الحلقة الثامنة والاربعون
#ليلة_من_فبراير
لا علاقة للأيام بالنضج،
نحن نكبر بمرور الناس في حياتنا.
❤️
كميلة ـ لا تلفين وادوورين
انتي وين
عمامج مابقو مكان ما سألو بي
حتئ علئ علاء اتصلو وسألو
عبالهم رحتي يمة
ـ خايفين عليه عود
ـ تعرفيهم كلش زين يدورون مضاهر ويريدون يذبون الشينة براسج
ـ من زمان ذابيهه براسي
ـ وين انتي عمة بيا بيت
ـ معرفت شجاوبهه
حايرة اكلهه اني بكركوك لو اسكت
ـ ليش ساكته جاوبي بيا بيت انتي
ـ يعني ليش تريدين تعرفين ياعمة
ـ صدك تحجين
لج طلعتج هاي عمامج ذبوهه براسي تهموني اني مهزمتج من البيت
ـ ليش عود؟
ـ بلة هذا سؤال؟
مو جنتي ابييتي باايتة
ـ اي
ـ شنو اي ؟
يعني هسة انتي معرفتي تنهزمين كل هااي الايام ...
الا من بتي ابيتي
ليش تجيبلي المصايب ووجع الراس
هو هذا جزاء الاحسان
ـ مو قصدي أذييج والله
ـ شلون تصير الاذية بعد
ولا واحد من عمامج لفاج ابيتة
لا راشد ولا ناصر
بس اني دخلتج وساعدتج
واشيل وانطيج واداريج انتي وخواتج وتالي تجيبيلي الحجاية من التسوة والمتسوة
ومنو منال وام محمد يحجون علية شلون اثنين
ـ شديحجن ؟
ـ تعالي شوفي نسوان عمامج شديحجن ويسمعني حجي بسببج..
ليش يانهاوند هاي تاليهه
ـ اهدئي عمة
ترة انتي بيتج مو وحد عن بيوتهم
كلكم تشتركون بنفس الباب و نفس البيت شنو يفصلكم بس باب ..
ـ اي ليش انهزمتي جان كعدتي حجيتي واجهتي
ـ ماجان سويتولنة شي
وبعدين والله العظيم
لو ما سمعت منال شتريد تسوي بينة اني وخواتي ماجان تبهذلت وطلعت اني وهالبنات الصغار بعز البرد ..
حتئ مندري وين نولي
طلعنة وشردنة بالرروح العزيزية
فلا تكليليي ذبوهه براسج
ـ لعد براس منو وكعت اكو غيري
ـ لا عمة انتي قوية
خصوصا بالفترة الراحت صارو يحسبولج الف حساب
تكدرين تحجين بوجهم وتواجهيهم
كولي منو منكم لفاههم يمة
منو ذكرههم كل هالاشهر
شأكلو شلبسو شلون نامو
بردانين لو خايفين
اشو الكل مغلسين عنهم..
ـ ومنو يعترف يمعودة
ـ حبيبتي عمة الله يخليج لاتضوجين
ترة والله عندج الف طريقة للرد عليهم واطلعيهم همة الغلطانين
ادري بيج سباعية وقوية ومتفوتج هيج سوالف
