محمد |
فتح عينه بهدوء وانصدم لما شاف إيناس بحضنه .
ابتسم بخفه وسحب يده بهدوء وقام .
مسك جواله وهو يمسح عينه .
الساعه كانت ١٠ صباح .
طلع برا وغسل وجهه وصلى ولبس ملابسه .
دخل الغرفه وكانت إيناس توها قايمه .
قال وهو يبتسم : صباح الخير ، على فكره اليوم بتجي شنط لملابسي وملابسك
نظرت له وقامت وقالت وهي تترنح بمشيتها : دق على منى تجي عندي
سكت بتعجب لكنه قال : تمام .
طلع ومسكت إيناس بطنها ب ألم .
لو مرت فتره إيناس متضرره من الطعنات اللي جاتها .
طلع محمد وركب سيارته لكن انصدم بالسياره اللي واقفه قدامه .
وكان فيها ثلاث اشخاص يناظرون فيه .
تعجب وفتح الشباك وقال : سلام يخوي ، بعد سيارتك
نزل خالد وهو يحط يده على خصره .
نزلت نجود بتعجب من المكان والشخص اللي جوا له .
حامد وقف جنب خالد .
طلع محمد من السياره وقال : تامر شي يعم
مسكت نجود ضحكتها وخالد نظر لها بدون اهتمام .
خالد : اول شي انا خالد ثاني شي انت محمد
محمد : ايه انا تفضل ياعم
حامد نظر لخالد اللي حرك لسانه دليل على غضبه .
حامد ابتسم بهدوء : عادي لو ناخذ من وقتك شوي
محمد ب انزعاج : اخلص علي عندي أشغال
خالد : عندنا قضيه
طلع هويه الشرطي وقال : انا الشرطي خالد جيناك تمسك قضيه
محمد بتعجب : قضيه ؟
خالد : نتكلم في مكان عازل افضل
محمد لف يناظر : الكوفي هناك منعزل
خالد ركب السياره وركبت نجود ورا وحامد يسوق .
رجع ركب محمد السياره ومشى للكوفي .
نجود كانت تضحك بصمت لكلام محمد .
عرفت ان الكل يشوفه شايب مو بس هي .
دق جوال نجود وفتحته وكانت فاطمه .
نظرت لحامد وقالت : فاطمه
فاطمه : وينك ؟
نجود : شي رحنا للمحامي محمد
فاطمه بتعجب : محمد !
نجود : اذا جيت اعلمك كل شي
قفلت وقفو قدام الكوفي .
نزل الكل وجلسو على طاوله .
محمد : تفضل
خالد نظر لمحمد : انت محامي مشهور ومعروف بقوتك ، حليت قبل كذا قضايا في مركزنا وكتب اسمك ك افضل محامي
ابتسم محمد : يسعدني اسمع الكلام ذا منكم
خالد نظر لحامد يطلع الوثائق .
طلع الوثائق لخالد وخالد أعطاها محمد اللي بقى يناظرها .
خالد : فاتح انقتل قبل كم شهر ، الحقيقه كنا نشك في شخص وهذا الشخص عنده مكان مثل محل ، رحنا انا وحامد للمكان وفتشناه مثل ماتشوف بالصوره ، بقت بقعات دم يعني فاتح انقتل بنفس هذاك المكان
محمد نظر بفضول : المكان اللي تقول عنه موجود كاميرات ؟
نجود ابتسمت : لو فيه ماجيناك
سكتت لما شافت الكل يناظر فيها .
خالد : لا المكان كان فاضي بالكاميرات والعمال يعني واضح خلصو الجريمه مثل الشعره بالزبده
محمد : ممكن اشوف المكان ؟
حامد : المكان مو مصرح لنا مانقدر ندخل بهوانا الا بحالتين
نجود بتردد : الا ب اذن تفتيش ولا بدون علم احد !
حامد ابتسم : صحيح .
محمد نزل الوثائق على الطاوله وابتسم : اول شي اخذو أذن تفتيش اذا رفضو نروح بالخيار الثاني
سكت خالد ونظر نجود اللي قالت : شسوي ماكان فيه حل
قام خالد وطلع بدون مايقول شي .
حامد ابتسم حرج : ننتظرك بالمركز ****
طلع وطلعت نجود وراه .
وقف خالد عند السياره وحط يده على السياره .
