البارت الثاني عشر
دقة قلب
مني عبدالعزيز ومروة حمدى
الخاطرة إهداء من ملاك نوري
لا تشكُو للناس جرحًا أنت صاحبه
لا يؤلم الجرح إلا من به ألم
شكواك للناس يا ابن الناس منقصة
ومن من الناس صاح ما به سقم
فالهم كالسيل والأحزان زاخرة
حمر الدلائل مهما أهلها كتموا
فإن شكوت لمن طاب الزمان له
عيناك تغلى ومن تشكو له صنم
وإذا شكوت لمن شكواك تسعده
أضفت جرحًا لجرحك اسمه الندم.
_________________
يفتح الباب يرى جده وأبيه على الباب ليرفع حاجبه باستغراب لرؤيته لخاله كارم يقف خلفهما وبجواره فتاه لم يتعرف عليها ولكن هناك شىء يدفعه لكى يدقق النظر بها يتساءل داخله اين رأها قبل اليوم لديه شعور قوى بالالفه تجاهها ليبتعد عن الباب سامحا لهم بالدخول ليدخل الجد اولا يلقى السلام ويبتعد قليلا تاركا مساحه لدخول الاخرين ليدخل عامر وخلفه كارم لتمر خلفهم ملاك بجواره وجنتيها متوردة تنظر لاسفل بتوتر وخالد يقف مكانه لايستطيع أن يزيح نظره عنها يتساءل داخله من تلك الفتاه
الجد:تعالى اقعدى ياملاك يابنتى لينظر خالد لابيه باستفهام
ليتحدث الجد :تعالا ياخالد يابنى سلم على ملاك مراتك
لم يستوعب خالد فى بدايه الامر ليلتف سريعا لوالده يستفهم منه حقيقه الامر ليؤكد له أباه بإماءة من رأسه ليعلو صوته وعينه على ملاك
خالد :حضرتك بتقول ايه ازاى مراتى ازاى
عامر: بالتوكيل اللى انت عملتهولى زمان ليعاود النظر لوالده بصدمه
خالد يعنى ايه الكلام ده
الجد يعنى اتكتب كتابك على ملاك
خالد :وانا اخر من يعلم
عامر :ماكنش فى قدامنا غير الطريقة دى
الجد :أهدى وافهم الاول
خالد :افهم ايه أنى اتجوزت من غير ماعرف ومين دى تقبل على نفسها تتجوز بالشكل ده
لينكس كارم رأسه لاسفل تهتز يده بشده ليتجه عامر يربط على يد كارم
عامر :اهدئ ياكارم
لينظر خالد إلى خاله متعجبا ماسبب توتره ليخرجه صوت شهقات عاليه لينظر نحوها بحيرة
الجد:ااقعد علشان نتكلم وتفهم الموضوع بالظبط لانه مش زى مااانت فاهم
ليقف كارم بعد اذنك ياعمى محتاج أتكلم مع خالد على انفراد
الجد عينه على حفيده يقيم حالته ابتسم بمكر متزكرا حديث فؤاد
فؤاد : جدو عايز عينك عليه ميكروسكوب من اول ماتدخلوا البيت وكل حركه ونظرة وتعبير لحظه ماعينه تقع على ملاك
ليحدث الجد نفسه طول عمرك مكار يافؤاد فاهم صحبك أوى حتى اكتر منى ال عيشت معاه.
دخل خالد وخلفه كارم غرفة المكتب .
خالد .. اتفضل حضرتك
ليجلس كارم وأمامه خالد بجوار المكتب .
