الحلقة السادسة والثلاثون
#ليلة_من_فبراير
❤️
نهاوند ـ ما اعرف يمكن مدعرف اوصل الفكرة الكم
بس الاقصدة
هذول اهله بالتواسيل والشافعات يلة قبلو بية
معناهه راح اعيش طول العمر واني اقل منهم يباوعولي بنضرة احتقار
لاني مسجونة ومطلقة وفوكاهه كوة قنعتوهم بية اكيد نضرة الاحتقار ماراح تفاركهم عنيام مهند ـ شسوين بعد ياخاله
هاي الله وهاي حكمته
وبالدنية منحصل علئ كلشي نريدة
علئ العموم
اليوم ثنين ..
الجمعه الجاية لازم تكونين ابيت عمامج
معناهه الاربعاء لو الخميس ياخذوج حتئ نحجيلهم ويحضرون نفسهمـ كلبي انعصر من سمعت هالكلمة
اتمنيت اني وخواتي نموت سوية
ولا يجي هاليوم و نروح هناك..من كلتلي اليوم ثنين والخميس ناخذج كمت احس الوكت يركض والساعات تركض
كلبي ممرود ومقبوض وممرتاحة
ياربي همين راح نرجع للاذيةام مهند ـ نونة تعرفين تسويلنة حلاوة حليب ؟
ـ ما ادري ممجربتهه
ـ هاج هاي الورقة كتبتهه الي صديقتي اكلتهه يمهه تخبل واخذت المقادير منهه الج وروحي سويهه حبابة اشو نفسي جاية عليهه فد مرة بس هاا لازم بالمقاديرر تسويهه وركزي عليهه ابد لاتتعوفيهه ترة تحترك وتتلف
ـ اي حاضر ..
كمت ورحت للمطبخ وبديت احضر الحلاوة
عقلي شارد وكل شوي اتصفن
وهالحلاوة يحتاجلهه وكفة وتركيز
كوة جمعت عقلي وكعدت اشتغلنغم ـ ليش ماصعدتي يمنة فوك
ـ نغومة شجابج يمي حبيبتي صعدي يم خواتي لاتعوفيهن
ـ صدك راح تتزوجين
ـ حسيت ايدي بعد متتحرك
ماعرف شسوي الحلاوة راح تحترك
وهاي جاية تعاتبني
طفيت الطباخ ووكفت..
نغم صعدي هسة وبعدين نحجيـ اريد اعرف
ـ اشو صايرة تتسنطين هواي
ـ ليش عليمن اتسنطت؟
قابل علئ الغريب
غير انتي اختيـ حتئ لو اختج عيب هالتصرفات
ـ لاتضلين تتحججين
كولي راح تتزوجين وتعوفينة لوحدنةـ وج والله مو هيييج
ـ لا هو هيج ..
مثل ابوية وامي همين عافونة وراحوـ قابل بيدهمم يموتون ويعوفونه
لج شبيج اشو متعرفين تحجينـ اذا همة مو بيدهم يعوفونه ويروحون
انتي بيدج تعوفينة وتروحين
وبيدج متعوفينة وتبقين يمنةـ ولج شنو هالحجي ..
الله يخليج اصعدددي مو وكت هالحجي بالليل نكعد نسولفام مهند ـ ها نونة خلصتي الحلاوة
YOU ARE READING
ليلة من فبراير
ChickLitقصة حب تجمع دينين مختلفين باسباب وضروف غريبة وصعبة علئ كلا الجنسين