البارت العشرون
فى حفلة الافتتاح
الاجواء متوترة بين مازن وفريدة
مازن .انصدم من الموقف مش متوقع وجود خطيبتة السابقة واتفاجا بيهم ويفكر فى فريدة ورد فعلها اية وبين نارين..
فريدة .حاسة بجرح وماسكة نفسها بالعافية ....
زياد وحبيبة
حبيبة. انت شايف إللى انت شايفة
زياد. اممم
ملاك. اية مالكو فى اية
حبيبة .انتى مش واخدة بالك من فريدة ومازن
زياد. اسكتى يا سوسة
ملاك. هههه فى اية مالهم
حبيبة .حياة مرات دكتور كريم تعرفى تكون مين حياة خطيبة مازن الاولى
ملاك باستغراب .معقول طب أى المشكلة
زياد. مازن صعبان علية من إللى هيشوفة من فريدة ههه
ملاك. بس انتو متأكدين
زياد. فاكرة لم مازن قابلنا وقدم دعوة فرح حياة كان فعلا العريس كريم وكمان رد فعلهم لم احمد قدم كريم وحياة
حبيبة .وحياة كمان شكلها اتوتر وقلب كل الألوان وكريم خدها كلمها على جنب اكيد فى حاجة
ملاك. واية يعنى دى حاجة فى الماضى ودلوقتى كل شخص عايش حياتة واختار شريكة
زياد. بس منظر فريدة مش يبشر بالخير وكمان شوفى مازن ساكت ازى بيبتسم بالعافية تفتكرى لسة لها مكان فى قلب مازن
ملاك. لا طبعا انا عارفة وواثق فى كدة وكمان حياة بتحب جوزها جدا دة عبط لو فريدة فكرت كدة انا لازم اكلمها ..
.......
كريم .احمد معلشى لازم نمشى عشان حياة تعبت
احمد. الف سلامة شرفتو ونورتو ياكيمو
حياة .فين ملاك عشان
ملاك .انا هنا على فين كدة
حياة.تقبل ملاك الف مبروك ربنا يوفقك يارب احنا هنمشى بقى انا بجد تعبت معلشى
ملاك بحب. لا سلامتك لازم ترتاحى وخلى بالك من نفسك وانت يادكتور اهتم بيها اكتر هههه
كريم.والله بهتم اعمل اية تانى عبقال ماتجربو إللى انا فية
ملاك. واية بقى إللى انت فية ها هههه
كريم .ههههه كل خير والله اسعد لحظات بعيشها عبقالك ابوحميد
احمد بابتسامة. ربنا يسهل
....
ودع كريم وحياة وفارس أيضا الحفلة وغادرو...
وبداءت الحفلة على الانتهاء وغادر الجميع ...
ملاك قلقة على فريدة وتخاف ان تنفعل وتغضب على مازن بسبب وجود خطيبته السابقه .....
ركب مازن عربيتة وبجانبة فريدة ..
فى الطريق إلى بيتهم
فريدة .طبعا فرحان انك شوفتها مش كدة
مازن نظر لها بغضب ولم يتحدث ..
فريدة .اية كلامى مش عاجبك لسة بتحبها وبتفكر فيها ومتجوزنى بس عشان تنساها
مازن بعصبية .اسكتى يافريدة انت واعى لكلامك دة اسكتى فاهمة
فريدة. لا مش هسكت
مازن فرمل العربية فجاة
مازن بغضب .قولت اسكتى اية مابتفهمش انا سايق فاهمة يعنى اية سايق يعنى كلامك ممكن يخلى العربية تتقلب بينا اسكتى خالص مش عايز اسمع صوتك
فريدة تبكى فى صمت
قاد السيارة مرة اخرى بدون أى كلمة...
بعد مرور نصف ساعة وصل إلى منزله
ترجلت فريدة بسرعة من السيارة وصعدت إلى غرفتها وظلت تبكى بصوت مسموع....
دخل مازن خلفها وسمع صوت بكاءها وغادر المكان مرة أخرى هبط إلى الأسفل فى غرفة مكتبة .
مازن بعصبية .لية لية لية مش قادرة تفهمنى لية دايما ظلمانى ماعندهاش أى ثقة فية يارب يارب انا متحمل فوق طاقتى مش قادر تعبت والله تعبت .
ظل مازن على غضبة ويفكر ماذا يفعل ....
........
وصل زياد وحبيبة إلى غرفتهم بعد ساعة من مغادرة الشركة..
حبيبة .تفتكر هيحصل اية بين مازن وفريدة
زياد. عارف ان الفضول هيقتلك ههههه مش كدة ربنا يستر ويهديهم
حبيبة. يارب بس انا لو مكان فريدة فعلا مش هسكت هقلب الدنيا
زياد. ولية بقى ان شاء الله شافتة مع واحدة ولا مسكت علية حاجة الراجل عادى وكمان حياة دى مجوزة وملاك قالت بتحب جوزها ومازن بيحب فريدة المفروض ماتقولش حاجة لمازن عشان دى عدم ثقة فى جوزها وكمان فى نفسها لازم تكون واثقة من نفسها ان جوزها مش هيبص لغيرها بس نقول اية فى صنف الستات كلهم كدة مجانين نعمل اية
حبيبة .نعم طبعا هتحامى لصاحبك عشان تعمل زية
زياد. حبيبة بلاش تتكلمى فى امور الشخصية بتاعت حد فاهمة وقفلى كلام على الموضوع دة عشان مازعلش منك
حبيبة .انا قولت حاجة الله
زياد. بس خلاص واتخمدى بقى .....
