الحلقة التاسعه والعشرون
#ليلة_من_فبراير
القوة الحقيقية
هية انت تدوس علئ وجعك
تحت قدمك
وتمشي مبتسما
امام كل من ينتضر سقوطك
❤️
نهاوند ـ سلمت علئ الحارس
وكلتله اني من طرف ابو مهند
رحب بية وكلي وصلتي
اخذني ودخلنة جوة البناية
مشيت هواي يلة وصلنة
كعدت انتضر ربع ساعه وبعدين صاحو اسمي ..
متلهفة..وخايفة
احس رجلية خدرت
عزة شبيه هيج حالي
هذا جان بيوم من الايام زوجي
ليش هيج خايفة
فتحولي باب غرفة وكلولي دخلي للمقابلة…
دخلت اتسحب علئ كيفي
وكفت يم الباب
شفتة كاعد علئ مصطبة
ومدنك راسة
مزينين شعرة صفر
ومكلبجين ايدة ورجليه
شكلة هواي مختلف عن قبل
شعرة جان مخلي اصغر بالعمر
بقيت واكفة بمكاني ماريد اتقدم
هذا شصاير بي فد مرة متبهذل
رفع راسه وباوع عليه
رأسا كامت عيونة تدمع
هوااااي ضعفان عن قبل
عيونة فد مرة غايرة جوة
كلشي متغير بي
من شفته يبجي
ابد ما حسيت بشي تجاهه
استغربت من نفسي
شنو هالشعور المتناقض
جنت كاتلة روحي حتئ اشوفه
وهسة ماكو اي احساس بداخلي تجاهه
ـ صايرة كمر
ـ اليبتعد عن عنكم تتعدل احواله
ـ مالومج..
بس شعجبت ذكرتيني
ـ ليش هو اني ااصلا نسيتك
ـ اي نسيتيني
يمكن انتي ناسيتني من زمان
واني جنت اضحك علئ روحي واكول تحبني
ـ كلامة خلاني احس ببرود اكثر تجاهه
اني؟
ليش هو اني الطلكتك وشمرتك
لو انت الطلكتني وشمرتني بالشارع
ليش ياصباح
موتعرف اني ماعندي اهل ولا كرايب
ليش بهالسهولة تخليت عني وشمرتني
بحجة اني ما أئمن عليج تبقين يم احد لان حتئ ابوية طمع بيج
وبعد ماعندي ثقة بالباقين
زين شلون نطاك كلبك تأمن عليه بالشارع
احجي وياه وهو كاعد يسمع وملامح وجهه مستغربة
ـ طلكتج بطلب منج ..
لان انتي ردتي اطلكج
ـ اااني طلبت الطلاك!
ـ اي انتِ
اني ماجنت ناوي اطلكج
ولاناوي اعوفج
اصلا بالعكس جنت متنسك بيج
خايف ومرعوب عليج لايسجنوج
لو ينتزعون منج اعتراف
ـ اني ماطلبت الطلاك
ولا جبت هالسيرة
شهرر كامل اني مسجونة
محد من اهلك مر عليه ولا شافني
ولا حتئ خلو الي محامي
واهلي لا وصلو ولا اجو ولاتقربولي
ـ لا تخبليني
ـ ااي اتخبل
وانصدم همين
مثل ما اني انصدمت من خواتك
وخصوصا ماوية وريتال
كلهه بجفة
وماوية وريتال بجفة ثانية
علئ اساس صديقاتي ويحبني
وتالي اول ما طلعن افراج
راحن وما سألن عني بعد
ـ مستحيــل
ماااوية كلتلي زرتهه قبل لا ازوورك انتي تضحكيين علييه
ـ لا تتعصب وتعلي صوتك
ماله داعي هالتصرفات..
وبعدين عندي بمكان الشاهد عشرة
محد من اهلك زارني بالتوقيف
ولا مرو عليه
وفوكاهه كملتهه انت بطلاكي
ـ وااالله العظيم اانتي الطلبتي الطلااق وكلتي لماووية ماريد اكمل وووياه لان نهاايته اعدام
ـ ماااحجييت هالحجيي
والله العظيم ماحجيييت
ولا فتحت حلكيي
جنت خايفة علييك واتمنئ تطلع برائة واشرح للضابط حالتك والمرريت بي علئ اايد ابوك وواخووك
واكوول بلكي ينفع هالكلام حتئ يطلع برائة لو يتخفف الحكم علييك
وتااالي تكلي انتي طلبتي الطلاك
ـ مااويية متكذب
ـ ولاا انني اكذذب
الكذبة الوحيدة بحياتي من كلتلهم اانت رجال وتالي انصدم بييك حتئ الطفل ميسوي سواييتك
ـ ااانتي كذااابة
ـ ااوك.. اني كذابة ..
