الحلقة الثالثة والستون
#ليلة_من_فبراير
عدل وي الخلك طبعي ولامال
فقير ولا قصر عندي ولامال
أنه الضاعت أحلامي والـ امال
ونخيت الله بلكي يفرجها عليه
❤️
نهاوند ـ المطبخ شباكة علئ الكراج
شفت سيارات طبكت اباب البيت
ونزلو منهه هواي زلم
دكو الباب وطلع ابو اركان فتحهه
ووراه طلع اركان
دخلو للبيت مدري شحجو وية ابو اركان واخذوه هو وابنة
وامي كامت تعيط وتصرخ
بقيت مشدوهه معقولة كل هذا علمودي
امي لزمت تلفونهه وكامت تخابر مادري عليمن
بس جانت تصيح وتعيط وتبجي وتسأل
منوو هذووول ومين طلعو وشيريدون من اخوتي ورجلي وابني
يمكن جانت تحجي وية نسوان خوالي
راسا اتذكرت كلام ياسر
من كلي فضت لاتخافين
عزة .. معقولة هيج جان يقصد
الحكومة تشيلهم
غسلت المواعين علئ السريع وصعدت للغرفة
حاولت ما اركض ولا امشي سريع
حتئ لا يبين عليه شي
دخلت للغرفة وركضت علئ الجنطة طلعت التلفون واخذت منة الباتري وشمرتة فوك الكنتور
والباتري ابطن الكنتور مال شهاب خليتة
ايدي ترجف وكلبي يدك طبل
ماعرف ليش خايفة وحاسة بشي مو صحيح او مو تمام راح يصير
نغم ـ شنو صاير نونة شكو
ـ كلشي لاتحجوون افتهمتو
صبا ـ مثل شنو
ـ اي سؤال كولو منعرف مندري
ام اركان ـ لج صخاااامة صخااامةةة ووووينج
نغم ـ عليمن دتصيح امج
ـ ماعرف بس ماكو غيرنة بنات هنا وهي دتكول صخامة يعني اكيد علية
الحان ـ ختليني وراج نونة والله اخاف منهه
ـ لاتخافين
ليش خايفة لحونة ماكو شي
ام اركان ـ نهاووووندددددد
ـ طفرت للباب بكمزة وحدة..
ها يمة هاا اني هنا
التمو شهاب وسلطان واصيل ورافع
واشرف واكفين كلهم يم امي ..
ام اركان ـ لج بومة
منو الاخذ خوالج وعمج ابو اركان واركان
ـ شنو هالسؤال
ـ لج ااااحجي
ـ عزا شمدريني
ـ اسمعي يابنت فؤاد
سوالف الركاصات
الجان ابوج يصادقهن ويلتهي وياهن مو عليه
سنييين عايشين هنااااااا
لاطلع صوتنة
ولا احد اندكررر بينة
ولا احنة ندكرنة بأأأحد
ولا الشرطة لو المسلحييين اندلووونة
ماشين بصف الحايـــط كافين خيررنة شررنة
اشوو بسس انتي دخلتي علينة انكلبت حياتنة
اااحجي منووو اخذذذ ابوو اركاان وخواالج ؟
ـ بيش تريديني احلفلج ماعندي علم ولا اعرف منو اخذهم
ـ الساقط ااااالجنتي عااايشة وياه بنفس البيت من ياجماعه؟
ـ ما اعرف اي شي عنة بس اعرف اسمة ياسر واني مأجرة البيت منة ماكو شي بينة
ـ يعني مناوووية تحجييين
ـ شحجي غير عندي شي واحجي
شهاب ـ شبيج يمة ترة البنية كدامنة لاطبت ولا طلعت
ـ لااان اانت اثوول و غشمةةة ..
و اانتي اظاهر مااناااااوية تعترررفين باللتي هي احسن ولا بالحسنا..
خووووووش راح تشوفين وجه رحمة الثااااني..
تعالي انتي وووولج عوووبة اتقرربي علييه
ـ اشرت علئ نغم وصاحتلهه كمزت وخليتهه وراية وصرت بوجه امي ..
شنو يمة شبيج شتريدين من خواتي
لزمتني من شعري ودفرتني يم الباب ووكعت علئ اشرف ..
عفته وكمت من مكاني اركض ورحت يمهه
ام اركان ـ احجيي شلون جنتوو تتصلوون بهالكواااد
نغم ـ منتصل علئ احد خاله
ـ وخلخاله تخلل عظااامج
اكيد عدكم تلفون لاخ ضاميي علييية وووينة
نغم ـ هو بس واحد واخذتو
ـ اااخر مرةةة اااكول ووووينة طلعووووو
نونة ـ شبيج يمة يااتلفوون
ـ يعني متحجون .. ومتريدون تعترفون
نغم ـ خاله بشنو نعترف
ام اركان ـ تعااالو ياااولدددد
دخلووو للغرفة فتشوو غراضهم هدمة هدمة ماااريد يبقئ شي علئ حااله
نونة ـ خليت ايدي علئ كلبي خفت لا يلكون التلفون ونروح بيهه
جرت امي نغم وصارت تتلمس بيهه من اماكن حساسة وتصيح عليهة
ـ ساقطااات طلعنن التلفووون لا اسوي بيجن سوااااية يبقئ الشارع كلة يسولف بيهه لعشرر سنين
نونة ـ ووخري عن خواااتي لاتلزميييهن وووخري عود انتي تعرفين الحلااال والحررام وتسوين هيج ببنات كدام وولددد وووين حرامج وحلاللج
ـ للج اادبسزززز تصيحين بوجهــــــي وادفعينـــي واااني ااامج
يااابة اذا ما اكسرر ايدددج واعيد تربيييتج الزززفت فلا ااني ررحمةة
ـ يااا ام الخاااطر الله ياام
انتي مصدكة بنفسجج ااااام
وووخرري عنني وعن خواتتي لاتلزميينةة
سلطان ـ انتي هييي لـــج
لا تصيحين علئ امي لااكص لساانج والله
ـ وخرر عني انت اللاخ
زعطوط وصاير براسي رجال
ام اركان ـ انجبيي ادبسزز
هذا زلمة من ضهر زلمةة يكسر ضهررج كسرر
شهاب ـ شبيج يوم شتريدين منههن ليش هيج دتسووين وياهن
اشرف ـ يمة يمةةة
لكييت هذا تلفون فوك الكنتور مالت شهاب
ـ حسيت كلبي صار برجلي
الحيوان شبر طولة ومتشلبه فوك الكنتور
لعد لو طويل شتسوي
اخذ التلفون ونزل والغرفة كلهه صارت هدوء
الكل بقئ ساكت منتضر ردة فعل امي
اتقربت امي علئ اشرف واخذت منة التلفون..
