الحلقة الثامن والخمسون
#ليلة_من_فبراير
❤️
نهاوند ـ بقيت قافلتة و حجيت من ورة الباب ..
منو
ـ انتي منو
ـ عيني المن رايدين
ـ هذا مو بيت ياسر؟
ـ ها ..اي
ـ انتي منو وشسوين هنا ابيتو
افتحي باب خلي نحجي وياج
ـ عزة هذول يخوفون..
انتو منو شتصيرون من ياسر
ـ احنة اخوتااا
انتيي منوو الخداماا لو اشنوو ؟
ـ انصدمت من كلولي اخوتة
معرفت شسوي
ارتبكت وبقيت واكفة بمكاني
اشو ماكال راح يجون اخوتي
جان علئ الاقل انطاني خبر
ليش يخليني هيج تايهه ...
ردت افتح الباب بس اتراجعت
زين منو يكول صدك هذول اخوتة ..
عزة بعيني
لا ما افتح الباب الهم
هو موصيني ما افتح لاحد
شمدريني هذول اخوتة صدك لو لا
ـ افتحي الباب عاااد
خلينا نفتهم منو اانتي وشأسوين ابيت اخونا ياسر خدامة حرامية اشنو انتي اافتحي
ـ تـ تـرة ياسر ماكو
مو هنا مموجود هسة
ـ وانتي منو ؟ ااشنو اتسوين ابيتو
ـ نبرة صوتة صارت تخوف
عفتهم وطبيت اركض للبيت
وقفلت الباب..
كامو يدكون بالجرس شي ورة شي
ويدكوم الباب قوي عبالك راح يكسرو
احس كلبي وكف
ركض صعدت فوك اريد بس اوصل للغرفة خواتي كعدن من النوم خايفات ويبجن
نغم. ـ عززة منو هذذذوول عمامييي اجوي راح يكتلونة
ـ لج ياصخامج
لاتخااافون مو عمامكم هذول
ـ لعد ليش هيج يدكون الباب
ـ اخذت التلفون وخابرتة
بس خلي يجاوبني ياسر وافتهم اصبرري..
بقئ يدك طلعت روحي بين ماجاوبني…
ـ الو ها نهاوند
ـ يمعووود ووينك
اكو زلم كبار بالباب واكفين يكولون احنة اخوتة افتحلهم الباب لو لا
ـ اخوتي ؟
لالا لاتفتحين الباب لاحد
اصبري منو هذول
ـ ماا ادري يمعود مدتسمع الباب راح يفلشو علينة والجرس مديوكف
ـ اصبري دقايق واني يمج..
سديت الخط وياهة وطلعت اركض رأسا خابرت علئ حيدر اخوية اريد افتهم صدك همة هنا لو اشنو الفلم
الــــــو
حيدر ـ وووينك يااولــد
صارلنا ساعة واقفين اباب بيتك
واكو بنية جوا ماتقبل ادخلنا
منو هاااي خدامة لو ااشنو فهمنااا؟
ـ ااشنو هاي
اشوقت اجيتوو
وليش مانطيتوني خبرر
ـ ما ستحيت من نفسك هيج تقول لاخوتك..
يعني واذا ماقلنالك راح نجي تبقينا بالشارع !
ـ لاا ما هيج قصدت
اشلون مادخلكم
اوكف اوكف وصلتكم سد التلفون..
رحت اركض للباب
شفت اخوتي حيدر وهافال وبركات ووياهم اختي الجبيرة رغداء
انصدمت بشوفتهم
وبقيت واكف اخذ نفس
اجيت علئ ركضة وحدة احس انكطع نفسي ..
حيدر ـ لا ترحيب ولاسلام ولك اشبيك
ـ نورتو..
الحمد لله علئ سلامتكم
البيت بيتكم
بس ليش مانطيتوني خبر
ـ غير جايين نواسي اهل صديقك مو البارحه كلت لسليمان امو لاميل اتوفت
ـ اي صح ..
الله يرحمه
رغداء ـ لازم نأديلهم الواجب
وكفاتهم وياك كبيرة
واحنة همين صار بينا عشرة وخبز وملح من زرناهم قبل سنتين اشنو ما تتذكر
ـ اي شلون ما اتذكر ..
عاشت ايدكم اصحاب واجب
رغداء ـ راح نبقئ واقفين علئ الباب ونحكي؟ ماراح ادخلنا!
ـ لا لا..
يلة اتفضلو ...
فتحت الباب ودخلتهم للبيت
شايل هم بكد شعر راسي اشنو راح اكللهم عن البنات والبيت القسمتو بدون حتئ ما انطيهم خبر ..
رغداء. ـ اشنو هالفوضئ
شعامل ابيتك وهيج قالبو
ـ اي مو…
بركات ـ ولك هاي شمسوي
ليش ساد الهول بهالجينكو هذا
وين مطبخك وين الدرج وين غرفتك يولو
ـ اصبرو بس خلي اففهمكم
حيدر ـ وهذه البنت الطلعت النا منو؟ ووينها واشعدها ابيتك
هافال ـ شوفو شعامل
حتئ الحمام قالبو شمسوي ابيتك ولك فهمنا
ـ خلوني افهمكم استلمتوني حجي انطوني مجال
حيدر. ـ احكي يلةة نسمعك
ـ ياالله ساعدني اقنعهم
خصوصا حيدر راسو يابس ويتعب ما يقتنع بسهولة...
