فرحة القلوب
💕منى عبدالعزيز 💕ومروة حمدي. 💕
الخاطرة الجميلة: 💕🌷ملاك نوري 🌷
في وريدي إمرآه
خطفت روحي وعقلي
وإنتزعت قلبي من بين أضلعي
كم هي رقيقه وجذابه
تملك جاذبية الارض و السماء
هذه هى معشوقتي و سر وجودي....
أأأحبكـ و كفى
ـــــــــــــــــــــــــــ
ممسكه بهاتفها تقراء رساله به فور ورودها اشعار رسالة
حنان إطلعي الجنينه حالا بدل ما أجي أولع في اخوكي.
لم تجيب لتأتيها اشعارات متتاليه برسائل
تقراءها ببتسامه، تتلفت يمين ويسار الكل مشغول بإلتقاط صور الخطبه وتهنئة أسماء، تتسلل بهدوء وتخرج للحديقة وهى تقراء رساله خلف الأخرى تهبط الدرج تلتفت للخلف وتعاود السير للأمام
ـــــــــــــ،
يقف خلف نافذة غرفته يلتف للخلف فور وضع أحد يده على كتفه يبتسم بحب ويتلمس اليد بحنان يسحب صاحبتها للوقوف أمامه يضمها لصدرة ويشير لها بالصمت وان تنظر إلى ما ينظر اليه،تشهق وتلتف له بعتاب يربت على كتفها ويحدثها بصوت هادئ حنون.
ماجده: هاشم معقولة واقف تتفرج كدة عادي، وازاي تسيب البنت.
هاشم: دول أكتر اتنين اتظلموا، واتجرحوا هي محتاجة تشعر إنها مرغوبة وفي حد مهتم بيها ومش بس كده محتاجه تشعر بأنوثتها اللي انجرحت فيها.
وهو محتاج يكلم يعبر عن اللي جواه يطمن هو خايف تكون جواها مشاعر لامير فؤاد تعب اوي ياماجدة عشان اللحظه دي يستحق اني اتنازل عن جزء من مبادئي عشانه.
ماجدة: بس كده البنزين جنب النار.
هاشم: متقلقيش أنا واقف هنا مخصوص عشان أخلي بالي فؤاد مجنون وممكن يتهور يعمل حاجه كده ولا كده الحقة انا.
ماجده: ايه ده اللحق شوف الواد بيعمل ايه.
هاشم: متقلقيش وأخد بالي منه كويس اوي اي حركة كده ولاكده هيلقيني فوق دماغه.
ماجده شاهقة: شوف عمل ايه اللئيم.
الجد بهمس يحدثها: مكار فؤاد أكيد في دماغه حاجه دماغه سم.
ماجده: هاشم انتي هتنك واقف كده اعمل حاجه.
هاشم: صدقيني حنان محتاجه تحس بانها مرغوبة
وفي نفس الوقت عاوزة تتأكد من حبه ليها، سيبي فؤاد يعالجها بطرقته.
ماجدة: لا لا مش قادرة أتحمل حنان بريئة متجيش حاجه جنبه شايف بتتحرك ازاي أكيد في دماغه حاجه.
هاشم بفزع: لا عندك حق ياماجي انا لازم ادخل هخرج للجنينه من التراس لو حد من اللي جوة حس بحاجه هتكون مشكلة.
_________________
تبتسم بفرحة وهي تري ورود منثورة على الارض والبعض منها مجمع علي شكل كلمات تقراها بعيون دامعه وابتسامه تزين ثغرها وهي ترى الجاسي على إحدي قدميه ويمد يده بعلبه مخملية مفتوحه كلما إقتربت منه تتسع ابتسامتها تكاد تطير من السعادة وهي تستمع لحديثة.
ـ اليوم هو عيد أحتفل به كل عام عيد أول يوم سهم حبك غزى قلبي فيه ، لكن احتفال السنه دي له مذاق مختلف.