ام اركان ـ هذا شنو ولج ؟
ومن اسألجن تنكرن ومتحجن موو
ـ وكفت اني وخواتي وحدة يم الثانية
صبا ونغم يبجن والحان خايفة خاتلة ورايه..
ـ افتحيي
ـ مو تلفوني
ـ ترة راح اتخبل عليج وتشوفين شي بحياتج مشايفته.. اافتحي
ـ مو تلفوني شلون افتحه
عاطت عليه وضربتني راشدي بكل قوتهه حسيت راسي افتر
والرقبة افترت ووطكت
لثواني حسيت نفسي انشليت عن الحركة
الالم ذبحني وخدي طبعت عليه اسناني
ممعقولة
شنو هالقوة العدهه
عمامي شكد جانو يضربوني وهمة زلم مو بهيج قوة ..
شهاب ـ هـ هذا تلفون صديقي
ـ انصدمت من سمعت شهاب يحجي
فريت راسي بالاتجاه المعاكس وطكت رقبتي ..
كل هذا حتئ اشوف شهاب ليش هيج حجئ
ام اركان ـ لا اطمطم اااالهه ادري بيك كلب سمجه وتنقهر بهيج مواقف
ـ اتعاطف اي
بس ماجذب
وتعرفيني ماجذب
كلتلج مو تلفونهه
هذا تلفون حنش صديقي
ـ حنش؟
تضحك علية ولك اثول
بكدك ااني
وشجابة يمك تلفون حنش يابو كلب الرهيف
ـ اخذته منة البارحه
ـ اختصررر وكول ليش اخذتته منةة
ـ ماجان عندي رصيد واخذت تلفونة خابرت بي ونسيتة بجيبي ورجعت
ـ عليمن خابرت؟
ـ شنو تحقيق
ـ ااااحجيييييي
ـ خابرت علئ صديقنة
عُدي علمود اساله شوكت تخلص العطلة
ـ ومن شوكت انت شاطر يمة؟
ـ بعد صارت وسألتة
ـ اني امك..
واعرفك من تجذب
كل هالخريط ماصدكة
هذا تلفون هالساقطة الواكفة كدامي
لج شكد جنت اجذب علئ روحي واكول ممسوية شي بعدهه بريئة
تالي طلعتي كحــ
بس شحجي
العرج دساس
منو ابوهه الدمبكجي
منو عمتهه سهيرة خاتون
وولج انتي صايرة نسخةة من عمج ناصر ومرتة
ـ وانتي وين عشتي وياية حتئ تكولين صايرة نسخة منهم
وبعدين مو هذول اااهلي العفتيني يمهم
مو هذول النطيتيني الهم
شتريديني تطلعلج رابعه العدوية مثلا
اكيد اطلع علئ اهليي
ـ والمايطلع علئ اهلة نـــــغل
ـ بس صدكيني هذا مو تلفوني
اني ماعندي تلفون
ـ يعني متعترفين يابنت فؤؤاد
ـ ترة اني بنتج همين مو بس بنت فؤاد
ـ لسان طويل ومتبري منهه
ادبسزز ممسيطرة علئ تصرفاتهه
عايشة علئ حل شعرهه وية الولد
خوش الدوة عندي ..
ااااشرف
اخذ التلفون وخلي بغرفتي
تعاااال سلطاان
انطيني حزامك
شهاب ـ شراح تسوين يمة
ـ ااطلع برة انت وباقي ااخوتك
بس سلطان يبقئ يمي
شهاب ـ يمعووودة يمة هاي بنتج صار سنين مشايفتهه شكاعد تسوووين
ـ بنتي يرادلهة اعادة تربية
اطلع بررة ياشهاب انت مو كفو لهلسوالف
سلطان طلعهم كلهم..
نونة ـ رجعت للحايط ووراية خواتي
عرفت راح تسوي شي بينة
ـ هذني المصايب الوياهه طلعوهن برة لا ابتلي بيهن
نغم ـ لااااا ماعوووف نونةة شتريدين تسووووين بيهه وووخرووو عنيييي نوونةة
ـ ااطلعييي نغممم اخذي خواتي وطلعيي عوفيني وياهه لاتخافين هية امي قابل شتسووي
صبا ـ عفية خاله لاتضرربيهه والله احنةة نحبج والله العظيييم
ام اركان ـ طلعييييهن برررة لا يندكن ووووياااج
شهاب ـ هذا مووحل شدسووين يمةة خطأأ هالتصرفات وحرررام
ام اركان ـ انجببب
بكد فردة القندررة ويريد يعلمني الحرام والحلال اااطلع برررة
نونة ـ عفية شهاب اخذ خواتي الله يخليك ..
