"Account ဟက်ခ်ခံလိုက်ရပြီး အရာအားလုံး ခိုးယူခံလိုက်ရခြင်း; အမြီးတုတ်တုတ်ဖမ်းကြမယ်၂"
ထန်းရှောင် က ရိုက်ကူးရေးပြီး
ပြီးချင်း ရှောင်လင် ကို သွားရှာ
လိုက်တယ်။
“ရှောင်လင်ရေ! ငါ..ခွေးမွေးချင်
လို့။ မူချောင်ရဲ့ခွေး နဲ့ တစ်ပုံစံ
တည်းတူတဲ့ ရွှေရောင်အမွှေးပွခွေး
မျိုး မွေးချင်တယ်”
ရှောင်လင် က မနိုင်ဘူးဆိုတဲ့ပုံစံ
နဲ့ မျက်ဖြူလှန် ပြလိုက်ကာ
ထန်းရှောင် ကို ဂုတ်ကနေ ဆွဲခေါ်လိုက်တယ်။
“ဒီနေ့ မနက်တုန်းက နင်စားတဲ့
ပန်ကိတ်ထဲ အဆိပ်ခတ်ခဲ့ရမှာ…။ မူချောင်ရဲ့ဖန်တွေ ကလည်း
ငါ လုပ်ခဲ့တာသာ သိရင် အကုန်
ကျေးဇူးတင်ကုန်ကြမှာပဲ”
“ဒါဆို လည်း နင် အလုပ်ပြုတ်ပြီ
လေ”
“….”
ထန်းရှောင် အိမ်ကို ပြန်ရောက်
ရောက်ချင်း ဂိမ်းထဲကို ဝင်ပြီး ဖြစ်ပျက်နေတဲ့ အခြေအနေတွေ
ကို စစ်ကြည့်လိုက်တယ်။
Screenမှာ မြင်နေရတဲ့
အမျိုးသမီး Enchantress
ကတော့ သူမရဲ့ကိုယ်ပိုင်သီးသန့်နေရာလေးတွေ ကို အရှက်လုံရုံ
မျှ ဖုံးဖိထားတဲ့ အဝတ်စလေး
နှစ်စသာ ကိုယ်မှာ ကပ်နေ
လေတယ်။
လက်နက် ပစ္စည်းတွေ နဲ့
အကာအကွယ် ဝတ်ရုံတွေလည်း
တစ်ခုမှ မရှိတော့တဲ့ အပြင်
သူမရဲ့အကောင့်ကို ဟက်ခ်သွား
တဲ့ မျိုးမစစ်လေး က
သူမအတွက် အဖြူရောင်
ဂန္ဓာမာပန်းတွေမှ လွဲ၍
HP Optionလေး နည်းနည်း
တောင် ချန်မသွားခဲ့ပေ။
{ HP = Hit Points
HPဆိုတာ ဂိမ်းထဲမှာတွေ့နေကျ
စကားလုံးပါ။ သူက ဘာကို
ရည်ညွှန်းတာလဲ ဆိုရင်
ကိုယ် ကိုင်နေတဲ့ Character က
ဘယ်လောက်ထိ သန်မာလဲဆိုတဲ့
ပမာဏစွမ်းအား or Unit
ကို ပြပါတယ်။ Character
တစ်ခုမှာ HP ပိုပြီး များလေလေ Damageတွေ ကို ပိုပြီး ခုခံနိုင်စွမ်း
မြင့်မားပါတယ်}
ထန်းရှောင်ရဲ့မျက်နှာ က
အီးမှန်တဲ့ အခွက်လို ရှုံ့တွသွား
ကာ Screenကို ကြည့်ပြီး
ဒေါသတကြီး အော်ဟစ်ကျိန်ဆဲ
လိုက်တော့တယ်။
[လက်ရှိ] ဘောင်းဘီပေါ်ကအမွှေးတစ်မျှင်
လး: “ထန်းရှီလေး, မင်းAccount အခြေအနေ ဘယ်လောက်ထိ
ဆိုးလဲ ဆိုတာ မြင်ပြီးသွားပြီ
လား?”
[လက်ရှိ] ထန်းရှီ: “နောက်ဆုံး တစ်ကြိမ်တုန်းက ထက်ကို ပိုဆိုး
နေတာ။ အဲ့လောက်ကြီး
ဆိုးလိမ့်မယ် လို့ ထင်တောင်
မထင်ထားဘူး။ ဘယ်မအေ***#$%&%@
ခွေးဝဲစား @#&%#$*** လုပ်သွားတာလဲ မသိဘူး”
[လက်ရှိ]မြေအိုးထဲကရွှေတုံးလေး: “ဒီအချိန်က အကောင်းဆုံးပဲ!
