(Zawgyi)
True Love💭❤ Extra 1
အရင်ကဆိုအစောနိုးမနေတတ်သည့်ကွန့်မြူးမှာ ယနေ့လေးတော့အစောကြီးနိုးနေလေတော့သည်။ ရင်ခွင်ထဲကိန်းအောင်း၍အိပ်နေသူလေးကြောင့်ပဲလား အာပူကြူးလေးကိုပိုင်ဆိုင်ရ၍ပဲလားတော့မသိ အိပ်တစ်ဝက်နိုးတစ်ဝက်နှင့်တစ်ညလုံးလဲကောင်းကောင်းအိပ်မပျော်ပဲ အပျော်လွန်နေရသည်။ လက်မောင်းတွင်ကျင်၍နေသည်တောင်နေရာမရွေ့ အိပ်နေသူလေးနိုးမည်ဆိုး၍ ကျိတ်မှိတ်ခံနေသည်မှာလဲ အတော်တောင်ကြာပြီဖြစ်သည်။
ချစ်ဒုက္ခဘယ်ဟုတ်မလဲဗျာ ဒီလိုလေးနေရဖို့ကို မက်မောစွာနှင့်အတော်လေးစောင့်ခဲ့ရသည်မဟုတ်လား။
ချစ်လွန်း၍ အရူးအမူးရူးခဲ့ရသူကြီးဖြစ်လို့ အသေးအဖွဲလေးတွေကအစ အရမ်းကြီးတွေးပြီး ချစ်မိနေသည့်ကွန့်မြူးအဖြစ်မှာ ပိုများနေပြီလားလဲမသိတော့ပေ။
သေချာတာတော့ ပိုမယ်မထင်ပါဗျာ လိုတောင်လိုနေသေးသည်မဟုတ်လား။
အေးမြလိုက်သည့်မျက်နှာလေး အိပ်နေပုံလေးကလဲ ချစ်စရာလေး။
မျက်တောင်ရှည်ရှည်လေးရယ် ကွန့်မြူးကိုဖက်၍အိပ်နေပုံလေးရယ် ခြေထောက်လေးတစ်ဖက်ပါကွန်းမြူးပေါင်ပေါ်ပစ်တင်ထားပုံလေးရယ် အမလေးဗျာ ဒီလောက်ချစ်စရာကောင်းသည့်ကောင်မလေးကို မချစ်ပဲတစ်စက္ကန့်လေးတောင်ဘယ်နေနိုင်ပါ့မလဲဗျာ။
ဘာမှမဘာရသေးတဲ့အဖြူထည်လေးက မင်္ဂလာဦးညအတွက် ကွန့်မြူးကိုကြောက်သည်တဲ့လား။
ဒီအလည်လေးကတော့လေ လက်တော့ထပ်တယ် မင်္ဂလာတော့မဦးချင်ဘူး ဂတိသစ္စာလေးနဲ့ချုပ်နှောင်ပြီး သူလေးဆိုးနေပုံးလေးကိုလဲ အပြစ်မမြင်ရက် လည်လွန်းလှ၍အချစ်တောင်ပိုနေရသေးသည်ဗျာ။
ကဲ အခုတော့ဒီအဆိုးလေးက အနည်းငယ်လှုပ်ကာ ဟိုဘက်လေးကိုစောင်း၍ နေရာတွေပြင်အိပ်နေပြီတောင်ဖြစ်သည်။ အေးလေစောသေးတာကိုး အလွန်ဆုံးရှိမှ မနက် ၅ နာရီလောက်ပေါ့။ ဒီကကောင်ကြီးကသာအပျော်တွေလွန်ပြီး အိပ်မရဖြစ်နေတာမဟုတ်လား။