حامد نظر لخالد وقال : وشنسوي ؟
نجود : مافي حل الا نطلب الأذن واذا م وافقو نروح
خالد : اكيد بيرفضون المكان مرخص
نجود سكتت وقالت بهدوء وهي تبتسم : خلها علي
نظرو لها وقال حامد : كيف يعني
ركبت نجود السياره وقالت : خلوها علي
ركبو وقالت نجود : ولاتنكر مجهودي الأول كمساعده
ضحك حامد ورجع للمركز .
---------------
هديل |
جاتها رساله من نفس الشخص انه بيجي اليوم .
مثل ماقلت اللي ارسل لها وبحسب اعتقاد هديل انه راجح كان بيجي ليخطبها .
هديل ارتعش قلبها وحست براحه وكأنه ثور جالس بقلبها .
لبست الطف واجمل الملابس وسرحت شعرها الناعم الأسود .
حطت إضافات صغيره ومكياج خفيف علشان يبرز جمالها .
انتهت برش العطر وهي تبتسم برضى .
دق الباب وفتحته ولقت ابوها قدامها .
نظر لها يتفحصها وقال : ليش لابسه كذا
تلاشت ابتسامتها وعدلت شعرها وقالت : بس بغيت اتجهز
ضيف الله م اهتم للشي وقال وهو ينظر للشنط اللي وراه : عمك مدالله طايح في مشكله في الرياض وحنا مجبورين نروح الرياض
سكتت بصدمه وقالت : كيف !
ضيف الله : بنرجع الرياض انا وياك
دق قلب هديل لكن مابيدها شي الا توافق ابوها والا بيشك .
هزت رأسها بحزن : تمام .
ضيف الله : انتظرك تحت
مامرت دقيقه الا ويدق الباب .
ابتسمت هديل بفرح ولف ضيف الله يناظرها وقال متعجب : مين هذا ، ادخلي داخل
دخلت ونزل ضيف الله يفتح الباب .
كان اللي قدامه فلاح ماسك ورده وابتسامته شقت وجهه .
ضيف الله انصدم وش جابه وابتسم :حياك الله
فلاح دخل وهو يتفقد البيت وقال مبتسم : كيفك ياعم
ضيف الله : بخير ، تفضل داخل
دخل فلاح معاه ضيف الله للصاله الكبيره الفاخره .
جلس ضيف الله وقدامه فلاح وقال ضيف الله : تفضل يولدي
فلاح حط الورود على الطاوله وقال متحمس : والله ياعمي اني متحمس وماقدرت اجمع الكلمات ، مير انا اني جايك اطلب يد بنتك هديل لي على سنه الله ورسوله
انصدم ضيف الله وبنفس الوقت بقى يفكر برده فعل بنته .
هديل كان الكل يعرف انها ماتبغا فلاح ورفضت اكثر من مره بدون تفكير .
نظر لوجه فلاح وكان يفكر وش بيصير لو رفضت .
ابتسم علشان مايحرج فلاح وقال : انت على راسي واعرفك من قبل رجال قد كلمته ، ومع الأسف تعرف هديل من سنوات وهي ترفض كل مره ، انا موافق لكن الشور بيد بنتي
ابتسم فلاح وقام ضيف الله وتلاشت ابتسامته .
دق الباب وقامت هديل بسرعه وهي مبتسمه .
م انتظرت لين يتكلم وقالت : مين
ضيف الله : فلاح جاي يخطبك...
هديل : موافقه !
سكتت لثواني وهي تسترجع وش قال لها "فلاح جاي يخطبك"
ضيف الله نظر لها وقال منصدم : موافقه !
شتت نظراتها وانصابت بخيبه امل قويه .
عرفت ان لامجال لها ولراجح وان كل شي يصير في خيالها وهمي .
وقتها نظرت نظره لراجح انه يمزح عليها ولعب عليها .
حست بمشاعر الكره والشوق والحزن وخيبه الأمل .
ضيف الله خاف على بنته ومسكها وقال : هديل !
هديل نظرت له والدمعه تنزل : موافقه
ضيف الله : انت بخير
هديل قامت ومسحت دموعها : بخير
نظرت له وماقدرت تبتسم ابتسامه مزيفه : موافقه
ابتسم بصدمه لكونها وافقت عليه بعد معاناه ٥ سنوات .
نزل وأعطى الخبر لفلاح اللي انجن من كثر الفرح .