"سبحان الله وبحمده سبحان الله العظيم"
"
صلوا على أشرف الخلق"
صرخت ليلي وهي تتقدم من إبنها، لتقول بضيق : أنتو يا تراااان
فزع زين قائلا : خير يا حجه قطعتي خلفي
نظرت له ليلي بضيق قائله : أقفل النت يا زباله الباقه قربت تخلص وأبوك مش هيرضي يشحنها دي المره الرابعه الشهر ده يا زفت
حرك زين يداه بلامبالاة قائلا وهو ينظر لهاتفه مره آخري : يا حجه فكرت الموضوع أهم من كده
وفي لمح البصر كان "شبشب" ليلي يلهف وجهه زين وهي تصرخ بصخب : قسما بالله لو ما قفلت النت يا جلوس الطين لكون قاطعه رقبتك
تصنع زين البكاء وهو يفرك يداه في عينه قائلا : إهئ إهئ إخص عليكي يا ليله بقي تضربيني علشان باقة النت ملعون أبو الحوجه إلي تعمل في الواحد كده
إقتربت منه ليلي وهي تربت على كتفه بتآثر مصطنع : إيه ده يقطعني هو أنا ضربتك!!
مط زين شفتاه بطفوليه لتنظر له ليلي بأسف مصطنع وبعد ذالك لم يصدح سوي صراخ وعويل في المنزل بأجمعه، صرخت ليلي بنفاذ صبر : والله ما أنا سيباك يا حيوان
جري زين وهي تجري خلفه...
بينما كان هناك شاب يقف وهو يآكل بنهب وكأنه لم يأكل منذ آلاف السنين، يمسك طبق كبير الحجم يملأه أشهي أنواع المحاشي، آخذ يأكل ببرود وهو يشاهدهم كما لو كان يشاهد مسلسل ممل بالنسبه له، ليقول وهو يتابع أكله : إهدي بس يا لي لي يا حبيبتي أحسن ينطلك عرق ولا حاجه
وقفت ليلي في منتصف المنزل بحيث زين يقف خلف أحد الكراسي وإبنها الآخر يقف على حافة المطبخ لتصرخ بأعلي صوت : عاااااااا يـــــــارب عوض عليا ماليش غيرك يااااارب
مصمص زين شفتاه قائلا : تصدقي صعبتي عليــــــــــــا
قال الآخر بآسف مصطنع : قصرت فيا جوي جوي
تقدمت ليلي من إبنها الذي يآكل الطعام بنهم لتشهق بصدمه : أحيــــــــــــــه هو ده المحشي بتاع العزومه
جحظت عينه بشده وهو يتابع آكله بسرعه قائلا : إيه ده بجد مكنتش أعرف
طارت الفرده الآخري بعنق إبنها وهي تتقدم منه صارخه بصوت صاخب : دا أنا هطلع عين إلي جبوك يا إبن الجزمه
ركض بسرعه كبيره وهو يقول بزعر : تؤ تؤ بعدين بابي يزعل
ركضت ليلي خلفه وهي تقول بضيق : وغلاوة أبوك لطلع عين أهلك يا زبالة يا مفجوع
ركض هو الآخر وهو يتابع الآكل ليقول زين بتآثر : حرام عليكي يا ليلي سيبي الواد ياكل دا يا عيني هفتان خالص
مط أخيه شفتاه وهو يقول بضيق : آيوه والله تخيلي كده يا ليلة قلبي أنا مكلتش غير حلة محشي ونص بطه مع كيلـــــو لحمه ضاني، متخيله إلي أنا فيه معتش باكل يا ليلة آكلتي بقت دعيفه
وضعت ليلي يداه على فاهها وهي تشهق بتآثر قائله : يا قلب أمك تصدق صعبت عليا أوي، يلا يا مفجوع حد بس يقولي هأكل الضيوف إيه إنهارده وربنا حرام عليكوا دا أنا ظهري إتقسم عما عملت الآكل إخص عليك يا سماسيمو
تقدم سامي من والدته وآخذ يآكل بنهب فهو لن يتوقف عن الآكل مهما حدث : يقطعني يا ليلة قلبي بقا أنا أعمل فيكي كدا
ثم ضم والدته وهي قابلته بحنان فسيظل طفلها المدلل مهما كبر.
