الحلقة الثامنة والثلاثون
#ليلة_من_فبراير
❤️
نهاوند ـ حسيت اكو احد ديتقدم عليه التفتت وشفت هاي المرية فوك راسي واكفة
استغربت منهه
هاي شبيهه هيج تباوعلي
ـ اكلج انتي مو تشتغلين خدامة عند ام مهند؟
واسمج نهاوند؟
ـ انصدمت من حجيهه وبقيت صافنة بوجهه معرفت شجاوب
حسيت بذيج اللحضة
صرت بنص هدومي
خصوصا هالمرية تحجي بصوت عالي ورافعتلي حاجبهه
وعبالك كاشة روحهه مني
اباوع علئ منال
وجهه احمر وعيونهه تجدح نار وشرار
الناس الموجودين كلهم سكتو
هالهوسة الجانت تارسه الهول
وصريخ جهال وسوالف نسوان
والضحك ..كله راح وصار هدوء
حسيت الموجودين كلهم يباوعولي
راسا اجتي مرية ثانية ووكفت يم هاي المرية وباوعتلي باستغراب
ـ اكلج انتي شتصيرين من دعاء؟
ـ منال ماحجت شي
بس عيونهه تطافر غضب وتبلع بريكهه
ام محمد وبناتهه ساكتات ويتفرجن
عمة كميلة نفس الحاله ساكته وتباوع
ردت احجي بس حسيت لساني انشل
يمكن خوف او خجل ما ادري
قبل لا احجي بثواني
دخلت خاله ام عمر للحلفة
حسيتهه المنقذ الراح تنقذني من هالموقف
كلش محتاجة لحضنهه
اريد استند عليهه واحضنهه وابجي
بنص هالناس جريت خواتي وركضت عليهه خاااااله
ام عمر ـ نوونة !!
يمةة فدوووة لهلوجه
هلااا لج نوونة
انتييي هنااا وووولج
واني ما اادري
لج بذاات لا تجيين لا تمررين لاتسأللين عليية
وولج حبيبة كلبييي شكـــد مشتااقتلج ياعيوني يابنييتي شلونج اااخباررج شلونه رجلجج ان شالله زين ووياج
ووينة خلي اتعررف عليه جبتي ووياج
يمة يمة يمة فدوةةة
لج هذني خوااتج
يااعيووني شكد كبراانات
فدوووة للخلقلهن
يمة صلي علئ النبي شلون حسن وجمال صايرات
منال ـ عيوني ام بسام
ام عبد الواجد حبيبة
لا يضل ابالكم هلحجي مو صحيح ويخلق من الشبه اربعين ياعيوني
تعالو تعالوو استريحوو انتو فاهمين غلط
ام عبد الواجد ـ غلط شنو؟
اني واثقة شايفتهه ابيت ميسون ام مهند جانت تخدم علينة و تقدم وتشيل الزبل اي اي هية حتئ ميسون ادلعهه نونة مو انتي هية نفسهه؟
ام عمر ـ شنو تخدم حبيبة ؟
ليش يمة بيت عيالج اسمهم بيت ام مهند؟
منال ـ لا لاا يخلق من الشببه ارربعيين
تعاي دتعااي يا ام واجد
ام واجد ـ ياا اربعين شايفتني غشيمة كداامج هيية يني هية بشحمهه ولحمهه
ام بسام ـ زين انتي شتصيرين من دعاء؟
ام عمر ـ يا شلون متعرفون
نونة تصير بنت عمهه شگ المنشار لدعاء هاي بنت ناصر
وهاي نهاوند بنت فؤاد الله يرحمة
YOU ARE READING
ليلة من فبراير
ChickLitقصة حب تجمع دينين مختلفين باسباب وضروف غريبة وصعبة علئ كلا الجنسين