ဟေး….ငါးကောင်တွေရေ…
လာကြဟေ့…ထန်းရှီလေး ကို
ဝိုင်းတွယ်ကြရအောင်”
[လက်ရှိ] ထန်းရှီ: “……”
MengHu Clanသားတွေ က ဘယ်သူသေသေငတေမာ
ရင်ပြီးရော ဆိုတဲ့
အမျိုးကောင်းသားတွေ ဖြစ်ကြ
တာကြောင့် ထန်းရှီလေးကြုံတွေ့
နေရတဲ့ အခက်အခဲမှန်သမျှ ကို
သောက်ဖက် မလုပ်ကြလေဘဲ
သူမကို တောအုပ်နယ်မြေထဲဆီ ဆွဲခေါ်သွားကာ စတင်ပြီး
ရိုက်နှက်ကြလေတယ်။
ထိုအချိန်မှာပဲ MengHu Clanတစ်ခုလုံးက ကျန်တဲ့လူတွေ
ကလည်း စုဝေးလာကြကာ တောအုပ်နယ်မြေ ထဲမှာ
မြော့နေအောင် အရိုက်ခံနေရတဲ့ ဘီကီနီလေး နဲ့ ထန်းရှောင် ကို
တွေ့သွားကြတယ်။
ပြီးနောက်မှာတော့ သူတို့ ပါ
သူမကို ဝင်ရိုက်ကြတော့တယ်။
သူတို့ က သူမရဲ့ဗိုက်ပေါ် ကို
တက်နင်းတယ်။
ကျောကုန်းကို လိမ့်ကန်တယ်
ပြီးတာ နဲ့ သူမတစ်ကိုယ်လုံး ကို ခေါက်ဆွဲလုပ်ဖို့ ဂျုံမုန့်နယ်သလို
မျိုး ဆွဲတယ်။ ဆန့်တယ်။
လိမ့်တယ်။ ရိုက်တယ်။
Master Chief စားဖိုမှူးတွေ
ကြက်ကို ပယ်ပယ်နှယ်နှယ် ပုံသွင်း
ပြီး မီနူးအမျိုးမျိုး တီထွင် ဆန်းသစ်ကြသလို သူမ ကိုလည်း
ပုံစံအမျိုးမျိုး အပြင် မမြင်ဖူးတဲ့ ပုံစံအသစ်အဆန်းတွေ နဲ့ပါ
အသေဝိုင်းကြိတ်ကြတယ်။
[လက်ရှိ] မြေအိုးထဲကရွှေတုံး
လေး: “F*ck, ဒါကရုပ်ရှင်ကား
ထဲက ဇာတ်ဝင်ခန်း အတိုင်းပဲ။ ခံစားချက်ကတော့ So ဂွတ်”
[လက်ရှိ] ထန်းရှီ: “မင်းတို့တွေ
ငါ့ကို သေအောင်ရိုက်နိုင်တယ်။
ဒါပေမဲ့ ကျေးဇူးပြုပြီး ငါ့ကို
အနည်းဆုံးတော့ လူသားချင်း
စာနာ ထောက်ထားမှုလေး ထားပေးကြပါ”
[လက်ရှိ] မိန်းမလှငါးရာဝန်းရံနေ
တဲ့နတ်ပြည်က မင်းရဲ့ဘိုးအေကြီး: “ဘယ်သူ က မင်းကို လူသားချင်း
မစာနာဘဲ နေလို့လဲ။ လာဟေ့…နောက်တစ်ယောက်
ဘယ်သူလဲ! မြန်မြန်လုပ်!”
MengHu Clanက လူတွေရဲ့ ဂိမ်းLevelတွေ က အမြင့်ဆုံးမှာ
ရောက်နေကြပြီး သူတို့ ရဲ့
လက်နက် ပစ္စည်းတွေကလည်း
သိပ်ပြီး အကျွမ်းတဝင်နဲ့
အသုံးချရမဲ့ နေရာမရှိသလို
ဘဝမှာလည်း မယ်မယ်ရရလုပ်ရ
မဲ့ ရည်မှန်းချက်မျိုး မရှိဘဲ လမ်းပျောက်နေကြတယ်။
သူတို့အတွက်တော့ အရမ်း ကို
စိတ်လှုပ်ရှားစရာကောင်းပြီး
စိတ်အား ထက်သန်ရတဲ့ အရာမျိုး တစ်ခုမှ မရှိခဲ့ဖူးဘူး။
ဒါပေမဲ့ ထန်းရှီလေး ကို
အုပ်စုလိုက် ပေါင်းတွယ်လိုက်တဲ့
အခါမှာတော့ သူတို့တွေ အလွန်ကို လန်းဆန်း တက်ကြွသွားကြတယ်။
ထန်းရှောင် က လူတော်တော်များ
များကို ဖင်လိုက်မီးမွှေး တဲ့
အခါတိုင်း သူတို့အနေ နဲ့ လုံးဝ
မကြိုက်ပေမဲ့လည်း သူမနဲ့ ဖက်ပြီး
ကိုက်ဖို့ အခွင့်က မသာခဲ့ပေ။
ထို့ကြောင့် သူမရဲ့နောက်လိုက်
အပေါင်းအပါကြီးတွေ ကိုယ်တိုင်
က သူမကို ဝိုင်းရိုက်နေကြတာ
မြင်တဲ့ အခါမှာတော့
မျောက်အုန်းသီး ရသလိုမျိုး
ကျန်တဲ့ Clanတစ်ခုလုံး ကပါ
ဝမ်းသာအားရ နဲ့ တစ်ပြုံကြီး
ပါလာကြတော့တယ်။
ထန်းရှီ ကို ရိုက်တယ်ဆိုတာက သူတို့ရဲ့စိတ်ပျော်ရွှင်မှုတွေ ကို
ဖန်တီးချင်ရုံ သက်သက်ပါ လို့ MengHu Clanက အစကတည်း
က ပြောထားပြီးသားပါ။
ထို့ကြောင့် သူမကို ဝိုင်းပြီး
အမဲဖြတ်နေကြတုန်း ပရိတ်သတ်
ကြီး အနေ နဲ့ ဘယ်ဘက် ကို
ကြည့်ရင်တော့ ဒဏ်ရာတွေကို
ကုသပေးနေတဲ့ မြေအိုးထဲက
ရွှေတုံးလေး ကို တွေ့ရမှာဖြစ်ပြီး
ညာဘက် ကို ကြည့်ရင်တော့
လက်နက် အသစ်အဆန်းတွေ နဲ့
ဆက်တိုက် ခုတ်ထစ်နေကြတဲ့
လူအုပ်ကြီး ကို တွေ့ရမှာ
ဖြစ်ပါတယ်။
ဒီနည်းလမ်းဟာ ဆိုရင် အချိန်ကို
အကျိုးရှိရှိ နဲ့ အသုံးချတာဖြစ်ပြီး လူတိုင်း ကိုလည်း ပျော်ရွှင်စေ
လေတယ်။
[လက်ရှိ]ဘောင်းဘီပေါ်ကအမွှေး
တစ်မျှင်လေး:“မြန်မြန်….နှစ်ခါ
လောက် အော်ငိုပြစမ်းပါ!
မဟုတ်ရင် ငါ စိတ်အားထက်သန်
မှာမဟုတ်တော့ဘူး”
[လက်ရှိ]
ထန်းရှီ: “...ဒါက မင်းအပိုင်းလေ။
ငါ ကတော့ မငိုပြနိုင်ဘူးပဲ....
