ليتفاجأ كل من تيم ونور وخالد بدخول سودا عليهم
سودا بنظرات متفحصة : اهلا بيكم في عالمي...ايه المفاجأت الحلوة دي.. مكنتش اتصور ابدا اني اشوف حاكم لوريان بعد السنين دي كلها
خالد باستغراب : هي الست دي مخبولة مين حاكم لوريال ده
سودا بإبتسامة خبيثة : لتشير بيدها على تيم اللي عشت طول عمرك متربي معاه وفاكره انه اخوك لتكمل بضحكة تقشعر لها الابدان... مطلعش اخوك.
تيم بنفاذ صبر : انتي بتقولي ايه... بنتك كان عندها حق لما قالت عليكي مجنونه.. كانت بتبعدنا عنك عشان تحمينا وانتي كلك سواد
سودا بغضب ونظرات تكاد تحرقه : مش هعاتبك على كلامك... اكيد من الصدمة.. لكن كلامي حقيقة انت حاكم لوريان وانا بنفسي اديتك لراجل في مستشفى كنت عاوزه اتخلص منك بأي طريقة
تيم : ولنفرض كلامك صح ايه اللي يثبتلي
سودا بنصف ابتسامة : ده شيء يسعدني جدا... لتختفي من امامهم فجأة.
خالد بعدم تصديق وهو يلوح بيده في الهواء كسيدة مسنة: اكيد الست دي بتكدب... انا شوفت الحوار الفاكس ده في كل الافلام العربي اه والله
نور بضحك : يا بني حتى وانت واقع في مشكلة مش مخليني متأثرة
خالد وهو يرفع حاجبيه بتراقص : اموت انا في اللي متأثر.. ولم يكمل جملته ليتفاجأ بسودا تظهر امامه
.. اعوذ بالله منك هقطع الخلف يا شيخه
سودا وهي تنظر لتيم : قبل اي حاجه هتشوفها تأكد انك هتبقى شايل مسؤلية كبيرة اوووي ولازم تحمي الامانة.
تيم باستغراب : امانة ايه ومسؤلية ايه.
سودا بدموع ابت النزول : انا هختفي من مدار الجوهرة اول ما تتأكد انك ملك لوريان... لاقي ملكة النصف الاخر للجوهرة.. لتخرج من يدها جوهرة باللون الفيروزي القاتم وتعطيها له... قبل ما امشي عاوزاك تقول لارابيلا ان خوفي عليها كان لعنتها في الحياة لتختفي من بعدها.
ـــــــــــــــــــــــــــــــــــــــــــــــــــــــــــــــــــــــــــ
كان لوقا يقف امام حلا يناظرها بشر واعين تود الفتك بها
حلا : لوقا.. ممكن تهدى ونتفاهم
لوقا بحدة : مش هرتاح غير لما تكون رقبتك قصادي زي ليغمض عينيه بألم كيارا اللي ضحت بحياتها وكأنها مش انسانة
تدخلت نوار : محدش من القبيلة لمس كيارا واللي قتلها الغبار الاسود
ليوجه انظاره لها : ايه ده بجد يعني انا ظلمتكم ليضحك بوجع عارف انه السبب وان محدش قتلها من القبيلة لكن دي ليشير بيده عليها كانت تقدر تحميها ومعملتش اللي المفروض هي جايه عشانه قاعدة بس تفرض قواها.. انتي اييييه شيطانة ملعونة ليهم بالانقضاض عليها وقبل ان يلمسها.. كان فهد يقف حائل
فهد وهو ينظر له باحتقان ويتنفس بغضب : لو فكرت تلمسها بس... هتكون كتبت نهايتك بايدك... انا مقدر اللي تمر بي لكن الغضب والثوران مش هيفيدوك باي حاجه.. هي ملهاش ذنب ولو كانت تعرف تساعدها مكنتش اترددت للحظة.
YOU ARE READING
معك إلى عالم أخر©️
Science Fictionما بين عاملنا وعالم مليئ بالغموض والخيال، أُحب أن أخذكم معي إلى عالم الفوضي عالم لا يعرف المستحيل ولتسبحوا فى أعماق تلك الرحلة عليكم بإلتزام الصمت 🤫 فما ستراه أعينكم لا يجب أن تخبروه لإحد . ستجدون قلوب متيمة بالعشق وستجدون الشر يحوم لتفرقتهم، ستجد...