وضع زين يد على قلبه والآخر تمسح تلك الدموع الوهميه وهو يقول : تصدقوا بالله مالكيم غير محمود يجي يسلخكم دلوقتي
ولم يكمل حديثه حتي صدح صوت ذالك الزوج والوالد : ســـــــــامي سيب ليلي يا حيوااااااااااان....
_______________________
في شركة الجمال للسيارات....
كان مالك يجلس وهو يتابع عمله ويدقق في أدق التفاصيل لتدخل السكرتيره وهي تقول بمياعه : مالك باشا زياد بيه عايز يدخل لحضرتك
نظر لها مالك بزعر وهو يقول بصخب : أنتي متخلفه مش قولتلك أول لما يجي يدخل
حركت رأسها بتوتر من نبرة صوته قائله : آسفه يا باشا بس
قاطع حديثها بصرامه قائلا : مبسش إتفضلي إطلعي ودخليه ودي آخر غلط ليكي
هزت رأسها منطلقا بسرعه خارج المكتب حتي تأذن لزياد بالدخول...
بينما في كندا قد أنتهي ريان الشامي من عمل عميلة قلب مفتوح لأحد المرضي بعد ست ساعات من العمل المتواصل، تنهد بقوه وهو يخلع تلك الكمامة ثم رمي بها في صندوق القامه وعقم نفسه جيدا متجها إلي غرفة المكتب كي يرتاح قليلا قبل نزوله مصر.
رجع بجسده إلي الأريكة كي يأخذ وضع النوم ولكن كعادته يوجد من يقطع هذا الجزء المريح ليجد هاتفه يرن للمره السادسه عشر، رد بصوت أنهكه التعب : حبيبتي
جاءه ردها وهي تقول بخوف : ماله صوتك يا قلبي
تنهد بقوه وهو يقول بحنو : بقي كويس أول ما سمع صوتك
إبتسمت بقوه قائله : آااه ياني من كلامك دهوة مش عارفه بتجيب الحلاوة دي كلها منين
إبتسم بهدوء وهو يجاوبها بأريحية : الكلام ده مش بيطلع غير لناس قليله أوي
ضحكت بطفوليه قائله : زيها مثلا
قال بتصنع اللامبالاة : زي مين!!؟ نوري أنا هقفل لأني هموت وأنام
قالت بحنو : ماشي يا قلب نور خد بالك من نفسك
أغلقت الهاتف فوجدت يزن يرامقها بغضب، فأبتسمت بدلال وهي تقول : مالك بتبص كده ليه
حدق بها بحنق قائلا : لا والله
قبلته من وجنته بحب وهي تقول : حبيبي دا إبني يعني عادي جدا اقوله الكلام ده
قال بضيق حقيقي : يعني أنتي عارفه أني بتضايق
نظرت له ببراءه فأرتخت أعصابه سبب جمالها فتتيم بعشق قائلا : آااخ منك ومن عمايلك دي
ضحكت بدلال وهي تقبله من وجنته قائله : تعليمك يا باشا.....
سأظل ملكة 🍒
زينب فراج zeinab farag 🍒
كانت روح على وشك الإنتهاء من محاضراتها فتنهددت بقوه وهي تنظر للدكتور وهو يلملم أغراضه مستعدا للإنطلاق.
خرجت روح (إبنة زياد) بكل ثقه من الدور بأكمله لتقابل ذالك الشاب الذي يغلثها دائما، مسك الشاب معصمها لتنظر له ببرود قائله : لاء لاء لاء خفت تصدق
رفع الشاب حاجبه فهو يكاد يجن من برودها وقوتها وثقتها في نفسها ليقول بإعجاب : أنا معجب بيكي وأظن أنك عارفه كده كويس وعارف أنك كمان
ضحكت بسخريه وهي تقول : قول والله طب ألف سلامه عليك.. لا بجد عجبتني ثقتك
وبحركه مدروسه لوت ذراعه وضربته أسفل قدمه بركبتها حتي تأوه ورمت ببرود على الأرض لتقول بسخرية : لما تفكر بس تكلمني أفتكر الموقف ده يا ننوس عين أمك
ثم رامقته بغضب وتركته وذهبت...