كارم :انا عارف انك ماسك اعصابك احتراما لوجودى وفى فضول جواك تعرف السبب وقبل اى شئ والدك وجدك مالهمش ذنب انا هجاوبك على كل الأسئلة إلى بدور فى دماغك بس عاوزك قبل مااتكلم انك تفكر في الموضوع كمساعدة مش فرض عليك ولو حابب تعتذر مافيش عليك حرج
خالد مقاطعا حضرتك بتخيرنى وانتوا جاين وحطينى قدام الأمر الواقع
كارم :مجبور يابنى
خالد بحرج ممكن افهم علاقه حضرتك بالموضوع
كارم بذهول من سؤال خالد :انت مش عارف ال بره دى مين
خالد ملامحها مش غريبه عليا كارم بصوته يشوبه البكاء :دى ملاك بنت المرحوم كامل اخويا.
خالد بصدمه وهو يشير بيده معقوله دى ملاك
ليبتسم كارم ابتسامه حزينه ملاك كبرت يابنى وانت ليك سنين ما شفتهاش
خالد بغصه عندك حق السنين عدت بسرعه .
كارم .. انت فاكر يا بني ال حصل وقتها وحقن المهداءات ال كتير كنت بتجي تدهالها في نصاص الليالي والدكتور محسن انت ال رشحته لعلاجها .
خالد .. أسف عدي وقت طويل والفترة دي كانت هي حزينه علي وفاة والدها وكانت لسه صغيره وقتها
كارم :للاسف يابنى مش بس شكلها ال اتغير حاجات كتير اتغيرت مع الوقت
خالد بفضول وضحلى اكتر
كارم كل حاجه عايز تعرفها وتفهمها هتلاقيها فى الفيديوهات دى ليخرج من جيبه هاتفه يقوم بتشغيله وأعطاه لخالد ليتناوله بفضول يتابع مايحدث يجد فتاه ممدده على الفراش تهز رأسها يمين ويسار وهى مغمضه العينين تفيق من نومها بصرخات عاليه تتحدث بهيستريا سبونى سبونى كان هناك مايمسكها تصرخ دم دم ليصدم خالد من هيئتها وهى تصرخ بشكل هيسترى تمزق ملابسها تجرح زراعها باظافرها ليغلق الهاتف سريعا
كارم ماكملتش ليه
خالد بإحراج ماكنش ينفع ليلتف بحدة ويتحدث بحميه هو الدكتور شاف ده
كارم بابتسامه فرحه لنخوة خالد التي لم تتغير لا انا وصفتله مقدرتش ابعتهوله ولا حتى ولادى شافوه ده لحمى
خالد ايه ال وصلها لكده هى المفروض انها كانت بتتعالج ولا ايه ؟
كارم يشهد ربنا أنى مااهملت فى علاجها بس فى حاجه تانى عايزك تشوفها هى اجابتك على سؤالك وهى السبب الرئيسى فى كل ده ليفتح له فيديو اخر يتابع خالد بانتباه يستمع لصوت ضحكاتها ليبتسم تلقائيا وتخرج ضحكه صغيرة بخفه على تعليقاتها المرحه ليقف مرة واحده عيناه تتسع بشده وهو يرى خاله الحبيب قدوته يهوى من الاعلى لتتجمد اطرافه ليعطى الهاتف لكارم بيد مهزوزة يضع راسه بين يديه يشعر بالبروده فى أطرافه ثقل فى أنفاسه ذكريات يحاول نسيانها لاحت أمامه يتنهد بحزن مااشبه اليوم بالامس
كارم يحدث خالد عرفت ال حصل وليه ملاك وصلت لكده .
