لاتحرم الروح من وصلك ، وترى الوصل منك يحييها

27

راجح |

بعد صلاه الظهر وهو طالع من المسجد لقى رجال .
العقاري اللي ضيف الله راح له .
سلم راجح عليه وسأل الاثنين عن بعض .
راجح بفضول : اقولك ياعمي مين الناس اللي جاو في بيتك ؟
العقاري : هذولا ناس جايين من القريات ، ويبغون بيت متواضع علشان يكمل دراسه بنته وانا نزلت الإيجار ، وواضح حالتهم الماديه سيئه
راجح مسك يد العقاري : اسمعني روح انت الحين وقول لهم البيت لهم بدون إيجار ، وانا بدفع لك
العقاري : تمام
طلع العقاري من المسجد وراح لبيتهم .
دق الباب وفتحت هديل وقالت : ابوي مو موجود
العقاري : علمي ابوك اني ماعد ابغا إيجار
توسعت عينها : ليه !
العقاري : بغيت كذا وعيشو فيه مثل ماتبون
ابتسمت وقالت : شكرا
العقاري : العفو
راح العقاري وقفلت الباب .
لكن وقفها راجح .
نظرت وقالت : بغيت شي....
نظرت له ونظرت لعيونه .
دق قلبها بقوه وتجمدت عيونها .
ابتسم راجح وقال وهو يتقدم : هديل !
بعدتها وقالت : اطلع برا !
سكتت وهو مصدوم وقال : ليه !
هديل نظرت لعيونه الشوق اكلها اكل .
لكن ماتقدر تعفو عنه .
تركها واعطاها امل وامال لكن كل مره يخيب ظنها .
وعدها انه يرجع لها لكن مارجع .
قالت وهي تبكي : الله يعلنك ! كيف لك وجهه تجي لباب بيتي ! اطلع برا ولاعاد اشوفك !
الخيبه اللي تعرضها راجح قويه .
ماكان يعرف ليه معصبه عليه وتلعنه .
بغى يسالها لكنها كانت تفور وممكن تلسعه في اي لحظه .
راجح نزل يده وقال : ليه ماعاد تبيني ، وانتي منعتيني اروح من عندكم ، لذي الدرجه نسيتي ، ولا نسيتي حبي لك
قالت وهي تضحك بسخريه ودموعها تنزل : اي حب ! ، اذا كنت تحبني منجد ماكان خليتني اعيش في خيبه امال كبيره ، انام واقوم وانا اتخيل انك تجيني ، حتى اتصال م اتصلت !
راجح بهدوء : واضح انك معصبه ومافي مجال نتكلم زين ، وإذا بغيتي تتكلمين معي وتعرفين ليه مارجعت لك بيتي رقم ٣٠
نظر نظره اخيره وطلع وقفل الباب .
طاحت تبكي وهي تمسك فمها .
مررت يدها على رقبتها وهي تحاول تتنفس .
قامت وهي تكح ومشت بهدوء للصاله .
حطت يدها على الكنب وجلست .
طيف وجهه كان في مخيلتها .
مع كل أفعاله الا انها ماتقدر تنكر شوقها وفرحتها في وجوده .
دق الباب ولفت بسرعه .
قامت بسرعه وفتحت الباب وكان ابوها .
دخل ضيف الله وهو ماسك أكياس .
قال : امسكي الأكياس ودخليها المطبخ
اخذتها ودخلت .
مشى للصاله وهو يتنهد من التعب .
حطت الأكياس بالمطبخ ولفت تناظر للاشي .
ابتسمت بهدوء وأخذت مويه تشربها .