ဗက်ဟက်ဟက်”
ထန်းရှောင် တစ်ကိုယ်လုံး
ဖောက်ခွဲခံလိုက်ရတယ်။
[Systemမှအသိပေးချက်]
သင့်ကို Hongren Guan Clan
မှ မြစ်ဝါရေလေးတစ်သွင်သွင်
ရဲ့ သတ်ဖြတ်တာခံလိုက်ရပါပြီ။
လှုပ်ရွနေကြတဲ့ တစ်သိုက်လုံး
ဗြုန်းစားကြီး ငြိမ်ကျသွားတယ်။
Screenရဲ့အလယ်မှာတော့
ထန်းရှီရဲ့ အလောင်းရှိရာ ဆီကို ဒိုင်းထူကြီးလွယ်ကာ အိပဲ့အိပဲ့ နဲ့
လျှောက်လှမ်းလာတဲ့
ဓားသူရဲကောင်း Knight
တစ်ယောက် ကို တွေ့လိုက်
ကြရတယ်။
[လက်ရှိ] ဘောင်းဘီပေါ်ကအမွှေး
တစ်မျှင်လေး: “ဘဒို,မင်းလက်များ
ချော်သွားတာလား”
[လက်ရှိ]
မြစ်ဝါရေလေးတစ်သွင်သွင်:
“ဘာလဲ, မင်းတို့ကောင်တွေ ပဲ
ထန်းရှီ ကို သတ်လို့ ရပြီး
ငါကျတော့ မရဘူးလား?
အရင်တုန်းက ထန်းရှီက
ငါ့ဇနီးကို လိုက်ကြောင်ခဲ့တဲ့ အပြင် ငါ့ကိုလည်း တစ်ပတ်လုံးလုံး
နောက်ကနေ လိုက်သတ်နေခဲ့တာ”
[လက်ရှိ] မြေအိုးထဲကရွှေတုံး
လေး: “အို့…အဲဒါက သူ့ဘာသာ ယားတာလေ။ ဒါပေမဲ့ ဒီမှာ
အစ်ကိုကြီး…ငါ မင်းကို
ပြောဖို့ မေ့နေတာ ရှိတယ်”
မြေအိုးထဲကရွှေတုံးလေး စကားဆုံးအောင်တောင်
မပြောလိုက်ရသေးခင် ကျန်တဲ့
တစ်အုပ်စုလုံး က သူတို့ရဲ့
လက်နက်တွေ အကုန်လုံး
ထုတ်လိုက်ကြကာ
မြစ်ဝါရေလေးတစ်သွင်သွင်
ကို ဝိုင်းရိုက်ကြတော့တယ်။
Knightတွေမှာ သူတို့ရဲ့ပထမ
ဦးစားပေး စွမ်းရည် က ခုခံကာကွယ်နိုင်စွမ်း ဆိုပေမဲ့
လည်း ဘယ်လောက်ပဲ ခုခံ
ကာကွယ်နိုင်စွမ်း က မြင့်မြင့် ရူးသွပ်နေကြတဲ့ အုပ်စုကြီး ရဲ့
ကမူးကရှူး တိုက်ခိုက်မှုတွေကို
တော့ တောင့်ပြီး မခံနိုင်ပေ။
ထိုKnight က မြေကြီးပေါ်
လဲကျသွားကာ သူနဲ့ တူတူ
ထန်းရှီပါ ကြမ်းပြင်နဲ့ စခန်းသွား
လိုက်ရတယ်။
[လက်ရှိ] မြေအိုးထဲကရွှေတုံး
လေး: “ထန်းရှီလေး က သူ့ဘာသူ
သရမ်းပြီး ကမြင်းကြော လိုက်ထ
တယ်ဆိုရင်တောင် ငါတို့တွေ ကပဲ
သူ့ကို အနိုင်ကျင့်လို့ရတယ်။
ငါတို့ MengHu Clan က
ကိုယ့်လူကိုယ် ကာကွယ်ပေး
ထားတယ်ဆိုတာ မသိဘူးလား?
ဒီတော့ အခု...မင်း နားလည်သွား
ပြီလား…သူရဲကောင်းကြီး?”
[လက်ရှိ]
မြစ်ဝါရေလေးတစ်သွင်သွင်: “မင်းတို့ကောင်တွေ…စောင့်နေ!”
မြေပြင်မှာ ရှိနေတဲ့ အလောင်း
ကောင် က အဝါရောင် အလင်း
တန်း နဲ့ အတူ ရုတ်တရုတ် ပျောက်ကွယ်သွားတယ်။
ထန်းရှောင် Screenပေါ် က
လူအုပ်ကြီး ကို ကြည့်ပြီး မမျှော်လင့်ထားစွာ မျက်ရည်ဝဲ
မတက် ခံစားသွားရတယ်။
[လက်ရှိ] မိန်းမလှငါးရာဝန်းရံနေတဲ့
နတ်ပြည်ကမင်းရဲ့ဘိုးအေကြီး: “ကောင်းပြီဟေ့! အခု ငါတို့နဲ့ အတူ ထန်းရှီလေးကို လုပြီး သတ်မဲ့
ကောင်လည်း မရှိတော့ဘူး
ဆိုတော့ စောနက ဝိုင်းနွှာနေတာ
လေးကို ဆက်လိုက်ကြရအောင်”
ထန်းရှောင်:…..&#@#$%
ချီးကို ခံစားသွားရတာလား!!
သူတို့တွေ သူမကို အကြာကြီး
မနွှာလိုက်ရသေးခင်
Hongren Guan Clan က လူအုပ်ကြီးကို ဦးဆောင်ပြီး
သူတို့ ဆီကို ချီတက်လာတယ်။
စောစောကတင် သေသွားပြန်တဲ့ ထန်းရှောင်လည်း ထိုလူအုပ်ကြီး
ကို စပ်စုဖို့ အတွက် သေရာ
ပက်လက်ကနေ မတ်တပ်ထရပ်
ကြည့် လိုက်တယ်။
[Systemမှအသိပေးချက်] Hongren Guan Clanမှ MengHu Clanကို Battleချင်း
တိုက်ဖို့ ရာအတွက် ကမ်းလှမ်း
လိုက်ပါတယ်။ MengHu Clan
မှ လက်ခံပါမည်လား?