خالد ..لا رد
كارم .. نظر إلي خالد وجده يهز رأسه ووجهه بين يديه وضع يده علي كتفه مالك ياخالد يابنى
يقف خالد مرة وحده يهرب من ذلك الشعور الذى انتابه متحدثا بعصبيه وايه علاقه الحادثه بموضوع الجواز
كارم فى حاجه مهمه لازم تعرفها أن ده مش كان رأينا أحنا ده كان اقتراح الدكتور ال بيعالجها
خالد ..دكتور مين الحمار ال بيعالج بالجواز ويتابع بعصبية لما الجواز هو علاجها ماجوزتهاش ليه لواحد من اولادك
يجلس كارم يتحدث بحزن هفهمك من غيرماتقاطعنى يقص عليه ماحدث وخالد متأثر بشده لما يسمع
خالد آسف فى حاجه غلط ازاى خمس سنين علاج وبتتحسن ترجع تتنكس تانى فى حلقة ضايعه فى النص
كارم وهو ده السبب الاول ال الدكتور طلب أنها تبعد عن ال حواليها وانا مش هأمن على عرضى مع اياكان ولا هيجينى قلب احطها فى مصحه و الدكتور هو ال طلب أننا نجوزها لحد يوفرلها بيئه امنه وهادئه تقدر تتابع فيها علاجها بسلام وانا كنت اتمنى انها تكون من نصيب حد فيهم بس للاسف مطلعوش قد المسئوليه وفى حاجه حصلت منعت ده محدش يعرفها غير انا ووالدتك والدكتور.
خالد بفضول ايه هى دى
كارم يقص عليه ما رآه ومااستمع من ملاك ليهب خالد واقفا يكور يده عروقه تنفض
خالد بغضب ال***
ليتابع كارم لو ملاك كانت هتحس أن سامر أمن وسند ليها كانت اتحامت فيه بدل ما خرجت للشارع وهى بتصرخ
خالد وهو يتنفس بعنف وبعدين
ليتابع له ماحدث فى منزل عائلته حتى تزويجه ملاك وفى حاجه مهمه يابنى خلتنى وافقت على الموضوع ده اكتر من اى شئ ليخرج ورقه من جيبه ويعطيها له لياخذها منه خالد بعصبية يقراها ليقول له اقرى يابنى ملاك من وجعها كتبت بايديها ال محتاجاه .
يقرا خالد بعينيه عند وقوعه على كلمه أبى تتراخى اعصابه مع كل سطر يقرأه يزداد حزنا على حال تلك الصغيرة ليضع الورقه بشكل تلقائى بجيبه ليجلس مرة أخرى صامتا
كارم برعشه شديده رغم ال عملته مقدرتش اوفرلها الامان طول عمرك سند وظهر لأهلك يستمع خالد لتلك الكلمات التى اهزت قلبه طول عمرك حمايه لاخواتك وبنت عمك ملاك نفسها ياما اتحامت فيك من صالح وعمايله كانت بتحس معاك بالامان اكتر من اولادى
كامل الله يرحمه كان دائما يقول لو كان ليا ابن كنت اتمنى يكون زى خالد لينظر خالد له يتذكر خاله واحاديثهم سويا ومناقشتهم فى كافه الأمور تشجيعه له ودعمه ليتنهد بحزن
كارم انا خارج وهسيبك شويه مع نفسك والقرار ال هتاخده أنا موافق عليه اقترب كارم من الباب ليخرج
خالد وهو مغمض العينين أنا موافق ليقف كارم
خالد .. ملاك بنت خالى وهتكون اخت من اخواتي
تقدر تسيبها فى امان واوعدك انها فى حمايتى واى وقت تحب تطمن عليها أنا تحت امرك ياريت تسيبنى اتعامل معاها اوعدك أنى عمرى ماهجرحها وهتكون في رعايتي لحد ما تخف وترجع طبيعيه لحايتها من جديد وسامحني علي كلامي مع حضرتك عارف ال حصل الفترة ال فاتت بعدني عن الكل والموضوع جه فجاءة فده وترني شويه .
كارم ..رفع يده يضعها علي كتف خالد بصعوبه بعد ازدياد رجفتها طمنت قلبي يا بني همشي وانا متأكد انها في إيد أمينه .
خالد .. احس بيد كارم المرتجفه ليمسك يد خاله يد كارم يتحسسها ، من امته الحاله دي بتجيلك .
كارم .. حالة إيه يا بني دي من التوتر بس .