دفرهم برة سلطان
طلعو شهاب وخواتي وقفل الباب
بقينة تلاثتنة بالغرفة ومقفولة
شهاب ـ يمةةة ااافتحي الباااب بالتفاهم تننحل المشاكل مو هيييج يمةةة يووووم اافتحي يمعوودة لاتفضحيينة
ـ لازكة روحي بالحايط واباوع عليهم
الشر يطفر من عيون امي وسلطان
شهاب يدك الباب ويدفر بيهه ويحجي بس محد يسمعلة
ام اركان ـ مين تعرفين هيج نماذج؟
شنو نطيتيهم مقابل هالسالفة
ـ عزا شنو نطيت
ـ لج اخوتي زلم مشوربة
وابو اركان بكل مكان عندة علاقات
وماكدرو يصيرون وية اي حزب
لو حكومة
وماكدروو يمشولهم معاملة وحدة
وانتي بنية هالطولج
وستووج عمرج 18 سنة
وجبتي قوة مسلحة بكد عشيرة ابووج تاخذ اخوتي ورجلي وابني
وتريدين تقنعيني هذا كلةةةة بلاااش
وولج ااحجي مقابل شنووو يا بنت فؤاااد
ـ والله العظيم مو اني والله العظيم
ـ شنو مشووفتهمم وشنوو نااطيتيهمم حتئ قووة مسلحةة شكبرررههه تجي علمووود حضررة جناابج الكسييف
بنت منو حضررتج يمة واني ما ادري
بنت اياد علاوووي
لو بنت الجعفرري
لج ااانتي خلللك وحدددة اابوج دمبكجي
علئ شنوو يجوون
علمود خلقتج الحلووة ؟!
لج شمشووفتهم وشناطيتهم حتئ يياخذوون هالزلم الواحدهم يهز جبال
ـ يمة يجوز لان كتبو مطلوب دم علئ الحايط الشرطة شافتهم واخذتهم
ـ لج ياشرررطة
هية وينهه الشررطة
ووين اكو صخاام حكوومة
صايرة هيييتة
ووبعدين هذول مو شرطة
هذول قووة مسلحة
لج ااعترررفي شمصخمةةة وياااهم شنااطيتهممم وهيج متخبليييين عليييج
ـ والله العظيييم والله العظييييم ممسوووية شي بيييش احلفلج حتئ تصدكين...
ـ خااابري علئ كوادج خلي يطلع اابني ورجلي وخوالج لا تشوفين مني المشايفتة من احد
ـ اخابر علئ منو
ـ مثل ماخاابرتي وشالووهم
تحااابرين حتئ يطلعوووهممم ويرجعووهم
ـ ياالله خلصني موتني وخلصنيي يعني اكوو اكبرر من الله
مو دحلفلج بااالله
مااعرررف مااااعررررف
ام اركان ـ سلطاااااااان
اااحسب وياييية وووولللك هاي مو ماال حجيي
ـ ثواني من اخر كلمة نطقتهه
وعاطت وفتحت عينهه ولزمت الحزام من الجلد مالتهه
مافهمت شنوو يعني احسب شيحسبون..
ضربتني بهستيريه بحزام سلطان
وهو يحسبلهه
بقجة الحزام حديد
ومن تضربني بيهه
احس تكص لحمي كص
ردت انهزم بس سلطان ماخلاني
ضخم اضخم من شهاب
واضخم مني
دفعني ورجعني لمكاني
وامي تضرب بية
اضطريت اتقرفص بمكاني واتحمل الضرب مالتهه
واني اصيح واستنجدت واالله العظيم ماسويت شي والله العظيم ماعندي شي بس ماكو فايدة
الوجع زاد
بس تعبت وبعد مبية اتحرك من الضرب
علئ راسي ضربتني ودخت من الحديدة حسيتهه نبتت براسي
كل صراخي وعياطي وتوسلاتي مافادت وياهه
كرهت امي اضعاف مضاعفة فوك كرهي الهه..
رجع بية الزمن لمنال من عذبتني بالمطبخ علمود خواتي
نفس الشعور والاحساس حسيتة
الم مينتهي وماعرف شوكت راح يعوفوني
لا اني وطفلة كدرت ادافع عن نفسي
ولا هسة بهالعمر
ماعافتني الا واني جسمي كلة مزلغ ومدمي
ام اركان ـ هاي ثمانين جلدددة جلدج لانج بعدج باكر مو ثيب
لو متزوجه صباح زواج فعلي جان رجمتج للموت ببلوووك مو طابووك
بس للاسف الزنا بحالتج 80 جلدة
لو ميةةة لو الفف
جان فااخ كلبيي بييج
اسمع سلللطان
اقفل الباب عليهه وعلئ هالمصايب الوياهه بين منشوفلهم مصيبة تاخذهن
واريد اشوف منو يطلعج من هالبيت
الا اعووفج تخيسين هنا
ـ زنا!
