دخل للغرفه وهو ماسك يدها .
من قوه فرحه مايعرف وش يسوي الا طوال الوقت مبتسم .
استغربت ياسمين وقالت وهي تجلس على الكرسي : من يوم دخلنا المستشفى وانت ابتسامتك واصله لاذنك ! وشفيه
نظر لها بسرعه وارتاحت ملامحه : م ابتسم يعني ! هذا طبيعتي
ابتسمت بسخريه وهي تشتت نظرها .
دخل الدكتور وقال وهو يجلس على كرسيه ويبتسم : طلعت النتائج
نظرت لفيصل : انا اصلا قلت لفيصل انه الم قبل الدوره وهذا طبيعي
الدكتور سكت وقال وهو ينظر لفيصل : دوره !
نظرت له بهدوء وقالت وهي تبتسم بخفه : ايوه !
الدكتور ابتسم وهو ينظر للملف : اللي قدامي تحليل ثاني ، وانتي حامل في اسبوعك الأول !
نظرت لفيصل بصدمه اللي كان هو مصدوم .
غمضت عينها ونظرت للدكتور : مستحيل !
الدكتور مافهم : ليه مستحيل ياسيده ياسمين ، هذا شي طبيعي حمل
فيصل ابتسم بفرحه وقال وهو يمسك يدها ويستاذن تحت صدمه ياسمين .
طلع من الغرفه وسحبت ياسمين يدها وقالت : ليه فرحان ! هذا اكيد تحليل خطأ
تنهد وقال بعدم فهم : الدكتور يقول انك حامل ! وش السيئ في ذا !!
سكتت وهي تنظر لوجهه وقالت : الحين طلع الحب منك لما طلعت حامل ! يعني اذا ولدت بتاخذ الطفل وتتركني انا
مسك يدها بقوه ونظر لها : ياسمين مشاعرك متلخبطه الحين ، اهداي ونتكلم اذا وصلنا البيت
طلعو من المستشفى ، لكن الخوف كان يجري لياسمين .
كانت خايفه الاهتمام اللي يجيها الحين بيروح وينتهي اذا ولدت .
لأنها تعرف فيصل تزوجها بالاجبار وهو مايحبها .
ف طبيعي شخص زي فيصل بيتركها اذا ولدت .
سكتت طوال الطريق وهي تحط يدها على جبهتها .
---------------
الساعه 10 صباح قامت إيناس من النوم وهي تحس بالارهاق .
طلعت للصاله وشافت منى لابسه عبايتها .
ابتسمت وهي تحك عينها : بدري عليك
منى ابتسمت وهي تاخذ شنطتها : طالعه لبيتي
إيناس : اما ! ليه توني اعرف
منى وهي تحضنها : انتبهي ياحياتي على نفسك !
إيناس سكتت بهدوء وهي تبادلها الحضن .
ودها تتصل عليه وتقول له يجي لكن الخجل والحياء يأكلها .
طلعت منى ونظرت للصاله وهي تحك رقبتها .
جلست وهي تضم يدها لبعض .
دق جوالها وأخذت بسرعه ظن منها انه محمد .
لكن تلاشت ابتسامتها وهي تنظر للمتصل .
ردت وقالت وهي تضيق عيونها : الو مين معايا ؟
ذيب وهو يضحك ويمسح الدم اللي في وجهه : ذيب وعلشان تعرفيني صح عادل !
بلعت ريقها وكانت بتقفل لكن وقفها ذيب وهو يقول : تحركي بعقلانيه ياايناس ! واذا تبين تشوفين حبيب القلب تعالي للعنوان اللي ب ارسله لك !
قفل الخط تحت صدمتها ، نظرت للموقع وطلعت من البيت لكنها تذكرت ان مافي سياره .
شافت الموقع مو بعيد البعد وراحت مشي له .
وقفت تنظر للمزبله الكبيره والشخص اللي جالس على الكرسي وينظر لها مبتسم .
ارتجف جسمها ومشت بهدوء له .
ذيب قام بهدوء وهو يبتسم ويرحب فيها : ياهلا
ما اقتربت وقالت وهي تنظر لحولها : محمد وين !
ذيب وهو يحط أصبعه على طرف شفايفه : علطول كذا ! هدوء تعالي نتكلم بغرفتي
تغيرت ملامحها للقرف وبعدت وهي تصرخ : محمد !!
ذيب : اذا تبينه تعالي معي سهله !
تغيرت ملامحها للترجي : تكفى اعطني محمد ونروح من هنا
ذيب بسخريه : ياقلبي انتي ! تبينه تعالي معي
لفت وراها وهي تنظر بحذر .