البيت قسمتو واجرتو
حيدر ـ اااجرتوو؟
ليش وولك محتاج مديون ليش تلفت بيتك بهالطريقة
ـ لا مو محتاج ولا مديون بس البيت كبير عليا
حيدر ـ والبيتو كبير يقسموو
ـ يعني انا وحيداني عايش بهالبيت وكبير علية اشأسوي بي قلت اقسمو واجر نصو استفاد من فلوسو
حيدر ـ الحماقة الانت بيهه ماشيلهه بشررر بالعرااق كلوو
يعني بمكاان ماتتزووج وتستقر ويصير عندك عايلة وتخلص من هالوحدة الخابصنة بيهه
تقوم اتلف بيتك وتإجرو للناس غرب
ـ سالفة الزواج لا تجيبوهه بالطاري
وبعدين شكو بيهه اذا اجرتو
قابل كفرت اشنو يعني ليش هالقد مكبرين الموضوع
بركات ـ من شوقت هالكلام يولو؟
ـ يعني ..صار فترة
وبعدين بشنو يهمكم الوقت
هافال ـ كلامك مو منطقي ما عد اقتنع
رغداء ـ يعني انت تريد تخلص من وحدتك تقوم تأجر بيتك لناس غربا ..
كان قعدت وحدة من خواتك وياك وتخلص من الوحدة العايشهه
ـ كم مرة عرضت علئ لارا تجي هية واطفالهه وزوجهه يمي بس زوجها مايقبل يعوف سنجار
ـ وباقي خواتك؟
ـ اشنو قصتك يا رغداء
انتو كلكم مستقرين ببيوت خاصة بيكم عدا لارا قاعدة وية اهل زوجها
وعرضت عليهه هالعرض من زماان حتئ تتخلص من المشاكل بس ماقبلو
هافال ـ لو بايع بيتك ومشتري بسنجار كان قبل يجي يقعد وياك
ـ عاد اني سويت العلية وية خواتي
وكلكم تعرفون اني احب كركوك ومتعود عليهة ما اكدر اتركهه وارجع لسنجار
حيدر ـ لا تنسئ هالبيت من فلوسنا كلنا
كان غصب عنك تستشيرنا مو تتصرف من راسك
ـ فلوسكم!
اني مو سددت فلوسكم علئ اخر فلس وعندي الاوراق التثبت هالحجي
اشبيك حيدر اشنو معنئ هالكلام
ـ ماناكرين هالشي
بس ما يمنع تستشيررنا
اشلون تاخذ هيج قرارر لوحدك مو بعينك احنا
ـ اوك اعتذر ماتخيلت هالامر راح يزعجكم
بركات ـ اذا مديون او محتاج ليش ماقلتلنا ننطيك ونساعدك
ما تستحي اتسوي هيج ابيتك
ـ ليش استحي قابل فاتحه ملهئ
رغداء ـ ومنو هذول المستأجرين اشنو اصلهم فصلهم مين ما مين
ـ أ.. ناس من بغداد
حيدر ـ من بغداااد !
و شجابهم عليك اشلون اندلوك
ـ لاني قسمت البيت وعرضتو للايجار وهمة اجوي واجرو
رغداء ـ واليقسم البيت ويعرضو ايجار هو واغراضو؟
وين اغراض مطبخك وين اغراضك الباقية اكو شي انا ماعد افهمو احكي وخليك صريح ويانا
بركات ـ اي فعلا
يعني يعوفون بيوت العالم هاي كلها يجيون عليك انت؟
وبعدين اغراضك ليش عايفهه يمهم اشنو هالمستاجر الياخد اغراض الناس
ـ حسيت نفسي تورطت عصرت دماغي اريدلي جواب مقنع..
اولا الاغراض بعتوهم عليهن
وثانا اني ما محتاج نص البيت وقلت استفاد منو
حيدر ـ و همة منو؟
منو هذول اشلون اتعرفت عليهم
ـ هنا اربع بنات خوات ابن عمهم صديقنا انا واميل وخطية مات صارلو كم شهر
فـ اجو من بغداد لان الايجار غالي عليهم ما يقدرون يأمنو وهنا شوي الايجارات انسب
حيدر ـ بس بنات!
ـ اي
ـ بدون اب اخ عم خال اهل رجال وياهم ؟
ـ سكتت شوي واتنهدت .. لا
ـ ااااااااشقاااعد تحكي اااااانت
انضررربت برراسك فهمنييي
ـ ترة عادي
بنات استأجرو بييت اشنو الغريب بالموضووع
ـ ولك انت خبل شي
انت عزابي لوحدك
اشلون تاجر بيتك لبنات وحدهن بدون رجال
ـ لا اطولوهه وتعرضوهه مايجتاج هالكلام. كلو
ـ لك انتتت ماعد تعرف اشنو دديصير دتشوووف وتسمع البلاووي الي العالم تحطه برقبة الناااس
هذوول اهلهمم وووين عمام خووااال عشييررة
باكر عكبة يجوون علييك يكولون لاعب باعرااضنة مخليهم يمك بالبييت والله يقتلونك بمكاانك ويضيع دمك ياااغبيي
ـ كااافي لخااطر الله
هالافلام الهندية البراسكم بطلووههااا
هذني بناااات عم صديقي وصديق اميل مثل ماقلت الكم
وماعدهن احددد ابغداد
وصديقي مات من فترة واني اميل اتكفلنا بيهن واليحجي من اهلهن نكدر نردو لان همة ما لفووهن ابيتهم ترة ااني مو زعطوط كدامكم ولا طفل وعمري عشر سنين وما افهم شي كل شي محسب حسابو واعرفوو
رغداء ـ طيب وين ورقة الايجار؟
ـ ما يحتااج ورقة ولاشي
حيدر ـ لااا انت نااوي تجلطنني
ـ ماسويت ورقة ايجار حتئ لا التزم
لان يجوز باكر او بعد سنة اغير رأئيي اقدر اطلعهن من البيت بسهولة
بركات ـ شكد ايجارك ياتحفة؟
ـ 100 الف
رغداء ـ يعني تريد تقنعني بغداد بطولهه وعرضهه مابيهه ايجار ب100 الف
ـ اني تعبت من كلامي وياكم وتبريراتي
اقتنعتو اهلا وسهلا
ما اقتنعتو امر يخصكم
هافال ـ يعني مافكرت بينا من اجرت بيتك ؟
من نريد نجي لهنا وين نبات وين نننام وين نستراح
ـ صارلكم سنتين مامارين علئ طريق كركوك مو عاد جاين لهنا
وبعدين بيتي يكفيكم والماشالتكم اارض راسي وعيوني تشيلكم
حيدر ـ انت ما تصرف هيج الا اذا كنت متضايق ماديا
ـ بقيت ساكت كلت خلي العب الدور عليهم بلكي يسكتون
ـ انت مو اخوية لا
انت ابني ربيت وية فنر
واعرف كل دروبك ودمراتك ..