خالد .. حضرتك تبعت مع دكتور اخدت علاج ومن قد ايه الحاله دي عندك
كارم .. لا ما اخدتش علاج هو مهدئ باخده كل فتره يهديني شويه بس اليومين دول زادت شويه متخدش في بالك خالينا في ملاك احسن.
خالد ازاي حضرتك تهمل في حاجه زي دي لازم تتابع مع دكتور وتعمل فحوصات ويتعرف السبب عضوي ولا نفسي
قبل الحالة متتدهور عن كده .
كارم.. كارم بحزن علاجى فى راحه بنتى وامانها .
خالد.. تقدر تطمن من الناحيه دي واوعدني انك تتابع مع دكتور ونعرف الحاله دي وصلت لفين .
كارم .. اوم له اوعدك ههتم بالموضوع نخرج للجماعه برة
نطمنهم .
خالد .. اتفضل حضرتك .
كارم .. اه قبل ما انسي ده كارت الدكتور ال بيعالج حالة ملاك لو تحب تستفسر عن أي حاجه . ليضعه خالد بجيبه ويخرج خلف كارم .
ملاك جالسه تفرق بيدها عيناها علي المكتب التفت عند سماع صوت احد يتحدث جوارها لتستمع الي ما يقول .
الجد .. ملاك يابنتي مالك متوترة ليه .
ملاك ..بصوت ضعيف أنا مش متوترة أنا خايفه من ردة فعل أبيه خالد .
الجد .. هامسا أبيه خالد جبتك يا عبد المعين تعني
ليرفع صوته متخفيش يا بنتي خالد هيقدر الظروف
أنا ال عاوز ااقلك كلمتين لينظر هاشم الي عامر ابنه يجده يقف بالقرب من الشرفه ينظر للخارج
ليعود للكلام مرة أخري مع ملاك .
هاشم .. ملاك خالد زي ما انتي محتاجه هو محتاجك اكتر مهما تكلمت وشرحتلك عن حنيته وطيبة قلبى
مش هوفي حقه كل ال محتاجه الاهتمام لو حاسيتي أنه هيتعصب متخفيش منه خالد اكتر انسان بيتحكم في عصبيته .
ليصمت مهاشم عند فتح باب المكتب ويخرج كارم وخلفه خالد ليرفع الجد نظرة تجاة كارم يري السعادة علي وجهه ليحمد ربه داخله .
عامر .. اقترب من خالد وضع يدة علي كتفه دون أن يتحدث عينه تتحدث عنه فخورا به .
كارم .. اقترب من ملاك بنتي أنا همشي وانا مطمن عليكي في ايد أمينه وكل فترة هتلاقيني عندك ومنين متحتاجيني هتلاقيني موجود تحت امرك
لترتمي ملاك بين أحضانه شعر برجفتها .
ليهمس لها متقلقيش خالد اكتر انسان في الدنيا اامنه عليكي لتخرج ملاك من بين يديه ليلتف كارم للجد
ويومي براسه .
عمي بعد أذنك احنا هنمشي ونسيب ملاك وخالد يتفهموا سوا .
ليقف الجد وعلي وجه السعاده يبتسم لخالد .ويرحل دون اي كلمه وخلفه كارم .
عامر انا فخور بيك يابنى
مخيبتش ظننا فيك ربنا يسعدك ويفرح قلبك وتلاقي العوض عن ايام عمرك ال ضاعت ويخرج
ليرحل الجميع من المنزل ولازالت ملاك واقفه وخالد عينه علي الباب يحاول أن يجمع افكارة وشتات نفسه ويلتف ناحيه ملاك يجدها تبكي .
لينتفض قلبه يقترب منها لايعرف ماذا يفعل ليتحدث اخيرا .
خالد .. ملاك ممكن تهدي بلاش دموعك دي .
ملاك .. ترفع وجهها تجفف دموعها بيدها أنا هادئه تفهميني ايه سبب البكاء ده .
ملاك أبيه خالد حضرتك مضايق منى .
خالد .. بتوتر ليه بتقولي كده .