ရွှေကူနိုးလာတော့ အကိုလေး၏ရင်ခွင်ထဲတွင်ရောက်နေခြင်းဖြစ်သည်။ ရွှေကူနိုးနေကျအချိန် ၆ နာရီလောက်မို့ပုံမှန်နိုးနေပေမယ့် နိုးလာလာခြင်းယခုလိုနီးကပ်နေသည့်အထိတွေ့ကြောင့် လူကကျင့်သားမရ ရင်တွေတောင်ခုန်နေမိသည်။ တစ်ဒိတ်ဒိတ်နှင့်ခုန်လာသည့်ရင်ခုန်သံနှင့်အတူ အကိုလေးကိုမော့ကြည့်မိတော့ မျက်ခုံးထူထူ မျက်နှာချောချောကြီးနှင့် အိပ်ပျော်နေသည်ကိုတွေ့ရသည်။
အမလေးချောလိုက်လေခြင်း။ ယခုတော့ဒီလူသားက ရွှေကူ့အမျိုးသားကြီးဖြစ်ခဲ့ပြီပေါ့လေ။ ဖြစ်ရပ်မှန်လေးဆိုပေမယ့် ပြန်တွေးမိတိုင်းရင်တဒိတ်ဒိတ်နှင့် မယုံကြည်နိုင်ဖြစ်နေရသေးသည်။
တော်သေး အကိုလေးကနိုးမနေသေးလို့။ မဟုတ်လျှင်ဒီလိုဖက်အိပ်နေသည်နှင့် အနည်းငယ်နေရကျပ်၍ ရွှေကူတော့ထွက်ပြေးနေမိမှာသေချာလှသည်။
"ဟေ့"
"အမေ့ ..."
အံမယ်ဗျာ။ အာပူကြူးလေးကိုဖက်ထားသည့်ကွန့်မြူး၏လက်တစ်ဖက်ကို အသာလေးခွာ၍ တိတ်တိတ်လေးထဖို့ပြင်နေလေသည့် အာပူကြူးလေးကြောင့်ကွန့်မြူးမှာပြန်ဆွဲ၍ ဖက်ထားလိုက်တော့သည်။
"အကိုလေး လွှတ်.. ထတော့မလို့"
"အိပ်ပါအုံးကွ အစောကြီးပဲရှိသေးတာ "
ရွှေကူ့ကိုတင်းတင်းကျပ်ကျပ်ဖက်၍ ဆိုလာသည့်အခါ ရွှေကူမျက်နှာလေးပူလာမိသည်။
"အကိုလေးလွှတ်ပါ မသင့်တော်ဘူး "
"ဘယ်လို.."
ရွှေကူလွှတ်ခနဲထွက်သွားသည့်စကားနှင့်အတူ နှုတ်ခမ်းလေးကိုလက်နှင့်အုပ်ထားမိလိုက်သည်။ ရွှေကူစကားမှားသွားပြီမဟုတ်လား။
"ဘယ်လိုပြောလိုက်တယ် မသင့်တော့ဘူးဟုတ်လား"
"မေ့သွားလို့ ဟီး.. လက်ထပ်ပြီးသွားပြီဆိုတော့သင့်တော်တာပေါ့နော့"
"ဒါပေါ့ လက်ထပ်ပြီးပြီဆိုတော့ ဘယ်လိုနေနေသင့်တော်တယ် အာပူကြူးအင်္ကျီမဝတ်ပဲဒီအခန်းထဲပတ်လျှောက်နေလဲသင့်တော်တယ် "
"ဟယ် .."
