لاتحرم الروح من وصلك ، وترى الوصل منك يحييها

45

دخل للبيت وهو ماسك يدها .
كان يبتسم الا هي كانت ملامحها هادئه .
كانت بتعرف فجاه بينفجرون فرحه ويبدون يهتمون لها .
شعور غريب ومقرف ماحد يتمناه لعدوه .
تكلم بصوت عالي علشان يسمعونه : يمه !! رغد !!
طلعت رغد من غرفتها ونزلت من الدرج .
ابتسمت وهي تسلم عليهم وقالت : وشفيه ؟
بحماس وهو يشد على يدها ، ونظرت هي ليدهم : نادي امي
رغد لفت وهي ترجع خصل من شعرها لورا اذنها : اجلسو انتم وبكلم امي
راحت رغد لأمها ، ونظر فيصل لياسمين وشافها هادئه .
تنهد وهو يجلس وجلست معاه وهو ماسك يدها .
تنهدت وهي تفصل يدهم : ترا ماراح اطير على فكره
ابتسم بسخريه ودخلت ام فيصل ترحب فيهم .
نظرت لرغد اللي كانت جالسه : قومي سوي قهوه
تنهدت بتذمر لكن قاطعها فيصل بسرعه : مايحتاج قهوه بنقوم بعدها نروح القريه !
نظر الكل بصدمه لكلام فيصل ، ام فيصل بهدوء : القريه ! ليه ؟
رفعت حواجبها لسؤالها ، تعجبها من روحتهم للقريه اغضب ياسمين .
واللي بالقريه اهل ياسمين مما ازعج ياسمين .
فيصل ابتسم وهو ينظر لياسمين وقالت رغد بضحك : ليكون مثل اللي كلمتك قبل كم يوم !
فيصل ضحك : ياسمين حامل !!
شهقت رغد وهي تعرف ، لكن ام فيصل كانت مصدومه .
حضنتهم وباركتهم .
طلع الاثنين من البيت وركبو السياره .
كان الطريق هادئ وفيصل محتار ، اعتراف فيصل أثقل من انه يقوله .
ولا وده يشوف ياسمين زي كذا وخصوصا انها حامل .
يعرف وش قاعده تحس فيه ياسمين .
لكن ينتظر الوقت علشان تبادله الفرحه .