ملاك .. اصلك مكشر ومن وقت ما دخلت مع جدوا وعمو عامر وعمو كارم واتكلمت بنرفزة وصوت عالى .
خالد .. يبتسم علي كلماتها وبراءتها لا انا مش مضايق بس الموضوع كان مفاجأة بالنسبالى
ليجلس دون أن ينطق بكلمه يحادث نفسه ايه اللى انا عملته فى نفسى ده ينظر حوله هتنام فين من خمس سنين والاوض دى مقفولة وملاك تجلس عيناها للأرض تتثأب بشده ليكتم ضحكاته خالد ملاك انتى تقدرى تدخلى اى اوضه من الاوض دى وتستريحى فيها لتدخل فى ممر الغرف بينما هو على جلسته يراجع حديث خاله كارم غير منتبه بأى غرفه دخلت
خالد يحادث نفسه اول مرة اسمع عن طريقة العلاج دى كان ممكن تسافر بره بس جواز دكتور مين ده ليخرج الكارت من جيبه تتسع عينيه وهو يقرأ الاسم
خالد الدكتور فؤاد محمد على اااااااه يابن ال*****
ليخرج مسرعا من منزله تتراقص الشياطين أمام عينيه
______
بينما فى مكان آخر فى غرفه يسودها الظلام كحال قلب ساكنها يجلس على كرسى مكتبه مغمض العينين يرجع رأسه للخلف ممسك بعصاه بيده ليصدح صوت هاتف ليجيب دون أن يتحرك
الو قول ال عندك
الطرف الآخر:هو دلوقتى فى البيت وحصلت حاجه غريبه
الآخر بانتباه اااااايه
الطرف الآخر: خرج بسرعه من الشركه بعد عشر دقائق من دخوله ووقف قدام بيت أهله ومدخلش ورجع بيته من تانى وبعدها بساعتين جاله جده ووالده وواحد اول مرة يزوره ومعاهم بنت
الآخر: ممكن وحده من اخواته
الطرف الآخر:لاياباشا مش منهم وبعد فترة قصيره هم خرجوا والبنت ماخرجتش ثوانى ياباشا ده خارج بعربيته
الآخر :البنت معاه
الطرف الآخر:لا وانا ماشى وراه
الآخر:عرفنى خطوة بخطوة
الطرف الآخر:ده شكله اتجنن سايق بسرعه
الآخر: أوعى يغيب عن عينك وأعرف البنت دى مين
___________
يدخل فؤاد باب العيادة الخاصه به ليقف المساعد احتراما له
فؤاد للمساعد :فى طور هائج هيجئ كمان شويه ماتقفش فى وشه دخله على طول قالها وهو يمر للداخل يوقفه المساعد
المساعد :طور ايه ياااافندم انا مش فاهم حاجه
فؤاد :لمايجئ هتعرف ليلتفت برأسه له بقولك فى فولتارين
المساعد :لا بس فى هيموكلار
فؤاد :يأدى الغرض
ليجلس على كرسيه يخرج السوار من جيبه يحادثه ببسمه
فؤاد :ربنا يستر لحسن اخوكى أيده تقيله
يدلف خالد من باب العيادة كالاعصار
خالد للمساعد بعصبية:الحيوان ال هنا فين
المساعد بنفضه جوووه جوووه اول اوضه شمال
يدخل خالد للمكتب دافعا الباب بيديه ليقف. فؤاد فاتحا ذراعيه
فؤاد :حبيبى
ليتقدم له خالد بسرعه يلكمه فى وجهه بعنف يرتد على أثرها فؤاد للخلف ممسكا بفكه
فؤاد :طول عمرك مختلف ياصحبى
ليجد خالد مزهريه صغيرة على سطح المكتب يلقيها باتجاهه ليتفادها فؤاد بسرعه لتتهشم بعد اصطدامها بالحائط
فؤاد :حرام والله جايبها معايا من المانيا
لينظر له خالد بنظرات مرعبه
فؤاد :خلاص فداك ياحبيبى فداك
بينما خالد يسير في الغرفه بلا هوادة يكاد يقتلع شعره. بين يديه وفؤاد يراقبه يبتلع ريقه بصعوبه ينطق الشهاده داخله
ليشاور عليه فجاه
خالد :انت
فؤادببراءة انا ايه
انت ال ورتطني الورطه دي .