هافال ـ انا هم قلتو متاضيق ومسوي هالسالفة
بركات. ـ فهمنا احجي شي لاتسكت خلينا نفهم
ـ انتو تعرفون التجارة ربح وخسارة
عادي صارت وخسرت
وكلت اعوض خسارتي بهالشي
رغداء. ـ والمتاضيق يإجر بيتو ب100 الف ؟
وناطيهم مطبخ كامل بأغراضو
وغرفة وهول وحمامات
ـ مو قلتلج بالتقسيط بعت الاغراض
وبعدين مالقيت احد يدفع اكثر من هالسعر
و انتي تعرفين بية عايش وحداني
وما اهتم بأكلي ولا شي مخلصهه بيض وطماطة
فـ هالبنات الله يستر عليهن يطبخن ويذكرني
رغداء ـ ليش ماعد اقتنع
ـ اشنو انتو ماناوين ترتاحون من السفر ؟
ماناوين تسبحون تتنامون شوي بين ما يصير العصر وتوروحون لبيت اميل
هافال ـ لا تضلون تلحون عليه
فلوسوو وحلالو وهو اعرف بي
انطيني ملابسي رغداء خليني اسبح اريد اخذلي غفة الطريق حار واذاني
ياسر ـ اوف واخيرا خلصت
الي راح يسبح والي شغل تلفزيون وكعد يتفرج
رغداا شافت البيت مكلوب بدت تنضف بي خطية
كلت اطلع اجيبلهم غدة ..
فد نص ساعه واجي لا تطلعون من البيت
رغداء ـ وين رايح
ـ اجيبلكم غدة من برة
ـ انا اطبخ اصبر لا تطلع خلي اشوف ثلاجتك اشنو بيهه
ـ ثلاجتي صغيرة مابيهه شي غير الببسي والفواكه هسة اجيب غدة واجيكم عفتهم وطلعت من البيت
نهاوند ـ من دخلهم ياسر للبيت عرفت هذول صدك اخوتة واقاربة ..
كلت لازم اسويلهم غدة يبيض وجهي كدامهم
طلعت لحم من المجمدة وخليت جدري علئ النار وسويت تمن وعليه تاجين
همزين اجو من وقت بعدهه ساعه عشرة الصبح
بديت بتحضيرات الغدة
جنت اسمع اصواتهم يحجون
بس لغة ما افهمهه
مرات يصيحون ومرات يروح صوتهم
وية. ساعه 11 الصبح شفت ياسر طلع من البيت راسا جريت التلفون وخابرتة اشو فصلة وهو اتصل عليه ..
الو
ـ هلو نونة
ـ هلو ياسر اشلونك
ـ الحمد لله تمام
ـ هذول اهلك مو
ـ اي اخوتي واختي جايين علمود وفاة ام اميل
ـ خوش لعد
اني سويتلكم غدة تشريب لحم احمر وتمن وتاجين فوكة
ـ ليش تعبتي نفسج هسة طلعت دجيبلهم غدة
ـ لا ماكو تعب ولا شي احنة وياكم ناكل نفس الاكل قابل شمسوية
ـ طيب محتاجة شي اجيب للغدة
اني عندي طرشي وراح اثرم خيار وطمامة ونومي شنو تريدون بعد
ـ هاي هية خير من الله..
بس هسة اروح اجيب فواكه وبارد
ـ عندي ركي
ـ اي عادي نجيب بعد شنو اكو بالسوك لان ماعرف شكد راح يبقون
ـ اوك براحتك
ـ محتاجة شي اجيبلكم
ـ لالا
ـ اسمعي لعد
اذاا رغداء تمر عليج واني متأكد راح تجيلج وتسالج..
كليلهه الاغراض اشتريتهن من ياسر بالتقسيط
والايجار 100 الف
وانتي بنت عم صديقي المات ابغداد ومكدرتو تاجرون هناك وجيتو هنا عرفتي اابد لاتحجيلهه انتو مهزومات وهيج قصتكم وهيج عمامكم كلشي لاتحجييين
ـ سبتتلك مشكلة مو صحيح
ـ لا مو هيج
بس تعرفين مو كل البشر يتقبل هيج شي
ـ اي حقهم
ـ يلة لعد واي شي زااايد لاتحجي وية رغداء مفهوم
ـ اوك
ـ يلة باي وصلت للسوك
ـ باي ..
سديت التلفون وخليتة يمي
وكملت الطبخ
شوي واندكت باب المطبخ
فتحتهه شفت بنية جبيرة بالعمر
بس بيضة شعرهه اسود
عيونهه تخبل كبار ولونهن رصاصي وجهه مدور فدوة ملامحة نازكة شكد حلوة احلئ من ياسر بالف مرة..
اهلا وسهلا
رغداء ـ انتي المأجرة بيت اخوية
ـ اي اني
ـ الكة عندج مكناسة اريد انضف بيتو صاير هوسة
ـ اي تدللين
رحت جوة الدرج طلعت مكناسة جديدة لكيتهه واكفة يمي
ـ اكدر ادخل للبيت
ـ اكيد البيت بيتكم
ـ انتي امين يابنية
ـ اسمي نهاوند
من بغداد
واني ابن عمي توفئ وماعدنة احد هناك وماكدرت اجر لان غاليات البيوت فـ اجيت هنا
ـ همم..
انتي شكد عمرج
ـ عمري سـط .. ثمنطعش
ـ اشنو ماتعرفنين اشقد عمرج
ـ لا بس شوي مرات اخربط
ـ زين اشعجب لوحدكم عايشين يعني ماعدكم احد ااابد! لاعم لا خال بس ابن عم
ـ لا ماعدنة هو بس ابن عمنا ومات الله يرحمة ماعدنة احد بهالدنية ابد
ـ الله يرحمو..
