ليلة من فبراير

part 32

الحلقة الثانية والثلاثون

#ليلة_من_فبراير

انمار ـ خصم الحجي فتشي وفضيهه

نهاوند ـ بدت تفتش باغراضي براء
مكدرت احبس دموعي امسح عيوني وترد تغوش
اريد اشوف مين راح اطلع السوار
حسيت بيهه تريد تنتقم مني لاني ماحجيت شي عن ام مهند

سهام ـ انتي نطيتهه هواي اغراض يجوز السوار بالجنط لو بالهدوم النطيتيهيا

ـ لا اني واثقة هااي باكيتة مني
جيبي الجنطة ..

جرت جنطة ملابسي مني وكامت تفتشهه ثواني وصرخت
شــــوفوو مو كلتلكم هاااي حرااامية

ـ الكل ضل ساكت وعينهم عليه
صح ابجي ودموعي تنزل مثل المطر
بس مكدرت اسكت عن حقي
خصوصا جانو كلهم ساكتين وينتضرون مني تفسير
اسمعي زين وخلي ابالج..
اني مو حرامية ولا عيني فارغة
اصلا هالامور ما اهتم الهة
اشكال شفت بهالبيت
وابيت خاله ام مهند
لا اتقربت ولا مديت ايدي عليهن
وجنت اكدر اخذهن واضمهن
ولا احد يدري بية
بس هذا مو طبعي
لاني تربيت احسن تربية والكل يشهد باخلاقي
لو اموت من الجوع ما امد ايدي علئ شي مو مالتي
اتقربت علئ اغراضي وعزلت اغراضهه وذبيتهن عليهه
واخذت بس جنطتي الاجيت بيهه ..
وهاي اغراضج الذليتيني بيهه اخذيهن
حسبي الله ونعم الوكيل عليج
تتهميني هالتهمة الباطلة
التفتت علئ خاله حكيمة وكلتله
بقت يمج خاله
تصدكيني او لا بكيفج 
جريت تلفوني حتئ اخابر

حيكمة ـ  عليمن دتخابرين

ـ علئ خاله ام مهند

ـ عوفي التلفون خاله ..
يا براء هالبنية ماعدهه هيج سوالف
جانت جوة ايدهه كومة فلوس وذهب وكلهن ناسيتهن ولا ادري بيهن واجتي بكل امانه انطتنياهن

براء ـ اي وشمدريج هذني كلهن نطتهن الج
منو يكول ما اخذت منهم وضمتهن انتي دتكولين ناسيتهن ومتدرين بيهن
يعني متعرفين شنو اكو العندج والماعندج
فـ يا خاله لا تصيرين فطيرة وبكل شي تصدكين ياعيني

ـ راسا فتحت جنطتي كدام خاله حكيمة وكلتله فتشي ملابسي وفتشيني اذا لكيتي شي الكم عاقبيني ..
رغم اتصرفت بهالطريقة العفوية
بس جنت مرعوبة لا حاطتلي براء شي بين هدومي لان دتتحجي بثقة..
باوعت عليه خاله وعلئ جنطتي وردت التفتت علئ براء

حكيمة ـ البنية ماعدهه شي صارلهه شهور يم ام مهند ماشكت منهه وتعرفين ميسون عدهه ذهب يسوة ذهبج بالف مرة ..
بس انتي ياهي التجي تنظف اطلعين بيهه لولة وخصوصا اذا جانت من طرف ميسون

ـ اااني خااله ااني

ـ اي انتي ياخاله اانتي ..
تعال يمة انمار اخذ البنية وديهه لبيت خالتك

ـ يعني متصدكووني واني جنتكم مرة الجبير وتصدكون بخدامة

سهام ـ ترة البنية ماسوت شي
يعني شلون كوة نلزك بيهه تهمة