ခေါင်းလေးမော့ကြည့်လာသည့်ကောင်မလေးက ကွန့်မြူးစကားကိုနားမလည်၍ထင်သည်။
"ထပ်ရှင်းပြရမလား "
"ရတယ် ရတယ်ရွှေကူနားလည်ပြီ "
ရုပ်ကြီးကထပ်ရှင်းပြချင်နေသည့်ရုပ်ကြီးကို ရွှေကူအမြင်လေးနဲနဲကပ်ရသည်။
"ဟေ့ ငြိမ်ငြိမ်နေလေ "
"ဟို ရွှေကူမနေတတ်လို့ "
"ဘာဖြစ်ပြန်တာတုန်းအာပူကြူးရယ် "
"အကိုလေးနဲ့ကဒီလိုကြီးမှမနေဘူးတာ အဲ့တော့နဲနဲရှက်နေသေးလို့အကိုလေးရဲ့ "
စွံ့အ ရသည့်အဖြစ်ကြီးပါလားဗျာ။ အတူနေဖို့လက်မခံသည့်အပြင် ဖက်အိပ်တာတောင်ရှက်နေသေးလို့တဲ့ပါဗျာ။ အေးပေါ့လေ ကွန့်မြူးကိုယ်တိုင်ကလဲ အနေအထိုင်ဆင်ခြင်ခဲ့ပြီး အာပူကြူးလေးကိုစိတ်နှလုံးသားအတွင်းထဲကသာ ပို၍ချစ်ခဲ့သည်မဟုတ်လား။ ဖက်တာနမ်းတာလောက်တောင် အရမ်းကြီးမပြုလုပ်ခဲ့ရပဲ ဒီလိုလေးနှစ်ယောက်အတူနီးနီးကပ်ကပ်နေရတော့ မနေတတ်ရှက်နေသေးတာနေမှာပေါ့ဗျာ။
ကြင်စဦးဆိုတာ ဒီလိုမျိူးကိုခေါ်တာကိုး။
ချစ်သူနှစ်ဦးအကြင်လင်မယားအဖြစ်အတူနေရတော့ ရုတ်တရက်နီးကပ်လွန်းသည့်အထိအတွေ့ အနေအထိုင်တို့ကြောင့် အိုးတိုးအမ်းတမ်းဖြစ်နေပုံလေးကို ကြင်စဦးလို့ခေါ်ကြတာကိုး။
ကွန့်မြူးကတော့ အပျော်လွန်၍အဲ့လိုသိပ်မဖြစ်ပေမယ့် ဒီရင်ခွင်ထဲက ဘုစုခရုလေးကတော့ ရှက်သည်းတွေပိုပြီးရှက်နေသေးတာပေါ့။
အမလေးဗျာ ချစ်လိုက်တာမှ တုန်လို့ပါဗျာ။
"အကိုလေး"
"ဗျာ့.."
"မထတော့ဘူးလားဟင် မေမေကြီးတို့ပြန်လာမယ်ထင်တယ်အကိုလေးရဲ့"
"ဒီနေ့မလာဘူးတဲ့ "
"ဟင် "
"ကိုကိုတို့ရွာကိုသွားတဲ့နေ့မှပြန်လာမယ်တဲ့"
"ဟယ် ဘာလို့လဲ"
"အခုမှနုနုထွတ်ထွတ်လက်ထပ်ပြီးတဲ့ကိုကိုတို့ကို လွတ်လွတ်လပ်လပ်နေရအောင်လို့တဲ့လေဗျာ"
"အာ အဲ့လိုလား"
"အင်းတဲ့"
ရွှေကူပြန်၍ငြိမ်နေလိုက်သည်။ ဟုတ်တော့ဟုတ်ပါတယ်လေ ဟီး..အခုမှပူပူနွေးနွေးလေးပဲရှိသေးတာကိုနော့။
"ဟာ ဟေ့ဘာဖြစ်တာလဲ"
တခစ်ခစ်နှင့်ရယ်ကာ မျက်နှာလေးဝှက်ထားသည့်အာပူကြူးကြောင့် ကွန့်မြူးမှာထ၍မေးရခြင်းဖြစ်သည်။
"အူယားလို့"
"ဟား .."
"ဟီး ရွှေကူတို့ကအခုသမီးရည်းစားတွေမဟုတ်ပဲ အိမ်ထောင်သည်တွေဖြစ်သွားပြီပေါ့နော် "
"အင်းပေါ့ အကြင်လင်မယားတွေဖြစ်သွားပြီလေ"
"ခစ်ခစ်.."
"ကဲ အူတွေယားလာပြီကွာ ဘယ်လိုဖြစ်လို့လဲအာပူကြူးရယ်"
"တွေးပြီးအသည်းယားလို့အကိုလေးရဲ့ ဟီး တစ်မျိုးကြီး "
"ကိုယ်တော့အရည်ပျော်တော့မယ်ကွာ ဘာလို့ကလေးလေးလိုချစ်စရာကောင်းနေတာလဲအာပူကြူးရယ် ဟင်.."