اشنو هاي الملابس والمواعين
ـ هذا شغلي
يعني ابيع بالة وهيج امور والزرق علئ الله
ـ ها.. واشقد ايجارج؟
ـ ايجار البيت 100 الف ..
كعدت تكلب بالملابس والتراجيات والمواعين وتسولف
ـ واغراض مطبخو؟
ـ شكد شكله حلو
بس اسلوبهه يخوف
عبالك تحقيقي فاتحه وياية..
ها .. اي
هذني اخذتهن منة بالتقسيط
ـ واشقد وصلتي بالفلوس
ـ حسيت تورطت ماعرف شحجي ..
مفهمت
ـ يعني شقد دفعتيلو
ـ والله ما اعرف
يعني أأاني ادفعلة كل شهر هاليطلع من ايدي
ـ اي يعني اشقد
ـ والله ما حاسبة
ياسر يعرف هو كلشي يمة
ـ انتي بياعه
والمفروض تعرفين هالامور
يعني خصوصا سالفة الفلوس ماتيهين عنها لان هذا شغلج مو صحيح
ـ اني مبتداءة بالشغل مو كلشي اعرف .. كاعدة احجي وياهه ونزلن خواتي من غرفتهن
خفت لايحجن شي كدامهه وتلاص علية..
ليش نزلتن
اصعدن للغرفة اريد اشتغل
صبا ـ اريد اروح للتواليت
ـ روحي انتي.. وبسرعه صعدي فوك
وانتن اصعدن بسرعه
غداء. ـ اخواتك؟
ـ اي هاي اختي الوسطانية صبا وهذيج نغم والوياهه الحان
ـ همم..
انة اروح..
بس اكو كلام لازم اكولو
اخونة طول عمرو عايش بسلام وية الناس
ونوعا ما مبتعد عنهم حتئ لايتأذة
اياني واياكي تجيبيلو المصايب
شفتي اشقد انسان طيب ويحب الخير للغير
وبدليل ناطيكي بيتو بلاش
ـ اني
ـ لاتقنعيني
انا مو بنت اامس حتئ ينضحك علية بهالكلام
لاتتصورين انا واخوتي صدقناه لكن نعرفو راسو يابس
واذا راد شي يسوي
فجاريناه بكلامو
اخي طول عمرو يحب البيت الكبير
والاستقلالية بحياتو
وحتئ من كان ينضنك بفلوس ما يتلاعب ابيتو ولا فكرر يأجرو او يبيعو ..
ـ بس والله مو
ردت قاطعتني
ـ ترة عمري 49 سنة
مو صغيرة واتقشمر بكلمتين تلاثة من شباب..
الاطلبة منكي
اذا وراكي مصيبة ياريت تتركين اخي بحالو
وتروحين ادورين عن بيت يأويكي انتي وخواتك بعيد عنو
ـ بقيت ساكته بس الاشوي ابجي
ـ تقبلين تاذي وانتي ماشفتي منو الا كل خير
ـ لا مستحيل اذي
ـ خلص ..
شوفيلك غير بيت وفظت السالفة..
ياريت تكونين عادلة وية الشخص الأواكي ابيتو..
لان اخوي حيدر قرر يزوجو ويشوفلو مرة من سنجار
تقبل تجي تعيش وياه هنا ..
ياريت تفكرين بكلامي
انة اروح اكمل تنضيف
ـ اخذت المكناسة وراحت رغد ..
بقيت كاعدة محتارة بزماني شسوي ماعرف
كلامهه صحيح ماريد اجيب مشاكل لياسر ..
بس اني ماعندي مشاكل هسة
مو مثل قبل
حتئ عمي رجع لكندا وصباح مات وباقي عمامي ملتهين بعيشتهم وبالبيت الي يريد عمهم حصته منه
يعني ماورايه شي ..
مسحت دموعي وكمت سويت الغدة لان بعد شوي لازم اروح لفاتحه خاله خطية
شفت ياسر رجع ودخل لبيتة خلصت غدة وكملتهه تقريبا وية ساعه وحدة ونص نصبت الصينية وصحت لنغم
ـ هياتني
ـ رتبي نفسج
و تعالي اخذي هاي الصينية لبيت ياسر
ـ هاي البينة الجانت هنا شتصير منة
ـ اختة الجبيرة
سمعي حبيبتي اي شي لاتحجيين اابد بس سلام وانطيهم الصينية وارجعي
ـ اوك جيبي ..
ـ نطيتهه الصينية. وراحت لبيت ياسر طلعت دكيت الباب ورجعت
نغم بيدهه الصينية متكدر ادك بابهم بقيت واكفة ورة الباب واباوع عليهم طلع ياسر واخذ الصينية ومادري شحجئ وية نغم وضحك ورجعت..
حتئ ماصار عندي فضول اعرف شو حجو وعلئ شنو ضحكو
صبيت غدة لخواتي ولميت المطبخ
واخذت خواتي اسبحهن وسبحت
وية ساعه 3 الضهر بدلنة وطلعنة لبيت خاله الله يرحمهه
لكيت هواي نسوان كاعدات ..
نغم ابقي يم خواتج اروح للمطبخ اكيد نورة هناك
ـ اوك
ـ انتبهي عليهن لاتغفلين عنهن
عفتهم ورحت للمطبخ لكيت ونورة هية وبنات ما اعرفهن بالطرمة الخلفية اليم المطبخ ديطبخون بجدورة كبار سلمت عليهن وكمت اساعدهن
همة يسولوفن بينهم واني ساكته
مرات يكلبون مسيحي يحجون
ومرات عربي
بس عقلي مو وياهم ابد
حايرة بروحي
مرات اضحك علئ ضحكهم عود اني وياهم مركزة بالسوالف
وتالي افشل من روحي وياكاع انشكي وطميني من اشوفهم جانو حجون مسيحي وضحكت وياهم
وصاير شكلي اهبل بيناتهم عود مسوية روحي مفتهمه علئ حجيهم
ولو نورة خطية ابد مافشلني وتكعد اترجملي علئ شنو جانو يحجون ويضحكون..