فاليوم أقدم قلبي وكلي طوع قلبك إذا قبلتي بي فيصبح اليوم يوم مولدي وإذا رفضتني فاعلمي بأنه سيكون أخر عهد للحياة لى.
تقف أمامه مباشرتا تهبط لمستواه تجسوا على ركبتيها تمد يدها تلتقط العلبه تخرج ما بها تعطيه له وتمد يدها الاخرى وتشير له بعينها بأن يضعه في إصبعها.
عقلة لا يستوعب ما يحدث قلبة تقرع به فرقة موسيقيه يلتقط الخاتم من راحة يدها يلبسه لها وهو يقبل يدها يهب واقفا وهو يساعدها على الوقوف، يحدثها بفرحه وسعادة وعيناه لا تحيد عن عينها.
_ دي أجمل لحظه بعمرى كله متعرفيش قد ايه حلمت بيها قلبي من فرحته حاسس إنه هيخرج من مكانه، انا من السعادة اللي حاسس بيها عاوز اصرخ وبعلو صوتي بعشقك يا أجمل حنان فى الدنيا كلها
بعشقك واوعدك ان عشقك يفضل فى واريدي.
حنان تتلفت حولها تشير له بأن يخفض صوته.
حنان: فؤاد هششش وطي صوتك هتودينا فداهية
لو بابا وخالد يسمعوك.
فؤاد: من النهاردة خلاص مش هوطى صوتي من تاني أنا فضلت كاتم سنين طويلة حبك جوايا، زمان خفت على زعل خالد خفت يقولى دخلت بيته وبصيت على إخته وعرضه،سبتك تروحي من بين إيديا حنان ولادك كان مفروض يبقوا ولادي أنا خلاص مش هوطي صوتي يا حنان مش هوطي صوتى من تاتي، بعشقك عارفة بعني ايه بعشقك.
حنان تقترب منه : أنا أسعد إنسانة بالكلام ده،نفسي أعيش معاك ال اتحرمت منه،أعيش أيام الخطوبة اعيش أول خروجه بجمالها وخناقنا من غيرتك عليا
من أي شاب يقرب مني، لما تجي تزورني ونقعد هنا بالجنيه وتمرجحني على المرجيحه، كل ده محتاجه أعيشه معاك يا فؤش.
فؤاد بذهول قولي الكلام ده من تاني، عايز أسمع اللي قولتية مرة تانية ارجوكي يا حنان، عيدي من تاني.
حنان: فؤاد بطل جنان .
فؤاد: عيدي كلامك يانونا قولتي ايه.
حنان: هشش خلاص هقول نفسي أعيش فترة الخطوبه معاك يا فؤش.
فؤاد يضع يده على قلبه بعد فؤش دي أنا قلبي هيقف.
يقترب منها وهي تعود للخلف يستمر بالاقتراب منها وهي لازالت على حالها ترجع للخلف بظهرها لا يعطيها فرصة للالتفاف خلفها ليتقدم خطوة تجاهها
يبتسم إبتسامه ماكرة لتشهق شهقة عاليه تمد يدها
تجذبه من ملابسة ليسقطا معا فوق الاورجوحه ليبتسم بمكر يحدثها
فؤاد: قولي نفسك تعيشي معايا ايه يانونا ايام خطوبه وتتمرجحي معايا، صبرتي ونولتيها يا قلبي
هنعيش أحلى خطوبة.
حنان: تدفعه بيدها ليسقط أرضا وتهرول تجاه المنزل ليسرع خلفها قبل أن تصل لدرج المنزل الخارجي تلتف بخوف فور سماعها أهات عاليه
تعاود الذهاب تجاهه وهي تراه ينحني ممسك بقدمه يتأوه من الالم تسرع بخطواتها تجاهه لتصرخ وهي تجد نفسها محمولة بين يديه.
فجاءة ينحني يرفعها من على الارض ويضمها لصدرة ويدور بها فى المكان وهو يصرخ بعلو صوته بعشقك بعشقك، يرفع عينه للقادم نحوة.