بس شنو دلييلك اني كذابة؟
ـ جاابتلي ماوية منج ررساله بخط اايدج
ـ وانت وووين شاايف خط ايدي؟
ـ مـ مكتوب اسمج وتوقيعج و رساله بـ خط اايدج تكولين عوفني ياصباح اني بطريق وانت بطرريق
ـ فتحت جنطتي وطلعت الرساله الدزهه الي ..
مارسلت ااي رساله..
انت الدزيتلي رساله بيهه ورقة طلاقي
ـ اني يارساله؟
شنو هاذي!
ـ هاي رسالتك
دزيتهه بيد اختك ماوية
علمود تبرر طلاقك الي
فتح عينة وجر الورقة مني..
كعد يقراهه وهو مصدوم وعيونة تجدح نار
ـ اني مادزيت هيج ورقة بيد احد ولا كتبت هيج شي
ـ ولا اني دزيت رساله بيد احد
لاني اصلا ماشفت خلقة احد منكم
هسة صدكت لو لا..
اتقرفص وكعد علئ جهه وراسا كام يبجي
ـ أ أأ انــ
ـ لا تحجي شي صباح
هاي صار كم مرة تصدك بأي حجي يحجو عني وتأذيني
ما اتعلمت من المرات القبلهه
ولا راح تتعلم
اي شي تسمعة عني تصدكة
الحمد لله من طلقتني وخلصت لان مو بعيد باجر يجي عليك اي شخص ويكلك نمت وية مرتك وهمين تصدكة
خلصت زيارتي الك..
الجنت رايده اعرفة عرفته
بس للاسف العتبرتة سند الي بيوم من الايام طلع وهم مو اكثر
ـ اووكفي نهاوند
ـ ضل بمكانك صباح لاتتقترب
انت بطريق واني بطريق
المهم كلشي عرفت وتوضحت الصورة وماضل شي مخفي وغامض عني
بيمن اصدك بعد
وبيمن اثق
حسبس الله ونعم الوكيل
ـ الله يخلييج نهاوند اصبري ابووس ايدج والله الا انتقم من ماوية والله الا انتقم منهه
ـ انتو صرتو غربة بالنسبة الي
ماعاد يهمني شنو راح يصير بينكم
ـ نهاوند اصبرري
اني ماصدكت احد يزوررني
ـ حجيت بأستهزاء وياه
ليش ..وين ماوية وخواتك وولد خواتك
ـ محد منهم ذكرني من يوم الجابوني هنا
ـ انت اختاريتهم عليه
خلي يفيدوك
عفته وطلعت من يمة ابجي
شافني حارس الي من طرف ابو مهند واجئ عليه
ـ خير اختي خو ماكو شي
ـ لا ماكو شي شكرا
ـ هذا السجين مسكين ترة
تقريبا بيه حاله نفسية
واهله عايفي
تجي نوبات يصرخ بهستيرية
ولو اكثر الاحيان عاقل مابي شي
بس هالنوبات التجي تخوف
من دخلتي يمة ردت اكلج
بس كلت اكيد تعرف بحالته
ـ يعني شلون نوبات هستيرية
ـ انتي ما انتبهتي احنة مكلبجين ايدة ورجلية وكاعد بمكانه؟
ـ اي انتبهت
ـ اي رابطين رجليه من جوة حتئ لا ياذيج
ـ صدك ؟
ـ محد يزورة هنا اطلاقا
بس مرة وحدة اجئ ولد شاب
قابلة ربع ساعه وراح
وهسة انتي
وحتئ احيانا يكون سجنة انفرادي
لان يصير عنيف
هالسجين مكانه مو هنا
المفروض يروح لمستشفئ الامراض النفسية او العقلية
و لازم يكشفون عليه اطباء مختصين
بس الدولة ممأمنة هالشي حاليا للسجناء ولا اهلة حطولة محامي حتئ يمشي بشغلته ..
ـ ماحطوولة محاامي
ـ لا ماعندة محامي
ـ صح انقهرت بس ضغطت علئ كلبي ..