ဘောင်းဘီပေါ်ကအမွှေးတစ်မျှင်
လေး က တစ်ချက်လေးတောင်
မတွန့်သွားဘဲ Accept ကို
နှိပ်လိုက်တယ်။
တူနှစ်ချောင်းတောင် နိုင်အောင်
မ မနိုင်တဲ့ ကောင်တွေ ကများ
သူတို့ နဲ့ တိုက်ချင်သေးတယ်ပေါ့
လေ?
[လက်ရှိ] မြစ်ဝါရေလေးတစ်သွင်
သွင်: “MengHu Clanသားတွေ သေချာနားထောင်! မင်းတို့တွေ
ထန်းရှီ ကို ငါတို့လက်ထဲ လွှဲပေး
ရင် ဒီတိုက်ပွဲကို တိုက်မှာမဟုတ်
တော့ဘူး”
[လက်ရှိ] ဒီအရှင်မင်းကြီးက
ထပ်ပြီးမရူးတော့ဘူးကွယ်:“နေပါအုံး, အခု ဘာတွေဖြစ်နေကြတာလဲ? ထန်းရှီလေး တစ်ယောက်ယောက်
ကို ပြဿနာရှာလိုက် ပြန်ပြီလား?”
[လက်ရှိ] မိန်းမလှငါးရာဝန်းရံနေ
တဲ့နတ်ပြည်ကမင်းရဲ့ဘိုးအေကြီး: “ဘာမှမဟုတ်ပါဘူး။ ထန်းရှီလေး
က သူ့Genderကို မပြောင်းခင်
တုန်းက ဟိုဘက်Clan က ကောင်
ရဲ့ မိန်းမ ကို သွားကြူတာလေ”
[လက်ရှိ] မြေအိုးထဲကရွှေတုံးလေး: “ပြီးတာ နဲ့ လက်ရှိယောက်ျားကြီး
ကို နောက်ကနေ တစ်ပတ်လုံးလုံး
လိုက်သတ်ခဲ့သေးတယ်”
[လက်ရှိ] ဒီအရှင်မင်းကြီးကထပ်
ပြီးမရူးတော့ဘူးကွယ်: "...."
“ဂျိုပဲဟ...တော်တော်ဂျိုကြွတဲ့
ကောင်”
[လက်ရှိ] မြစ်ဝါရေလေးတစ်သွင်
သွင်: “ထန်းရှီကို တောင်းပန်ခိုင်း
လိုက် မဟုတ်ရင်တော့ ငါတို့ရဲ့
ဓားတွေနဲ့ ပဲ ပြောကြတာပေါ့”
[လက်ရှိ] ဘောင်းဘီပေါ်ကအမွှေးတစ်မျှင်
လေး: “ရွှေတုံးလေး ပြောပြပြီး
ပြီ မဟုတ်လား။ ငါတို့လူ ကို
ငါတို့ကာကွယ်ပေး ထားတယ်
ဆိုတာလေ။ ဒီတော့ပေါက်ကရ
ပြောနေတာတွေ ရပ်ပြီး အခုပဲ
တိုက်ကြစို့”
MengHu Clanသားတွေ က “တိုက်ကြစို့” ဆိုတဲ့ စကား ကို
ကြားပြီး စိတ်လှုပ်ရှားလာကြ
တယ်။
ထန်းရှီလေး နဲ့ စုမူကျိ တို့
နှစ်ယောက် လက်မထပ်ခင်တုန်း
ကဆို RanZhi Clan နဲ့
MengHu Clan နှစ်ခု က နေ့တိုင်းနီးပါးကို တိုက်ပွဲတွေ
ဖြစ်ခဲ့ကြတာ။
ဒါပေမဲ့လည်း ထိုနှစ်ယောက်
လက်ထပ်ပြီး နောက်ပိုင်း နေရင်းထိုင်ရင်း ခမည်းခမက်တွေ
ဖြစ်သွားကြတဲ့ Clanနှစ်ခု လည်း
ငြိမ်းချမ်းရေး ယူလိုက်ကြပြီး
အလုပ်မရှိ တိုက်ပွဲမရှိ နဲ့ ပျင်းရိလာကြတယ်။
ထို့ကြောင့် တိုက်ကြစို့ ဆိုတဲ့
တိုက်ပွဲခေါ်သံကို ကြားလိုက်ရပြီး
နောက် သူတို့ရဲ့ဒီအတောအတွင်း မြိုသိပ်ထားခဲ့ ရတဲ့ စွမ်းအင်တွေ
အကုန်လုံးက ပေါက်ကွဲ ထွက်သွား
ကာ Clanနှစ်ခု မှာ စကားဆုံး
အောင်ထိ မစောင့်ကြတော့ဘဲ အသေအကြေ သတ်ဖြတ်ကြ
တော့တယ်။
ထိုအချိန်မှာတော့ Hongren
Guan Clanသားတွေ ရဲ့
ရန်မှ တစ်ပါး တစ်အုပ်စုလုံး ရဲ့ ကာကွယ်ပေးခြင်း ကို ခံထားရတဲ့
VIP ပုဂ္ဂိုလ်ထူး ထန်းရှောင် က
တော့ ပွဲကြည့်ပရိတ်သတ်
လုပ်ဖို့ရာ အတွက် ထောင့်နားဆီ
ကို လေးဘက်ထောက်ကာ
တရွေ့ရွေ့လေး သွားလိုက်တယ်။
ရှည်လျား ကြာမြင့်လာတဲ့
တိုက်ပွဲကြောင့် ထန်းရှောင် ရဲ့
Clanအဖွဲ့သားတွေ က
တိုက်ခိုက်ရာ မှ ပင်ပန်းလာ
ကြတဲ့အခါ မှာ သူမ ရှိရာ ဆီကို
လာအနားယူကြပြီး စကားဖောင်ဖွဲ့ပြောကြတယ်။
သူတို့တွေ က စကားပြောနေရင်း ပြောနေရင်း ကနေမှ မနေနိုင်
တော့ဘဲ ထန်းရှောင် ကို
ထရိုက်ကုန်ကြတယ်။
[လက်ရှိ] ထန်းရှီ: “……”
[လက်ရှိ]မိန်းမလှငါးရာဝန်းရံနေတဲ့
နတ်ပြည် က မင်းရဲ့ဘိုးအေကြီး:
“ငါ မင်းကို ရိုက်လိုက်တဲ့ အခိုက်
