وقفت حلا مصدومة من ما حدث.
حلا : يلهوي طب اعمل ايه... وفجأة دون سابق إنذار القت نفسها في الفوهة.
كان الارتفاع عالي جدا... كانت تنظر لكل ما حولها بغرابة شديدة فكانت أحجار اللؤلؤ والمرجان مرصاة بشكل أكثر من رائع ليعطي للمكان جو ورونق كأنها لوحة مرسومة بإحترافية.
حلا نظرت لأسفل : هو المكان ده ملوش أخر ولا ايه بالظبط.. لتستمع لترددات صوتها وتتفاجئ بأصوات أخرى معها.
تستمع لموسيقى وتندمج معها أصوات أمواج... لتدمع عينيها فجأة من هول ما رأته فالمياه تقترب منها.... ثم تقع في أعماق المياه.
كانت حلا تكاد الغرق فكانت تختنق لعدم معرفتها بالسباحة واخذت الكثير من الماء لذا فقدت وعيها.... واذا بيد تمسك بخصرها وتسحبها.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وقع تيم بالماء لكنه يعلم جيدا العوم... تماسك بشدة من الألم الذي يفتك به فقد فقد الكثير من الدماء... وصل اخيرا بعد فترة كبيرة ترك به جسمه ليحمله... فقد الكثير من قوته ولم يعد يتحامل على نفسه واذا به في مكان يشبه الشاطئ.
أخذ انفاسه وبعدها خلع القميص الذي يرتدي ثم شقه لنصفين ليربط يديه حتى يوقف النزيف.
لينظر حوله وينصدم من ما رٱه.... الكرة الأرضية أمامه على بعد أميال والكثير من الحيوانات غريبة الأطوار... أول مرة يراها تطير من حوله.... لينظر في الجهة الأخرى وكاد أن يقع من هول المشهد.... حمم بركانية فى السماء لكن الأغرب أن منظرها رائع وهي تنزل بأنسيابية على أحد الجبال المترصاة.
تيم في نفسه : والله انا في حلم... اصحى يا تيم اصحى يا بابا... انا فين... ليقرص يديه... ويغمض عينيه عدة مرات والمكان نفسه.
ليقف مكان ولا يعلم إلى اين يذهب... وبعد فترة يجد شخص طويل البنية وضخم يحمل فتاة... ليضقق النظر يجد أنها هي الفتاة.
يقف الرجل امامه وبعدها يلقي ب(حلا) على الأرض فكانت فاقدة للوعي.
الرجل تحدث لغة غريبة لكن لم يفهمها تيم.
فتحدث بالإنجليزية.
~: do you know her ?
(هل تعرفها)
ليفهم تيم أنه بمكان سياحي لكن بالنسبة لكل ما رأه فأكيد من مخيلته... ليرد عليه.
تيم: Oh, I know her. But do you know where we are?
(نعم.. اعرفها، لكن هل تعلم أين نحن)
ليومأ له الشخص ويرد (هيراكليون)
تيم يفكر : ايه البلد دي.. انا اول مرة اسمع عنها.. ليتذكر فجأة حلا لينظر لها... وينزل على الأرض يحاول أن يوقظها... فعلم أنها ابتلعت الكثير من الماء... وكاد أن يقترب منها حتى يعطيها نفس صناعي... ليتفاجأ بها تبثق كل المياه بوجهه.
تيم : الله يقرفك يا شيخه.
حلا استيقظت لتنظر للفراغ امامها وفجأة صرخت.
حلا : عااااااا... انا فين.. لتمسك بجسدها... انا غرقت صح.. لتنظر وراء تيم... وجدت الأرض... يلهوي يخرابي... القيامة قامت... عاااااا...
ليهدئها الرجل الواقف وتحدث بالعربية.
~: متخافيش انتي ف أمان
لينصدم تيم منه : انت بتتكلم عربي.
~: وبتكلم فرنساوي كمان... بس افتكرتك من أهل (لوريان) عشان العلامة اللى ايدك دي.
لينظر تيم على يديه ويجد بالفعل علامة مرسومة بدقة وكانت كالنسر.
تيم : انا ظهرت العلامة دي ازاي وانا جيت هنا اصلا ازااي هتجنن.
حلا : قول انك خطفتنا وانا والله هصدقك... اصل مش معقول نيجي هنا لوحدنا... لأ ما هو ده جنان رسمي.
تيم : احنا ازاي مش ميتين... ولا احنا موتنا ولا ايه.
ليضحك الرجل على غبائهم ويتحدث بعدما افرغ طاقته من الضحك : كل الحكاية انكم اتنقلتم عن طريق بوابة زوحل... لكن معرفش ايه اللى جابكم هنا.... بالمناسبة انا اسمي (جالب)
حلا بصدمة : ااه.. يا ميلة بختي الأسود... انا اكيد وقعت على دماغي... اااه يا دماغي.
تيم : ما تسكتي بقا خلينا نشوف حل للمصيبة دي.