هههه لو ادور هالسوالف جان حظي كعد وياج
سلطان ـ اااانجبببيي عااااااررر
ـ ماحجيت شي وركض علية سلطان لوة ايدي حسيتهه طكت من مكانهه
من الوجع انخرست
لا بية اصيح ولا بية احجي
ولا بية اتحرك
حبست الهوة برئتي وقطعت النفس
لان حتئ النفس يوجعني
فتحو الباب ودخلو خواتي
وطلعو وقفلو الباب وراهم
نغم ـ عزةة بعينهه الله ياخذهه شمسوووية بيج
ـ ااه اي
صبا ـ هاي ليش هيج سوووت بيج شكدد حقيرة
نغم ـ يمعودة لاتسمعج نصي صوتح
الحان ـ صاير شكلج يخوف من الجروح
ـ مـ مابي شي
نغم ـ قفلو الباب حتئ مي ماعدنة اغسلج
ـ مبية ا...حجي
نغم ـ الله ياخذهم وينتقم منهم
ساعه السودة الدخلو حياتنة
مووجنه عايشين براحه
ـ ماكدر احجي بس من الالم ابجي
متروس كلبي حقد علئ امي
ممكن اسامح منال
لان هية غريبة علية والسوتة يمكن عادي لان ابوية ماذيهه وفرغت حقدهه بينة
بس امي لا..
مستحيل اسامحهه
لان مالهه مبرر بتصرفاتهه..
بقيت كاعدة بمكاني
مبية اتحرك
نغم ـ خليني اساعدج تكومين تنامين علئ الفراش
ـ هزيتلهه راسي يعني لا
ـ وج عفية لاتبقين هيج نهاوند ماعدنة غيرج والله ماعدنة غيرج
ـ لاتخافين اني زينة ..
سندت نفسي وكعدت علئ الكرسي والميز مالت شهاب
جريت ورقة وقلم وبديت اكتب شعوري تجاه امي
ايدي توجعني من الجروح
بس جبرت نفسي وكعدت اكتب
اريد افرغ حقدي بالورق
ــــــــــــــــــــــــــــــ
شهاب ـ كل تصررفاتج حرااام بحراام
انتي منوو حتئ تجلدييهه بدوون بينةة بدووون دليل بدوون شهووود
اانتيي اصلااا مو حااكم شررعيييي بأأأاي حقق تسووين هيج بيهه
ام اركان ـ كافي شهاب احتررم نفسك
اني امك والي عليك حق الاحترام
حرام هيج تحجي ويايه
ـ لاتقنعيني انتي تعرفين الحرام والحلال
انتي كلشييي مفااهمة من الديييين
الدييين مووو هيييج
دينةة الاسلااامي موو هيييج
مو مثل ما اانتي تفصليييي علئ كيفج
الدين بي قوانين وشراايع موو انتيي اطبقيهه
ـ راح اغضب عليك
وتعرف غضب الام شيسووي
ـ غضب الام اذا جانت علئ حق
يسوي مصايب
بس اذا جانت باطل مثلج
فـ اني افتخر بغضبج عليه
ـ وووولك شهااااب
شهاااااااب اوووكف
ـ شتريدين
ـ لك شلون هيج تحجي ويايه
من شووكت هيييج تجادلني وتجاوبني
شنو نسيييت نفسك
نسييت انت منووو
يااحسافة التربية والتعلييم بيييك يااحساافة تعبيي بيك
ـ لا منسيت نفسي
والف شكر علئ تعبج ويايه
بس اني مو تربيتج ولا تعليمج
اني تربية عمي وكلش زين تعرفين هالشي
ـ هاااااا هسة صارر ابو وئل هو الرربة وعلمم وتعبب
ـ لو تربيتج جان هسة اني متطرف مثلج ومثل سلطان
بس اني مو هيج
والف الحمد لله اني مو هيج..
ـ عززةةةة بعييني
ااابن بطني هيج يحجيي وياية ممصدكةة ممصدكة
ولك ابوك بعدة مامات وهيج انكلبت عليه
لعد من يمووت شتسووي
شعرررفت من هاااي الادبسزز حتئ توكف وياهه ضد امك؟
ووولك اااكيد باجر عكبة همين تووكف وية مرتك ضدددي يالعاار
ـ ليش اني مخبل اتزوج هنا جايز منهه
ـ الله لايرضة عليك لادنية ولا اخرة
روووح
كلبي وربي غضباانيين علييك ياشهاب يا ابن رحمة...
ااخ يايبة تعال شووف شصار ببنتك
ـ ياريت لو جدي عايش
ـ لو عايش جان ذبحك يااعاق
ـ خلي يذبحني قابل
بس اخذ منة جواب علئ سؤالي
بيا وجه سماج رحمة
ـ يا ناقص يا نذل
اشرف ـ يمة مدري منو بالباب
ـ روح اافتحهه شبييك هيج اثول..
بسيطة شهاب ..
يطلع ابووك واني اعرف شلون اخلي يربيك من جديد
وابو وائل بعد تحلم تشوفة
والله الا اخلي يطردك
اصبرر وشوف
ياحسافة شهور الحباله
ولكم ياااعاقين انت واااختك
شماا تسووون طلكةة ووحدة من طلووكتي بيكم متوفيكم
اشرف ـ يمة هاي خااله شرريفة
شريفة ـ شنو صايرر فهمووني
ـ تعاالي ياا شريفة شووفي خيتج شسوو بيهه .. حال الظيم حالي
شريفة ـ شنو هالخبر فهميني هسة نسوان اخوتج خابرني كلشييي مفتهمت منهن رحت للبيت مالكيت احد اجيتج رركض لهنا شنو صاير
ـ شنو المفتهمتي اجوي ناس مسلحين واخذو اخوتج وابني ورجلي سودة علية وووك يمة اركااان بس لايسوون بي شييي
ـ كافي يمعوودة لاتبجين خلي افتهم..
ليش اخذوهم ومنو الاخذهم حاجين علئ احد مسوين مشكلة شنو صاير
ـ شبيج يولي الحية مرة ليث ماحجتلج
ـ ليش هو اني فتهمت منهه شيي
بس تبجي وتررجف
خلتني اتسوودن بهاليل وتخبلت علئ رجلي وخليتة يجيبني يمج
لج اااحجي فهميني لاتبقيني مثل التاايهه
ـ اسمعي لعد......