سمعت هوسة جوة يمكن اجوي بعد نسوان ..
كملنة شغل ودخلنة للهول نكعد
شفت رغداء كاعدة يم اشلي ويسولوفون سوية كلبي لزمني ماعرف ليش خفت لاتحجي شي لرغداء وتكلهه مهزومة من عمامهه
رغداء ـ صارحوني يابنات اني مثل اختكم الكبيرا قلولي اشنو تعرفون عن هالبنات القاعدات ابيت ياسر
لينا ـ وداعت عيونج بنات حبابات ومابيهن اذية ابد وشكد ما احجيلج ماكفي عنهن
ـ زين امكم الله يرحمهه كانت تعرفهن؟
لينا ـ أ.. والله ما متاكدة
بس اسال نورة واردلج جواب
ـ اشلون ما تعرفون ؟
ـ يعني هسة نسأل اميل وهو يحجيلنا
كومي اشلي اريدج بشغله
اشلي ـ روحي انتي اني مابية اكوم
ـ كومي
ـ شنو تؤمرني شبيج روحي انتي اني مابية اكوم
نهاوند ـ عيني عليهن
لينا كامت من مكانهه وراحت للمطبخ
واشلي بقت يم رغد
ماعرف شسوي اكوم اكعد يمهن لو شسوي احس بروحي تايهه احتاج احد ينصحني ويرشدني
اشلي ـ شنو ياسر ماحجالكم عنهه
ـ احكيلي انتي اشنو تعرفين عنها
ـ ترة هاي مهزومة من عمامهه ابغداد
وجاية هنا ادور امهه
واخوج ابو الكلفات من علايم اخوية لفاهن ابيته
ـ قووولي غيررهااا هرباانة
ـ اي
ـ لعد اشلوون يقوول صديقو يصير ابن عمهم ومات
ـ كلهه كلاوات لاتصدكين
ـ طيب وبيتو مطبخو واغراضو و
ـ يووو كشولته مابقت اله شي المطبخ بغراضة انطاهيا بلاش وداعتج
وحتئ ايجار ما ياخذ منهه
ـ اشنوو لا ايجار ولا اقساط ولا شي ويحبهه بعد..
ـ اي لعد شعالج حظوظ.. ولعلمج حتئ كام ييحبهه
ـ يحبهااا..
طيب هية اشنو دينها مين يادين اقصد
ـ مسلمة
ـ لالالالاا
مااا قدرر اسكت علئ هالحالةة
اشلون يسوي هالسواااية هااي
ـ اوكفي لاتبينين شي
ترة هاي حية ام راسين هسة تخابر اخوج وتتبجبج الة
وانوب يكلب عليج عود من ترجعون حققو وياه واعرفو كلشي
ـ نضرات رغد تخوف الي
ماصدكت صار الليل وخلصت الفاتحه مال خاله ورجعت اركض للبيت كلبي ابد مامطمن
دخلت وقفلت الباب وصعدنة فوك
سمعت هوسة ابيت ياسر وكف كلبي اكيد راح يطردوني
اكيد اشلي كلتلهم اني مهزومة
اسمع صوت ياسر يصيح بس مدفهم شديحجي تقرفصت بمكاني وكعدت ابجي …
ياسر ـ رجعت لكيت اخوتي واختي ملتمين وعيونهم تجدح نار
الله بالخير
حيدر ـ ليش تكذذب يوليو
ـ بأشنو كذبت؟
رغداء ـ لا ايجار ولا اقساط والبنات مهزومات من اهلهن ولك ليشش تكذذب
ـ ماكذبت مو اني الاكذب اعتقد تعرفوني
بركات ـ تااهت علينا ماعد نعرف الصدق من الكذب
حيدر ـ سالفتك من البداياااا ماصدقتاا
هافال ـ انت بايع روحك ياولد اشبيك اشنوو صاير لعقلك
ـ منو قاللكم هالكلام؟
رغداء. ـ مايخصك
ـ من حجت رغداء عرفت اشلي ورة هالمصيبة.. يعني تصدقون الغربة ومتصدقون بأخوكم
حيدر ـ غير خاايفين عليك
ـ ومن اشنوو تخااافون مجرمين قتلةة حاط ابيتي مثلاا
رغداء ـ لا تضل تلف ادورر
ـ يوووووو راح ارجع اعيد كلاممي من جديد
مامصدقيين كلامي
عندي شهوود
هسة اخاابرلكم اميل هو يحجي ويااكم لكن اذا صح كلامممي
بعدد ما اسمحلكم تعيدون بهالسيررة قابل بس اناا الاجرت بيتي
بس اناا مستأجريني بناات
اشنو هالحكي الماصخ هذا
والماللوو طعمم..
جريت تلفوني وخابرت اميل
كنت محسب انو اشلي راح تخطي هالخطوة فأتفقنا اني واميل علئ الكلام اذا اخوتي كالو شي ..
الـــو اميل احكي لاخوتي عن البنات رحمة لوالديك
نطيت التلفون لحيدر
حيدر. ـ احكيلي الصدق يا ابن الناس هالبنات اشنو فلمهن
اميل ـ مثل ماقلك ياسر ابن عمهن صديقنا الروح بالروح وكنا نروح يمهم ابغداد ونبات مرات
لكن توفئ ابن عمهن الله يرحمو
وهو معيلهن الوحيد
خطية ماعندهم احد
وتعرف بغداد غالية مايكدرون البنات يدبرون الايجارات
فـ جبناهم هنا وامي تكفلت بيهم بس ياسر كان مسوي بيتو يريد ياجرو ونطيناه للبنات احسن من غيرهن النعرفو احسن من المانعرفو
حيدر ـ برحمة امك صح هالكلام
ـ مثل ماكلتلك ومستحيل اكذب بهيج شي لان تعرفوني شكد ابتعد عن المشاكل واكيد ما اسمح لنفسي ولا لياسر نوكع بالمشاكل بسبب بنات ما نعرفهم..