မေးဖျားလေးကိုဆွဲယူမော့လိုက်တော့ နဂိုဝင်းဖန်ဖန့်မျက်နှာလေးက ပန်းဆီရောင်လေးသန်းလာလေတော့သည်။
"ဟားကွာ တဂယ်ကြီးရှက်နေတာပေါ့လေ "
"အွန်း အူယားစရာကြီးလေ ဟီး တစ်မျိုးကြီး
"အာပူကြူးကြောင့်ရူးတော့မှာကွ ရူးတော့မှာ ဟားဟား ချစ်လိုက်တာကွာ "
ရွှေကူ့နဖူးကိုနမ်း၍ အတင်းပြန်ဖက်ထားသည့်အကိုလေးကို ရွှေကူလဲပြန်ဖက်ထားမိသည်။ ရွှေကူလဲချစ်ရပါတယ်အကိုလေးရယ်။ ပျော်လွန်းလို့ကို အိပ်ယာကတောင်မထချင်အောင်ထိ ဖြစ်ရပါတယ်လို့။
နှစ်ဦးသားအိပ်ယာကြီးထက် ဖက်တွယ်၍တဖန်ပြန်အိပ်စက်လိုက်သည်။ ထချိန်ရောက်နေပေမယ့်လဲ ပျော်လွန်းအူယားလွန်းလှဖြစ်နေသည့်ခံစားချက်တွေကို အပြန်အလှန်ဝေမျှပြောဆို၍ ပြန်အိပ်လိုက်ကြတော့သည်။ ယခုမှကွန့်မြူးအိပ်မည်ဆိုပိုမှန်မည်။ တစ်ညလုံးအိပ်မရ အပျော်လွန်ခဲ့သည့်စိတ်အစုံက ယခုမှအိပ်ချင်လာရသည်မဟုတ်လား။
"Hello မေမေ့"
"သမီးနိုးပြီလား"
"ဟုတ်နိုးပြီမေမေ"
"မနက်စာပို့ခိုင်းထားတာ သမီးတို့ကိုခေါ်မရလို့တဲ့ အဲ့တာအပြင်မှာချိတ်ထားခဲ့တယ်နော် သမီးထွက်ယူလိုက်အုံးနော်သမီး"
"ဟုတ် သမီးသွားယူလိုက်မယ်နော် "
အချိန်အားဖြင့် ၁၁ နာရီတောင်ထိုးပြီဖြစ်၍ မေမေတို့ပို့ပေးသောမနက်စာအပြင် ရွှေကူကိုယ်တိုင်အိမ်မှာရှိတာလေးတွေကိုချက်ထားသည့် ဟင်းအမယ် လေးမျိုးရယ်နှင့် ထမင်းစားပွဲလေးပြင်ထားလိုက်တော့သည်။
"အကိုလေးထမင်းပဲစားမယ်မလား"
"မစားတော့ဘူးလေ"
"ဟင်"
"အာပူကြူးကိုပဲစားချင်တာ လာ ပါးလေးတစ်ကိုက်လောက်ကိုက်စားချင်လို့ အဲ့တာပြီးရေသောက်လိုက်မယ်လေ "
"ဟယ်. ."