لتقول بضيق وهي تكمل ذهابها : ناس معودمين الزوق رجاله كلها ***** متتخلعش من الرجل
(دا أنتي ربنا يكون في عون إلي هيجوزك دا لو إتجوزتي)
في قصر آسر الجراحي...
كانت سيدرا تنام في أحضان آسر الجراحي وهي يمسد عليها بحنان، قالت سيدرا بهدوء : سندي
إبتسم آسر وهو يقبل أعلي رأسها قائلا : قلب سندك
قالت بحب أموي : سند واحشني أوي
ربت على كتفها وهو يقول : إدعيله أنتي بس
هبطت دمعه منها وهي تقول بشوق : بدعيله ليل ونهار سند أمه
كان آسر سعيد جدا بهذا لكنه قال بغيره : أما هو سند أمه أومال أنا إيه
قبلت وجنته وهي تقول بحب : أنت حبيبي وسندي وعشقي وروحي وكل حاجه ليا في الدنيا دي كلها
قاطعهم رنين هاتف آسر لتقول سيدرا بغيره : هي!!؟
إبتسم بهدوء وهو يقول بلامبالاة : أيوه، فكك منها
قالت بغيرة عمياء : لاء رد عليها
عقد ما بين حاجبه لتكمل حديثها بجديه : رد يا آسر
هز رأسه بيآس وهو يجاوب على الهاتف قائلا بحده : أيوه
جاءه رد تلك الفتاه بدلال : آسر بيه عامل إيه
كانت سيدرا تستمع للمكالمه لتنتفض من أحضانه وهي تنظر له بغضب منتظره رده، جاوبها آسر ببرود : معتقدش أنتي متصله علشان تسألي عن أحوالي
لم تزعر بسبب طريقته فهي تعودت على هذا لتقول تلك الفتاه التي لم يتجاوز عمرها الثلاثين عام : إيه يا باشا دا أنا حتي متصله علشان أقولك ورق المنتاقصه جاهز
حرك رأسه قائلا : إممم هو ده الموضوع يعني
ضحكت بهدوء قائله : لاء وأطمن عليك
قال آسر ببرود : أنا بخير وقاعد مع مراتي والدنيا تمام وبنتي الكبيره في الشغل إلي هي قدك في السن
رمي لها هذه الكلمات ثم أغلق الهاتف ببرود وهو ينظر لتلك التي تشتعل غيظاً وقبل أن يتحدث آسر خرجت سيدرا من الغرفه بأكملها ليقول آسر : إستني يا مجنونه راحه فين
خرجت سيدرا من الغرفه والغيظ يملأها متجها إلي أسفل، وجدت إبنتها الصغري ليندا تجلس وهي تأكل بعض التسالي وتشاهد كرتونها المفضل، رأت ليندا والدتها محمر وجهها ووالدها يتبعها ففهمت الآمر فورا، جلست مره أخري ببرود وتكمل آكل التسالي.
______________________
فزع زين من هذا الصوت فرفع مقدمه قميصه وبثق به عدة مرات وهو يقول بجزع : تف تف أعوذ بالله من الشيطان الرجيم إيه يا أبا الحج قطعت الخلف
إتجه محمود بضيق ثم نزع ليلي من أحضان سامي وهو يقول بزعر : قولت ميت مره متحضنش ليلي يا هباب البرك
نظر سامي لوالدته ببراءه وهو يقول : يرضيكي كده يا ليلة قلبي
صرخ محمود قائلا : أخرس يا كلب والله لو سمعتك بتقولها الإسم ده لدفنك مكانك
إبتسمت ليلي بقوه فزوجها لن يتغير أبدا فهو كهذا منذ ولادة سامي يغير عليها وبشده خصوصا من سامي فهو يري تعلق ليلي الزائد به ليقول محمود بحنق : أنا أصلا مكنتش عايز أخلفك وقولت لأمك عايز بنت علشان الرقه أنما إيه ربنا رزقني بتور متخلف
إبتسم سامي ببلاهه قائلا : غيران منكاد متغاظ عارفك يلا مننا متغاظ
رامقة محمود بضيق وهو يقول : قسما بربي يا سامي لو ما رزعت لسانك جو بوقق لعرفك يا حيوان
تقدم زين وهو يقول بدراما : أخص عليك يا سيمو كده تقول لبابي حبيبك كده
حرك محمود رأسه بسخريه وهو يقول : وده من إيه، خير يا زين إيه الرضي ده كله
أرسل زين قبله لوالدته في الهواء وفعل سامي المثل وإنطلقوا مسرعين إلي أعلي ليقول محمود بغضب : والله لعرفكم يا ولاد الكلب
كتمت ليلي ضحكتها ثم قالت : بس عيب لو سمحت متغلطش في جوزي حبيبي
قال محمود بزعر : يعني عجبك كده وبعدين أنتي سايبه سامي يلزق فيكي كده ليه
مطت ليلي شفتيها وهي تقول : مش ده إلي كنت هتموت وتخلفه
حرك محمود رأسه قائلا : كان نفسي في بنت حاجه رقيقه زيك كده مش تور مفجوع دا مش مبطل أكل
جاءه رد سامي من أعلي : عد عليا الأكل كمان، والله لنتحر وأريحكم مني
صفق محمود وهو يقول : والله عين العقل متبقاش تقطع الجوابات
...........