ـ رحم الله والديك ..
احنة لان خايفين عليه
والبنات سمعنا هربانات
والهربنات من اهلهن مصيبة كبيرة
باي دين يكون
ايزيدي او مسلم او مسيحي
اكيد وراه قتل
مو مثل الولد ماعليه شي ..
ـ اكيد ابو فنر اكيد
ـ اشكرك ازعجناك وانت تعبان
اميل ـ لالا ولو اهلا وسهلا بيكم….
سديت التلفون من ياسر وصرخت بعالي صوتي علئ اشلي…
ااااشــــلــــــي
لينا ـ لاتفضحوونة بعد العزاا ماخلص يمعودين
ـ خليهه تصعد ورايه لا اجفص بمعدتهه بنص السنوان
ـ ولك اميل عماتي كاعدات وخالاتي لاتفضحوونة
ـ كلت خليهه تصعدددلي فووك
نورة ـ امشي يمعوودة شمسووية انووب شمصخمة
اشلي ـ عاد انتو لكيتوني حايط نصيص شكو مصيبة براسي
لينا ـ اااصعدييي
نورة ـ اخذناهه فوك لغرفتي
اني ولينا
اميل عصبي وطافرة روحة شكلة ابد موطبيعي ..
طبينة وسديت الباب
لينا ـ بدوون صيااح لاتضحكون الناس علينا اروحلكم فدوااا
اميل. ـ انتي وتالي وياج ماناوية تصيرين ادميةة
اشلي. ـ ليش شسويت
ـ لا تسوين روحج ماتعرفين مصايبج اشحاجية لاخت ياسرر
ـ ماحاجية شي
ـ لج لج وخروو عوفوني عليهه
لينا. ـ الزم اعصاابك يمعود صوووتك لاتفضحوونة
ـ دشووفي برووودهه من تحجييي
لينا ـ اشلي حبيبتي كم مرة. كلتلج لاتدخلين بحياة ياسر او نهاوند وتالي وياج انتي مناوية تجوزين
ـ عدكم دليل اني حجيت؟
يعني اخت ياسر كالت اشلي حجت
اميل ـ محد بالمنطقة يعرف نهاوند مهزومة من بغداد غيرنة
يعني هالسالفة طلعت من عدنة ااحنة
لج ميكفي بسببج اميي ماتت ميكفييي بسبب سوالفج خيلتي راسي بكد النملة كدام صاحبي
ولج شأسوويلج ااادفنج ورة اامي واخلصصص
نورة. ـ بعد متسويهه يمعودين
طفلة وغلطت وخلص بعد متعيدهه اصواتكم لانتخزة من النااس
اميل ـ لا هاي ااضاهر ماناوية تجيبهه لبر شوفيهه شلون واكفة وجنهه ممسوية شي ..
انتي بعد مالج مكان تعيشين هنا يمنة
راح ادزج لكردستان يم بيت خالتي تبقين يم بناتهه
ومن ابيع المحل والبيت
نسافر كلنة لالمانية
لينا ـ تسافروون وتعوفوني
ـ لا ماعوفج ..
بس امي اتوفت الله يرحمهه
السبب الجنت باقي علمودة راح
وميلاد حجيت وياه كلي اريد ابيع الارض ..
واشلي مستحيل بعد تجوز من سوالفهه اليوم سوت هيج باجر ماعرف شسوي
الافضل نسافر واخلص من القيل والقال
لان اذا ابقئ هنا علئ هاي سوالف اختج ممكن اقتلهه ..
نورة ـ لا لا اسم الله يمعود لاتحجي هيج
لينا ـ الله يسهلك وبلكي الله يقتنع ميلاد ويبيع ارضنة ونجي وياكم
اميل ـ ان شالله
لاتخافين ولا يضل بالج
اني وراه ماعوفج هنا....
لينا ـ .. امين
ياسر ـ هاا ارتاحيتو هسة
سمعتو بأذنكم اميل شحجئ
اي كلمة بهالموضوع بعد ما اتقبل
بنات نعرف ابن عمهن ومستأجرات عندي حالهن حال اي مستأجر ليش هالقلق المالو داعي
رغداء. ـ طيب اشلي ليش حكت هالحكي اشنو تقصد بي
ـ انتي تعرفين البنات يا رغداء
لو ما انتو سبع خوات
وعندج بنات وبنات خواتج واخوتج يعني متعرفين غيرة البنات اشتسوي وشتعمل يعني عادي هالامور تصير بينهن
حيدر ـ تطعن بالشرف ؟
قالت عنهن هربانات
ـ لان ام اميل الله يرحمهه كثير اهتمت بيهن واعتقد شوي اثر هالشي علئ نفسية اشلي تعرفون كل بنت تعتبر امهه ملكهة وما من حقهه تهتم باحد ثاني
ماعتقد هالامر يستحق حتئ نحكي بي مشاكل بنات وانحلت ونكشف كلشي
حيدر ـ خلص ..
اهم شي مطمئنين عليك
باكر الفجر ان شالله نرجع علئ براد الهوئ
رغداء ـ اي ادينا الواجب
وباكر نرجع ..
دير بالك علئ روحك ياسر انت هنا لوحدك لا اهلك ولا قرايبك يمك لاتذب روحك بالهلاك
ياسر ـ لاتخافين ان شالله ماكو شي ..
نهاوند ـ نزلت جوة لان بعد ماسمعت صياحهم .. يمكن نامو
حضرت نفسي وكعدت احسب الفلوس العندي متكفي استاجر بيت
يمكن الا اذا اخذتت فلوس ام محمد وبعدين انطيهه يلة يكفي..
بس ماعرف راح تقبل او لا..
