وقف خالد مصدوم من ما يراه بعينيه لوهلة ظن أنه لا يرى نورا امامه فكانت تقفز وترقص بسعادة... تتمايل بجسدها ويتطاير شعرها مع نسمات الهواء
خالد بأستغراب وحاجبين مرفوعين : بقى انا قلبي كان هيقف عشانك وانتي قاعدة ترقصي ولا على بالك
نظرت له نورا وهي تلهث من شدة حماسها لتجري عليه وتحتضنه بسعادة : خالد انا مش مصدقة انا بقيت قادرة اتحكم في قوتي
كان خالد لا يصدق فعلتها العفوية تلك ليشدد على احتضانها : انا كمان مبسوط
لتتوتر من لمساته فتحاول ان تفلت من حصاره لتبعد يديها المحاوطة لرقبته ببطئ وهي تنظر لعينيه المحاصرة لها والهادمة لقيودها.
نورا وهي تحاول ان تغير مجرى الموضوع : بص انا بقيت قادرة اعمل ايه
لتقف على صخرة ثم بقبضة منها تخترق الارض من حولها لتكون حفرة تشق الارض وبمنتصفها تقف نورا تنحني بقبضتها لتلمس الارض... ثم ترفع نظرها له وتبتسم (لا تخافوا ولكن احذروا) لتغمز له..
خالد وهو لا يبعد نظراته عنها : يا جامد انت.
نورا وهي تنهض بصعوبة وتضحك بهيسترية : لا ومش بس كده لتضرب قبضة يديها الاثنين ببعض فتصدر عاصفه هوائية قوية جدا كانت مغمضة العينين... فتحت عينيها بحماس.... لتستغرب من عدم وجود خالد امامها.
خالد... انت فين... لتسمع ندائه عليها لكن الصوت يأتي من اعلى فتنظر لاعلى.
خالد وهو معلق على شجرة : اشوف فيكي يوم يا نورا... انا ابقى متعلق كده زي حرامي الغسيل... فالحة يا ختي.. بتوريني قوتك الخارقة طيرتيني منك لله نزليني يا نور.. كمان بتضحكي والله مانا سايبك نزليني.
نورا وهي تحاول ان تكتم ضحكاتها لكن انفجرت في النهاية : هههه مش قادرة والله مكنتش متوقعه اني اكون جامدة اوي كده
خالد وهو في قمة غضبه منها : سوبر هيرو حضرتك... ده انا هعمل منك شاورما انا هفضل متعلق كده.
نورا : خلاص خلاص بس مش قادرة بصراحه شكلك نكته...ونبي خليك كده شوية
خالد : لا والله ليه بتفرجي على قرد قصادك بت متجننيش... ليتحرك فجأة وتفلت قدمه.. فيقع
نورا بخوف : خالد
كان خالد متأكد انه قد اصابه مكروه لكنه تفاجأ انه لم يشعر بألم السقوط ليفتحت عينيه ببطئ
خالد انتي مين يا ست انتي ليسمع صراخ نورا
نورا بصوت يختنق من البكاء : حلا
ــــــــــــــــــــــــــــــــــــــــــــــــــــــــــــــــــــــــــــــــــــــ
تيم شعر بحدوث خطب ما : انا اكيد مش هستنى كل ده
نظرت له آرابيلا : احنا فعلا لازم نتحرك بس مش هنخرج بره
ليوجه نظره لها بضيق : انتي بتقولي ايه
فاجأته بتوجيه ضربة له جعلته يفقد وعيه.
آرابيلا : مكنش بأيدي اكيد هما في خطر وانا مش هسمح انه يحصلك حاجه
لتختفي هي وهو من القصر متوجه نحو مملكة لوريان.
YOU ARE READING
معك إلى عالم أخر©️
Science Fictionما بين عاملنا وعالم مليئ بالغموض والخيال، أُحب أن أخذكم معي إلى عالم الفوضي عالم لا يعرف المستحيل ولتسبحوا فى أعماق تلك الرحلة عليكم بإلتزام الصمت 🤫 فما ستراه أعينكم لا يجب أن تخبروه لإحد . ستجدون قلوب متيمة بالعشق وستجدون الشر يحوم لتفرقتهم، ستجد...