အတန့်မှာ တင် ငါ့ရဲ့ခါးနာတာတွေ
နဲ့ ခြေထောက်နာတာတွေ
အကုန်လုံး ယူပစ်လိုက်သလိုကို ပျောက်သွားတာ။ အခုချိန်မှာ
ငါ တစ်ချက်တည်း နဲ့ KO
ဖြစ်သွားရင်တောင် ဝမ်းနည်းမှာ
မဟုတ်တော့ဘူး”
[လက်ရှိ] ထန်းရှီ: “……”
စိတ်ကျေနပ်မှု အပြည့်ရသွား တဲ့ နတ်ပြည်ကဘိုးအေကြီး လည်း တစ်ဖက်Clan ကို ဖင့်ဆောင့်
ကန်ဖို့ ပျော်ပျော်ကြီး ထွက်သွား
တယ်။
သိပ်မကြာလိုက်ပေ။ နတ်ပြည်ကဘိုးအေကြီး မှာ
နတ်သက်ကြွေပြီး မြေပြင်ပေါ်
ကို ဘုတ်ခနဲ ပြုတ်ကျသွားတယ်။
ပြီးတာနဲ့ သူက ထန်းရှီ ဆီကို
ပြန်ရောက်လာကာ နောက်တစ်
ကြိမ် ထပ်ရိုက်ပြန်တယ်။
အချိန်နဲ့ အမျှ ထန်းရှီကို လာရိုက်
ကြတဲ့ လူအုပ်ကြီး က တိုးတိုး
လာတယ်။
အဆုံးမှာတော့ ထန်းရှီ ရဲ့သေတဲ့
အကြိမ်အရေအတွက် က တစ်ဖက်Clan က သေနှုန်းထက် တောင် မြင့်နေတော့တယ်။
Hongren Guan Clanဘက်
မှ လူအင်အားက များများ
လာကာ နတ်ပြည်ကဘိုးအေကြီး
နဲ့ တခြားသူတွေ မှာ တဖြည်းဖြည်း
ခုခံတိုက်ခိုက်ဖို့ ခဲယဉ်းလာတယ်။
[Clanစကားဝိုင်း] ထန်းရှီ:
“ငါတို့တွေ လိုင်းပေါ် ကနေ ဆင်းပြီး ဂွတ်နိုက်လို့ ပြောလိုက်ကြမလား”
[Clanစကားဝိုင်း]
ဘောင်းဘီပေါ်က အမွှေးတစ်မျှင်
လေး: “မဖြစ်နိုင်တာ!အခုနေ လိုင်းပေါ်က သာ ဆင်းလိုက်ရင် ဟိုခွေးသားတွေ က ငါတို့ က
သူတို့ ကို ကြောက်လို့ ဆင်းသွား
တယ် ထင်မှာ”
မြေအိုးထဲကရွှေတုံးလေး က ဘောင်းဘီပေါ်က အမွှေးတစ်
မျှင်လေး ကို ဒဏ်ရာတွေ ကနေ
ကုသပေးလိုက်ပြီး သူ့ရဲ့ခေါင်း
ထက်မှာတော့ သွေးနီရောင်
တောက်နေ တဲ့ နံမည်တစ်ခု
ရှိနေကာ တိုက်ပွဲ ထဲကို
ပြန်သွား ပြီး တိုက်ခိုက်တော့
တယ်။
ထန်းရှောင် ကတော့ သူမရဲ့မူလ
နေရာလေးမှာ ပဲ ငုတ်တုတ်ထိုင်
ပြီး ပွဲကြည့်နေတုန်း ရုတ်တရတ် ဆိုသလို ဘယ်ချောင် ကနေ ပစ်
လိုက်မှန်း မသိတဲ့ Alchemist
တစ်ယောက်ရဲ့ မန္တန် က သူမဆီ
ကို ကျရောက်လာကာ အသတ်ခံ
လိုက်ရတယ်။
သူမနဲ့ သိပ်ပြီး မနီးမဝေးမှာ,
စုမူကျိက လတ်ဆတ်ပြီး
တောက်ပနေတဲ့ သွေးနီရောင်
နံမည်တစ်ခု နဲ့ ပေါ်လာကာ
လက်ထဲမှာ ဓားတစ်ချောင်း ကို
ကိုင်ဆွဲထားတယ်။
သူ့ရဲ့ခန္ဓာကိုယ် တစ်ခုလုံး ကို
အဖြူရောင် ဝတ်ရုံရှည်ဖြင့်
ဆင်မြန်းထားပြီး ဆံနွယ်ရှည်
တွေ ကလည်း လေထဲမှာ
ငြိမ့်ငြိမ့်ညောင်းညောင်းလေး
လွင့်မြောနေတယ်။
မြင့်မြတ်တဲ့ မသေမျိုးတွေရဲ့
ကြီးကျယ်ခမ်းနား တဲ့
အရှိန်အဝါတွေက လွှမ်းခြုံနေကာ လူအုပ်ကြီးထဲမှာတော့ သူက
ခပ်မိုက်မိုက် ခပ်ချေချေစတိုင် နဲ့ ရပ်နေတယ်။
ထန်းရှောင် သူ့ကို ချက်ချင်းပဲ
ရှာတွေ့သွားတယ်။
[လက်ရှိ] စုမူကျိ:
“မင်း တစ်ကိုယ်လုံး အရှက်လုံရုံ
လေး ဖုံးဖိထားတယ် ကြားလို့ ဟုတ်မဟုတ် ငါလာကြည့်တာ”
[လက်ရှိ] ထန်းရှီ: “……”
Ranzhi Clanက လူတွေက
တစ်ရိပ်ရိပ် နဲ့ ထွက်ပေါ်လာကြကာ စစ်တပ်ကြီး တစ်ခုလို ညီညီ
ညာညာ နဲ့ လူတိုင်းကို ဝန်းရံ
လိုက်ကြတယ်။
စုမူကျိ၊ ခွဲခွာခြင်းတေးသံ နဲ့
တခြားရင်းနှီးနေတဲ့ မျက်နှာတွေ
အပြင် တခြားအဖွဲ့ထဲက လူတွေ
အများကြီးပါ ရောက်နေကြတယ်။
[လက်ရှိ]မိန်းမလှငါးရာဝန်းရံနေတဲ့
နတ်ပြည်ကမင်းရဲ့ဘိုးအေကြီး:
“မင်းတို့ကောင်တွေ ဒီကို ကူဖို့
ရောက်လာတာလား ဒါမှမဟုတ်
သက်သက်မဲ့ လာရှုပ်တာလား?”
