ماذا لو.. الحلقة ٢٣
{ نامجون قرر يتجوز }
________
" ألف مبروك يا عريس"
" الله يبارك فيك"
" الف مبروك و عقبال البكاري "
" شكراً، الله يبارك فيك"
و مباركات هنا و هناك بين الحضور و المعازيم الي مبسوطة في الجنينة المفتوح الي عاملين فيه الفرح المتكلف والمصروف عليه وهو بيهنيهم بالمقابل
نامجون التفت الي المصوّر واردف بأكبر ابتسامه
"كله جاهز ولا ايه عاوزين نبتدي؟ "
جيمين من جنب نامجون بيحذره
" افتكر اني قولتلك بلاااش"
نامجون رفع حاجبه مستغرب من تحذيره
"هيحصل ايه يعني؟؟!"
"ياالااههووتاااااالاااي"
صوت العروسه الي رقعت بالصوت فجأه جايه ناحيتهم فـ التفت اليها سألها على نواحها
"ايه في ايه؟؟؟ "
" دخلت على بنت خالتي الاوضه لقيتها شانقه نفسها "
فضلت تلطم و تنوح فـ الحضور عينهم اتنقلت بينهم بإستغراب فـ نامجون ضحك بتوتر
" معلش يا جماعه حادثه و بتحصل عادي، هنزق الليله هنكمل ولا كأن حصل حاجة "
ضحك بتوتر مره تانيه و همس للعروسه بعدها
" هدفعلك ألف جنيه بس اسكوتي"
غيرت مودها في ثواني موافقه
"اوكيه"
جيمين بيتمتم في مشروبه
"وآدي اول حادثه"
ضرب نامجون كفوف ايده في بعض بيرحب بالحضور بابتسامه كبيره
"نورتونا يا جماعه والله "
_
بعد وقت ابتدت مراسم من الفرح وهم بيمشوا في الكوشه وكله منشكح و مبسوط وبيزقطط و بيرقص فجأه من اللامكان نزل حجر اسمنت كبير على دماغ الراجل الي ماسك الطبلة و نزل سايح في دمه قصادهم
الصمت و الصمت.. والصمت تاني بين الحضور و بعضهم خصوصا نامجون الي فضل مذبهل للي حصل
تنهد جيمين ماسك مشروبه على جنب
"وأدى تاني حادثة "
حمحم نامجون نقل بصره بين الحضور عدل بدلته و رفع رجله عدى من فويه و شد العروسه الي كانت لسه مذبله معاه
" يلا يا جماعه نكمل "
وبالفعل الحضور كمل معاهم و رجعوا تاني للزقططه من جديد و لا كان حاجة حصلت و إذ بيقفوا تاني عند بوابه الجنينة الي كانت مقفوله
رفع نامجون حاجبه سائل
" الباب مقفول ليه، فين البواب الي المفروض يفتحه؟"
ده واحد من الأمن بيلهث شكله كان بيجري
" لقينا البواب ميت في البحر و واخد طلقه في راسه "
فقد نامجون الكلمات في حين جيمين بقله حيله بيتمتم في مشروبه عل جنب
" وادي ثالث حادثة "
ضحك نامجون مره تانيه بتوتر بسبب الحضور الي بدأوا يحسوا ان في حاجة غلط في الفرح المشؤوم ده وه وذات نفسه بدأ يرتبك من كتر المصايب
" يا جماعه عادي جداً ولا كأن في حاجة خاالص "
بعد نهايه جملته فجأه صوت صياح عالي جاي من بعيد بيقرب و يقرب منهم و هوب واحد من الأمن في الفندق نازل زرع بصل من الدور الشبعتاشر من سطح الفندق و نزل على الأرض دماغه اتفشفشت ومات
الازبهلال بقى من نصيب المعازيم و نامجون الي فقد الكلمات لثواني مش عارف يعمل ايه ولا يقول ايه
" هو الموضوع بقى صعب يا جماعة بس معلش نزق الليلة ، مهو اصل انا مش ابقى دافع كل الفلوس دي و الفرح يتلغي ولا ايه؟ "
بدأ المعازيم و العروسه يومأوا مؤيدين نظريته بينما جيمين على جنب حرك راسه بقله حيله صافع جبهته و نامجون حاول يمشي الليله للمره الالف
"طب المأذون بقى علشان نكتب و ننجز ولا ايه؟ "
وإذ الماذون في الزاوية ماسك قلبه بيطلع في الروح و بعض المعازيم بيهوا عليه
"يالهوي الحوقنا، حد يطلب الدكتور بسرعه "
نامجون مش مصدق الي بيحصله
" لا بقى ما مش كده بقى في ايه، هو حد باصصلي في الجوازه دي ولا ايه! "
-
وعادت المراسم الاشتعال مره تانيه محاولين التغاضي عن الي حصل وكله تمام خالص..
على جنب تاي بيبعد عن مكان الحضور جنب شجر كتير
" أما اضرب الجوب ده بقى "
طلع السجارة من جيبه و الولاعة فضل يدور عليها في جيبه لحد ما خرجها و ولع الجوب بتاعه
ملحقش يولعه كتير وإذ جين جه من وراه بيتكلم ف رمى السجارة بسرعه و وقف بطريقه عجيبه لورا ف رفع جين حاجبه متعجب منه
" انت بتعمل ايه؟؟ "
ابتسم بتوتر على وضعه
"بهوي على الورده"
بصله جين بإستغراب و مشي، فـ اتنفس تاي الصعداء وفجأه شغل حاسه الشم عنده لما شم ريحه حاجة بتولع ف لف يبص شاف السجارة مسكت في الحشيش
" شيااااتتت"
تاي فضل يهوي بأيده و ينفخ و الولعه بتكبر اكتر
"هوف هوف هوف "
وبعد ثواني فجأه النار بدأت تمسك في الشجر و الحشيش و في المعازيم و في العروسه فا الأمن سابو الفندق الي بيولع و قعدوا يحاولوا يطفوا في العروسه
على جنب جيمين السليم بيعاتب نامجون العابس الي ولع واتفحم بيطلع دخان من بدلته المحروقة
" انا قولتلك بلاش من الاول مسمعتش كلامي.. وكل ده حصل علشان فكرت تتجوز بس، آمال لو فكرت تطلع شهر عسل هتعمل ايه؛ هتفجّر المحيط؟! "
عابس نامجون بتذمر على حاله السيء
"بس بقى خلاص متحسسنيش بالذنب! "
وإذ بشجره بتولع بتقع على جنب تزيد من الولعه اكتر الي بيحاولوا يطفوها بكل وسائل الإطفاء، حرك جيمين راسه بقله حيله حاطط ايده في جيبه ماشي من جنبه
نامجون اتنهد و التفت المعازيم الي بيطفوا نفسهم ابتسم ضارب كفوف ايده في بعض
" يلا معلش يا جماعه حصل خير المهم ان الليلة المنيله بنيله دي خلصت على خير.. تشربوا حاجة؟"