ها شفتي المصايب
ـ نهااوند
يمةة ياعييني نهووودة هنااااا
ووولج شلوون صاارر شكلهه
يمةة بعد روحي نهوودة
عفتهه عمرهه تلث ايام وبعدة شكلهه مطبوع بعقلي وووينهه نهااونـــ
ـ شدعوة الي يسمعج يكول انتي امهه مو خالتهه
ـ ووولج وينهه وينهه خليني اشووفهه احجي وياهه متتخيلين كلبي رايح الهه جنت اتمنئ اروح واشوفهه بس ماباليد حيلة
ـ يابة درووحي
صارلي ساعه اكلهه من جوة راسهه هالمصايب تكلي روحي رايحه عليهه
ـ لج رررحمة قذف المحصناات حرااام
حرااااام شنوو دليلج هية هيج سووت
ـ العندة عقل مثليي
يلكفهه وهي طايرة
بس شسوي لعقولكم الواكفة
ـ حرام عليييج يابنت النااس
لج هااي بنتتج مو بنت ضرراايررج
وبعديين هية بنيية ووحدة مااعندج غيييرهه
وصارلج سنننين مشايفتهه..
ياسنيين
لج اانتي من يوم الجبتيهه
متعرفين خلقتهه شنووو
وتالي من تلكااج هيج تسوين بيهه
ـ اخوتي ورجلي وابني
ضفررر واحد منهم
بركبتهه وركبه عشيرتهه
ـ لج اني مو عندي خمس بنات وولد واحد ورجلي شوفني الموت بعيني مساويت سوايتج
وعندي بناتي بالدنية كلهه
ولج رحمة ووين الرحمة بكلبج
ووين عاطفة الصخام الامومة العندج
ـ العاطفة شي والدين شي يا شرريفة
انتي مو ملتزمة بالدين لا انتي ولا بناتج
فالنقاش وياج عقيم
ـ ااني مو ملتزمــــة
ووولج اني اسووة رااسج بالدين
اانتي خللك وحدة متعصبةة و متطرفة وفاهمة الدين كلة بالمكلووب
ـ ها .. اني!
ـ وبعديين شبيهن بناتي
محجباات ومستورات وينحلف برااسهن كركووك كلهه تشهد بعفتهن وشرفهن وتشهد بتربيتي الهن
والف الحمد لله والشكرر
يحبني ويسمعن كلامي ويحترمني
ويحسبن الف حسااب للغلط قبل لايغلطنة
لا اني عاقة بيهن
ولاهنة عاقات بية
ووولج شنو برااسج عقلل لو قندررة
ـ روحي روحي اني صوجي معتبرتج اخت واشكيلج
رووحي حيري زوجي بناتج وستري عليهن كل وحدة عنست وبعدهه ملاكية رجال يلمهه
ـ احد كلج بناتي مكشفات ويريدن اليسترهن
ترة ممعتازات يتزوجن من عارات
وبعدين منو كلج يحتاجن احد يلمهن
شهايدهن بطولهن ويسوون الف رجال
روحي انتي شوفي جارة لولدج المتعايرة بيهم
وونصيحة
ديري بالج لا يدخلون بتنظيم القاعدة من ورة تطرفج وافكارج الغلط عن دينة ..
تعااال يمةة شهااب ووين اختـــك
وولك خطية هااي مظلوومة بعدهه بالكماط وشمرتهه امك
ووينهه خليني اشووفهه
ام اركان ـ الباب مينفتح
شريفة ـ ها!
حتئ الي؟
ـ ليش انتي منو مثلا
امي؟
روحي رجعي لبناتج وابنج عايفتهم بهاليل لوحدهم
ـ تفووو علئ هيج اخت تفوووو..
والله وزايدة عليج التفلة
شهااااب ووينهة احجي
شهاب ـ بغرفتي محبوسة هية وخواتهه
ـ ولج خااله نهووودة
نهودة خاله شلونج يمة شخبارج شلون صار شكلج .. ولج رحمة فتحيي الباب
ام اركان ـ متنفتح
ـ ارريد اشووفهه
ـ غير يوم وين تولي هي باقية هنا علئ كلبي
ـ عمتت عيينج
انطيينيااهه اني ااخذهه ووية بناتي
ـ لا رررجلج غريب عنهه ميجوز
ـ يعني اانتي لا ترحمين ولاتخلين رحمة الله تنزل
ـ شنو مسمعتي شهاب شكلج..
خواتهه تلاثتهن وياهه
بنات فؤاد يقصد
ـ صدك والله..
شهاب ـ اي وياهه تلث بنات مو كبار صغار
ـ ياعيني سودة عليه لعد شصاير بيهه ابيت عمامهه من ماخذة خواتهه وشاردة بيهن
نهاوند ـ سمعت صوت مرية غريبة تصيح باسمي وتحجي بحنية
ماعرفهة منو
تقربن خواتي علئ الباب يسمعن
واني بقيت بمكاني مبية اكوم
بس اصواتهن عالية يتعاركن ويصيحن
نغم ـ هاي منو
ـ ماعرف يمكن ضرتهة
ـ اشو مبين تحبج وين تعرفج ضرتهه
ـ ماعرف
مبية افكرر ولا بيية اسوي شي
شريفة ـ نهاوند
بنتي اني خالتج شرريفة
البقيتج يمي تلث ايام
رضعتج من صدرري وية بنتي الصغيرة
ـ من سمعت هالحجي كمزت يم الباب..