----------------

محمد |

كان بالمكتب جالس مع الياس .
وكانو يسالفون بسوالف طبيعيه كالعاده .
وبينهم كان الشاهي والمكسرات .
دق الباب وكانت دقات غريبه .
الياس نظر لمحمد وهو يقوم : مين ذا
محمد قام ومسك الياس وقال بهمس : دخل ميلا داخل
راح الياس ودخل ميلا لداخل وقفل الباب .
طلع ووقف ورا محمد اللي تقدم وفتح الباب .
ولانه شخص غريب واول مره محمد يشوفه والياس كمان قال : تفضل
المجهول : سلام عليكم
محمد نظر بغرابه لملابسه : وعليكم السلام
المجهول : انا جبار نقدر نتكلم شويتين هناك
محمد : قول اللي تبغاه هنا
جبار بنفس الهدوء : تفضل معي
رجع جبار لمكان بعيد شويه عند السياره .
محمد نظر لالياس وراح له .
وقف الياس يناظر لهم .
محمد : تفضل وش تبغا
جبار : السيد ذيب يبغا يتكلم معاك بموضوع مهم جدا
محمد بسخريه : السيد ذيب ! وش يبغا
جبار : حذرني في هذا الموضوع ، هو راح يتكلم معاك
محمد لف يناظر حوله ويبتسم بهدوء : وين سيدك ذيب
جبار مد يده للسياره : تعال معاي
ركب جبار السياره وركب محمد ورا .
دق الياس على محمد ونظر لجبار اللي ماكان يناظر فيه .
شغل السياره ومشت .
كتب محمد لالياس : ذيب يبغا يتكلم معي في شي ، انتبه لميلا واذا صار شي ومارديت عليك كلم منى وحاكم
وقفل جواله .
وقف جبار بعد وقت طويل قدام مزبله .
فتح الباب لمحمد اللي طلع وهو ينظر لكل جهه بغرابه .
مشى ووقف قدام ذيب وقال : ذيب ؟
ذيب اللي كان جالس بهدوء وقال وهو يأشر على الكرسي : اجلس
تنهد وجلس وقال : اخلص
ذيب : بما وصلنا لنهايه الحكايه وقبضتو على مدالله ، خليني اقول لك الحقيقه اللي مايعرفها احد
محمد بجمود : وانت وش عرفك في مدالله !
ذيب : حقيقه مدالله م اغتصب إيناس ، وطفله إيناس ماترجع غير شرعيه
محمد طلعت النيران من كل مكان وتقدم وقال بصراخ : وش تعرف عن إيناس !
ذيب بعد جسمه عنه تفادي لهجومه : الحقيقه انا اغتصبت إيناس وميلا هي بنتي !
عكس انفعال محمد هذة المره سكت .
سكت وهي يراجع كلامه .
الكل يلعب معه ب إيناس .
وكانو يستخدم كل واحد إيناس في قضايا مقرفه .
غرزت شوكه بقلبه وهو يقول بنفسه .
تحرش من خالها واغتصاب من غريب وطفله غير شرعيه .
ذيب : وعلشان كذا ابيك تطلق إيناس واتزوجها وبكذا ماتبقى مشكله في طريقي وطريقك
انجن محمد جنونه .
غمض عينه وبدأ يضحك تحت تعجب ذيب .
قال بضحك : جابوكم بالعد لي ؟
ومسك ياقه ذيب وضربه براسه .
ماكان احد حواليهم من طلب ذيب .
راح محمد لجهته ومسك ياقته وبدأ يضربه بوجهه .
محمد كان وقتها أقوى من ذيب من ان ذيب يدافع عن نفسه .
على حافه الموت وقف محمد وغمض عينه وهو يلهث .
نظر لذيب بجمود .
وقام ورفعه من ياقته .
كان ذيب جثه مايقدر يتحرك من كثر الضربات .
مشى بسرعه للسياره وفتح الباب ورماه .
ركب هو السياره وتحرك بسرعه جنونيه .
دق على الدكتوره وقال : إيناس قامت ؟
الدكتوره : قبل كم ساعه قامت وحالتها جيدا
ابتسم : تمام شكرا
وقف السياره عند المستشفى .
بدا يفكر مايقدر ينزله في المستشفى والدم يصب منه .
نظر له وقال وهو يبتسم : وش فيها لو نستضيفك الين تطلع إيناس؟
رجع ووقف عند مكان مهجور .
فتح السياره وفتح باب ذيب .
مسكه بقوه وقفل الباب .
فتح باب البيت ورمى ذيب بالأرض .
قفل الباب ونزل لمستوى ذيب وقال : جيت ليدي بنفسك
بعد ٥ ساعات _
دق باب الياس وفتح الباب .
الياس : وش صار
دخل محمد وجلس على الكرسي وهو مبتسم : ماصار شي بس كان يكلمني بموضوع
الياس جلس جنبه : متاكد ؟
محمد : متاكد ! جيب ميلا هنا
سكت وهز راسه .
دخل للغرفه وجابها .
نطت لحضنه وقالت : وين رحت
محمد بضحك : مارحت جيت
نظرت لالياس : كنا انا والياس نرسم رسمات اوريك ؟
محمد ضحك : يلا وريني
نطت ميلا تجيب الأوراق ووقفت قدامه وقالت : هذا انا رسمتها هذا انا وهذا انت وهذا ماما
محمد ابتسم : كذا شكل ماما ؟
ميلا تلاشت ابتسامتها : لا طبعا لكن انا رسمت اللي بمخيلتي
فتح يده وقال : شطوره
صفقت يدها بيده وبدات توريه الرسمات .