جدو هاشم شفلك حل معتش قادر أتحمل جيب ماذون ولا وربي وما اعبد لاخدها لبيتي.
الجد هاشم: يابني مآذون ايه بس انت ناسي شهور العدة.
فؤاد: جدو ارحمنى بقولك شفلي حل تقول شهور عدة، حرام والله واالله حرام عاوز أخش دنيا يا عالم.
هاشم: بطل جنانك ده يافؤاد ونزل البنت لو عمك عامر ولا خالد شفوك بالشكل ده مش هيحصلك كويس وبدل ما تخش دنيا هتتكل على الأخرة.
فؤاد ينظر الى حنان بحزن يمثل البكاء وهو ينزلها ببطء شديد ينظر بعينها يحدثها بإستجداء.
فؤاد: ماهو حرام والله أصبر السنين دي كلها وبعد ما تكوني بين ايديا أسيبك كده حتى ده يبق ظلم.
حنان فور ملامسه قدمها الأرض دفعته ليرتد للخلف وتسرع بصعود الدرج تبتعد عن مكان جدها وهي تحني رأسها للأرض وتسير بهدوء حتى إقتربت من باب المنزل وقبل أن تدخل وقفت متسمرة مكانها مما تسمعه.
فؤاد فور ابتعاده عن حنان ظل واقف مكانه ينظر اليها بحب يرى نظرة فخر بعين الجد فور إقتراب حفيدتة منه.
فؤاد بصوت جاهورى إسمع يا جدوا اسمعوا كلكم
حفيدتك دي جننتي، ومعتش فيا عقل أعملوا حسابكم بعد انهاء العدة بيوم فرحي أنا وهي خلاص أنا صبرت كتير ومعنديش إستعداد أفضل يوم واحد بعيد عن حضنها، حنان سمعاني ابدائي تجهيز نفسك
هبداء أحسب الايام من الساعة دي.
ـــــــــــــــــــــــــــــــــــــــــــ
يجلس على الكرسي المجاور لها ينظر لها بعيون تخرج قلوب من شدة سعادتة يقترب من حافة الكرسي ينظر ليدها التي تفركهم ببعضهم، يحدثها بصوته وبحته الرجولية يبتسم على تلك الحمرة التي ملئت وجهها.
ـ مبروك يا سمسمة ، يااه أخيرا بقينا لوحدنا دا انا مصدقت إن طنط وماما قدروا يقنعوا عمي عادل إننا نقعد مع بعض شويه، تعرفي عندي كلام كتير أوى عاوز أقولهولك، أنا لحد دلوقتي حاسس اني بحلم.
يقترب يده يلمس يدها لتبتعد قليلا بخجل كلما مد يده لتترك فراغ جوارها لبتسم بمكر ليعتدل وكاد يرفع نفسه من مقعدة لي.
عينه عليهم نار تخرج من عينه وهو يري يد الجالس الذي يقترب من إبنته ومحاولته الاقتراب من يدها ينظر الي قدمه وهو يتقدم رويدا من حافة الكرسي يفتح فاه ويسرع بالجلوس بجوارها قبل أن ينتقل الثاني لجوارها ليبتسم بخبث وهو يرى وجه المنتفض للخلف، يربت على فخذة عدة ضربات خلف بعدهم تنم على قوتها يحدث الجالس بغل واضح.
ـ منور يا سمير منور يا جوز بنتي تعرفوا نسيتي أباركلكم مبروك يا ولاد.
يلتف لابنته ينظر لها بحنان يرفع يده يطوق كتفها
يبتسم بوجهها يجاهد في تماسك .
