نزلت تولين لتحت وهي تدور على فيصل .
ام فيصل : تولين بنتي وشفيك
تولين ابتسمت وجلست وهي ماسكه الايباد : ادور يايمه على فيصل وينه ؟
ام فيصل : فيصل راح مع ياسمين !
بتذمر : اما عاد ! وانا كنت أبغاه يسجلني بالجامعه
ام فيصل : دقي عليه طيب
اخذت جوالها وقامت وراحت المطبخ .
حطت ايبادها على الطاوله وجلست تنتظره يرد .
فيصل : الو تولين
تولين : فيصل وينك
فيصل بتعجب : بالبيت ، ليه ؟
تولين : ياخي ابغاك تسجلني بالجامعه
فيصل : خلاص كم ساعه واجيكم
قفلت وطلعت لام فيصل وقالت : تولين بنتي امك دقت علي بتجي بكره وبتاخذك
تولين بحيره : بس انا كلمتها بقعد الاسبوع كله هنا !
ام فيصل : قالت تبغاك في موضوع
تولين وهي تطلع بالدرج : موضوع ! الله يستر
فتحت الباب بسرعه وقالت لرغد اللي كانت تسوي مكياج وهي تجلس : امي دقت على خالتي تقول بتجي بكره وتاخذني
لفت رغد بالكرسي عليها وقالت وهي تسال وتسوي الروج وماسكه مرايه صغيره : اما عاد ، هي مو قالت الأسبوع ذا كله بتقعدين هنا
تولين نظرت لها : خالتي تقول تبغاني في موضوع
نزلت المرايه والروج وقالت : موضوع ! خالتي بتتكلم معاك بموضوع !
بشهقه : هي لايكون بتزوجك !
ضربتها تولين وقالت : شدخل توني صغيره لسا !
مسكت المرايه وهي تسوي الروج : مع ذلك حذرتك انتبهي
تولين نظرت لرغد : كلمت فيصل يجي يسجلني بالجامعه
رغد : حتى انا كمان
تولين بتمني : يارب نوره أتمناها
رغد وهي تلف كرسيها وترجع الروج والمرايه وتقوم : يلا مع السلامه !
تولين بتعجب : على وين !
رغد وهي تلبس عبايتها : بروح لصحبتي
تولين بصدمه : وانا !
رغد :وش اسويلك ، تعالي اذا تبين
تولين قامت وقالت : وفيصل ؟
رغد : خلاص اجلسي الين يجي فيصل وبعدين خليه يجيبك عندي !
تولين وهي تسمع صوت فيصل : جاء دقيقه
اخذت الايباد ونزلت بسرعه وقالت وهي تبتسم : فصولي جيت
فيصل بتذمر وهو يجلس : علشان الاسم ذا فكرت اني مااسجلك
ام فيصل ابتسمت ، وتولين تداركت الوضع وحضنته : ياحبيبي انت ، فيصلي شرايك بذا ؟
فيصل ضحك وقال وهو يمد يده : هاتيه
تولين بسرعه : كل شي مسجل بالورقه ، انا بطلع مع رغد
فيصل لف يناظرها : وين بتروحون ؟
تولين : لصحبتها
طلعت ولفت ام فيصل وقالت : كيف يمشي زواجك ؟
فيصل وهو ينظر للايباد : حلو
ام فيصل تنهدت وقالت : ترا اعرف كل شي ، وياسمين ماتناسبك لأنها قرويه وجايه من قريه ، وانت مجبور عليها
فيصل لف عليها وقال : مين قال الكلام هذا ؟
ام فيصل : الا امك يافيصل ، انا اعرفك من يوم ولدت وانت تحب فاطمه
فيصل ابتسم بخجل وهو يرجع ينظر للايباد : الكلام هذا كان قبل ، الحين انا متزوج مايصح لك تتكلمين عن الماضي وانا متزوج ، لو انك فهمتيني قبل الزواج كان زوجتيني فاطمه ، لكن فهمتيها بعد ماتزوجت وبعد اسبوع من زواجي هذا مايصلح !
ام فيصل بلعت ريقها : مو مجبور تكمل مع وحده مو عاجبتك ، صحيح اني زوجتك إجباري ، لكن مر اسبوع معاها اذا ماتبغاها تقدر تطلقها
فيصل بهدوء وهو يسجل تولين : اعتبر اني ماسمعت شي !
-------------
خالد |
دخل المركز وشاف نجود وفاطمه واقفين يناظرون فيهم وكانهم ينتظرونهم .
حامد ابتسم بهدوء : عسا ماشر !
تقدم وقال وهو ينظر لفاطمة : سلامتك !
بعد اهتمام وهي تنظر لخالد .
حامد نظر لخالد اللي جاء عندهم وقال : صباح الخير !
نجود بتوتر : لقيتوها ؟
نظر لفاطمة ولف يناظرها : مالك حق تعرفين اذا ماكنتِ موجوده
فتح باب غرفته ودخل وراه حامد .
نجود نظرت بخوف لفاطمة وقالت : لو اخذوها !
فاطمه : حتى لو اخذوها تقدر تطلع اذا اعدت افادتها ، في النهايه هي ماسوت شي عمدا أجبرت !
نجود : خليني ادخل واشوف
فتحت الباب وشافتهم يشربون شاهي .
خالد مانظر لها ، لكن حامد قال وهو يشرب الشاهي : افضل لك تروحين قبل ينثار عليك خالد
لفت بعدم اهتمام لخالد : سألتك سؤال مسكتو البنت جاوب !
نظر لها وقال بهدوء : واذا ماجاوبت ؟
حامد ابتسم وهو يشرب الشاهي .
حاولت تهدي نفسها وابتسمت وقالت : كان في زحمه بالطريق وماقدرت اجي اسفه !
خالد ماهتم وكمل يشرب الشاهي وبدأ يشتغل .
نظرت لحامد : علمني انت على الاقل
حامد كان بيقول لكن شاف نظرات خالد وقال : ماقدر معليش !
تنهدت ورجعت تجلس على مكتبها بعصبيه .
تحت ابتسامه الانتصار .