Hatinggabi na ay hindi pa rin makatulog si Jesica, napakaraming gumugulo sa isip niya at hindi niya rin maiwasan na makaramdam ng takot lalo na ngayong nalaman na ni Vincent ang tungkol sa anak. Tahimik na ang buong kabahayan pero heto pa rin siya sa veranda tahimik na tinatanaw ang mga bituin, umaasa na sana panaginip lang ang nangyari kanina.
"Jessie, why are you still awake? May problema ba anak?" nagtatakang tanong ni Alejandro sa anak.
"Daddy, ginulat mo naman ako." sabay tutop niya sa dibdib.
"Mukhang ang lalim kasi ng iniisip mo kaya hindi mo ako namalayan." sabay lapit nito kay Jesica at hinimas ang ulo ng anak, ito ang lagi niyang ginagawa noon kapag napapagalitan ni Lourdes.
"Dad, hindi pa ba sinabi sayo ni mommy?"
Napabuntong hininga si Alejandro. "Hindi nga ako kinakausap ng mommy mo, I tried to reconcile with her pero parang invisible ako." napapailing ito habang nagsasalita, halata rin sa tinig ng matandang lalaki ang pagsisisi.
"Baka dapat ligawan mo siya. Gawin mo yung mga hindi mo nagawa noon." may halong panunukso ang boses ni Jesica. Ilang linggo na rin niyang napapansin na laging maagang umuuwi ang ama at sabay sabay silang nagdidinner.
"Do I need to send her flowers and chocolates? sa tingin mo anak?" seyosong umupo si Alejandro sa tabi ni Jesica.
"Flowers pwede dad, kaya lang kapag may chocolates baka lalong magalit si mommy. Alam mo naman na bawal sa kanya yun at iisipin niya na gusto mo na siyang mamatay." natatawa si Jesica habang pinagmamasdan ang ama. Mula ng magkaisip siya ay hindi niya natatandaan na binigyan nito ng flowers ang kanyang mommy. Sa kabila ng mga nangyayari sa kanila ni Venice ay natutuwa siya dahil nakikita niya ang effort ng kanyang ama na mabuo ulit ang pamilya nila.
"Ang hirap naman kasing suyuin ng mommy mo." reklamo ni Alejandro.
"Nagsisimula ka pa lang nga sumusuko ka na. Daddy, matulog ka na baka hinahanap ka na ni mommy." pagtataboy ni Jesica sa ama, iniiwasan niya rin na usisain siya nito.
"Jessie, something bothering you? Alam kong may problema ka, ganyan na ganyan ka tuwing napapagalitan ka ng mommy mo."
"Daddy, hindi ako pinagalitan ni mommy. Let's go, ihahatid na kita sa room ninyo baka natatakot ka lang tumabi kay mommy." sabay tayo ni Jesica. Hinihintay niyang sumunod ang ama sa kanya pero nanatili lang itong nakatingin sa kanya.
"Daddy!"
"Sit down Jesica, I'm your father kaya alam ko kung may problema ka. Mula ng pinagalitan kita tungkol sa pagbubuntis mo kay Venice lumayo ka na sa akin." nanginginig ang boses ni Alejandro. Nararamdaman niya na lumayo ang loob ng anak mula ng araw na yun, kaya ngayon ay gusto niyang bumawi dito.
"I just don't wat you to be involved with my problem, alam ko naman na marami rin kayong iniisip and besides I can handle this." pagbibigay assurance ni Jesica sa ama.
"No! I'm your father kaya dapat alam ko kung ano ang nangyayari sa inyo. Is about Vincent? May ginawa ba siya?" tinitigan niya sa mga mata ang anak.
Hirap na hirap si Jesica, gusto niya sanang sarilinin na lamang ang mga problema para hindi na nag-aalala ang mga magulang. "Y-Yes it's about him. Alam na niya ang tungkol kay Venice."
"That's good! When is he going to marry you?" diretsong tanong ni Alejandro.
Nanlaki ang mga mata ni Jesica, hindi niya inaasahan ang tanong na yun. "Daddy! wala sa usapan namin yun."
"Wala siyang plano sa inyong mag-ina?" Nakaramdam ng galit si Alejandro. Hindi niya nagustuhan ang sinabi ng anak at hindi rin siya makapapayag na hindi panagutan ito ni Vincent. Pilit niyang nirespeto ang desisyon ng anak na huwag siyang pangunahan sa pagsasabi kay Vincent ng katotohanan at ngayong alam na nito ang tungkol kay Venice ay hindi siya makakapayag na hindi makasal ang mga ito.
"Maybe he's planning something for Venice."
Lalong lumalim ang pagkakakunot ng noo ni Alejandro. "What do you mean?"
"Gusto niyang makuha ang custody ng bata." Sabad ni Lourdes.
"Mommy!" gulat na gulat si Jesica. "Kanina ka pa diyan?"
Mabilis namang tumayo si Alejandro at pinaghila ng upuan ang asawa.
"Tinawagan ako ni Divina kanina... at sinabi niya na may kinakausap na abogado si Vincent para makuha ang custody ni Venice. Kakausapin sana kita kanina kaya lang kumakatok ako sa room mo walang sumasagot. Akala ko natutulog ka na."
Namula sa galit si Alejandro sa sinabi ng asawa. "I wont allow it! hindi alam ng lalaking yun ang ginagawa niya."
"Oh God!" biglang nasapo ni Jesica ang ulo. Lalong tumindi ang sakit ng ulo niya. "Nag-aalala ako para kay Venice, ayokong maguluhan ang bata."
"I'll handle this, hindi magyayari ang pinaplano ng lalaking yun. If he wants to be with my granddaughter isa lang ang dapat niyang gawin ang pakasalan ka." matigas na sabi ni Alejandro.
'Alejandro! ipapakasal mo ang anak mo sa lalaking yun? Nakita mo na nga na ang sama ng pag-uugali." komento ni Lourdes.
"Daddy, lalo mong pinapagulo ang sitwasyon." Tila naiinis na si Jesica sa ama dahil kanina pa nito pinagpipilitan ang tungkol sa kasal.
"At ano ang gusto mong mangyari? Hahayaan mo na lang na kaladkarin ng lalaking yun sa korte ang apo ko?"
"I'll talk to him, hayaan nyo muna akong lumutas ng problemang ito." May himig pakiusap sa tinig ni Jesica.
Tahimik lamang na nakikinig si Lourdes pero may sarili na rin siyang pinaplano para matulungan ang anak.
______________________________
A.N.
Sorry guys ang tagal ng update super busy lang po ^ ^ Babawi ako sa inyo :)
Thanks for waitng...
Please don't forget to vote and leave your comments :)