(Phone conversation)
12:10 PM
Mama Lily:
Hello, Liam. Ano 'yon? Libre ka uli ngayon?
Liam:
Hello, Ma. Hindi po 'ko libre. Nasa editing ako. Nabalitaan mo na, 'no?
Mama Lily:
Na muntik kang magbida-bida sa marriage proposal no'ng Hammond? (Laughs) Tanga ka kasi. Isinasama ka naman daw ni Magnus sa meeting para alam mong hindi si Miles ang aalukin, ayaw mo naman daw.
Liam:
(Laughs) Eh masakit eh. Nauna na 'kong mapikon.
Mama Lily:
Mana ka sa tatay mo.
Liam:
Sa 'yo.
(Both laughs)
Liam:
Linggo ngayon. May lunch date ka uli?
Mama Lily:
Oo. Pero kay Emer lang dahil may pasok daw ngayon si Miles.
Liam:
Meron nga, Ma. Overtime naman 'yon.
Mama Lily:
Sinabi sa 'yo?
Liam:
Sinabi niya saka narinig ko rin sa mga katrabaho niya no'ng proposal ni Hammond.
Mama Lily:
Nililigawan ka na ba? (Laughs)
Liam:
Nagpaalam daw siya sa 'yo. Bakit mo pinayagan?
Mama Lily:
Ay boto ako sa kanya eh.
(Silence)
Liam:
Kahit nagsinungaling sa 'kin no'ng una at sinaktan ako?
Mama Lily:
Bakit? Hindi mo na ba mahal dahil nagsinungaling sa 'yo no'ng una at sinaktan ka?
(Silence)
Mama Lily:
Hay naku, anak. Iba ang tama mo kay Miles. Nagalit din ako no'ng una, lalo na at hindi ka naman nagsabi sa 'kin. Sina Silas at Vernon, mga ayaw rin namang magsumbong kung ano ang totoong nangyari. Ipakukulam ko na nga sana eh. Malagyan man lang ng kurikong at eczema sa katawan nang mabawasan ang ganda. (Sighs) Kaya nagulat ako no'ng biglang tumawag sa 'kin at gusto raw akong makausap. Hiningi niya raw numero ko kay Vernon. Pumayag naman ako kasi tatalakan ko siya. Hintayin ko sanang malaglag ang tainga sa sermon ko. Pero iniyakan ako no'ng nagkita kami eh. Umiyak, hindi pa nga ako nakakaupo sa mesa namin. Awang-awa naman ako dahil parang hindi makahinga.
Liam:
Nakipagkita agad sa 'yo si Miles? Kaya hindi mo na 'ko tinanong kung ano ang nangyari sa amin?
Mama Lily:
Oo. Siya ang nagsabi sa 'kin nang lahat. Sinabi rin sa akin na ayaw mo nga raw siyang makita. Humingi ng tawad sa 'kin dahil sa 'yo. At alam mo, anak, natuwa ako no'n. Natuwa ako dahil may babaeng mahal ka nang gano'n. 'Yong iiyak dahil nasaktan ka niya. 'Yong lalapit sa 'kin at hihingi ng tawad dahil nagawan ka ng mali. Kaya kahit hindi ko nakilala ang magulang niya, alam kong mabubuti silang tao. Napalaki nila nang mabuti si Miles. Paano akong hindi boboto sa babaeng gano'n?
Liam:
Pa'no kayo napunta sa pagpapaalam niya ng ligaw?
Mama Lily:
Eh no'ng kumalma na siya sa kaiiyak no'n, kinumusta ko. Sa hotel daw muna siya tumuloy dahil nahihiya siya sa kanila. Kako, tumawag siya sa tiyahin niya o mga pinsan para hindi mag-alala. Ginawa naman. Pinauuwi siya sa kanila. Kako ay umuwi siya dahil kahit anong mali ang gawin niya, kung pinauuwi siya ng pamilya niya, maaayos pa 'yon. Bago kami maghiwalay no'n, nagtanong sa 'kin kung puwede raw ba niya ako uling yayain na mag-lunch. Eh 'di pumayag ako. (Sighs) No'ng una, dalawa lang kami na nag-uusap. Kinukumusta ka lang at si Adolfo. Dinadalhan ako ng kung ano-ano. Parang nanliligaw. Kako, ikaw ang ligawan dahil boto na ako sa kanya. (Laughs) No'ng sumunod na kita namin, pinakilala na sa akin ang tiya niya. Para daw bago siya manliligaw 'pag okay ka na, kilala ko na ang pamilya niya.
(Silence)
Mama Lily:
Boto ako sa kanya, anak. Pakasalan mo na. (Laughs)
Liam:
Sigurado ka, Ma?
(Silence)
Mama Lily:
Pakakasalan mo?
Liam:
(Laughs) Kabado ka ba? (Laughs harder)
Mama Lily:
Bakit ganyan tawa mo? Kinikilig ka ba? (Laughs)
Liam:
Kinikilig ka din, Ma.
Mama Lily:
Aba, siyempre. Dati naiisip ko, sayang at wala akong anak na babae o pamangkin na babae. Gusto ko sanang makitang maligawan kung may babae ako. Hindi naman pala kailangan dahil puwede ka palang ligawan kahit tarantado ka. (Laughs) Tinupad ni Miles ang pangarap ko.
(Both laughs)
Liam:
Magulo na isip no'n dahil pinadadalhan ko rin siya ng ligaw.
(Both laughs)
Mama Lily:
Tama 'yan, anak. 'Wag kang papatalo.
(Both laughs)
Mama Lily:
Pero 'yong seryoso, anak, napatawad mo na? Nasasaktan ka pa ba?
Liam:
Nasasaktan pa kaunti. Pero napatawad ko na. Pa'no mong hindi patatawarin 'yon? (Sighs) Mahal ako. Mahal ko.
Mama Lily:
Masaya akong kahit pangit ang dahilan ng pagtira niya noon sa Montecristo, naging paraan pa rin 'yon para magkakilala kayo. Pero sana hindi pa rin masarap ulam ni Maggie.
Liam:
(Laughs) Oo nga. Sana hindi masarap pagkain niya.
Mama Lily:
Hindi man lang nag-sorry 'yon, ano?
Liam:
Hindi, Ma. Baka brokenhearted dahil hiniwalayan no'ng Quin.
Mama Lily:
Linisin muna niya ang pusod at budhi niya para hindi na siya ma-brokenhearted sa susunod!
(Both laughs)
Mama Lily:
Nakita ko na si Emer sa pinto nitong resto. Galingan mo pakikipagligawan kay Miles. 'Wag mo nang pakakawalan 'yan. Pipitikin ko ang itlog mo.
Liam:
(Chuckles) Kahit pakawalan ako sa susunod, Ma, hahabulin ko.
Mama Lily:
Pero 'wag mo muna akong bigyan ng apo. Pipitikin ko ang itlog mo.
Liam:
(Chuckles) Dami namang pitik.
Mama Lily:
Para magtanda! (Laughs) Sige na, anak. I love you.
Liam:
Love you, Ma. Build-up mo 'ko kay Tita Emer.
Mama Lily:
Mahirap 'yan pero subukan ko.
(Both laughs)
Call ended.