"အာဘွား ပြွတ်.. "
ပခုံးလေးကိုကိုင်၍ပါးနုနုလေးကိုနမ်းလိုက်ကာ ကွန့်မြူးရေတစ်ခွက်မော့သောက်လိုက်၏။
*ဂွတ် ဂွတ် ဂွတ်....*
"ကဲ.. ဗိုက်ပြည့်သွားပြီ "
ပြောပြောဆိုဆိုနှင့် ရွှေကူ့ပါးကိုနမ်း၍ ရေတွေသောက်နေသည့်အကိုလေးကို ရွှေကူဖြင့်နားမလည်နိုင်သဖြင့် ကြောင်၍ကြည့်နေမိသည်။
"အာပူကြူးရော ကိုကို့ကိုစားမလား လာ တစ်ကိုယ်လုံးကိုက်စားလဲရတယ်နော် ကိုကိုခွင့်ပြုတယ် "
"အမလေးမစားပါဘူးနော် ရွှေကူကဗိုက်ဆာနေတာ အကိုလေးကိုစားရုံနဲ့တော့ဘယ်လိုလုပ်ဗိုက်ပြည့်မှာလဲ မစားဘူးဆိုလဲဖယ် "
ဒီဟာလေးကတော့လေ ရိုလို့တောင်မရဘူးလားကွာ။
ရွှေကူခုံလေးတွင်ဝင်ထိုင်၍ ထမင်းစားနေတော့ ဘေးမှထိုင်၍ မေးထောက်ကြည့်နေသည့်အကိုလေးကြောင့် စား၍မရ အိုးတိုးအမ်းတန်းကြီးဖြစ်နေရသည်။
ပြုံးနေမိသည်။ အာပူကြူးကိုကြည့်နေရင်းမှကို အလိုလိုပြုံးနေမိတော့သည်။
"အကိုလေးစားမှာဆိုလဲစားပါ အဲ့လိုကြီးကြည့်မနေနဲ့လေ ဗိုက်လဲဆာနေတာကို မပြောချင်ဘူး ဟွန်း.."
ရွှေကူကပဲငေါက်၍ ထမင်းထည့်ပေးကာစားခိုင်းလိုက်တော့ သုံးပန်းကန်တောင်စားသွားလေတော့သည်။ ဒါလား ရွှေကူ့ကိုစားရုံနဲ့ဗိုက်တဲ့လူဆိုတာ။
ဧည့်ခန်းရှိဆိုဖာတွင်ထိုင်၍ အသီးစားနေသည့်ကွန့်မြူးဘေးတွင် စာအုပ်လေးဖက်နေသည့်အာပူကြူးကို ကွန့်မြူးတစိမ့်စိမ့်ထိုင်၍ကြည့်နေမိသည်။ အသီးတွေကပဲချိုသလား အာပူကြူးမျက်နှာလေးကပဲ ကွန့်မြူးအတွက်ချိုအီနေ၍လားမသိ အာခံတွင်းထဲ ချိုမြနေသည်တော့အမှန်ပေ။
"အကိုလေး "
"ဗျာ"
"ရွာကိုဘယ်နေ့သွားမှာလဲဟင် "
"ရှေ့အပတ်ပေါ့ ရက်လဲသိပ်ခွာတာမဟုတ်တော့ ရှေ့အပတ်ထဲသွားကြမယ်လေ"
"ဟိုကိုလိုက်မှာကမေမေကြီးတို့ရော မေမေတို့ရော မမဖြူငယ်တို့ရော လွန်းငယ်တို့ရော ကိုဥဿာတို့ရော ..."
"တော်ပါပြီဗျာလူစေ့ရွတ်နေရင်မောနေပါ့မယ်ကွ ပြောပြော အကုန်လုံးလို့ပဲပြောလိုက်"
"အွန်း ဒီကလူအကုန်လုံးက ရွှေကူတို့ရွာတစ်ရွာစာလောက်ကြီးရှိတယ်လေ ဘယ်လိုလုပ်မလဲ အိပ်ဖို့နေရာမရှိပဲနေမယ်ထင်တယ် "
"ကိုယ်စီစဉ်ပြီးသားပါ တွေးပူမနေနဲ့ဟုတ်ပြီလား "
