ليلة من فبراير

part 67

الحلقة السابعه والستون

#ليلة_من_فبراير

النِّسيانُ دَواءٌ، يَزولُ مَفعولُهُ لَيلاً
فَـ تظاهر بأنّك بخير دائماً
مهما عصفت بك الحياة،
فالكتمان أجمل بكثير
من شفقة الآخرين عليك.

❤️

نهاوند ـ صح كلام بركات
اني عندي 3 خوات وكلبت الدنية علمودهن
بينما ياسر بسببي خسر اهله وكل عشيرتة وناسة

عمت عيني شكد انانية
وما حاسة بروحي
خلص اطلك منة
حتئ ترجع علاقتة
باهلة وناسة طبيعية مثل الاول

كتبت لبركات ..
اني قابلة اطلك منة
بس احجو وياه الله يخليكم
راسلو لان والله كلش مريض
كطع الاكل والشرب علمودكم
متدري شكد يحبك يابركات
دائما يذكرك كدامي بالخير
انت وخواتك واخوتك
واني علئ حبة الكم حبيتكم
بس راسله الله يخليك
وكلة كلمة اطيب خاطرة
واني عد وعدي وكلمتي
راح اتركة وداعت خواتي وياسر الماعندي اغلئ منهم..

رسلت الرسالة
وكعدت انتضر ردة
مر اكثر من ساعتين
وماكو جواب
كل شوي اروح وارجع للابتوب
بس ماكو رد..

ياسر ـ جنت متمدد بالفراش
واجاني اتصال علئ التلفون
باوعت هذا سالار
ولو مابية حيل احجي
بس عدلت كعدتي وحجيت وياه ..
ياهلا بضلعي

ـ لك انت خليت بيهه ضلع
تجي للعراق ياناقص ومتمر عليه

ـ حقك والله بس صارت ركض ركض ومافكرت امر لاحد

ـ كول نسيتي وفضهه

ـ يابة وداعتك مو هيج

ـ لك غير غالي عليه وادورك
لو ماغالي منو يتفطن بيك

ـ ادري وداعتك
بس شسوي

ـ احجيلي شنو صار شبيك اشو صوت فد مرة متغير

ـ حجيتلة الصار وياية
وسولفنة عن وضعه
ووضعي
وعرف ليش اجيت للعراق ..
بس مابيدة شي غير يهدائني
ويهونهه عليه

ووعدتة علئ المرة الجاية امر عليه
ونبقه سوية فد اسبوع يلة قنع
ونهيت المكالمة

حسيت نفسي كلش جوعان والم براسي ماعرف من شنو
من الجوع
لو من النوم
لو من الادوية ..
سندت نفسي وارتجيت وكمت . .
وكفت يم الباب
شفت نونة لازمة الابتوب
ومعاني وجهه حزينة جنهه تريد تبجي
اكيد داخلة كوكل ادور عن علاج الي
خطية والله هالبنية متأذية هواي علمودي
نونة ..

ـ كاعدة انتضر رد بركات
وسمعت صوت ياسر
رفعت راسي لكيتة واكف مرتجي علئ الباب ..
شمرت الابتوب من ايدي ورحت اركضلة
صلوااات ياربي ممصدكة عييني واكف كدامي
عيون نونة ورحهه وكلبهه وعمرهه

ـ تسلميلي غلا..
احس روحي كلش جوعان
وراسي يوجعني ودايخ

ـ اي مو تدلل يانضر عيني
أمر وكول شنو مشتهي