هو اختار اهله
واختار الناس الي يريد يكمل وياهم
الله يشفي ويطلعه بالسلامة
ـ شغلته اعدام
قتل بالسلاح الابيض
ولو حاليا متوقف الاعدام
ـ يعني مابيهه مجال يطلع؟
ـ كلشي بالفلوس ينحل
حتئ الميت يرجع للحياه بالفلوس
واذا تريدين اني بالخدمة خلي يتواصلون ويايه اهله واطلعه
ـ ان شالله ..
وصلت باب البناية حسيت نفسي مخنوكة بس اريد اطلع..
كلتله شكرا اخي وطلعت اركض
عبرت الشارع
ووكفت ادور عن التكسي الاخذتهه
خرررب اني حتئ نسيت شكل ولون السيارة شلون صايرة
وكفت مثل التاهية
ثواني ونزل شخص من السيارة واشرلي
اها اي هو هذا
رحت امشي سريع بس اريد اوصل
فتحت الباب وصعدت السيارة
سلمت عليه ورحت بغير علم
جنت محتاجة ابجي
كوة حابسة دموعي هناك
لا ماريد ابجي بعد
اني مو ضعيفة
من اليوم ماريد اصير ضعيفة
اني قوية وكلش قوية
هواي مصايب مريت بيهه
وتجاوزتهه لاتبجين نهاوند لاتبجين
اتذكرت حيياتي كلهه من الطفولة لهسسئ
مكدرت اقاوم اكثر
نزلن دموعي مثل المطر من غيمة سودة محملة هموم
بجيت الئ ان ارتاحيت
نفست عن نفسي بهالدموع
خلص كل الكلينس الوياية
حتئ كامت تتفتت بيدي لان انترست دموع
ماعرف بشنو بعد امسح دموعي ووجهي
السايق ـ تفضلي هذا كلينس
ـ شكرا ..
مديت ايدي واخذته
اريد تخلص دموعي ماكو فايدة
امسح وترد عيني تمطر
فتحت شباك السيارة وكفخني الهوئ
احس شوي ارتاحيت
نشفت دموعي بس راسي صدع
اباوع للناس البشارع واكول همين عدهم مصايب مثل مصايبي
همين هذول ايتام
مثلي اني وخواتي
ولطشت بيهم الدنية
همين بيهم الظالم والمظلوم
لو بس احنة هيج
شوكت ياربي نعيش اني وخواتي مثل البنات الطبيعيات
شوكت نعيش حياتنة بشكل صح
ليش احنة من دون الناس صار بينة هيج
ـ تحبين اشتريلج مي
ـ لا شكرا
ـ خاف نريدين تغسلين وجهج او
جوعانة او محتاجة شي كولي اني اخوج
ـ لالا ممحتاجة شي بس اريد اوصل
ـ ليش تبجين
بعدج صغيرة علئ هيج بجي
كولي يجوز اكدر اساعدج
ـ اخي وصلني لبيت ابو مهند ممحتاجة شي اشكرك
ـ هذا رقمي اني اخوج اعتبريني
واي مكان تريدين تروحيلة اتصلي عليه واخذج تدللين
ـ ما اعرف ليش مديت ايدي واخذت الرقم ...
بس انت رقمك يم خاله ام مهند هية تتصل بيگ اذا احتاجيت شي
ـ ميخالف خلي الرقم يمج كلشي يصير
واسمي مكتوب علئ الورقة همين
ـ ما سألتك عن اسمك
ـ ميخالف كلت اني ابادر واحجي
اسمي علاء من العرصات
ـ اهلا وسهلا
ـ متعرفت بأسمج
ـ نهاوند من الاعظمية
ـ علئ الراس انتي واهل الاعظمية
اهلنة و ناسنة
ـ شكرا
ـ ولو تدخل مني
بس المن جنتي تزورين هناك
ـ عرفت هذا يريد يسولف ويحجي واني مالي خلك روحي ..
اسفة تعبانة وماكدر احجي
ـ اسف ماقصدت ادخل بخصوصيتج
ـ عفته ودرت وجهي للشباك
اتنفس هوئ
اتسحبت بعيوني وباوعت لهلسايق الاسمه علاء
ولد عادي مابي شي مميز
اسمر ومتروس
ملامحة مكدرت اشوفهه بوضوح
رفع عينة عليه بالمراية راسا عفته وانتبهت علئ الشباك..
ماحسيت بنفسي الا السيارة وكفت اباب بيت خاله ام مهند
همست بكلبي
شكد عيب مانطيته فلوسه
خاله كالت من ندخل الفرع انطي
طلعت المبلغ وقدمته الة ..