"တဂယ်စီစဉ်ပြီးပြီပေါ့ "
"အွန်း ကိုဖိုးတုတ်တို့နဲ့အကုန်စီစဉ်ပြီးသား ဒီရက်တွေအိပ်ရေးဝအောင်အိပ်ပြီး နားထား ဟိုရောက်ရင်လှလှလေးဖြစ်အောင်လို့လေ"
"ဟွန် ရွှေကူကအခုမလှလို့လား"
"ပင်ပန်းထားတယ်လေ ခရီးလဲပန်းထားတယ် အိပ်ရေးလဲပျက်ထားတယ် ကြည့်ပိန်သွားတယ်နဲနဲလေး"
ရွှေကူ့ပါးကိုဖိ၍ပြောလာသည့်အခါ ရွှေကူရယ်ပြလိုက်သည်။
"မျက်နှာလေးချောင်ကျသွားတယ်ကွ ထမင်းများများစားရမယ် အများကြီးလဲအိပ်ရမယ်ဟုတ်ပြီလား"
"ဟုတ် "
အကိုလေးရင်ခွင်ထဲတိုးဝင်၍ အကိုလေး၏ခါးကိုရွှေကူဖက်ထားလိုက်တော့သည်။ နောက်ဆို အချိန်တိုင်ဖက်ထားလဲရသွားပြီပေါ့လေ။ အကိုလေးကရွှေကူ့အပိုင်ဖြစ်သွားပြီဆိုတော့ ရွှေကူဖက်ချင်တဲ့အချိန်ဖက်လို့ရပြီပေါ့နော်။
"ဟေ့ကောင် မင်းလဲပေါ်ကိုမလာဘူးနော် မိန်းမရသွားတော့ ငါတို့ကိုအော်တိုမေ့သွားတာပဲဟ ဖုန်းလေးတောင်ဆက်ဖော်မရဘူး"
"မအားဘူးကွ "
"ဟ အလုပ်လဲမသွားအပြင်လဲမထွက်နဲ့ အဲ့နှစ်ရက်လုံးဘာလဲ ဂူအောင်းနေလို့လား"
"ထမင်းချက်စားနေတာကွ ထမင်းချက်စားနေတာ ကြင်စဦးဇနီးမောင်နှံ ပျော်ပျော်ရွှင်ရွှင်လေးထမင်းချက်စားနေတာဘာဖြစ်လဲ "
"အားပျက်နေအုံးမယ်ကွာ မင်းတို့ကလဲ"
ကွန့်မြူးပြန်မဖြေဖြစ်။ ဒီကောင်တွေ ပွောတဲ့အဓိပ်ပါယျကတဈမြိုးလေ။ ကွန့်မြူးတို့ကဖြင့် မင်္ဂလာဦးမှာတောင်ရိုးရိုးသားသားလေးဖက်အိပ်ခဲ့ကြသည့်စုံတွဲလေးမဟုတ်လား အဲ့တော့အားပျက်စရာလား။
"ရော့ နွားနို့ "
"ဘာလုပ်ရမှာလဲဟ"
"အားပျက်မှာဆိုးလို့တိုက်တာ ဟိုမှာမြင်လားတစ်ပုံး အဲ့တာမင်းအတွက် ဟိုမှာလဲငှက်ပျောတစ်ခိုင် ပြန်ရင်အကုန်ယူသွား"
"ဟ "
"ဟတွေ ဟက်တွေလုပ်မနေနဲ့ ပေးချင်လွန်းလို့ဝယ်ထားတာ အကုန်သယ်သွားပြီးရင်နှစ်ယောက်အတူစား"
"မလိုပါဘူးကွာ ယူမနေဘူး"
"ဒီကောင်အားတွေတအားကောင်းနေတာပဲ ဘာလဲအားဆေးတွေခိုးသောက်ထားတာလား"
"မလိုဘူးကွ သောက်စရာလား ကိုယ်ခံအားကောင်းပြီးသား ငါကအားအပြည့်ပဲ"
"ဟားဟား ဟုတ်မှာပါ မင်းကပွဲတိုင်းကျော်ကြီးဖြစ်ဖူးတာကို ဟားဟား.."
