង១០ទៅហើយនេះគេគេងលក់ដល់ទៅ៣ម៉ោងឬ។
"បងទើបមកទេ អូនកើតអីម្ដេចមិនចុះទៅរកអីញុាំ មិនអ៊ីចឹងក៏ហៅអ្នកបម្រើលើកឲបានតើ"
"ខ្ញុំងងុយពេកទើបចង់គេងត"
"មកបងនាំទៅសម្អាតខ្លួន"
ថាហើយនាយក៏លើកបីគេទៅបន្ទប់ទឹកឲគេចូលសម្អាតខ្លួនឯគេរៀបចំដាក់ថ្នាំលើច្រាសហើយយកកន្សែងជូតមុខមកដាក់ព្យួរជិតកន្លែងលាងមុខ ខាងក្នុងរួចរាល់នាយក៏ចេញមករៀបគ្រែគេងវិញស្រួលនាយតូចមកនឹងបានញុាំតែម្ដង។
"មកអង្គុយត្រង់នេះមកញុាំអាហាររបស់អូន"
សូម្បីតែសម្លៀកបំពាក់ដែលជីមីនកំពុងស្លៀកនេះក៏គេជាអ្នករៀបចំឲដែរ តើនាយយកចិត្តទុកដាក់ពេកហើយទេឬ?
"លោក លោកញុាំឬនៅ"
បើគេទៅធ្វើការតាំងពីព្រឹកមានន័យថាមិនបានញុាំអ្វីទេយ៉ាងច្រើនកាហ្វេមួយកែវគេហ៊ានភ្នាល់។
"បងផឹកកាហ្វេពីព្រឹករួចហើយ"
ទម្លាប់នាយគឺមិនដែលញុាំអាហារពេលព្រឹកឡើយត្រឹមកាហ្វេរមួយកែវគឺគ្រប់ហើយ ជីវិតឲតែមានកាហ្វេគឺស្រស់ថ្លា ពណ៌ស៊ីជម្ពូរដូចអ្នកអានចឹង អត់បាយអត់បានតែបើអត់កាហ្វេខ្មៅងងឹតតែម្ដង មួ៉ម៉ៅទប់មិនឈ្នះ༎ຶ‿༎ຶ
"អ៊ីចឹងញុាំជាមួយគ្នាតែម្ដងទៅ លោកផឹកតែកាហ្វេបែបនេះប្រយ័ត្នប្រែជានៅsingleដូចអ្នកអាន"
នៅសុខៗជីមីនក៏បានដៀលដល់អ្នកអានលេង ឃើញថាមួយថ្ងៃៗកាហ្វេញឹកជាងបាយទើបបារម្ភខ្លាចក្រពះរាងដូចនាឡិកាខ្សាច់។
"មិនអីទេអូនញុាំទៅ បងផឹកកាហ្វេមែនតែបងបានប្រពន្ធស្អាតមិនដូចអ្នកអានផឹកកាហ្វេដែរតែផឹកដើម្បីបន្តតាមដានរឿង តាមដានឡើងអត់គូហើយ"
ភ្នែកខ្មៅស្រអាប់ដូចផេនដា បបូរមាត់ក៏ចាប់ស្ងួត រាងក៏កំប្រឹងដូចចៅចិត្តដែលត្រូវឃុននារីចោទថាជក់ថ្នាំ ចង់ម៉ែជេរទេសនាប៉ុន្មានបទក៏មិនឈឺឬឈឺមិនយូរភ្លេចខ្លួនគាត់បន្តភាគទៀត🌚
មីនគ្មានចេតនាដៀលទេនិយាយតាមជាក់ស្ដែង༎ຶ‿༎ຶ
"បើលោកមិនញុាំដែរឲគេយកទៅខាងក្រោមវិញទៅ"
គេពិតជាឆ្ងល់ណាស់ពីរនាក់បងប្អូននាយក៏ដូចគ្នាម្ល៉េះ ក្រោកមកគ្មានអ្នកណាម្នាក់មានទម្លាប់យកអ្វីក្រៅពីកាហ្វេជាអាហារពេលព្រឹកសោះ មិនចង់ឲប្រពន្ធខឹងស៊ូហ្កាទាញស្លាបព្រាមកញុាំជាមួយដែរបញ្ចុកប្រពន្ធមួយម៉ាត់ញុាំខ្លួនឯងមួយម៉ាត់ អាហារព្រឹកនេះពិតជាផ្អែមមែន។
បងហ្កានិងអ្នកអានញៀនកាហ្វេដូចគ្នាតែវាសនាខុសគ្នា༎ຶ‿༎ຶ
អរគុណសម្រាប់ការអាន💜