ام اركان ـ تريدين تدخلين الهه؟
ـ طبعاا فتحي البااب
ـ لعد ااتفقي وياهه تخابر كواويدهه حتئ اطلع الزلم
ـ افتحي واحجي وياهه
ـ ترة اقسم بالله اعوفهه تخيس بالغررفة
ـ فتحيي الباااب عاد ياظالمةةة
ـ سلطااان..
افتح الباب خلي خالتك تدخل عليهه..
الج عشر دقايق تقنعيهه
وراهه تطلعين وعوفيه يطبهه مرض هية اختارت
شريفة ـ فتحي يمعوودة فتحييي
نونة ـ انفتحت الباب ودخلت مرية سمينة وكصيرة
وجهه مدور
مو مثل وجه امي بالطول
وعدهه شامة يم شفتهه الجوة
ملامحهه تخبل
نفس البياض هية وامي
لابسة عباية راس بدون ربطة
دخلت علينة للغرفة شافتني وبقت واكفة مصدومة
عيونهه كامت تجري دمع
ـ ماشفت نفسي بالمراية يمكن صدك شكلي يخوف التفتت شوي علئ المراية
شفت نفسي
شعري مخربط ومكفش
وجهي مجروح واحمر نازل دم علئ كصتي ايدي متملخة قميصي مشلوعه منة دكمة
دنكت راسي وكمت اعدل بنفسي
متت قهر علئ روحي
ـ لج خاله انتي نهودة
ـ رجعت شعري ورة اذني باصابعي ..
اي خاله اني نهاوند ..
ـ سودة. عليه يمة
شصاااير بيج ..
لج نننقمةةةة انتي مو رحمةة
الله لا يرحمج لا دنية ولا ااخرة
يا مجررمة
ام اركان ـ وتاالي
كافي عاد شريفة
لااطلعين عينهه علية
يكفي السقووط الاخلاقي الهي بيي
نونة ـ لزمتني خاله من ايدي ورادت نكعد سوية علئ الجرباية بس عطت من الوجع
ـ عزة بعينج يا نقمة شمسوية بيهه
ام اركان ـ اني طالعه برة عشر دقايق كدامج
ـ طلعت وسدت الباب رحمة
بقيت اني وهالمرية الاسمهه شريفة. ويمنه شهاب وخواتي
حضنتني علئ كيفهه وكامت تبجي
وبجيت وياهه
ماعرفهه بس جنت محتاجه لحضن دافي انتجي عليه وابجي
ـ فدوة لهلوجه الحلو
شكد تشبيهن ابوج الله يرحمة
شهاب ـ شوفي اختج شسوت بيهه خاله البنية مدمرة
شريفة ـ احجيلي كلشي
شنوو صاير وياج
ـ احس بروحي مبية احجي ..
خـ خاله فج حلكي يوجعني
ـ حلكج
ـ هزيت براسي يعني اي
ـ لا اله الا الله
هالظالمة بيش ضربتج
شهاب ـ بحزام سلطان
ـ مبين بالبقجة الحديد ضاربتهه
ـ خاله انتي اخت امي
ـ اي يخاله اني اخت امج ورضعتج وية بنتي تلث ايام
ـ خاله ابووس ايدج ماعندج مكان تاخذيني اني وخواتي ابووس ايدج
ـ ياريت ..
لو وحدج علئ راسي
بس خواتج شلون
واني مو لوحدي عايشة
وية اهل زوجي
ووياية حمويني وولدهم
يعني هوسة وكوم لحم
ورجلي نحس ميتفاهم بهيج سوالف
ـ زين خاله قنعيهه اخذ اخوية شهاب واجر بيت الي ولخواتي
باوعت علئ شهاب ..
واني ادفع ايجار
انت معليك بشي كلشي عليه
عفية خاله لايرجعون خواتي لعمامي
ـ حسبي الله عليج يانقمة
شهاب ـ شيلي هللفكرة من راسج امي مستحيل تقبل
ـ صار عمرهه 35 سنة وعقلهه متطور ولا نفتح .. امج صعبة يابنتي
ـ ابووس ايدج خاله طلعيني منا
ابووس ايدك شهاب طلعنني منا
خواتي يموتن والله يموتونة والله
شهاب ـ اااش صوتج لاتعلي
خليهه عليه..
شريفة ـ كومي اسبحي كومي خاله معليج بيهه..
نزعت عبايتهه خاله شريفة وطلع شعرهه كاصته ولادي وصابغته اسود
بس شكد حلوة
مدري اني اشوفهه حلوة
دخلتني للحمام وكعدتني
وبدت تغسل وجهي وايدي واني ابجي
ابجي من الالم
وابجي من الخوف
خايفة لا عمامي يدرون بينة ويجون علينة
كل شوي اتخيل داخلين للبيت وماخذينة وذابحينة بحجة غسل شرف ..
ام اركان ـ اعترفت لو لا
شريفة ـ خلي تكدرر تحجيي اول شي
سالفتج حتئ اليهود ماسووهه
ـ ترة صبري خلص منهه
خلي اطلع اخوتي ورجلي وابني لاتشوف وجه ثاني
نونة ـ ماجاوبتهه خاله
دخلت للغرفة ونغم طلعتلي دشداشة لبيتهه وشهاب جاب مرهم مال جروح وخاله حطتلي
شريفة ـ اني لازم اروح هسة لان خابرني رجلي ..
باجر اجي واشوفج واكعد احجي وياج
ـ خاله ماعدكم مكان يلمنة اني وخواتي
ـ وين خاله
منو اليحمل اربع بنات بدون والي
هي البنية الوحدة ومسؤلية
مو عاد اربعه
ـ شهاب ولد شكوو بيهه اذا طلعنة كلنة ناجر سوية
ـ امج كوية خاله
وشهاب بعدة موو جبير حتئ يكدر يوكف بوجهه امه
ماعندج غير الدعاء تفرج عليج وعلئ هالمسكينات..