_ مبروك يا حبيبة بابا مش مصدق إنك خلاص كبرتي
وجه اليوم اللي كنت ناعي همه، صحيح حلمت بيه كتير بس مكنتش متوقع يجي سريع بالشكل ده،يبتسم لها ويكمل حديثة اليوم ده على قد ماهو بيكون أسعد يوم للاهل إن بنتهم كبرت وهتكون عائله الا أنا مش قادر استوعب كبرتي إمتى حاسس اني بحلم بسهولة كده اوافق انك تجوزي وتبعدي عني .
أسماء بحب تقبل يد والدها: حبيبي يابابا لسه بدري على اني امشي وأسيبك أنا لسه قدامي وقت على لما اخلص دراسة واجهز نفسي وكده.
حبيبة أبوها انا فخور بيكي اهم حاجه دراستك يا قلب أبوكي هسفرك تكملي ماجستير ودكتوراه في اعرق جامعه في العالم ينظر للجالس فاتح فاة ببلاهه يربت على كتفها سوسو روحي لطنط ام سمير قولي ليها سمير بيقول لحضرتك الوقت إتاخر ويدوب نلحق نمشي، وكمان احنا بنحب ننام بدري وسهرنا أكتر من اللازم.
يلتف للجالس بجواره يكاد يحرقة بعينه، بعد رحيل ابنته بحدة طفيفة يحدثه.
يبتعد ويبتلع رمقه بصعوبة مع جلوس عادل جواره
يربت على فخدة بقوة يحدث ابنته بحب، يبتلع ريقة عدة مرات وهو ينظر لتلك النظرة التي تكاد تحرقة مكانه وكلمات عادل المبطنه .
عادل: مبروك يا عريس بنتي ، يهمس له وهو يجز على أنيابه، لو كنت فاكر انك لويت دراعي واستغليت طيبة جدها وعمها ال صعبت عليهم انت والدتك يبق غلاطان، بنتي هتفضل في بيتي وحضني مش هتسبني أبدا فاهم ولا لا.
سمير: نعم حضرتك بتقول ايه.
عادل: زي ما سمعت كده بنتي مش هتسبني، عاوز تكمل الجوازه يبق تجي تعيش هنا معانا في شقتي واوضه اسماء غير كده بنتي مش هتبعد عني.
سمير : نعم هو ايه اللي في اوضة اسماء هو الزوج اللي بيروح لبيت زوجته ولا العكس ، حضرتك لما اتجوزت طنط آمال جبتها لبيتك ولا روحت عشت معاها في اوضة نومها.
عادل يجز على أسنانه وهو يرى قدوم آمال زوجته ووالدة سمير ليهب واقفا مانعا على سمير الحديث
يمد يده يسلم عليه ويجذبه من جلسته.
عادل: مبروك يا سمير يابني، مع اني بقول لسه بدري وخليكم سهرانين معانا، بس مش هضغط عليك عشان شغلك الصبح وكلية أسماء، يلتف لوالده سمير
نورتينا يا ناهد هانم يبنت ابن مرات خالت مراتي، ملحقناش نقعد مع بعض بس أكيد الجايات كتير مش كده يا آمال.
ام سمير:متشكرة يا عادل بيه ان شاء الله تتفضلوا تشرفونا بكرة على العشاء وأسماء تشوف الفيلا لو حابة تغير فيها حاجه نلحق نغيرها وتختار العفش
آمال أتت ترد عليها يقاطعها عادل بسرعه.
عادل: وهو يمسك يد سمير ويخطوا به تجاه باب المنزل، متكلفيش نفسك يا مدام ناهد واعزرينا بكرة مش هينفع خالص مش بنا الكلام ده ومتنسيش كتب الكتاب جه فجأة وأسماء عندها مزاكرة وامتحانات واخاف تنشغل بالجهاز وكده ويأثر على دراستها و تسقط في مادة ونآجل الفرح.
ام سمير: مجتش من يوم يا عادل بيه ولو على الجهاز وكده نستنا لما أسماء تخلص إمتحانتها.