[လက်ရှိ] စုမူကျိ: “ငါတို့ က တစ်ကိုယ်လုံး အရှက်လုံရုံလေး
ဖုံးဖိထား တဲ့ ထန်းရှီလေး ကို
ဝိုင်းရိုက်ဖို့ ရောက်လာတာ”
ထန်းရှောင်: !!!!!အရှက်လုံရုံလေး
ဖုံးဖိထားတယ် ဆိုတဲ့ ဟာကို ထပ်ခါထပ်ခါ ပြောနေဖို့လိုလို့လား
အဖေရဲ့!!!
သူတို့တွေ က Screenခြားထားပြီး Characterတွေ ကလည်း
အတူတူ ဆိုပေမဲ့ ဒီအထီး စုမူကျိ
စကားပြောလိုက်တဲ့ အခါတိုင်း သူ့ပါးစပ်မှာ လွှတပ်ထားပြီး သောက်ခွက် လာပြောင်နေ
သလိုပဲ။
Hongren Guan Clan က
လူတွေ က စုမူကျိပြောတာ ကို
ကြားလိုက်ရပြီး စိတ်သက်သာရာ
ရသွားကြတယ်။
သူတို့ရဲ့ ရည်ရွယ်ချက် က
အတူတူပဲကို…။
ဒါပေမဲ့လည်း လျှပ်တစ်ပြက်
အတွင်းမှာတင် စုမူကျိ က သူတို့ရဲ့လူတွေကို သတ်ဖြတ်လိုက်
တာကို မြင်လိုက်ကြရတယ်။
[လက်ရှိ] မြစ်ဝါရေလေးတစ်သွင်
သွင်:“မင်း အခု ဘာလုပ်နေတာ
လဲ?”
[လက်ရှိ] စုမူကျိ:
“လူတွေကို သတ်နေတာလေ”
[လက်ရှိ] မြစ်ဝါရေလေးတစ်သွင်
သွင်: “မင်း စောနကတင် ထန်းရှီ
ကို ရိုက်ဖို့ ရောက်လာတာ လို့ ပြောလိုက်တာမလား?”
[လက်ရှိ] ခွဲခွာခြင်းတေးသံ:
“ငါ ထင်တာတော့ မင်း….
စုမူကျိ ရဲ့ ဆိုလိုရင်း ကို
နားလည်မှု လွဲသွားတဲ့ပုံပဲ။ သူပြောတာက ငါတို့တွေ က
ထန်းရှီလေး ကို ရိုက်ဖို့ရောက်
လာတာလို့လေ။
အဲတော့ ပြောချင်တာက….
ငါတို့တွေပဲ…အုန်းလီးအက်စ် ငါတို့တွေပဲ ထန်းရှီလေး ကို
ရိုက်ခွင့်ရှိတယ်။ အင်း…..
ပညာရှိပြောနည်း ပြောရမယ်
ဆိုရင်တော့
"မယားထိ ဓားကြည့်" ပေါ့ကွာ"
[လက်ရှိ] မြစ်ဝါရေလေးတစ်သွင်
သွင်: “…...”
ထို့နောက်မှာတော့ Clan သုံးခု
စလုံး လုံးထွေးကုန်ကြတယ်။
စုမူကျိ က ထန်းရှီကို ဓားနဲ့ဖြေးဖြေးလေး ချိန်ရွယ်လိုက်
ကာ ဖြည်းဖြည်းချင်းလေး
သူမရဲ့ကိုယ်ထဲကို ဓားနဲ့ထိုးစိုက်
လိုက်ပြီး ဖြည်းဖြည်းချင်လေး
ဇိမ်ပြေနပြေနဲ့ သူမကို သတ်လိုက်
တယ်။
[လက်ရှိ] ထန်းရှီ:
“မင်းအခု ပျော်သွားပြီလား?”
[လက်ရှိ] စုမူကျိ:
“အရမ်းပျော်တယ်”
ထိုအခိုက် မြစ်ဝါရေလေး
တစ်သွင်သွင် က ရုတ်ရုတ်သဲနေတဲ့
လူအုပ်ထဲ ကနေ ရုန်းထွက်လာကာ သူတို့နှစ်ယောက် အနီးအနား ဆီ
သို့ ရောက်လာတယ်။ စုမူကျိက
ထိုသူ လာရာ လမ်းကြောင်း တည့်တည့်ဆီ မန္တန်တစ်ခုကို ပစ်လွှတ်လိုက်ပြီး တစ်ဖက်လူရဲ့
Attack Area ကနေ လျှင်မြန်စွာ
ရှောင်လိုက်တယ်။
ထန်းရှီလေး နဲ့ တစ်ကျက်ကျက်
ကိုက်နေကြ အကျိုးရလဒ်အနေ
နဲ့ တခြားသူတွေကို လှည့်စားပြီး
ဘယ်လိုမျိုး ရှောင်ထွက်ရမလဲ
ဆိုတဲ့ သင်ခန်းစာကိုပါ
ဒီအတောအတွင်း သူ အများကြီး
သင်ယူထားတယ်လေ။
Knightတွေရဲ့ အဓိက ကျွမ်း
ကျင်တဲ့ တိုက်ပွဲစွမ်းရည်က
အနီးကပ်တိုက်ခိုက်ခြင်း ဖြစ်ပြီး
သူတို့ ချထားတဲ့ Attack Area အတွင်းမှာ ရန်သူတွေ ကို
ချက်ချင်း အနီးကပ် ဆင့်ခေါ်နိုင်
တဲ့ Skillတစ်မျိုး ကို ပိုင်ဆိုင်ထား
ကြတယ်။
စုမူကျိ လည်း ထိုSkill ရဲ့
သက်ရောက်မှုထဲ ကျရောက်သွား
မှာ စိုးတာကြောင့် မြန်မြန်
ဆန်ဆန် နဲ့ ပညာသားပါပါ
တိမ်းရှောင်လိုက်တယ်။
သူက မန္တန်တွေ ကို တိကျစွာ
တွက်ချက်နိုင်တာကြောင့် မြစ်ဝါရေလေးတစ်သွင်သွင် မှာ ထိုSkill ကို အသုံးမပြုနိုင်ဘဲ
သူ့ရဲ့Attack Area ကနေ ထွက်
ပြီး ရှုပ်ထွေးတဲ့ လမ်းကြောင်း
တွေဆီ ကနေ ပစ်လွှတ်တော့
တယ်။
[လက်ရှိ] ထန်းရှီ: “ဇနီးလေး,
ကိုယ် ဘာလို့ တစ်ပတ်လုံးလုံး
သူ့ကို လိုက်ဖမ်းပြီး သတ်နေရ တာလဲဆိုတာ အခုသိပြီလား?”