ـ باستني من راسي وكلتلي راح تجيب بناتهه باجر يتعرفن عليه
كلتله ان شالله ودك تلفونهه وراحت ..
كمت يم الشباك شفت السطح
الدنية ظلمة ميبين كلش
الداير بينهم وين جيرانهم وشي طويل يحتاج اشيل خواتي يلة يكدرن يعبرنة زين ومن يعبرنة شلون
منو يكول الجوارين يقبلون ننهزم منهم
يجوز يسوولنة فضيحة
ماعندي غير اشوف شي انزل منة للشارع
افكار هستيريه اجتي براسي بس علمود انقذ خواتي
مر الوكت وماكو صوت برة
ماعرف صارت ساعه بيش
الحان نامت وصبا يمهه
بس اني ونغم بقينة سهرانين
كل دقيقة تمر احسهه تاخذ من صحتي وعافيتي
شلون شسوي مر الوكت ومكدرت اهزم خواتي منهم..
نغم ـ مبين راح يرجعونة لعمامي
ـ التلفون لو يمي
ـ شسوين بي قابل
بعد ميفيدنة بشي
لان اصلا محبوسين هنا
ـ هالحجي يدمرني
ترة اعصاب مابقت عندي
ـ اسفة ..
بس كلما نكول انفتحت بوجهنة ..تنسد
ـ دنحجي وانفتحت باب الغرفة ودخل شهاب ..
ـ اااش لاتطلعون صوت
ـ يحجي ويانه بهمس ومشاورة...
شهاب ـ اخذي تلفونج بكتة من غرفة امي
ـ حسيت الامل رجعلي مرة ثانية اخذتة وضميته بالجنطة
ـ انتضرو فد ساعتين واطلعكم من البيت
ـ صددك
ـ عدكم مكان تروحولة
ـ اي عدنة
ـ جنت اتمنئ اساعدج
واوكفلج وكفة اخ لاختة
بس ماكدر اسويلج شي اكثر من الراح اسوي
منا لساعتين تصير ساعه ثنتين نص اليل
امي راح تنام لان متكدر تبقئ صاحيه تكعد من الفجر تصلي وتبقئ كاعدة فـ اكيد راح تنام واخوتي ينامون
بهالوكت اكدر اهزمج من البيت
ـ كمزت عليه وحضنته وبسته من راسه
ولو جانت نضراته حزينة وابد مفرحان
بس ماهتميت
لميت اغراضنة
ولكيت الباتري مالت التلفون ملفوف بهدوم شهاب وراسا فتحتة
لكيت ياسر كلش هواي متصل عليه
ودازلي مسجات
مكدرت اقراهن اخاف لا تدخل رحمة علينة
راسا دزيت رساله لياسر..
شلونك ياسر
ساعه ثنتين نص الليل
راح ننهزم من بيت امي ونمشي بالشارع هايمين علئ وجوهنة
ماعندي غيرك يخلصني من هالمكان
والدنية ليل ماعرف وين نروح
ياريت تجي وتخلصنة لان والله ماعندي غيرك
ياسر ـ مارجعت للبيت وبقيت كاعد يم سالار
عرفت اخذو خوالهه ورجل امهه وابنه وشمروهم هناك..
بقيت اتصل عليهه متشيلة
ادزلهه مسجات ماكو..
عجيب وين صارت هالبنت
بقئ بالي يمهه ليش مترد عليه
شنو صاير وياهه
ماريد ينذكر اسمهه يم هالناس
ولا يم خوالهه وزوج امهه
حتئ لا يعرفون علمودهه صار هالشي
بقت النار تاكل بروحي
وكل شوي اصبر بنفسي بسالفة
سالار ـ شبييك مثل المرة الدتطلك اكعد لاتضل تفتر
ـ بالي يمهه
ـ شبيهه يعني؟
ـ مدترد علئ تلفونهه ماعرف شنو صار وياهه
ـ شلون ترد عليك
اكيد هسة بيتهم مخبوص بالصار
ـ كلبي ممرتاح
ـ كلب والدة اسم الله عليك
ـ يعني شسوي مو بيدي قلق عليهه وعلئ خواتهه
ـ اكلك انت شنو سالفتك وياهه
ـ ياسالفة
ـ انت تحبهه وهالشي واضح عليك
ـ اوك احبهه
بس شنو الفايدة منكدر نتزوج
ـ هية دين وانت دين مو
ـ اي
ـ لعد شكو خابص روحك
ـ يعني الا اكو استفادة مادية يلة نخبص روحنة..
هية وكفة انسانية وياهه
شفت ضروفهه وعرفت كلشي عنهه
صارت مثل الكتاب المفتوح كدامي
اعتبرتني اخوهه الجبير
ـ اشگ
ـ واني راح اشك حلكك لاتضل تكمز بالحجي
ـ هههههههههههه
ـ اضحك شكو عليك..
بقيت كاعد العب بالابتوب
واراسل اميل وعمي نشوان وبقية اصدقائي ..
وكل ربع ساعه اتصل علئ تلفون نهاوند وماكو..
منا للصبح اذا ما اتصلت
يعني بيهه شي
ـ وشتسوي احنة العلينة سويناه
ـ اروح لبيت امهه وشيريد يصير خلي يصير
ـ انت مخبل لو متعرف بطابع العشاير العربية بابا ميصيرر ميصيررر حتئ مو لائقة تروح لبيت امهه تسأل عنهه غير يسحلووك سحل ويعلكوك بعامود الكهرباء
ـ لعد شلون ششسوي شلون اعرف بيهه بخير يجوز سلموهه لعمامهه
ـ ياعمام..