تقدمت سيدرا من ليندا ثم جلست بجوارها وهي على وشك البكاء من الغيظ، تقدم منهم آسر وهو يقول : سو حبيبتي والله ما في حاجه من إلي في دماغك
نظرت لهم ليندا بتمعن لتقول سيدرا بضيق : لسانك ميخطبش لساني يا آسر يا جراحي
أخذت ليندا تأكل التسالي وهي تقول : ياتري مين سعيدة الحظ إلي هتطرد المره دي
نظرت لها سيدرا بضيق وهي تقول : الست بنين
قاطعتها ليندا بمرح : ولا بنات
حدقت بها سيدا بضيق وهي تقول : وربنا ما هي نقصاكي
أكملت ليندا أكلها وهي تقول : البت المزه أم عين زرقه وجسم كيرڤي دي
خبطت سيدرا على فخذتها وهي تقول : بتقولي مزه وكيرڤي أحيــــــه
أخذت تأكل الفشار وتمصمص شفتيها وهي تقول : يعني أكذب يا ماما وبعدين البت مزه أوي شوفتها عند آثوري وأنا في الشركه كانت نايمه على المكتب كده وإيه أاه بنت المزه
قال آسر بضيق : مكتب إيه يا لينو يا حبيبتي بس ربنا يهديكي
إتسعت عين سيدرا بغضب وهي تقول : مكتب ونايمه عليه وإيه تاني يا لولو يا حبيبتي
قالت ليندا ببراءة تتصنعها بحرافيه : بس يا ماما، آااه كانت بتعمل مساج لبابي يوم ما شفتهم وكانت هتبو....
قاطعها آسر وهو يرفع يداه قائلا : لاء أبوس إيدك إلا دي والله يا سيدرا يا حبيب....
وقفت سيدرا بضيق حقيقي وهي تصرخ بصخب : حبيبتي بردو والله ما قاعده فيها يا آسر خلي ست بنين تنفعك
ركضت سيدرا إلي غرفتها، نظر آسر إلي طفلته بعتاب قائلا: ينفع كده
قالت ليندا ببراءة مزيفه : أوعي تقول أني عملت مشكله
هز رأسه بيأس قائلا : يـــارب مكنت مرتاح ليـه بس كده ليـه أغلط الغلطه دي
تصنعت ليندا الحزن وهي تقول : إخص عليك يا أبويا بتسميني غلطه طب طلقني
ضرب آسر كف بأخر متجها حيث زوجته...
كانت سيدرا تقف أمام خزانة الملابس وهي تخرج ملابسها وترطم كلام غير مفهوم، ضحك آسر بهدوء متجها إليها وهو يقول بحب : ملاكي ماله
تجاهلة تماما وأخذت تلملم ملابسها ليمسك آسر يداها برفق وهو يقول : ينفع سند يكلم ملاكه ومش ترد عليه
نظرت له بضيق قائله : سند يبقي إبني يا آسر بيه
رفع حاجبه وهو يقول بزعر : دا بجد يعني
حرك رأسها بضيق وهي تقول بتحدي : آه في حاجه
ضمها إلي صدره وهو يمسد على خصلات شعرها قائلا : في قلب إنسان بينجرح يرضيكي
ضربته بقوه على صدره وهي تقول : آاه وإبعد عني أنا مش قعدالك فيها أصلا
قال بهدوء ظاهري : إغزي الشيطان ويلا إجهزي علشان هنروح لمحمود
تجاهلة الرد عليه ليهز رأسه بيأس وهو يقول : على فكره كل الكلام ده هزار وأنتي عارفه ليندا
لا رد، حرك رأسه بيأس ثم دلف إلي الحمام كي يتجهز يستعد للإنطلاق لمنزل محمود....