تفضل
ـ اعتبريه واصل
ـ لا شكرا هذا حقگ
ـ هالمرة علئ حسابي
ـ لا يا اخي ميصير
وخاله متقبل.. رجاءا اخذة
ـ معليج بخالتج لاتحجيلهه
خلي هالشي بيني وبينج
ـ ماكو شي بيني وبينك
كتعبت من مدة ايدي ومليت منه
خليت الفلوس علئ الكشن الامامي اليمة ونزلت وسديت الباب
ماباوعت بوجهه
راسا دكيت الباب
بس بقئ هوة واكف ماتحرك
ام مهند ـ اي اجيت خاله اجيت
ـ شلونج خاله
ـ ياهلا بيج
اشو زين ما تاخرتي
ـ اي رحت قابلته ورجعت علئ السريع
ـ دتعالي تعالي احجيلي شصار حجي بيناتكم شنو المووضوع
ـ دخلت ميته عطش
رحت طلعت بطل وجبت كلاص وشربت مي
ـ روحي بدلي ..
وهذا الغدة جاهز
وتعالي سولفيلي
ـ حاضر..
صعدت بدلت هدومي وغسلت وجهي وايدي ونزلت
ـ جيبي غداج وتعالي نسولف
ـ لا خاله ما اشتهي
ـ احجيلي شنو صاير
شكلج هواي باجية
ـ ردت احجي خنكتني العبرة
مسحت دموعي وكعدت يمهه بالهول ..
ماعرف ليش ابجي خاله
اريد اصير قوية
اريد ما اهتم لاحد بعد
اريد اعيش لنفسي
كلش تعبت من البشر
ـ ياما راح تشوفين بحياتج
ترة انتي بعدج باول الطريق
بعدج صغيرة
والشفتي هسة كوم
والجاي بحياتج كوم ثاني
احنة بشر مو ملائكة
والخطأ مو وارد بحياتنة
لااا
الخطااا اكيد وراح نستمر نخطأ
بس الذكي والناصح اليتعلم من اخطائة
احجي من شنو بجيتي
ـ حجيتلهه عن كلشي
وكل الحجي الصار بيني وبين صباح..
ـ وبجيج علئ شنو؟
متأملة ترجعيله مثلا
ـ خاله اني يتيمة
وماعندي سند غير الله
اذا خواتي عدهن خالتهن لمتهن
فـ اني محد يريد يلمني
كلت بلكي اشوفه ونتفاهم واقنعه يرجعني
ـ يرجعج؟
ـ خاله وين اروح
علئ الاقل هو عندة ورث اهله يعيشني بي حتئ لو هو بالسجن
بس بعدة يمشي بحجي هذا وذاك.. شكبرة صار
وشكم مرة اتاذة من هالسالفة وميجوز
يسمع حجي الناس
ويصدكة بسرعه
اتصوري ماوية هية الوكعت بيني وبينه
وقنعته يطلكني علئ اساس اني طالبة الطلاك منة
واجتي يمي تكلي هو يريد
خاله يومية انصدم بهالبشر
شكد جانت حبابة وياية
ما دكدرر اصدك هيج سوت ويايه وهيج طلعت
ـ الهه غاية من جانت زينة وياكم
مهما يكون صباح يبقئ اخوهه واكيد مارادت تنطي بي بفترة زواجكم
بس من انكلبت الاحداث كلهه
وهو راح ياخذ اعدام
اتخلت عنج
واحتمال جبير اتخلت عنج علمود لاتقاسموهه الورث
ـ لهل درجه يوصل البشر
ـ اي ..
من فوك ناااعم تكولين اااالله
شنو هالبرائة
ومن جوة يضخ سم
بالضبط مثل الحية
ملمسهه نااااعمم بس عضتهه والكبر
ـ اهم شي ضميري مرتاح
ما اذيت بشر منهم
بالعكس همة اذوني
رغم ماجانو هيج ولا بينولي وجهم الثاني الا هسة يلة شفته
ـ خاله الناس متنعرف الا بالشدايد
لاتحكمين علئ بشر وتكولين هذا يحبني لو هذا صديقي وواكف وياية
الا من تمرين بمحنة
وكف وياج
اي هذا صدك سند
ماوكف وياج
خلص بين معدنة شنو
بس نصيحه يا نهاوند
اخذيهه نصيحه من مرة جبيرة بكد امج
لا تعتمدين علئ بشر
الوحيد التعتمدين عليه فلوسج
لان فلوسج الوحيــــدة المتخذلج
البشر يخذل ويخدع وتبين انكس معادنة وجوههه من يحقر
بس الفلوس لا
وياج الف تسوين الف
وياج مليون تسوين مليون
ما وياج فلوس
محد يباوع بوجهج
هذا واقع وانفرض علينة كلنـــــة احنة البشر
صح اكو حديث للنبي يكول بما معناه
راح يجي زمان يصير دينكم دنانيركم
وهسة احنة دنعيش زمن هالحديث
بس لا اني ولا انتي نكدر نغير من من هالواقه ومن هالوضع شي
من ترجعين للواقع
شوفي امج ليش كرهت ابوج
اكيد اكو سبب انتي متعرفي
ـ لان جان يحب الاغاني
ـ لا خاله ..