[လက်ရှိ] စုမူကျိ: “….”
[လက်ရှိ] ထန်းရှီ: “ဘာလို့လဲဆို
တော့ သူက Alchemistဖြစ်ချင်
နေတဲ့ စိတ်ပျက်စရာ လဒကြီးမို့ပဲ။ အဲ့ကောင်က လူတွေကို
လိုက်ဆွဲတဲ့ အဲ့စကေးကိုတောင် ဖင်ပူအောင် သင်ခဲ့တာမဟုတ်ဘူး! သူ့သွေးကလည်း ထင်သလောက်
မပျစ်ဘူး! သူ က Attack Skill
တွေ အကုန်လုံးကို ငွေပေးပြီး
ဝယ်ခဲ့တဲ့ ဆန်ကုန်မြေလေး!!
မင်း အဲ့မှာရပ်ပြီး သူ့ကို
ခပ်နာနာလေး ရိုက်လိုက်စမ်း!”
[လက်ရှိ] စုမူကျိ: “….”
အသက်တစ်ဝက်ပဲရှိတဲ့ Knight
တစ်ယောက် အနေနဲ့ မြစ်ဝါရေလေးတစ်သွင်သွင် က
သူ့ရဲ့အချိန် နဲ့ အင်အားတွေ
အကုန်လုံး ကို Alchemist
တစ်ယောက် ဖြစ်လာဖို့ နေရာမှာ
ပဲ ရင်းနှီးမြုပ်နှံ့ထားလေတယ်။
စုမူကျိ က ထွက်ပြေးတိမ်းရှောင်
နေရာမှ ရပ်လိုက်ပြီး အကောင်း
ဆုံးဖြစ်မဲ့ နေရာတစ်ခု ကို ရှာတွေ့
သွားတယ်။
သူ့လက်ချောင်းရှည်တွေ က ကီးဘုတ်ပေါ် မှာ လျင်မြန်စွာ
ပြေးလွှာနေကာ မြစ်ဝါရေလေး
တစ်သွင်သွင် မှာ မကြာခင်မှာပဲ ပထဝီမြေကြီး နဲ့ ခေါင်းနဲ့
မိတ်ဆက်လိုက် ရတော့တယ်။
ထန်းရှောင် က ချက်ချင်းပဲ
သူမရဲ့အိတ်ထဲ ကနေ
ဂန္ဓာမာပန်းပွင့်လေးနှစ်ပွင့် ကို ထုတ်လိုက်ပြီး သူ့အပေါ် ကို
လှမ်းကြဲပေးလိုက်တယ်။
[လက်ရှိ] ထန်းရှီ:
“ငါ မင်းကို ပြောခဲ့သားပဲ။
မင်း တကယ့်ကို Alchemist တစ်ယောက် ဖြစ်ချင်တယ် ဆိုရင် အချက်နှစ်ချက်ပဲ ရှိတယ်။
ပထမတစ်ချက်☝!
မင်းရဲ့Knightတို့ ရဲ့
သံချပ်ကာ အကျီကြီး ကို
အမှိုက်ပုံးထဲ လွှင့်ပစ်လိုက်။
ဒုတိယတစ်ချက်✌!
Alchemist Account သစ်
တစ်ခုကို ဖွင့်လိုက်။
ဒီမှာ ငါမင်း အတွက် နံမည်
တောင် စဉ်းစားပြီးသွားပြီ_
နေ့ခင်းကြောင်တောင်
အဝတ်ဗလာကောင်!”
[လက်ရှိ] စုမူကျိ: “….”
[လက်ရှိ] မြစ်ဝါရေလေးတစ်သွင်
သွင်: “….”
မြစ်ဝါရေလေး တစ်သွင်သွင် ကို ငရဲပြည်ဆီ ပို့ပြီး နောက်မှာတော့ စုမူကျိပါ ထန်းရှီ ဘေးနားမှာ
ဝင်ထိုင်ချလိုက် ပြီး ပျားပန်းခတ်
နေတဲ့ Clanနှစ်ခု ကိုက်ပွဲ ကို
အတူကြည့်နေလိုက်တယ်။
ထိုစဉ် ခွဲခွာခြင်းတေးသံ က ခွေးလိုက်သလို ပြေးလာကာ
သူ့ခေါင်းထိပ်က နံမည်ကလည်း ကြောက်မက်ဖွယ် ကောင်းလှ
စွာ သွေးနီရောင်ဖြင့် ရဲရဲတောက်
နေပြီး မလှမ်းမကမ်း ကနေ
မန္တန်တစ်ခု နဲ့ လှမ်းပစ်ကာ
ထန်းရှီကို သတ်လိုက်လေတယ်။
[လက်ရှိ] ခွဲခွာခြင်းတေးသံ:
“အ? ရွှေတုံးလေး…
မင်းပြောတာ မှန်လိုက်တာကွာ။ ထန်းရှီလေး ကို သတ်လိုက်တာနဲ့ ငါ့ခန္ဓာကိုယ်တစ်ခုလုံးက စွမ်းအင်
တွေ ဝုန်းခနဲ တက်သွားပြီး
လန်းဆန်းသွားတာပဲ”
[လက်ရှိ] မြေအိုးထဲကရွှေတုံလေး:
“ငါ မင်းကို ပြောသားပဲ။ ဒါက
ဗီတာမင်စီ သောက်လိုက်တာ ထက်ကို ပိုကောင်းပါတယ်လို့။ ဟေ့..ဟေ့...ဟေ့...ငါ့လည်း
နည်းနည်းလောက် ကူညီပါအုံး။ ငါလည်း စွမ်းအင်တွေ အပြည့်
ဖြစ်စေဖို့ ထန်းရှီလေး ကို
သတ်ဖို့ လိုအပ်နေပြီ”
[လက်ရှိ] ထန်းရှီ: “….”