#في المساء.....
كان الجميع يجلس في منزل محمود ومليكه تقف على طاولة الطعام تحرسه، فقالت بضيق : قسما بالله لو مديت إيدك يا مفجوع أنت لكون قطعها
مط شفيته مثل الأطفال وهو يقول : حرام عليكم يا جودعان أنا ميت من الجوع مكلتش بقالي ربع ساعه هموت من قلة الآكل
مصمصت مليكه شفتيها وهي تقول بحزن : يا حرام يا حبيبي يا بني أنت شايل في قلبك كل ده
أغمض عينه بألم قائلا : شوفتي
دخل زيد البيت آخر شخص بحكم عمله فقد كان لديه إجتماع هام جدا بخصوص قضيه هامه للغايه، إتجه إلي غرفته الموجوده بالطابق الأعلي وأبدل ملابسه متجها إلي أسفل.
كانت روح تجلس في مكان هادئ بعيدا عنهم قليلا ليتجه زيد نحوها وهو يقول بمرح : أبو الروايح إزيك يا أبااا
إبتسمت روح بحب فهو الوحيد الذي تتعامل معه مثل البشر أما الباقي تعامله ببرود حاد وهذا ما يثير غضب بعض الناس، قالت بمرح : أبو الزوايد أقعد يا باشا
جلس زيد ثم أخذ كوب العصير من يداها وأخذه رشفه واحده، ضربته برقه على كتفه وهي تقول : أبو طفاستك دا ربنا يعين ليلي عليكم مربيه حيتان
صدر صوت صخب ومن يكون غيره "سامي" : أنا سامع سرتي
غمز له زيد وهو يقول : بنشكر فيك يا حب
ضرب سامي على صدره وهو يقول : دا العشم بردو
نظر زيد لوجه روح ليري عليها الآسي فقال بهدوء : مالك
هزت رأسها قائله : مفيش، إحكيلي بقا القضيه الجديده
إبتسم زيد بهدوء فهي لن تتغير أبدا ستظل هكذا تدفن كل شئ بداخلها لا تحكي أسرار لأي شخص هكذا وهو الأقرب لها ما بالكم من باقي العائلة، بدأ يقص عليها القضيه...
كانت لينا تنظر له بضيق بسبب تجاهله وقد أصرت على إثارة غضبه لتقول بضيق : بت يا تاره أنا عايزه أشفي غليلي
إبتسمت تارا (بنت يزن) بشر وهي تقول : إحكيلي يا قلبي وأنا هساعدك
بدأت لينا بإخبار تارا بكل شئ وهي بالفعل سوف تساعدها فما تريده....
في المطبخ كانت تقف نور وهي تشتكي لهن وتقول : والله مش عارفه أعمل إيه أنا زهقت بجد
ربتت سيدرا على كتفها وهي تقول : إهدي بس يا نور مش كده
قالت لارا بهدوء : يا نور كلنا عارفنها وعارفين إلي حصل وده مش سهل أبداً إحمدي ربنا
قالت نور بهدوء : الحمد لله طبعا بس أنتو مش بتشوفوا هي بتعمل إيه
قالت ليلي بنفي : بالعكس هي عاقلة جدا يا نور وسبيها يا ستي هي مش صغيره وعارفه الصح من الغلط
حركت نور رأسها بيأس قائلة : إديني سيباها من خمس سنين لما نشوف أخرتها
بعد قليل كان الجميع يجلس على طاولة الطعام والجميع ينظر بإشمئزاز لسامي، إبتسم ببلاهه وقطعة لحم ضخمه تمضغ في فمه ليقول ببلاهة : في إيه يا جدعان أول مره تشوفوا واحد جعان
قالت ليندا بحنق : أنت مش جعان أنت مفجوع
قالت سيدرا بإستنكار : شوفوا مين بيتكلم
إبتسمت ليندا ببرود وهي تكمل طعامها، كان آسر ينظر لسيدرا بحب وهي تتجاهل نظراته....