مشت بهدوء وراه إلى دخل محطه صناعه السيارات قديمه .
لفت تنظر وقالت بتوتر : محمد وين
ذيب ابتسم : اتفاق بسيط ، تتزوجيني ونربي مع بعض ميلا واترك محمد !
بسخريه : اتزوجك ! ونربي ميلا اجل !
ضحكت بصدمه وخوف .
ذيب وهو يتحرك بمكانه ويلعب بيده : محمد ممكن يموت ، ممكن يعيش لكن وهو متعذب ، ممكن نقتل اهله كلهم ! ماندري
سكتت وهي تنظر بتردد للارض .
نظرت بعد دقايق : محمد خلني اشوف
ذيب بسرعه : اكيد تقدرين ! تعالي معي
مشت بسرعه للغرفه اللي وقف عندها .
نظرت له بصدمه وتلاشت الدموع عليها .
تقدمت بسرعه وهي تحضنه ، محمد دفن وجهه في شعرها .
نظر لذيب وقال بعصبيه : وش قال لك
فصلت الحضن وهي تنظر لوجهه وماكان يبعد ، الا ان انفاسهم تتصاقع في بعضهم .
نظرت لذيب ورجعت تنظر لمحمد ، غمضت عينها ونزلت رأسها للاسفل .
لكنها كانت ممسكه وجه محمد مما جعله مستغرب : إيناس وش تسوين !
ذيب تقدمت وهو يجلس على الكنب ويحط رجل على رجل ويبتسم : ودعها يامحمد لأنها بتصير زوجتي
سكت لثواني وبدأ يضحك ، نظرت إيناس له بهدوء وقال وهو ينظر لايناس : تسمعين وش يقول ؟
ماردت إيناس وفضلت تسكت ، مما جعل محمد ابتسامته وضحكته تتلاشى بهدوء .
محمد : اول شي كيف تتزوجها وانا متزوجها !
قال هذا الكلام وهو ينظر لايناس .
إيناس غمضت عينها وسحبت كرسي وحطتها قدام محمد .
نظرت لذيب وقالت : بتكلم مع محمد لحالنا
سكت وهو يحك شنبه ، وقام وطلع .
نظرت لمحمد وهي تبتسم ، وقامت تفتح رباط يده .
محمد كان مربط على الكرسي .
ابتسم محمد وهو يحضنها ، جلست ومسكت يده .
نظرت لعيونه وقالت : عندي خطه !
محمد هز رأسه ب استنكار : انا ساكت من اول علشانك ، لاتقولين طلقني وتتزوجينه ياويلك مني !
ضحكت بخفه وشدت على يده مما جعل محمد يبتسم .
إيناس هزت رأسها ب لا : م راح اتزوج غيرك ، عندي خطه ثانيه
ابتسم بحب وهو ينظر لها ولطريقه كلامها .
قطع كلامها وقال وهو يتذكر : اهلي ! وسعود
مافهمت وقالت : وشفيهم ؟
محمد : عطيني جوالك !
طلعت جوالها واعطته ، دخل رقم راجح ودق عليه .
سكتت وهي تبتسم مما جعل محمد يبتسم ويمرر أصبعه على خشمها .
راجح اخذ جواله بسرعه وفتحه بتعجب : الو مين معي
محمد : ابوي انا محمد ، دقيت عليك من جوال ثاني علشان جوالي طفا شحن .. م اقدر ارجع الحين وعلم سعود
راجح تنهد وهو يحط يده على خصره .
محمد ماسمع جواب وقال : الو ؟
راجح : بس ترجع قبل الخميس هذا .. سعود جاي يخطب نسيم !
انصدم محمد وابتسم وهو ينظر لايناس .
إيناس مافهمت و هزت رأسها .
محمد : اما عاد ! .. وانا كنت عنده قبل كم ساعه ومايعلمني .. ولا علشانه مستحي أرفض !
ابتسمت إيناس وقال راجح وهو يبتسم بخفه : اقول بس خل عنك الحكي الفاضي .. زي ماقلت ارجع قبل الخميس على الاقل قبل العصر !
هز رأسه بسخريه : طيب اذا قدرت .. بعدين جيتي مو مهمه اجيهم بالزواج .. يعني لاسعود بيزعل ولا نسيم
راجح قفل على وجهه ، نظر محمد للجوال وهو يبتسم بسخريه .
إيناس ضحكت بخفه : دمك خفيف بالاوقات الغلط ! .. المهم اسمعني زين
بشرود : اسمعك واذني تطيع لك .. تكلمي