الحلقة الثالثة والعشرون
#ليلة_من_فبراير
سقوط الإنسان ليس فشلاً،
إنما الفشل
أن يبقى الإنسان حيث يسقط
لا يصنع الرجل الحياة،
انما الحياة تصنع منه رجلاً.
❤️
احمد ـ اي خلص
انتي قاصر واي توقيع الج ممحسوب لازم ولي امرج
ماوية ـ زوجهه ولي امرهه غير
ـ اي خالي صباح هو المسؤل عنهه
وطالما مو خالي الموقع
لاتخافون ميصير شي
الا اذا خالي قبل بالورقة وصدقهه
هنا كلشي ينقلب لصالح جدي ..
ماوية ـ الله يبشرك بالخير يوليدي
يمة صدقة اروح لهل وجه
ريحت كلبي الله يريح كلبك
اذا صدك هالحجي ينهاوند
ماكو شي نخاف منة بعد
نهاوند ـ عفية يعني صدك هالحجي
احمد ـ اي مرة خالي لاتخافين
والله ماكو شي هالورقة حاليا لا تاكل ولا تشرب اصلا يضحكون عليه اذا قدمهه للشرطة
همام ـ ترة جدك متفوتة هيج سالفة شنو متعرفة
احمد ـ زين يمة انتي قريتي الورقة ؟
ـ لا ماقريتهه كلهه هيج لمحة منهه
ـ شمكتوب بالضبط؟
ـ ما حافضة الحجي بالضبط بس عود نهاوند بايكة منة 100 الف دولار ومعترفة علئ روحهه
ـ زين شفتي اسم خالي صباح توقيع الة ختم باسمة
ـ والله يمة ما انتبهت
اذا هو يم المركز خلاهه توقع وبالشارع واكفين متكلي شلحك اشوف
ـ اذا ورقة بيضة عادية مثل ورق الدفتر مابيهه ختم ولا شي فهاي معناهه لعبة منة.. هيج سوالف يحتاجلهه شهود كاتب عدل او محامي وختم معترف بي مو كوترة السالفة
همام ـ هم صح حجية
لان اذا بس ورقة متاكل يم القانون تعتبر مزورة
ماوية ـ ها صدك
احمد ـ اتعشو يابة اتعشو وربكم ماكو شي مسوي هالورقة حتئ يضحك عليكم بيهه
ماوية ـ اتعشي نهاوند لاتخافين طالما حمودي دخل بالسالفة اطمني
ـ عمي اذا صار شي اني احجي وية المحامي الاشتغل عندة اخلي يلزم قضيتج بعد شتريدين..
ولو ماريدة يعرف عائلتي
ولا اريدة يتعرف علئ جدي لان استعر منة
بس لخاطر خالي صباح يدلل عليه
اكلي اكلي مرة خالي اكلي وترسي بطنج لاتخافين
نهاوند ـ شوي اطمنت من حجيهم بلكي صدك ميكدر يسويلي شي
كعدنة نتعشئ كليتنة سوية
اولاد ماوية كلش حبابين ومرحين ويضحكون للهوئ الطاير
كاعدين يتعشون وينكتون بيناتهم
حاطين كبة حلب وتمن ومرك وشوربة عدس وطرشي مال بيت مبين هية مسويتة وخضرة وزلاطة
وصاير الاكل بركة ..