فؤاد وهو لايزال يرسم علي وجهه البراءة : ورطة ايه
خالد .:. فؤاد ماهو لا يمكن بابا أو جدواهيفكروا يجوزونى بالطريقه دى والا كانوا عملوها من. زمان لا وايه ممشيهم على مسطرة من غير ولاغلطه
فؤاد بنفس البراءة انت ظالمنى على فكرة
خالد ولااااااا انت هتعملهم عليا من يومك وانت تعلب محدش فاهم الاعيبك أدى
فؤاد :خالد انت عارفنى كويس انا اعمل فيك كده
خالد: بصراخ ماهو علشان عارفك ده انت ظبطت الموضوع تمام على مقاسى عملت كده ليه
فؤاد :علشانك لينظر له خالد نظره ناريه ليغير حديثه بسرعه عش عشانها علشان المسكينه دى
لينظر له خالد بتهجم وفؤاد يبادله بنظرات تدعى البراءة لتتغيرنظراتهم بعد برهه لنظرات عتاب ومحبه لينطق خالد بنبره يملأها الحزن
انت بعدت اووووى
فؤاد:بغصه كنت محتاج أبعد قالها وهو يقف أمامه
خالد بس انا كنت محتاجك
فؤاد :وانا رجعت
ليرتمى كلا منهما داخل احضان الآخر يرمى وووجعه واحتياجه لصديق دربه
_________________
بعد ذهاب ملاك والجد شعرت اسماء بأن قدرتها على الثبات وشكت على النفاذ لتستاذن منهم قاصدة غرفتها
الجده ..خليكى شويه نستنى نطمئن على رحاب ونشوف حصل مع الجماعه عند خالد .
أسماء.. سورى ياناناه انهار دة اليوم كان طويل محتاجه ارتاح لتصعد بسرعه قبل أن يوقفها أحد آخر تدخل لغرفتها مغلقه الباب تستند خلفه تضع يدها على صدرها تشعر بنغزات حاده لترتمى على فراشها تكتم شهقاتها داخل وسادتها دموعها تحرقها لاتستطيع التوقف تريد الصراخ فقط بعد فترة تعتدل
اسماء وحياة كل لحظه فكرت فيها فيك هنساك
وحياة كل حلم حلمته معاك هنساك
وحياه كل دقه قلبى دقهالك هنساك
هنساك ياحلم طفولتى ياوجع عمرى هنساك لتزيح دموعها بعنف انتى ماتستاهلش اى دمعه حزن عشانك لتقف تنظر لمراتها انا اسماء الخديوى أميرة عيلتى مش صالح ال يكسرنى
بينما بالاسفل لاتزال الجده ومريم وايه يتحدثون مترقبين بشغف وتشاركهم مروة الحديث تارة وتصمت تارة أخرى
مريم اطلعى انتى يامروة انتى وجوزك استريحوا انتوا كمان لتؤام رأسها لتصعد بينما ياسين لم يخفى عليه حزنها ليخرج من باب المنزل مسرعا يصعد سيارته ياسين يارب الاقى ال فى دماغى
تصعد مروة لشقتها تتوجه لسريرها
مروة يارب ياابيه تفوق بقا من ال انت فيه وتوافق علي ملاك تحبهاوتعوضك علي سنين بعدك عننا .لتجلس بحزن وهي تتذكر كم مرة طالبت من خالد أن يحضر زفافها ورفض لتمحي دموعها قبل أن تنزل لتنظر بجوارها لتتذكر الحقيبه الموضوعه .