مو اهلهه ابغداد شيجيبهم بهالليل
اكعد واسكت يمعود لاتجيب مصايب لروحك
ـ اااوووف
ـ هسة وصلني مسج من الشباب
خوالهه اخذو كتلة مرتبة
ـ عاشت ايدهم
ـ عد عيناك وعلئ يمناك
ـ كفو متقصرون ...
بقيت سهران مكدرت انام
كل شوي اطلع برة البيت وارد ارجع
الئ ان مليت وبقيت كاعد برة
ـ لك الجو باررد امشي ادخل جوة
ـ مخنوك ماكدر
ـ انت عندك عقل تريد تتمرض
ـ ادخل سالار يمعود عوفني لوحدي لخاطر ربك..
ـ اروح انام ورايه شغل الصبح
ـ روح..
دخل سالار للبيت واجتني رساله ورة دقايق..
راسا فتحتهه شفت مسج من نونة احس كلبي يريد يطلع من مكانة من فرحتي الحمد لله هية بخيرر ...
دكيت عليهه وشالته ..
نونة ـ الو
ـ نونة وووين انتيي نشفتي دمي
ـ ما اكدر احجي هواي خاف يسمعوني
ـ لاتخافين صديقي يندل بيتكم من هسة راح اجي واوكفلج
ـ يلة باي ..
حسيت احد علئ الدرج خليت التلفون جوة الفراش ..
ثواني ودخلت رحمة
ـ نامن هذني..
اني اروح انام
ودانشي روحج للصبح
اذا اطلعين خوالج وعمج اركان واركان
ممكن ابقي خواتج يمنة
ـ باوعت عليهه بدون ما احجي ولا كلمة
مبين عليهه كذابة تريد اطلعهم بأي طريقة وتستفرد بينة وهمين ادزنة لعمامي
اذا هية حكمت عليه زانية وهية مشافت شي بعينهه تريدني هسة اصدك بيجج
راحت ونزلت جوة
وطلعت التلفون خليتة بالجنطة
بقيت كاعدة وانتضر شوكت تنام ويجي شهاب علينة..
ياسر ـ دخلت ادفر بسالار ممصدك راح اشوف نونة .. لك كوووم مو ووكت نووم
ـ شتررريد يمعووود
ـ كوووم احتاج سيارتك دنروح نجيب البنات من بيت امهه مو انت تندلهممم
ـ لك بهالوكت مخــــبل انت
ـ اامشي يمعوووود كوووم مو وووكت حجييي كوووون
ـ اووكف خليني ابدل
ـ التراكسوود حلوو مبي شي البس هالكووت لان باردة يلةة امشيي كووووم
ـ ولك اوكف شبعتني دفرات بالخبل
ـ اخذت سالار وسيارتة وطلعنة لبيت نونة وكفت شوي مسافة عن باب بيتهم
وطفيت كلشي وكعدت انتضرهم اني وسالار.
نونة ـ الساعه عبالك متمشي
كلما اشوفهه ساعه وحدة ونص وشوكت تصير ثنتين ما ادري
نغم تعبت من الكعدة خطية بس متقبل تنام شوي ...
تقريبا وية ساعه ثنتين الا ربع كعدت خواتي صبا ولحونة غسلت وجهن وفهمتهن يبقن ساكتات اخذت شحاطاتهن وخليته بالجنطة كلنة نطلع حافين من البيت احسن حتئ ميحسون علينه
وكعدنة كلنة ننتضر
شهاب ـ يلة امشو بس لاتطلعون صوت
ـ امشن بنات يلة
طلعنة نتسحب وشهاب كدامنة
احس الدرج صار شطوولة
فوكاهه غرفتهه يم الدرج
افكار ومصايب اجتي براسي
هالبيت شكبررة يالله شوكت نوصل للباب
بالكوة وصلنة باب الهول
وفتحهه شهاب علئ كيفة
وراسا طلعنة للطرمة
بقت الباب الجبيرة
شراح يطلعنة منهه
مكتوب عليه اني وخواتي نبقئ هيج حالنة
واعيش هالشعور مرة ثانية
رعب وخوف وارتباك من المجهول ..
وصلت قبل شهاب للباب وفتحتهه علئ السريع
جريت خواتي وطلعتهن قبلي
وسمعت امي ورانة
ضربت شهاب خطية بس بقئ واكف بوجهه يمنعهه تتقدم علينة
ام اركان ـ لك انت كواااد مكرررن تسوي هييج بااختك
شهاب ـ عوفيهه حراام علييج عوفيهه تعيش خواتهه
ـ ووخرر ساااقط
نونة ـ لزمت خواتي وطلعت اركض من البيت
شفت سيارة يم باب البيت شغل اضوية. وانفتحت الباب
نغم ـ هذااا عموو ياسرر
نونة ـ اااصعدوووو بسررعه
ام اركان ـ لج كحبـــــ وووين راحية
شهاب. ـ كافي فضحتينة صووتج
نونة ـ صعدنة كلنة بالسيارة
وشخطهه بسرعه وطلع بينة ياسر علئ الشارع...
وللحكاية بقية.... 🥀
اسفة اتاخرت عليكم بس جان عندي وفاة ومكدرت اكتب
وماحبيت اتاخر اكثر عليكم لان مالكم ذنب
ولو البارت شوي بدايتة حزينة يمكن انعكس حزني وحزن البطلة عليكم
اعتذر جدا منكم وان شالله الجاي افضل
هذا الكدرت اكتبة صدكوني