တစ်ဟားဟားရယ်နေကြသည့်အုပ်စုမှာ ကွန့်မြူး၏သူငယ်ချင်းတွေသာဖြစ်ကြသည်။
"အကိုလေး ဟယ် ငှက်ပျောဖီးကြီး ဟိုဟာကရောဘာတွေလဲဟင် "
"ဟိုကောင်တွေပေးလိုက်တာကွာ နွားနို့နဲ့ငှက်ပျောသီးတဲ့"
"ရွှေကူနွားနို့သောက်ချင်နေတာ အတော်ပဲပေါ့ ပေး ကြိုလိုက်မယ်လေ"
ဘာမှမသိ သူသောက်ချင်သည်သာသိသည့်အာပူကြူးကတော့ နွားနို့ပုံးကြီးဆွဲသွား၍ သွားကြိုလေတော့သည်။ အစားတစ်လိုင်းလေးပဲဗျာ။
နွားနို့သောက်သည်ကအာပူကြူးဖြစ်ပြီ ငှက်ပျောသီးစားသည့်လူက ကွန့်မြူးဖြစ်လေသည်။
"နွားနို့ကြိုက်တာလားကွ"
"အွန်း ရွှေကူအိပ်ရေးပျက်တာများလို့နွားနို့လေးသောက်ချင်နေတာ အတော်ဖြစ်သွားတာအကိုလေးရဲ့"
နွားနို့တစ်ခွက်လုံးကို တဂွတ်ဂွတ်နှင့်နေအောင်သောက်နေသူလေးကို ကြည့်၍ ကွန့်မြူးသဘောတွေကျနေရသည်။
ဒီလိုပါပဲ ချစ်ရသူလေးမုန့်ပဲစားစား ရေပဲသောက်သောက် ဘာပဲလုပ်လုပ် တစ်စိမ့်စိမ့်ထိုင်ကြည့်ရတာဟာ ပျော်စရာနှင့်ချစ်စရာမဟုတ်လား။
"ဟို အကိုလေး "
"ဗျ... "
"အိပ်မပျော်ဘူး"
"ဟော နွားနို့တွေသောက်ပြီးအိပ်မပျော်ဘူးလားဗျ"
"အွန်း အားများသွားလို့ထင်တယ် အိပ်မပျော်တော့ဘူး "
"ဟားဟား ..ဟုတ်ပါပြီဗျာ ဘာလုပ်ပေးရမလဲပြော သီချင်းဆိုပြရမလား "
"အွန်း သီးချင်းတစ်ပုဒ်လောက်ဆိုပြပါလား ဆုချမယ်လေ"
"တဂယ်နော် "
"အွန်း "
"ဟုတ်ပြီဗျာ"
ကုတင်ကြီးထက် ထထိုင်၍ကုတင်ကိုမှီထိုင်ကာ ရင်ခွင်ထဲသို့ အာပူကြူးကိုဆွဲသွင်း၍ဖက်ထားလိုက်သည်။
သီချင်းဆိုရင်လဲ ဒီလိုလေးနီးကပ်နေမှ မုဝင်မှာပေါ့ဗျာနော့။
အကိုလေး၏ဆိုပြနေကျ သီချင်းလေးတစ်ပုဒ်အပြီးရွှေကူ ခေါင်းလေးမော့၍ ပါးပြင်လေးထက်နမ်းလိုက်လေသည်။ သီချင်းလေးဆိုပြတာကောင်းလို့ ဆုပေးလိုက်ခြင်းဖြစ်သလို ပြုံး၍နေသည့်အကိုကြောင့် ရွှေကူလဲပျော်မိသည်။ အကိုလေးကအမြဲရွှေကူနှင့်ဆို ယခုလိုလေးနူးညံ့သည့်အမျိုးသားအဖြစ်ရှိနေပေးခဲ့သည်မဟုတ်လား။ ချစ်ရပါသည်အကိုလေးရယ်။
ထိုညလေးဟာလဲ သာယာနေခဲ့ပြန်ပါသည်။ စိတ်ချမ်းသာရသည်။ ချစ်ရသည့်အာပူကြူးလေးနှင့် အနီးကပ်ဆုံးရှိနေ၍ အိပ်စက်ရခြင်းဖြစ်သည်ကြောင့် နှစ်ခြိုက်စွာအိပ်၍ပျော်ခဲ့ပါသည်။