مروة ياسين مالهوش ذنب فى حاجه لتاخذها وتتجه لحمام غرفتها تبتسم بمكر
يعود ياسين بعد قليل يحمل بيده غزل البنات والدرة المشويه لتطلق ضحكات جدته ومريم يقف أمامهم ببسمه ملكات بيت الخديوى اتفضلوا ليعطى كلامنهم تحت ابتسامتهم الفرحه فين ايوش وحنان
مريم ايه فى اوضتها وراجعه وحنان طلعت شقتها
ياسين طيب اتفضلى وصليلهم ليصعد شقة والده يدخل متجه لغرفته شقيقته يطرق على الباب
لتدثر اسماء نفسها جيدا بالغطاء ليدخل ياسين ناظرا حوله يبتسم لرؤيتها نائمه يقترب يضع بجانبها مااحضره لها ليخرج من جيبه كيس من المارشيملو المفضل لها يقبل جبهتها ليخرج سريعا لتفتح عينيها بعد خروجه تنظر لما أحضره تبتسم بين دموعها
يصعد لشقته مش سامع صوت
يدخل بإحباط يفتح باب غرفته ليتسمر مكانه وهو يراها تقف أمام المرأة تعيد ترتيب خصلات شعرها ليستند على باب الغرفه يتابعها بعيون وقحه لأول مرة يراها بهذة الهيئه جنيته الصغيرة ترتدى بدله رقص من اللون الفضى تكشف جسدها بسخاء ملكه متوجه بأنوثتها يسير باتجاها مغيبا لتنتبه عليه يحاوطها من الخلف
ياسين بهمس ايه الجمال ده كله
لتستدير له أنا جميلة علشان عيونك هما ال شايفنى
ياسين وهما مش شايفين حد غيرك ليحملها بخفه
مروة طب والعرض
ياسين الليل طويل
مروة بضحكه عايز اعرف جايب ايه
ياسين هششش بعدين
مروة بس انا شامه ريحه دره
ياسين وهيبقى فى مارشيملو لوسكتى
لتفتح فمها لتتحدث مرة أخرى ليسكتها ياسين بطريقته الخاصه
__________سبحان الله عدد ما كان
عاد امير منزله ملقيا السلام عليهم بالاسفل بإهمال صاعدا شقته يدندن كلمات الاغنيه التي رقص عليها مع سلوي وهو يصعد الدرج
يدخل الي شقته يجد حنان تجلس في ابهي صورتها
وصلت إلي أنفه رائحه عطر نفاذة ابتسم وهو يتذكر صاحبه تلك الرائحة تقترب منه حنان .
حنان .. حمدالله علي السلامة يا حبيبي.
امير .. لازالت رائحه العطر تأثرة اذدات ابتسامته و عينه علي حنان اقترب منها لحقت أوحشك لسه سايبك من شويه .
حنان.. باستغراب من كلماته حبيبي انت بتوحشني علي طول .
امير .. حبيبك معقوله أنا حبيبك .
حنان .. طبعا حبيبي .
أمير .. انحن يقبلها وحملها وتوجه الي غرفتهم يوصف جمالها ورائحة العطر التي أثرتة منذ الصباح
غاص معها في ليله عصفاء يتدحث معها بجراءة لاول مرة يحدثها بتلك الطريقه بعد مدة بعد عنها دون أن ينطق بكلمه تاركها متخبطه داخل الي الحمام .
حنان .. قلبها يدق بشدة عينها علي امير الذي نهض عنها كأن كان بعالم اخر تسال نفسها ما تلك الحاله التي كان عليها امير وكلماته الجديدة عليها .
ليعود امير ينام بجوارها معطي لها ظهرة .
ليتحدث .. حنان البرفان ده ما تحطهوش مرة تانيه .
لتسعق حنان مما سمعت منذ قليل يخبرها عن رائحته التي اثرته .
