الحلقة الثانية عشر
#ليلة_من_فبراير
لا تتعب نفسك
لا أحد يستطيع شم أحزانك
مهما امتلئ صدرك برائحة #الاحتراق
❤️
منال ـ ياهلا بأم قيس الحمد لله علئ سلامة ابنكم ..
فاطرة صايمة
ام قيس ـ صايمة والله يتقبل منا ومنكم
ـ من الجميع عيوني ام قيس
ـ جاية احجي كلمتين يمج
واخذ الجواب ...
وان شالله خير
ـ اي تدللين عيوني الج .. بالخدمة
ـ تسلمين حبيبة ..
تعرفين ابني الجبير الله يحفظة طلع من السجن وناوية ازوجه
ـ اي بالخير ومبارك ان شالله
ـ واريد ازوج قيس هم وياه
يعني تعرفين شوي الضروف هالوكت مدري شلونهه
ونويت ازوجهم سوية
ـ اي ليش لا مابيهه شي عادي هواي ناس تسوي هيج من زمان ..
بس مفهمت شنو المطلوب مني
ـ ههههه..
والله المطلوب منج
عروسة لابني قيس
ـ ههه وضحي اكثر ام قيس
ـ هاا هههه شوضح بعد ..
رايدة بنتج دعاء لابني قيس
ليش استغربتي
انتو عائلة مستورة
بيت حجي حمزة الله يرحمة
علئ الصيت الناس تجيكم
ميحتاج نسأل عن بناتكم وعنكم
ماشالله ادب واخلاق وجمال و اصل وفصل...
ـ رحم الله والديج حبيبة
انتو هم لا قصور بيكم بيت ابو قيس الكل يحلف براس ولدكم
ـ فدوة لكلبج
وهسة شكلتي شنو جوابج
ـ انتي ام الاصول ام قيس
تعرفين من فترة توفت امي ماصارلهه هواي
ـ الله يرحمهه ويصبركم
بس صارلهه فوك الشهرين
والمات راح لرحمة الله ام وسام
وهالزمن الينتضر تطلع السنة للمتوفي معناهه يخلص عمرة وهو كل شي مسوي الموت صار بالجملة
ـ والله صح كلامج
الله يرحمهة ويغفر الهه..
ـ ها هسة شكلتي
ـ ماتغير شي حبيبة ..
هم ماكدر انطيج كلمة
عدهه اب وعمام وخوال
لازم اسألهم
وهي هم لازم اخذ رائيهه
ولو اعرف بنتي ملتهيه بدراستهه
ومو ابالهه هالسوالف
بس محد يعرف القسمة شوكت تجي
ـ لا ماكو ابنية مو ابالهه هالسوالف
واذا صارت القسمة ان شالله
فـ الدراسة هية وقيس يتفاهمون عليهه والبنية ترة مالهه غير بيتهه ورجلهه وجهالهه .. الرجال الزين هو اليفيد بهالوكت
ـ اي والله صدك ..الله كريم ..
ـ يلة عيوني اترخص منج
عايفة الفطور علئ النار والبيت فارغ خطية كلهم بالشغل