بات شخص أخر لا يستطيع تجاهلها لم يعد يستطيع السيطرة على تلك المشاعر اللعينه التي تحتاجه، أغمض عينه وهو يتنفس بقوه داعيا الله أن يجعلها من نصيبه لأنه لا يستطيع أن يبتعد عنها ولو دقيقه....
إنتهي الجميع من تناول الطعام ليتجه زيد إلي غرفته لتبديل ثيابه التي أتسخت من تناثر بعض العصير علية
وضعت مليكه التسالي على الطاوله وهي تقول بهدوء : بت يا روح إطلعي نادي لزيد
تصنعت روح الإنشغال وهي تقول : معلش يا روز ممكن تطلعي تناديله علشان بس في حاجه مهمه بعملها
هزت روز رأسها متجها حيث غرفة ذالك الزيد، طرقت الباب ليقول بهدوء : إدخل
دلفت روز إلي الغرفه لتشهق بفزع وهي تراه عاري الصدر ووضعت يداها على عينها وصرخت : عـااا
أغلق زيد الباب بسرعه ثم وضع يداه على فم روز وهو يقول بهمس : هش إهدي في إيه
تحركت بعنف تحاول الفرار من تحت يداه فهمس بأذنها : هتهدي ولا أهديكي بطريقتي
أحمر وجهها خجلاً وبالفعل هدأت حركتها ليبتسم بشده وهو يقول : أموت فيكي وأنتي مطيعه
أنزل يداه برفق وهو يتحسس وجهها مما وترها بشده ليقول بشوق : وحشتيني أوي
قالت بصوت يكاد يسمع : إبعد شويه
إبتسم بشده ثم غمز لها وهو يقول : ما تجيبي بوسه مشبك
جحظت عينها فإقترب منها أكثر وظلت وهي ترجع بجسدها حتي إرتمت بالحائط فكانت محكمه بين يداه والحائط.
وضعت يداها كحاجز بينهم لتقول بتوتر : زيد إبعد بقا كده عيب
إبتسم بحب وهو يقول : أحلي زيد أسمعها بعد تعب يوم كامل
رفع يداه يحرك أنامله برفق على وجهها لتسير القشعريره بكامل جسدها فقالت بتوتر بالغ : إبعد بقا الله
قرب وجهه منها وهو يقول بخبث تاركا أنفاسه التي أخطلتت بأنفساها تفعل مفعول لتخمد أعصابها : ولو مبعتش
أغمضت عينها بقوه تدعي ربها بأن ينقذها أحد من هذا الموقف وبالفعل لم تنتهي من دعوتها حتي سمعت صوت صراخ : يلهوووووي يا شرف العيله إلي إتلطخ بالطين
لعن زيد هذا الحظ لينظر ببرود ووجد ليندا تعوي وتصرخ، إستغلت روز هذا وجرت من تحت يداه، صرخت ليندا وهي تقول : وكمان قالعين
لعنتها روز ولعنت زيد حتي لعنت نفسها فالعائله الكريمه بأكملها قد حضرت.
وكان أول الواصلين هو زين ليضع يداه على عينه وهو يقول : أعوذ بالله، أخويا وروز أستغفر الله العظيم أستغفر الله العظيم
جاءت باقي العائلة وضحكت ليندا بشماته قائلة : دلوقتي أخذت حقي وحق الناس الغلابه إلي ملهمش لا حبيب ولا قريب ولا غريب
وكان أول من أخذ موقف هو مالك فنظر لهم بغضب جحيمي فأخفضت روز رأسها خجلا وزيد يقف يضع يداه في جيب بنطاله وكأنه لم يفعل فعل فاضح منذ قليل...
أنتهي البارت يا شباب ونشوفكم في بارت جديد وتقوعاتكم بقا وفين جيلان هانم وسند باشا كل ده....
رحلة الجنون لسه في أولها يا شباب لو لقيت تفاعل ممكن ننزل بكمان بارت
كل الحب 💙✨
زينب فراج ZEINAB FARAG 💙✨