عينها اغروت بالدموع لتلك النغزة التي غزت قلبها
ليذهب امير في ثبات .
وتظل حنان مستيقظه لم يجافي عينها النوم .
_____________سبحان الله عدد ما يكون
يوسف في المطعم يجلس بجوار رحاب يهمس بالقرب من أذنها اسف حاولت نكون لوحدنا معرفتش
رحاب دون أن تتحدث أمسكت يده بيدها تنظر في عينه تحرك اهدابها وابتسامه تزين وجهها كأنها تخبرة أنها تعلم ما يريد .
لياتي النادل يأخذ طالباتهم.
آمال .. بسرعه اختارات قائمه طعام صحي لرحاب دون سألها عن رأيها .
يوسف .. ينظر إلي رحاب يعتزر لها عما تفعله والدتها
يختار طعامه ويذهب النادل .
أمال لازم من هنا ورايح تخلي بالك من صحتك وأنا ههتم باكلك ومواعيد علاجك .
رحاب .. مرسي يا طنط بس كده هتتعبي معايا أوي
آمال.. لا متقلقيش انا اليوم ده كنت بحلم بيه من خمس سنين وفرحتي مش قادرة اوصفها.
يوسف .. بابتسامه يحدث نفسه ولا وطلع كلامك صح يا ياسين وشكلي هشوف ايام مع ماما ربنا يعديها علي خير .
حضر النادل يقدم الطعام وضعه علي الطاوله ورحل .
أمال .. استني يا رحاب قبل ما تأكلي اناهدوقه الاول .
رحاب .. ليه يا طنط حضرتك قلقتني .
أمال .. لازم اتاكد بنفسي أن الاكل معمول بطريقه صحية .
يوسف بزهول مما تفعل ولادتة ،ماما المطعم هنا من احسن المطاعم في البلد .
امال .. أنا مقلتش حاجه بس لازم اتاكد بنفسي .
أمال اخذت منديل سريعا وأخرجت ما بفمها تتحدث باشميذاذ ايه القرف ده لا يمكن يكون أ كل صحي ابدا وتأكل منه رحاب ،ممكن ياذيها من كميه الدسم ال فيه بينا نرجع علي البيت وانا هعمل ليها أكل صحي وأاكلها بنفسي .
يوسف .. ماما الناس بتتفرج علينا الاكل ماله أنا مش فاهم .
أمال .. ألاكل دسم ومالح ما ينفعش الحوامل لتقف بسرعه يلا بينا نرجع البيت أنا قلتلك من الاول بلاش أكل المطاعم .
يوسف .. اشار للنادل وطلب الحساب وقليلا وخرجوا عائدين الي المنزل وهو يقود سيارتة ببطء شديد بناءعلي تعليمات والدته .
بعد مده طويله من قيادة السيارة وصلوا الي البيت لتنزل سريعا من السيارة تفتح الباب لرحاب ..امال .. بشويش وانتي نازله واحده واحدة لتأخذ بيدها تسندها حتي دخلوا إلي داخل المنزل. وخلفهم يوسف الذي يكاد يكون من أفعال والدته .
مريم تقف سريعا بفرحه وهي تري دخول إبنتها تسندهاامال تمشي بجوارها بحظر شديد .
مريم .. مبروك يا حببتي ربنا يتتم لكي علي خير طمنيني الدكتورة قالت ايه .
ليخرج يوسف من جيبه الصورة التي اعطتها الطبيبة
لهم يبارك لهم عادل والده وجدته وعمته ايه يجلسوا معا يتحدثون بعد قليل يتحدث يوسف.
يوسف .. ريري يلا نطلع شقتنا ترتاحي بقالك كتير قاعدة لازم تفردي ضهرك شويه ..
أمال سريعا .. لا يا بني رحاب هتنام هنا بالدور الارضي وانا هنام معاها اخد بالي منها .
لينظر لها الجميع بصدمه وزهول مما تقول
استغفروا الله لعلها تكون ساعه استجابه .