كل هذا وسمير ينظر ليده بيد عادل الذي يخطو به تجاه باب المنزل بذهول يستمع لكلمات والدته وتقبيلها لآمال وأسماء ببلاهه أخيرا حرر يده من يد عادل ليخطو تجاه أسماء يمد يده يسلم عليها وعينه على وجهها وتلك الحمرة انحن يقبل وجنتها بدون شعور ليجد شفتاه طبعت على يد خشنه لا يعلم كيف ومتى اتت ينظر لصاحب اليد وتلك النظرة يشير له بعينه على اتباع والدته التي خطت مع زوجته خارج المنزل يلتف لابنته يربت على وجنتها بحب.
عادل: سوسو حبيبتي انتي تعبتي النهاردة اطلعي على شقتك يا قلب بابي نامي على ما اوصل سمير لحد الباب برة.
أسماء وهي تكتم ضحكاتها على حركات والدها الغريبة وذهول سمير وهو يحاول التحدث دون ان يعطيه والدها فرصة تومى براسها وتذهب للداخل.
سمير بعد اذنك ياعمي، أسماء ممكن كلمه لو سمحتي كنت عاوز رق.
لم يعطية عادل فرصة للتكملة اطلعي يا سوسو انا هوصل سمير وطنط ناهد وجاي على طول.
تصعد اسماء وهى تضحك تحدث نفسها، انا هأخد صف نفسى ، دودى وسمير نفس الطبع ونفس الشخصية يبقى يتصافوا سوا وانا بعيد عن الاثنين.
بالاسفل، يقف عادل خلف الباب وآمال تضع يدها فى خصرها تنظر له باتهام ليقابلها وبراءة الاطفال فى عينيه، تهم بالحديث ليمسك بيدها سريعا ويده الأخرى خلف ظهرها محاوطا لها: يالا يا حبيبتى على فوق نرتاح شوية انتى من بدرى واقفة على رجلك، كلما همت بالحديث يقاطعها : فوق يا حبيبتى فى شقتنا واوضتنا وعلى سريرنا.
ياسين ويوسف من الخلف: تاااااانى.
عادل: ايوه صح افتكرت يا بغل منك ليه، هاتوا تليفوناتكم.
ياسين ويوسف وهما ينظران لبعضهما: تليفوناتنا.
عادل: يشير لهم الاقتراب قبل دخوله للشقه خلف زوجته ايوة الليلة ليله مفترجه واعتبروا بكرة آجازة
عاوز تيران بالشقة والسقف يقع على عمكم عامر ميشفش النوم مفهوم ولا لا.
يوسف: هههه شكل عمى عامر مزعلك أوي.
ياسين: اتفضل يا ابو يوسف التليفون اهو، بعد اذنك انا ليا تار مع عمي واخدت الضوء الأحمر.
يوسف: استنى يا ياسين خدنى في سكتك ان كان ليك تار انا ليا اتنين متشكر اوي يا بابا.
عادل: ولادي وتربيتي فاضل جدكم ابويا اشوف بس
اخد تاري منه ازاي.
يغلق الباب بقدمه ويخطوا تجاه غرفته يجد آمال زوجته ممدده على الفراش متكئة على يدها، تبتسم بمكر.
آمال: عادل.
عادل وهو يبدل ملابسة نعم يا حببتي.
آمال: ناهد أخدت رقم تليفون أسماء.
عادل كاد يتعركل في بنطاله ينظر لآمال بغيظ من ضحكها الهستري عليه، يلتف لها اضحكي يا آمال ماهو كله منك ومن قرايبك، يعاود ارتداء بنطالة ويخرج من غرفته مسرعا يقف مصدوما امام باب غرفة أسماء وهو يسمع صوت ضحكتها وحديثها، يعود لغرفته يغلق الباب بضيق ينظر لأمال ويحدثها.
عادل: أنا اللي غلطان مفروض كنت أخدت تليفونها الاولي بس على مين والله ما منوله اللي في باله أبدا وانا يا هوه.
استغفروا لعلها تكون ساعة استجابة.