الملاك الشرس

الفصل العاشر

"سبحان الله وبحمده سبحان الله العظيم"

البااارت العاشر يجدعااان😂😂

نظر له آسر متعجبا لأقوال صديقه ثم حشرج صوته بغيظ : تت إيه يا أخويا!!؟

إبتسم ببرود قائلاً : أتدوز

_ مين تعيسه الحظ إللي أمها داعيه عليها في ليلة مفترجه..

_ ليلي

رمش آسر عددت مرات لم يعد يعلم كم الصدمات فقال ببرود : محمود قوم أغسل وشك

أردف متسائلاً : ليه هو وشي عليه حاجه؟

فرد آسر حانقاً : لاء أنت شكلك دايخ وعايز تفوق

تنهد محمود قائلاً تظهر من حروفه الجامده : أنا مش بهزر على فكره

إبتسم آسر بجانبيه قائلاً بسخريه واضحه : أه ومعجبه بيها وغارقان في دباديبها من أول ما شوفتها..

جاوب محمود بهدوء جلى عليه : آسر أنا مش بهزر.. أنا فعلا زي ما بتقول أعجبت بيها وعايز أدخل الباب من بيته

إبتسم آسر بسخرية على حديث صديقه السخيف قائلا : دمك شربات ما شاء الله

مسح محمود على صدره وهو يبتسم في رخو قائلاً : ها هتيجي معايا أنا وزونه علشان نطلب إيدها..؟

_ هو يزن موافق على المهزله دي؟

_ لسه مقولتلوش

إبتسم آسر ببرود قائلاً : طب بالرفاء والبنين أن شاء الله

_ آسر ركز معايا بقولك هتيجي معايا أطلب إيدها وأنت تقولي بالرفاء والبنين

جز آسر على أسنانه ثم قال : أجي ايه هي عربية رايح تعينها؟! محمود انتو حصل بنكم حاجه؟؟

تحدث محمود بسخط : آسر أحترم نفسك وأعرف أنت بتقول إيه

تنهد الآخر وهو ينظر له بتدقيق وصاح : لا حول ولا قوه إلا بالله.. أعمل إللي يريحك بس متجيش تضرب نفسك بالجزمه بعدين

إبتسم محمود متلاشياً ضيق صديقه وقال : خلاص يا معلم بكره الساعه ٤ العصر

هز آسر رأسه بضيق تاركاً له حرية التصرف ليس بالطفل الرضيع ليحكي له عن أهمية أختيار الزوجه الصحيحه.. لا يمس ليلي بآي من كلماته أو فكره لكن لم يتعرف عليها محمود كما الظاهر، لم يتعتد عليها ليعلم ماذا تحب وماذا تكره.. حتي وإذ إعتاد عليها أن يفهمها..!؟

قاطع خروج محمود صوت آسر قائلا : ياريت تفكر علشان ميجيش من وراك ضحايا ملهمش آي ذنب ولا حتي تظلمها معاك ولا تظلم نفسك معاها

إبتسم محمود بهدوء وقال : أنا مش صغير يا بابا آسر وعارف أنا بعمل إيه كويس.. ليلي كويسه لما تتعرف عليها هتعرف أنها أحق واحده تكون أم بناتي؟!