Chapter 38 part 2
“I-I w-will explain this…” halos magkandautal na sabi ni Mia habang nakatitig sa mga litratong nasa harapan. Kitang –kita niya ang mabalasik na na mukha ni Vincent.
“I don’t need an explanation Mia, those are enough. Lumabas ka na!” sabay turo ni Vincent ng pintuan.
“Vincent, I love you. Please don’t do this to me.” Mabilis na lumapit si Mia at nangunyapit sa kanang braso ni Vincent.
Pilit na binabaklas ni Vincent ang mga kamay ni Mia na nakahawak sa kanya. Hindi na niya hahayaang mapaikot siya ng babaeng ito, minsan na siyang niloko nito kaya hindi na niya ito mapapalampas.
“Wala na tayong dapat pag-usapan. Malinaw na ang lahat sa akin.” Malamig pa sa yelo na turan ni Vincent.
Nang makita ni Mia na desidido na ang nobyo na makipaghiwalay sa kanya ay hindi na niya napigilan ang pagtulo ng mga luha. Hindi pwedeng mawala sa kanya ang binata kailangan niya ito. “Vincent… please makinig ka naman.” Pagsusumamo ni Mia. At ng hindi kumibo ang binata ay sinamantala niya ang pagkakataon. “Yang nasa picture ay si Julius na kaibigan ko, pinagseselos lang namin ang girlfriend niya. Wala kaming relasyon, maniwala ka sa akin.” Tinapunan niya ng nagmamakaawang tingin ang binata.
Nang mga sandaling yun ay sarado na ang utak ni Vincent, kahit anong paliwanag pa ang sabihin ng nobya ay hindi na niya kayang paniwalaan. Ang tanging mahalaga sa kanya ngayon ay maisaayos ang relasyon niya kay Jesica para mabuo ang kanilang pamilya.
“Mia, tapusin na natin ito. Alam mo naman na mula sa simula ay napilitan lang ako sa relasyon natin.” Malumanay na sabi ni Vincent.
“Yes, and from the start ang walang hiyang babaeng yun talaga ang gusto mo! Ano ang sasabihin ko sa pamilya ko, sa mga kaibigan ko?!” Histerikal na tugon ni Mia.
“Tama ka, sinabi ko sa iyo noon na siya ang babaeng gusto kong pakasalan.” Sabay buntong hininga ni Vincent. “And about your family, I’ll be the one who will explain to them and I’m sure they’ll understand me.” Patuloy nito.
Sunud-sunod na napailing si Mia, hindi niya kayang tanggapin ang pinagsasabi ni Vincent. “You’ll pay for this!” Nanlilisik ang mga mata ni Mia. Nagmamadali itong lumabas ng opisina ni Vincent at parang walang nakita ng mabangga niya ang matandang babae sa lobby.
Mabilis na lumapit ang sekretarya ni Vincent kay Divina. “Ma’am are you okay?” nag-aalalang tanong nito.
“Tawagan mo ang mga guards and tell them na hindi na pwdeng makapasok sa building na ito ang babaeng yun!” Galit na galit na sabi ni Divina habang hinihimas ang braso na nabangga ni Mia.
“Yes ma’am.” Mabilis na sumunod ito.
Mabilis na pinuntahan ni Divina ang pamangkin gusto niyang marinig mula rito kung ano ang nangyari sa pag-uusap nila ng walang modong babaeng yun. Kahit may hinala na siya sa nangyari ay nais pa rin niyang kumpirmahin kay Vincent. Inabutan niya ang binata na nakasandal sa swivel chail nito habang nakapikit ang mga mata.
“Hijo, ano ang nangyari sa pag-uusap ninyo ni Mia?” Umupo siya sa silya na nasa harap ng mesa ng binata.
Napadiretso ng upo si Vincent ng marinig ang boses ng tiyahin. Akala niya ay nakaalis na ito, mukhang hinintay yata na matapos siyang makipag-usap kay Mia. “Tita, we’re done. Sinabi ko na sa kanya na si Jesica ang gusto kong pakasalan.”
“Kaya pala…” napapailing na turan ni Divina. “You’ve made the right decision hijo. Gusto ko si Jesica para sayo.” Nakangiti na si Divina habang nagsasalita. May maganda siyang ibabalita mamaya kay Lourdes.
“Tita, nag-aalala ako ngayon.”
Napakunot ang noo ni Divina. “Ano pa ang pinag-aalala mo? Don’t worry hijo we’re always here for you.” Tumayo ito sa gilid ni Vincent sabay tapik sa balikat nito.
“Nagbanta si Mia bago siya umalis. I know her, she wont accept this easily. Baka gawan niya ng masama ang mag-ina ko.” Mababakas sa tinig ni Vincent ang pag-aalala, hindi rin niya kayang ipaliwanag ang kabang nararamdaman ng mga sandaling yun.
“Hindi siya basta basta makakalapit sa mga Tenorio. Kilala ko si Alejandro at Lourdes they’re over protective with Jesica and Venice. Ang mabuti pa ang pinag-aaksayahan mo ng pansin ngayon ay kung paano ka matatanggap ni Jesica.” Payo ni Divina sa pamangkin.
Napasapo sa batok si Vincent, mukhang mahihirapan talaga siyang mapaamo si Jesica. Pero bago siya makipag-usap muli sa dalaga ay kailangan niyang hintayin ang result ng investigation ni Mr. De Guzman. Hindi siya mapapakali hangga’t hindi niya alam ang totoong nangyari ng gabing yun.
“Mukhang ang lalim ng iniisip mo hijo?” Pukaw ni Dvina ng mapansin na hindi na muling kumibo si Vincent.
“Bigla ko lang naisip yung project natin sa Sigapore tita.” Pagkakaila ni Vincent.
“Huwag mo munang isipin iyang tungkol sa trabaho, by next week magsisimula na ulit si Dennis. Siya muna ang bahala sa mga trabaho mo. Ayusin mo muna ang pamamanhikan natin para maiplano na agad ang kasal ninyo ni Jesica.”
Napapailing si Vincent mukhang mas excited pa sa kanya ang tiyahin. “Ang tita talaga..” Nakangiting sabi ni Vincent.
“Tatawagan ko si Lourdes, at ibabalita ko sa kanya ang tungkol sa inyo ni Mia…”
“Tita wait.. ang dapat ko munang kausapin ay sina Mr. and Mrs. Castro para ipaliwanag na hindi na matutuloy ang kasal namin ng anak nila.”
Tmango na lamang si Divina, pagsang-ayon sa sinabi ni Vincent.
____________
A.N.
Haaaayyyy…. Sorry ang tagal ng update super busy po ^ ^
Enjoy reading J
Please don’t forget to vote and leave your comments ^ ^