......
وصل محمود الهلالى إلى منزله برفقه ابنته وزوجها .
محمود .تصبحو على خير ياولاد
ملاك. وحضرتك من اهله ياقلبى
صعد احمد وملاك إلى غرفتهم
بعد أن استبدل ملابسه
احمد بحب .مبروووك ياعمرى وان شاء الله اسمك يسمع ويكبر فى السوق
ملاك بابتسامة. الله يبارك فيك
احمد. مالك لية شكلك متغير عايز اتكلم معاكى فى موضوع مهم
ملاك. بجد وانا كمان
احمد. هههه خلاص قولى اية شاغل بالك
ملاك. تعرف ان حياة مرات كريم هى خطيبة مازن الاولى
احمد باستغراب .اية بتتكلمى جد
ملاك. اة والله وانا خايفة من رد فعل فريدة مع مازن ممكن يحصل مشاكل بينهم كلم مازن والنبى يااحمد اطمن
احمد. ماينفعش ياحبيبتى ندخل فى حاجة خاصة غير لو حد فيهم كلمنا ساعتها نقدر ندخل انا عارف ومقدر قلقلك بس مايتفعش اقول لمازن عملت اية ولا فى اية بينك انت ومراتك
ملاك. معاك حق ربنا يستر ويعدى اليوم على خير
احمد. بس انا شايف ان كل واحد فيهم عادى مكمل حياتة واختار صح وكمان انا عارف قد اية كريم بيحب مراتة وهى كمان بتحبة وماتنسيش ان كريم دكتور نفسى يعنى يقدر يفهم مراتة واكيد متاكد من حبها حتى لو كان شاف مازن وعارف علاقتهم بالماضى فمش هياثر فية عشان دلوقتى مراته حامل فى بنته وبتحبه
ملاك. أيوة انا عارفة كل دة ومتاكدة ان حياة بتحب كريم والمشكلة هتكون عند فريدة انا عارفة دى لسة كانو متخنقين بعد لم رجعنا من شهر العسل بيوم واحد عشان بيقولها ياحياتى تخيل زعلت وقلبت الدنيا
احمد .ههههه بجد فريدة دى مجنونة كدة هتخنق مازن ربنا يكون فى عونه ، كدة مش غيرة دى شك يا حبيبتي
ملاك. يارب
احمد. طب حبيبى مش بيغار هو كمان عليه
ملاك بابتسامة. انا بثق فيك يا روحى وعارفة أن هنا ملك ملاك وبس وتشير إلى قلبه
احمد. اة ياقلبى بحبك انت ياعاقل تعالى هقولك كلام كتير محوشة من زمااان كدة ههههه
.........
فى بيت كريم وحياة
حياة. كريم انا
كريم بابتسامة .حياتى انا عارف انتى عايزة تقولى اية ماتنسيش انى كنت دكتورك وعارف كل حاجة ومش اتقدمتلك إللى لم وثقت انك خفيتى ومافيش فى قلبك أى ذرة حب لغيرى وعارف انك عشان اتفاجتى بوجود مازن توترتى بس انا عادى ومش زعلان عشان عارف مراتى وعارف مافيش فى قلبك غيرى انا وبنتنا وتعالى استريحى كدة هعملك كوباية عصير فريش ونفكر هنسمى بنتنا اية بقى ..
........
فى فيلا محمد الهلالى
محمد .ماجتيش لية عشان خاطر ابنك ياستى بلاش خاطر ملاك كدة بتبعدى ابنك عنك
فرحة. هو لسة هيبعد هو بعد خلاص واختار
محمد .ربنا يهديكى لاولادك يارب.
........
فى غرفة ياسين وسارة
ياسين بفرحة. سيلا نامت
سارة. الحمد لله انا فاصلة شحن مش قادرة
ياسين .واحشانى بجد
سارة .انا تعبانة وعايزة انام والله
ياسين بحب. بقولك واحشانى والبت نامت تعالى بقى وانا هضيع تعبك ...
........
فى فيلا زين الالفى
آسيا بارهاق .يااا اخير نام بعد ماطلع عينى
زين يقبل يدها. ربنا يخليك لينا ياقلبى يا روحى ياعمرى
آسيا بحب. ويخليك لينا يا حبيبى
زين. طب يلى بقى
آسيا بقلق .بص عايزة اقولك حاجة مهمة بس والله ماقصدى هى جت كدة
زين بقلق. فى اية يا حبيبتى
آسيا. انا انت اصل
زين .هههه هو اية اصله دة عايز افهم فى اية
آسيا. انا حامل
زين بصدمة....