-------------

فتحت باب الاسطبل بهدوء وخفي .
عضت شفايفها خوف من احد يشوفها .
خرجت من البيت تبي تشوف الجوهره ، لأنها تحس تبي تشوفها وان في شي صاير لها .
لكن ماكانت متأكده ان الجوهره بخير .
دخلت بهدوء وهي تبتسم بفرح وبخفه .
وقفت بصدمه وهي تشوف الشخص اللي جالس في جلسه .
نظرت له من بعيد من كبر الاسطبل وشافته تركي .
تركي لمح هتان وتحرك بصدمه وقام بسرعه قبل تشوف الجوهره ميته .
وقف قدامها وهو مو عارف وش يسوي وش يقول .
بعدت بصدمه منه وقالت : عفوا ! .. وش تسوي هنا
تركي حك شعره وشتت نظره .
تنهدت وبعدته وقالت : بعد عني بروح
تركها تروح وتقابل الحقيقه ووقف ينظر لها من بعيد .
وقفت وهي تبتسم للكربج حق الجوهره وفتحت الباب .
لكن مع فتوح الباب الجوهره ماكانت موجوده .
ضيقت عيونها ولفت تنظر وراها ، ماشافت الا تركي ينظر لها بوجهه هادئ .
تقدمت له من بعيد : وين الجوهره ؟ .. مو انت هنا اكيد تعرف وينها فيه
تركي وهو يتحرك وينظر لكل شي الا هتان : الجوهره !
سكت وقالت ب اصرار : تركي وين الجوهره !
تركي غمض عينه : الجوهره ماتت !
حركت رأسها بعدم فهم : ماتت !!
لفت بشهقه خفيفه وهي تتنفس بصعوبه لورا .
نظرت بسرعه لكل الكربج الخاص بكل حصان ومهره .
لكن ولا وحده كانت زي الجوهره .
دق قلبها بخوف ، نظرت لتركي وكانت تبغا تفسير .
تفسير ليه ماتت ، ومين قتلها .
هزت رأسها بسرعه وهي تستنكر الحقيقه وقالت وبدات الدموع تنهار : مستحيل .. مستحيل الجوهره وعدتني ماتروح مستحيل !
قرر يعطيها المجال لتقبل الموضوع .
وقف ينظر لها بهدوء وهي بسرعه وتتنفس بصعوبه توجهت تطلع من الاسطبل .
كانت تجري وتشهق وهي مؤمنه انها لسا عايشه مستحيل الجوهره تموت .
فتحت باب بيتهم وهي تسحب عبايتها وتحاول تتنفس .
وهي تشهق وتصارخ فتحت الباب : ابوي !! .. ابوي الحق !!
طلعت نسيم وهي مصدومه من شكل هتان وهي تبكي بشكل يخوف .
شهقت واسرعت تمسكها وهي تقول : هتان !! وشفيك تبكين زي كذا !!
هتان من بين شهقاتها : ال..جوهره !!
سكتت وهي مصدومه .
طلع عليهم راجح وهو مصدوم ومنفجع من المنظر اللي قدامه .
تقدم بسرعه وقال : هتان وشفيك !
هتان اكتفت تبكي وقامت بسرعه وتمسك بياقه ابوها .
راجح مافهم وهو يمسكها نظر لنسيم اللي كانت تنظر بحزن .
راجح مافهم : هتان بتقولين وشفيك ولا لا !
هتان ببكاء : الجوهره ماتت !
سكت بصدمه وماتوقع ابدا باللي صار .
ترك هتان ونظر لنسيم : انتبهي لها !
هزت رأسها بالقبول وحضنت هتان ودخلو للصاله .
ركب السياره بسرعه ووقف بسرعه عند الاسطبل .
فتح الباب وهو يشهق ويتنفس بقوه .
وقف وهو ينظر لتركي اللي جالس على الكرسي ولاف حوله العمامه .
تركي قام بسرعه وتقدم راجح متجاهل تركي لكربج الجوهره .
فتح الباب وماكان فيه احد لف بهدوء على ورا وهو يدور العامل من بين الكربجات .
بدا يدور ويفتح كل كربج وكانت كلها مليانه احصنه .
اخيرا نظر لتركي بجمود وتقدم وقال : العامل وين ؟
تركي وهو ينظر للارض : العامل ماله باللي صار ياعمي .. اجلس خليني اعلمك وش صار بالتحديد !
جلس بدون تردد وتركي ينظر له .
راجح : تفضل اجلس .. ولا تبي دعوه وراها !
تنهد وهو يجلس وقال وهو يتكي على رجله : امس لما كلمتنا انا ومحمد نروح نشوف الجوهره .. جينا ولقيناها طايحه وبالكربج حقها كانت في ابره وحبوب !
عدل جلسته وهو يسمع للي يقوله .
بعدم تصديق : ابره وحبوب !!
تركي وهو مو فاهم : هذا اللي م فهمته انا ومحمد وسعود .. مين اللي أعطاها وحط عيونه عليها !!
نظر بهدوء لراجح : من بين كل الاحصنة اللي كانت قريبه من اي شخص يقدر يدخل لها بسهوله ليه الجوهره !
شك راجح بكلام تركي وقال : وش تقصد ؟ يعني الجوهره مستهدفه !
تركي رفع يده عند اذنه : محمد راح لنجد واخذ الابره والحبوب علشانه يشوف الفاعل مين من خلال بصمات الأصابع
راجح : محمد دق علي قبل كم ساعه يقولي عندي شغل
نظر بشك لتركي : وش بيصير اذا انمسك وتعرض للاعتداء مثل المره اللي قبل !
سكت تركي بهدوء وهو ينظر لراجح .

--------------------

دقت بابها وهي تتنفس بصعوبه .
لأنها مشت أمتار بعيده بدون سياره .
فتحت منى الباب وقالت بصدمه : إيناس
إيناس نظرت لها وابتسمت ودخلت .
قفلت الباب وتقدمت وهي تبتسم : ماكنت أصدق انك بتشتاقين لي بسهوله .. وتجين أمتار علشاني صدق من قالو ومن الحب ماقتل
ابتسمت بسخريه من بين كل اللي يصير .
جلست منى وقالت : وشفيك ياايناس ليه تجين مشي .. كان كلمتيني اجيك
إيناس سكتت وهي تغمض عيونها وقالت بعد سكوت : لو تسكتين يامنى علمتك
عدلت نظراتها بغرابه وقالت بشك : إيناس فيه شي ؟
إيناس بدأت تقول لها كل شي ، يعني كل الخطه وكيفيه تنفيذها .