ဘာကြောင့်များ လက်ထပ်ယူခဲ့သလဲဆို မြတ်နိုးလွန်း၍ ချစ်ရလွန်း၍ တစ်ယောက်ထဲထားဖို့ကိုတောင်စိတ်မချရလွန်း၍ လက်ထပ်ယူခဲ့ခြင်းဖြစ်သည်။
ဘဝအတွက် အရေးပါလွန်းသည့်လူတစ်ယောက်ဖြစ်သည်ကြောင့် အနားတွင်တစ်သက်လုံးထား၍ ကာကွယ်စောင့်ရှောက်တော့မည်။
တစ်ပတ်ဆိုသည့်အချိန်အတိုင်းတာသည် ကွန့်မြူးတို့နှစ်ဦးအတွက်တိုတောင်းလွန်းလှပါသည်။ ပျော်စရာတွေ စိတ်ချမ်းသာစရာတွေကြည့်ကြုံတွေ့၍ ကြင်စဦးအချိန်လေးတွေကိုဖြတ်သန်းခဲ့ရပေမယ့် ကွန့်မြူးတို့အတွက်မလုံလောက်သေးဘူးဟုထင်မိပါသည်။ ဟွန်း ရွာမှာမင်္ဂလာဆောင်ပြီးမှပဲ တစ်လလောက်အလုပ်နား၍ အိမ်မှာပဲအာပူကြူးလေးနှင့်နေတော့မည်ဟုဆုံးဖြတ်ထားပါသည်။
"ကိုယ်သယ်ခဲ့မယ် ဆင်းနှင့်လေအာပူကြူး"
"အကိုလေးဖြစ်ရဲ့လား ရွှေကူသယ်ကူမယ်လေ"
"ရပါတယ်ဗျာ ဒါလေးနှစ်ထုတ်ထဲကို သွားသွားဆင်းနှင့် ကောင်းမြတ်ကိုပြောထားလိုက်အုံး ခဏပဲကိုယ်ပြီးပြီလို့ "
"ဟုတ်"
ရွှေကူစလွယ်အိတ်လေးလွယ်၍ အိမ်အောက်သို့ဆင်းလာခဲ့တော့ ကိုကောင်းမြတ်ကအိမ်ရှေ့ကားဘေးတွင်ရပ်နေလေတော့သည်။
"အဆင်သင့်ပဲလားရွှေကူ"
"ဟုတ် "
"ဟိုကောင်ရော "
"အပေါ်မှာကျန်ခဲ့တယ် "
"ဘာတွေကြာနေမှန်းကိုမသိဘူးအဲ့ကောင်လဲ "
"ဟို ရွှေကူတို့အိပ်ရာနောက်ကျမှနိုးလို့ အဲ့တာကြာသွားတာ အကိုလေးကအင်္ကျီလဲတုန်း ပြီးတော့ပြီးတော့မယ်အကိုရဲ့"
"အေး အေးပါကွာ စောင့်ကြတာပေါ့နော့"
"ဟုတ်"
ကောင်းမြတ်လဲစောင့်ရန်သာတတ်နိုင်တော့သည်မဟုတ်လား။ စလေကိုအတူသွားဖို့အရေး ကောင်းမြတ်ကကံစမ်းမဲပေါက်၍ ဒီကောင့်ကားဆီလာကျတာမဟုတ်လား။ အေးပေါ့လေ သွားကြတာပေါ့ driver အနေနဲ့တစ်လမ်းလုံး ဒီအတွဲနဲ့သွားကြတာပေါ့ကွာ။
စလေသွားရာ လမ်းလေးထက် ရွှေကူတို့ကားကနောက်အကျဆုံးဖြစ်လေသည်။ ကျန်သည့်မိဘများနှင့် မမဖြူငယ်တို့က ရွှေကူတို့အရင်ထွက်သွားကြပြီဖြစ်သလို ခရီးလဲပို၍တွင်စွာရောက်နေကြပြီဖြစ်သည်။ ရွှေကူတို့ကအိမ်မှထွက်သည်လဲနောက်ကျသလို လမ်းတွင်အကိုလေးကဗိုက်ဆာ၍ဟုဆိုကာ ထမင်းဝင်စားကြသေးသည်မဟုတ်လား။ ထိုအကျိုးကျေးဇူးတွေကြောင့် စလေသို့ ညရောက်မှရောက်တော့မည်ဖြစ်သည်။
Words 3227
10.12.2023 8:40pm
ဆက်လက်ကြိုးစားသွားပါမည်။