الساعه 4 فجر |
فتحت عينها بهدوء وإرهاق .
نظرت لليد الملفوفه عليها وادركت انها نايمه على صدره .
بعدت يده بهدوء وقامت بحذر ولبست حذيانها .
مشت وهي تحس ثقل عليها وكان ثور جالس عليها .
فتحت باب الحوش وردته بهدوء .
سحبت الكرسي وأخذت الوشاح تلف على نفسها .
نظرت للقمر اللي كان ساطع وواضح اجزائه .
تنهدت وهي تفكر بكل شي .
كل شي صار بحياتها من الاول الى الحين .
قالت بهمس : هل بتغفر لي يارب ؟ هل بتغفر لي اذا ربيت بنتي ؟ ولا باخذ ذنب اني ربيت بنت غير شرعيه !
مسحت دمعتها اللي نزلت بسرعه .
فتح الباب بهدوء وهو ينظر لها .
سكر الباب ومشى يجلس بالكرسي اللي جنبها .
قال وهو ينظر للقمر مثلها : وش تفكرين عنه !
إيناس : ولا شي !
نظر لها وشاف وجهها الاحمر اللي واضح حتى بالليل .
ولو كفايه اضاءه القمر .
قال بهدوء وهو يمسك يدها : ادري انك تحسين بالذنب ومهما قلت ماراح يروح احساسك
إيناس ضمت يده بقوه وكانها مثل طفل يشعر بالخوف .
ابتسم بهدوء وقال : نجلس على الكنبه ؟
قام ومسك يدها الثنتين وجلسو على الكنب .
أسندت رأسها على صدره .
وهو كان ماسك يدها واليد الثانيه تلعب بشعرها .
إيناس : تعرف وينها !
محمد بعدم فهم : مين
إيناس : لاتسوي انك ماتعرف
محمد سكت وهو يبتسم : اعرف وينها واعرف انك خايفه عليها
إيناس بهدوء وتفكير وهمس : كيف جبت بنت وانا ماعرف !
محمد تلاشت ابتسامته وقال بعد دقايق قليله : ذيب حط بالمغذي منوم يخليك تنسين التسعه الاشهر من الحمل ، ودخلتي غيبوبه ثلاث ايام
قالت وهي تشد على يده : شد علي ولاتتركني !
شد عليها ولف الوشاح على الاثنين .
---------------
ياسمين | الصباح الساعه ٩
في السياره كانو متوجهين لبيت فيصل .
وقف السياره ونظر لياسمين وقال : لاتفشلين في هذا على الاقل
نزلت بسرعه وقالت وهي تسحبه من يده : ايش !
فيصل ضحك وهو يمسك يدها : هيا ندخل
سحبها وهي تنظر ليدها .
دخل البيت ورحبت فيه امه .
جلس الكل في المجلس وقال فيصل وهو يقوم : وينهم
ام فيصل ضحكت بهدوء وهي تحط الحلا بالطاوله : من يوم تزوجت ورغد ماسكه تولين ماتروح
ابتسمت ياسمين وقالت : ماشاء الله عليهم
جلس بسخريه وقال وهو ينظر لياسمين : روحي قوميهم
لفت وهي تستوعب : عفوا !
ابتسم بسخريه : بما انك اول زوجه ابن بالبيت هذا روحي تعرفي كيف تقومينهم
ام فيصل ابتسمت : عيب عليك يافيصل ! اجلسي يابنتي انا اقومهم
هزت رأسها وهي تبتسم بالموافقه .
فيصل برفض : لا يايمه اجلسي انتي
لفت بصدمه وهي تبتسم وتهمس : جلدك يحكك خلها تقومهم هي !
ابتسم وهي يقرب منها زياده : يازين الحلو وهو معصب
ام فيصل شتت نظرها : احمم
ياسمين وهي تقوم بهدوء : تمام
طلعت بالدرج وهي معصبه .
وقفت تناظر بالغرفه وهي ماتعرف ب ايت غرفه هم .
توترت ودخلت الغرفه اللي بالنص وشافت عمها يلبس ملابسه .
شهقت بصدمه وقفلت الباب .
مسكت قلبها وقالت ب احراج : ياويلي يارب ماشافني !
نظرت باليسار واليمين وقررت تدخل اليمين وشافتها فاضيه .
دخلت اللي باليسار بهدوء وشافتهم نايمين .
شغلت النور بهدوء وقالت وهي تقفل التكيف : رغد تولين !
رغد بعصبيه : عمى بعين....
سكتت وهي تشوف ياسمين قدمها .
تحمحمت وهي تضرب تولين .
تولين قامت وهي معصبه : وشفيك انتي !
ياسمين : امكم تناديكم تحت
تولين نظرت وهي مصدومه : ياسمين !
رغد قامت وقالت : وشدعوه جايه لغرفتنا يعني انتي ضيفه !
تولين هزت رأسها بسرعه .
ياسمين طلعت بهدوء وقلبها يدق .
كانت عايشه بالقريه والكل هناك يعرف بعض .
ويعرفون يتواصلون مع بعض .
لكن هنا تغير كل شي وهي عايشه بالمدينه .
تولين وهي تضرب رغد وب احراج : شافتنا بشكلنا هذا !
رغد وهي تضربها : لاتضربين ياغبيه كله منك انتي احمدي ربك قومتك ولا كان شافتك وانتي فاتحه فمك
وقلدتها يوم هي نايمه .
شهقت تولين وقامت وشردت رغد للحمام .