[လက်ရှိ] မြေအိုးထဲကရွှေတုံး
လေး: “ဒါ့အပြင် ငါက စုမူကျိကို
တော့ မရိုက်နိုင်ဘူးလေ…
ဒီတော့ သူ့မိန်းမကို ပဲ သေအောင်
ရိုက်သတ် ရတာပေါ့။ မဝှက်ကွယ် စတမ်းပြောရမယ် ဆိုရင် ငါသူ့ကို ရိုက်နေတဲ့ အချိန်တိုင်း
Ranzhi Clanရဲ့ နတ်ဘုရားမ
မျက်ခွက်ပဲ ဆိုပြီး စိတ်မှန်း နဲ့
ဗြင်းနေတာ”
[လက်ရှိ] စုမူကျိ: “….”
[လက်ရှိ] ထန်းရှီ: “….”
ထန်းရှောင်…ဒီထက် ပိုပြီး
ဒီကမာ္ဘလောကကြီး မှာ
အသက် ဆက်ရှင်ချင်စိတ်
မရှိတော့ဘူး။
မြေအိုးထဲကရွှေတုံးလေး
ထွက်သွားတာ နဲ့ ဘောင်းဘီပေါ်က
အမွှေးတစ်မျှင်လေး ရောက်လာ
တယ်။
[လက်ရှိ] ဘောင်းဘီပေါ်ကအမွှေးတစ်မျှင်
လေး: “လာစမ်းပါ…ထန်းရှီလေး နည်းနည်းလောက် လေးတော့ အော်ငိုပြစမ်းပါ! မဟုတ်ရင် စိတ်လှုပ်ရှားစရာ ကောင်းမှာ
မဟုတ်တော့ဘူး။ ဒါက လူသေ
ကောင် ကို အနိုင်ကျင့်နေမှန်း
သိပေမဲ့ မင်း အသံသာကြားရင်
ဟိုကောင်တွေ စိတ်တွေ
တက်ကြွလာပြီး ပြန်တိုက်ကြမှာ!
အဝတ်မပါတဲ့ မိန်းမလှလေး
တစ်ယောက် ကို မြေပြင်မှာ
အော်ငိုပြီး လူးလိမ့်နေရအောင် ဖိအားပေး ပြောရတာမျိုး
ငါ သဘောကျလိုက်တာ!”
အဲဒီနောက်မှာတော့ စုမူကျိက
သူ့ကို မရဏသိုင်းကွက်
တစ်ကွက် ကျွေးလိုက်တယ်။
သူက ဓားကို မြှောက်လိုက်ပြီး ဘောင်းဘီပေါ်က အမွှေးတစ်မျှင်
လေး မြေပြင်ပေါ် လဲကျသွားတဲ့
အချိန်မှာ သူ့ရဲ့အကျီလက် က
လေထဲမှာ တလူလူနဲ့ လွင့်ပျံနေ
တယ်။
[လက်ရှိ] ဘောင်းဘီပေါ်က
အမွှေးတစ်မျှင်လေး: "ရွှေတုံးလေး
က ထန်းရှီကို ရိုက်တာတော့
အဆင်ပြေပြီး ဘာလို့ ငါ့ကျတော့
မရတာလဲ"
[လက်ရှိ] စုမူကျိ: “မင်းက
အရမ်းကို နှာဘူးထလွန်းတယ်”
[လက်ရှိ] ထန်းရှီ: “ဟုတ်တယ်။ မှန်မှမှန်”
[လက်ရှိ] မြေအိုးထဲကရွှေတုံးလေး: “မင်းသူ့ကို ရိုက်ချင်ရင် ဒီအတိုင်း
သာရိုက်လိုက်။ဘာလို့ မဟုတ်
တမ်းတရား ဖိအားပေးတာတွေ
လူးလိမ့်တာတွေ ဘာတွေညာတွေ
နဲ့ နှာကျတဲ့ဟာတွေ လျှောက်ပြော
နေတာလဲ။ မင်းက အဲ့လို သောက်ကြောက်ကောင် မှန်း ငါမသိခဲ့ဘူး!
*လျှာကို လိပ်လိုက်ရင်း*
[လက်ရှိ] ဘောင်းဘီပေါ်က
အမွှေးတစ်မျှင်လေး:!!!!
#4257 words
#Ive Latte (mm)
Weekly: 9:00Pm
Monday & Thursday
------------------------------------------
MM TL Note:
ဒီတစ်ပိုင်းလုံးမှာ သနားစရာ
အကောင်းဆုံးက MCပဲ။
သူဘယ်လောက်တောင်ဂြိုဟ်မွှေ
ပြီး ပြသာနာရှာထားလဲတော့ မသိဘူး....အကုန်လုံး ကလည်း
အခွင့်အရေးရတာ နဲ့
ထန်းရှောင်ကို ဝိုင်းရိုက်ကြမယ်
ဆိုတာချည်းပဲ ဟ...ဟ...😂😂😂
တစ်ခု တူတာတော့ ရှိတယ်။
ထန်းရှောင်ရော သူမရဲ့Clan
တစ်ဖွဲ့လုံးရော အကုန်လုံး က
မျက်ခွက်ပြောင်ကြတဲ့ လူစားတွေ
ချည်းပဲ။
#မမက ခွေးမွေးပါမယ်တဲ့နော်
မူချောင်ရဲ့ခွေးလို
ရွှေရောင်အမွှေးပွလေး
***********************