بقيت سهرانة الليل كلة مكدرت انام
وية الفجر سمعت اصواتهم وكف كلبي رحت للمطبخ طايرة شفتهم ديطلعون ويبوسون بياسر وبعدين صعدو سيارتهم وراحو ..
من راحو فتحت الباب وطلعت..
اسفة ياسر حطيتك بهيج موقف
ـ هاي شبيج نونة من الصباحيات
ـ ياريت تشوفلي بيت صغير علئ كد فلوسي بس يكون مو مسكون الله يخليك
ـ البارحه حلينة الموضوع اني واخوتي
هذا البيت انتي مستأجرتة بفلوسج فماكو داعي تحسين نفسج عالة عليه
ـ لا مارييد اجيبلك المصايب
خلي اشوفلي بيت علئ كد حالي لوحدي وبلكي هنا بالمنطقة قريب منكم
ـ ترة نعسان ومنايم الليل كلة
حتئ للشغل ماراح اروح
وهالكلام حجينة بيي هواي ومليتة كلتلج كل المشاكل حليناهه
واهلي اتفهمو وخلص بعد ماكو اشكال
ارجعي نامي حتئ يصير العصر وتستفتحين وتنرزقين ..
يلة اني ادخل انام لان مسطور
ـ هالكلام هواي اثر عليه
خلاني ابجي وماعرف ليش ابجي
لا مقهورة ولا فرحانة
بس احتاج ابجي
وكفة هالولد وياية عجيبة
واخاف لا احسد روحي عليه
…
مرة يومين ورحت لبيت خاله ام اميل الله يرحمه ..
دخلت مالكيت احد بس نورة بالبيت سلمت عليهه وكعدنة نسولف عرفت هية حامل خطية
راحت ورة فاتحه خاله مسوية تحليل وطالعه حامل واميل من عرف بقئ يبجي علئ امة
لان جانت تتمنئ اتشوف جهاله
انوب كابلتهه وكعدت ابجي وياهه ..
بس استغربت ليش البيت فارغ مابي احد سالتهه وين اشلي كلتلي اميل ماخذهة لبيت خالتهم بكردستان حتئ تبقئ يمهم وهمة راح يبيعون البيت ويسافرون
متت قهر من عرفت راح يسافرون
احس صارو اهلي وراح اضيع بلاياهم مرة ثانية
بس فرحتلهم لان همة فرحانين بهالشي كلتله الله يسهل امركم وترحون بالسلامة
…
مرة الاشهر واني حالتي المادية والنفسية والمعنوية تتطور للاحسن
بس جانت غصة بكلبي
لان خواتي مو بالمدرسة وية البكدهن
اجئ الموسم الدراسي
ويشوفن البنات البعمرهن يداومن وهنة كاعدات
ولو نغم تكول احسن نبقئ بالبيت وتسوي نفسهه متحب الدراسة
بس اعرف خواتي شاطرات
لكن هية هيج تسوي كدامي حتئ لاتخليني انقهر
اخاف اروح لبغداد حتئ انقلهم
واخاف اتحرك اي حركة لا يندلون مكاني عمامي وياذونة
حاول ياسر يخليهن بمدرسة اهلية بس مقبلت لان خفت
وماعندي فلوس الاهلي همين
ولو خطية يكول اني وياج نتعاون بالفلوس بس مقبلت
مرة الاشهر طبيعيه بيني وبين ياسر.
السلام بيناتنة وسالفة بسيطة ومرات مراسلات ومخابرات حسب موردائما
ومرات يصدف طالعين للسوك ويشوفنة ونرجع سوية
حبة. بكلبي يكبر يوم عن يوم
اعرف ميصير بس مو بيدي
ماشفت مثل اخلاقة وشهامتة شسوي مو بيدي ياريت بيدي واكدر اتحكم بكلبي ..
جنت كل شهر انطية 100 الف ايجار
وصدك حسيت بنفسي مو عاله عليه لان كاعدة بفلوسي ولو مبلغ بسيط بس ارحم من ماكو..
البضاعه تتزايد والحمد لله
صرت معميلة لصالون معين اجهزة بكلشي من ام محمد
الهه نسبة والي نسبة
جنت اسمع اخابر عمامي من ام عمر
ماكو شي جديد بعدهم بطلابة بيتهم
عمهم يجر وهمة يجرون وبيناتهم محاكم بس ميردون يذبو ازاله لان يصير رخيص
صارت سنة 2009 واحتفالات راس السنة
بس بيت اميل خطية ممحتفلين بس مخلين الشجرة بالهول ومزينيهه كتقليد سنوي عدهم رغم حزنهم
مكان خاله كلش خالي
من نلتم منكدر نلزم دموعنه من نتذكرهه
جنت داما اطلع البابا ولامي ولخالة. ام اميل ثواب …
تمشي الايام وشوي شوي اتطور
كمت احتفل بعيد ميلاد خواتي
واشتريلهن ملابس ولو مو غاليه بس شي يفرحهن
هاي ثاني مرة اشتريلهن كيكة من فلوسي
ولو اول مرة متنذكر والله لايعيدهه ابيت خاله وداد وصارت مشكلة شكبرهه
بس هالمرة لا غير شكل
اخذت البنات وعزمت ياسر ونورة وزوجهه ولينا وبناتهه ورحنة لمدينة العاب سويت عيد ميلاد بسيط لصبا كيكة ولفات همبركر
واميل همين جايب كامرتة وياخذ صور للصغار
رحنة اني وياسر وخواتي وصعدتهن بالملاعيب
واميل وزوجته وخواته راحو من الجهه الثانية
اشوف الفرحه بعيون خواتي متنوصف احس رديت الجميل ولو بشي بسيط لامي الله يرحمهه
شكد بنفسي اصعد بالملاعيب بس عبالك استحي اشوف نفسي كبرت…
ياسر ـ طول الوكت نهاوند ساكته بس حسيت بعيونهه رغبة تلعب وية الاطفال ..ليش ماتصعدين