حلا بعصبية : انت اللى تسكت مش كفاية المصيبة اللى احنا فيها.. قسماً بالله انا من ساعة ما شوفتك وانا مش مرتحالك..انت طلعتلي منين.. ها انطق.
تيم بنفاذ صبر : انتي عملي الاسود.. وبعدين كنتي بتعملي ايه في المبني ده ها.
حلا : وانت مالك اصلا ها انت مااالك... وبعدها طرأت فكرة... ايوة اكيد الوقعة فكر معايا كده احنا بعد اما وقعنا حصلنا ايه.
جالب : لو عاوزين تعرفوا انتوا هنا ليه.. ممكن اساعدكم.
حلا وتيم في نفس الوقت : ازااي
ليأخذهم الى مكان فوق الأمواج عليه تنين نائم.
حلا : ممكن تقول انت جايبنا في الهبل ده ليه.
تيم بهمس : ممكن تخرسي شوية بدل السحلية دي ما تصحى وتبلعنا هيلا بيلا.
حلا بسخرية : اولآ دي مش سحلية ده تنين..
تيم : فرقت أوي.. يا استاذ جلاب هنعمل ايه.
جالب : اسمي جاالب.. وهتعملوا ايه انا مليش اني اعمل... كل اللى عليكم انكم تسألوا وهي هترد.
حلا : اللهم طولك يا روح....نسأل مين.
جالب : أدخلوا جوه الممر ده... وهتكتشفوا كل حاجه... انا خلصت مهمتي لغاية هنا... ليختفى فجأة.
مسكت حلا ذراع تيم : هو اختفى كده ازاي.
لينظر لها تيم وفجأة سرح بها : ها... ليرمش عدة مرات... انتي مش شايفة احنا فين.. وكل حاجه هنا غريبة بالنسبة لينا... طبيعية هنا.
ليدخلوا الممر وتجد حلا فجأة السلسلة تضيئ بنور شاسع.
تيم : ايه اللي بيحصل.
حلا : معرفش.
ليجدوا الأمواج تحملهم وتأخذهم إلى سيدة غريبة الملامح فكانت عينيها ليس بها اي سواد اللون السائد هو الأبيض، وبشعر مشعث طووويل جدا فكانت شبه ترتدي شعرها فلم يظهر اي من ملابس ترتديها فالشعر يغطي جسدها بأكمله.
لتتحدث فجأة بصوت وكأنها صرصرة ريح عابرة : حلا و تيم اهلا بيكم في هيراكليون.
ـــــــــــــــــــــــــــــــــــــــــــــــــــــــــــــــــــــــــــــــــــــــــ
في مكان أخر
كانت هناك فتاة جمييلة جداً تنظر لنفسها بالمرٱة.. وتتحرك بأنوثة وكأنها تتراقص على أنغام موسيقى هادئة.
كيارا : أميرة ملك (الب البحر)... جمالها هو سحرها فقتلت العديد من الأمراء بسبب فتنتها.... والكثير من الأميرات يحقدن عليها بسبب دلالها الزائد.
دخل عليها حارسها الشخصي (لوقا)
لوقا : مهيم بها.. حتى وإن لم تحبه فكان يعشقها ويقتل كل من ينظر لها حتى.
كانوا يتحدثوا بالفرنسية وبعدها تحدثوا بالاسبانية.. فكانوا يتحدثوا عدة لغات.
كيارا : وصلوا الى ترابليا ولا لسه.
لوقا : للاسف انقطع خط سيرهم بس بندور عليهم.
كيارا بعصبية : انقطع خط سيرهم ازاي... انت عارف البنت بتحمل ايه.. ازاي مستهترين كده.
لوقا : أنا قولت انهم مستهترين... هما بيعملوا شغلهم وفجأة مبقاش ليهم اي أثر.
كيارا : تقلبوا هيراكليون مش عاوزه مكان خالي الا ليتم تفتيشه... والا مش هيحصل طيب.
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
تيم وحلا بصدمة : انتي عارفانا.
السيدة : حلا قدمي ومتخافيش.
حلا : مين قالك اني خايفه.
السيدة بابتسامة خبث : عارفه انك مش خايفه.. وهثبتلك دلوقتي لتطلق عليهم العديد من الأفاعي.
وقفت حلا لم تعي في البداية ماذا تفعل ولكن في لحظة وبسرعة فائقة كانت تتجمع بيديها كل الأفاعي.
تيم بصدمة : انتي ازاي كده.
حلا لم تكن في وعيها ولم ترد عليه لكن اكتفت بالنظر لتلك الأفاعي وبعدها أحترقوا بيدها وهي لم تشعر بشيء، ثم فقدت الوعي.
~: سيبها هتفوق... لكن مش هتفتكر اي حاجه من اللى حصلت.
ــــــــــــــــــــــــــــــــــــــــــــــــــــــــــــــــــــــــــــــــــــــــ
انتهى البارت
بصوا انا مدلعاكم وبنزل كل يوم بارت متبخلوش عليا بتعليق بسيط يفرحني. ♥