ـ لالا خلي بس خواتي
ـ شكو بيهه نهاوند عادي شوفي هالبنات الكبار صاعدات ما بيهه شي
ـ لا ابد ممتعودة كلش اخجل
ـ امشي يعمودة ليش هالخجل الكل ديلعب
ـ لا عفية عوفني خلي بس اصعد خواتي كلش كافي عليه
ـ يابة علئ حسابي اصعدج
ـ ياسر لاتلح والله ماعرف اصعد .. هسة يخلصن لعب ونروح نصعد بديلاب الهوة سوية
ـ براحتج . بس شوفي لينا ونورة ديلعبن و البنات
ـ باوعت عليهن وخربت ضحك
هواي فرحت من شفت لينا تضحك لان دائما جانت تبجي علئ امهة
احس الحياة بدت تبتسملي من جديد رغم غصة مدراس خواتي
بس اكيد اكو فد طريقة اكدر انقل خواتي لمدراس كركوك
واكيد يراد محامي
والمحامي يريد فلوس
يحتاج اجمع مبلغ يسوة واروح لمحامي بي خير يسويلي هالسالفة بدون ميلكونة اهلي .. ميخالف بسيطة ان شالله
مرة الاشهر و نورة جابت ولد يخبل يشبهه بالضبط سموه جورج
بس ورة ولادتهه بشهرين اميل صفة كل شي وكمل اجرائات سفرهم همة واختهم لينا حتئ يطلعون سوية
رحنة نودعهم اني وياسر وخواتي
بس مكدرت الزم دموعي
حسيت خواتي اهلي ناسي
راح يتركوني ورجعت وحيدة بهالدنية من جديد
بجيب بجي بحركة كلب
يمكن خايفة اضل وحدي
يمكن من الفراق ماعرف
بس شي نكسر بداخلي من سافرو رغم اتمنالهم يستقرون بس كلبي مقبوض
ياسر ــــ طول هاالفترة كاتمين مشاعرنة اثنينة
نحجي ونكول احنة اخوة
بس الحقيقة مو هيج ابد
كل واحد مخلي دينة كدام عينة وكاعد وساكت
يوم عن يوم نونة تحلئ اكثر
صارت كشاخه بشكل ملفت للنضر
اعتقد لان جانت تطلع وية لينا ونورة تتسوق وتعلمت هواي امور منهن
وصارت تعرف تتعامل وية البشر
وهاي اهم نقطة..
نونة احوالهه عال العال شغلهه بتطور وممتاز تقريبا
بس خواتهه خطية
خصوصا الحان تفرفح من تشوف بنات بعمرهه لازمات جنطة وراجعات من المدرسة
حاولت اخليهن بمدرسة اهلية بس نونة رفضت
وتخاف احد يروح لبغداد وينقل خواتهه منام تخاف تنكشف
علاقتي وية اهلي جيدة بس كل فترة يسوون هوسة حتئ اطلع البنات من البيت
من غير يومية جايبيلي عروس جديدة واني ارفض
وتنتهي مخابراتنة لو زيارتي الهم بعركة
هالسنة مابيهه شي مميز غير سفر اميل
احس صدك صرت ووحيد
وهسة من سافرو خلص بعد ما اكدر اروح السنجار لان اخاف علئ البنات يبقن وحدهن…
نهاوند ـ جانت هالسنة تقريبا كلش مريحه بالنسبة الي ..
وبدت سنة 2010
مباقيلي شي غير شهر ويصير عمري 18 سنة واكبر وابلغ سن الرشد
حضرت البضاعه ورتبتهه وعرضتهه
وية العصرية اجني للبيت هواي نسوان بيهن الاعرفهن مثل تومة وام سنان وغيرههن
و بيهن لا ماعرفهن اول مرة اشوفهن
اشترن مكياجات وصيني وملابس اخذن خير من الله
جانن يمي خواتي واكفات بالهول
اجتي وحدة لابسة عباية علئ الراس وحجاب
اخذت هواي ملابس مني
عرفت من مرية وياهه جاية خطار لبيت حماتهه يعني اخت زوجهه
وهاي جايبتهه وجاية علية..
مرة وجهه بيضوي حمرة مو بيضة عيونهه صغار خشمهه صغير حلكهه مو كلش جبير طويلة شوي بالنسبة للنسوان
اجتي ووكفت يم نغم اختي ويمي ..
ـ اني شايفتجن قبل بس وين متذكر
ـ بقيت صافنة عليهه
احس اني همين شايفتهه بس ماعرف وين لكن ماحجيت ..
لا خاله متوهمة
ـ لالا والله اني شايفتكم انتو مين ؟
تومة ـ من بغداااد هنة مو مناا
ـ اي اي والله انتن
مو جنتن بشوراع بالاعظمية
وهمين اربع بنات بس جنتن صغارر قبل جم سنة صورتجن مستحيل تروح من بالي
ـ كلبي وكع برجلي من هيج حجت
المصيبة. كل النسوان صارت اذاناتهن مثل اذان الفيل حتئ يسمعن
لا خاله لا
ـ والله انتن
حتئ الببنية الصغيرة اكو شامهه بخدهه. هية هاي نفس الشاامة ونفس الملامح
ـ اشرت علئ صبا وتحجي
ـ تتذكرون من جنتن بالشارع والجو تراب ودكيتن بابنة وطلعتلكم صينيية اكل تاكلون لان جوعانات
ـ ردت انكر هالشي لان النسوان كلهه صفنت علئ كلام هالمرة
واني صح اتذكرتهه
بس ماريد احد يعرف بهالشي
بس قبل لا احجي صبا كمزت من يمهة
صبا ـ اي خاله
نونة كلتلي هيج صار بينة
و حتئ اكلنة من الزباله همينن
والله وكالت اكو مرة رجلهه مقبل ندخل للبيت وطلعت النة صينية اكل واكلنة بالباب
ـ ياااعيني هااي انتن سبحان الله صدك الوجوه تتلاكة
ووللحكاية بقية………… 🥀