هاي اهل ابوج يضحكون بيهه عليج ممعقولة مرة تهجم بيتهه علمود رجلهه يحب اغاني لو تعجببة موسيقئ
بس شوفي شلون جان يعاملهه
وبشنو مقصر عليهه
انتي لازم تسمعين من الطرفين مو بس طرف واحد
ـ وين الكاهه خاله
راحت وكالت عدولي
ولا عبالك عدهه بنية تحتاجهه
ـ هية هنا المصيبة
شوفي لعد شكد كارهه ابوج بحيث حتئ بنتهه عافتهه لان انتي منه
وخصوصا البنية مو مثل الولد
شلون كدرت تعوفج و متسأل عنج هالسنين كلهه
اكيد اكو شي قوي ..
وصدكيني اغلب الظن راح يكون السبب مادي مو معنوي
لان احنة النسوان العراقيات اتعودنة علئ القصور بالعواطف من جانب الرجال
بس وية تطور الوكت كمنة منتحمل البخل والقصور المادي
البخل المعنوي نكدر نعوضة
بحب اطفالنة
بحب اهللنة
حب خواتنة اخوتنة صديقاتنة
بس البخل المادي شلون؟
مستحيل نكدر نعوضة بشي ثاني
مين تجيب المرة اذا رجلهه ميصرف عليهه وتعرف عندة خير من الله وميصرف
خصوصا المرية المتشتغل والعاطلة عن العمل او الماعدهه وضيفة
مين تعيش
تدرين اني شنو المشاني بهالطريق؟
ـ بقيت ساكته واسمعلهه
ـ ابويه جان فقير كلش فقير
واحنة خير من الله
امي كل سنة اتخلف اثنين
بداية سنة طفل
ونهاية سنة طفل
حالنة حال الارانب
وابوية يشتغل وميلحك
جنة كومة بنات ووكومة ولد
ماعدنة شي غير الثلاجة واعلب الايام فارغة
وفراش بالكاع انام عليه حتئ مو قريولة مثل البشر
عشنة محرومين من ابسط شي
حتئ من الماشة والقراصة والجواريب
وهنة شنو قيمتهن وشكد يكلفن بس جانت حلم بالنسبة النة
امي ماجانت تعرف تقرة وتكتب
بس جانت بالفطرة تقرة فنجان للنسوان
وتعيشنة بهالجم فلس التحصلهن
ومنهه اخذت المهنة وكمت اطور نفسي
ماكو شي يجي بالساهل
ولا الفلوس تجي بيدج اذا مو انتي تسعيلهه وتروحيلهه
بالنسبة الي هذا قانوني بالحياة
ماكو شي حرام طالما مماذية احد
وماكو شي حرام كدام الفقر
لو كان الفقر رجلا لقتله
كالوهه من الالف السنين
لان يعرفون شنو الفقر وشكد مؤذي
اريد ابتعد عن الفقر واابعد اطفالي نة
وفعلا كدرت اوصل للاريدة
بمجهودي وذكائي وتعبي
وهذني كلهن مو بسهولة يجن
ـ سكتت ماحجيت شي
لان اصلا ماعرف شنو احجي واكاوبهه
بس كلامهه احسه اثر بية
بس من ياناحية ما اعرف
ـ اشو ساكته
ـ ماعرف خاله ..
بس اني ماعرف اشتغل مثلج
ـ ههه لا مو هذا القصدته
قصدت اي شغل تعرفي تشتغلي
حتئ تكدرين تعينين نفسج انتي وخواتج بدون منية من احد
هذا الاقصدة
مو شغل معين احددة
لااا انتي تحددي ..
انسي هالشخص الاسمة صباح
وانسي هالناس كلهم
وانسي كلشي
وابدي حياة جديدة
ومثل مكلتلج
الفلوس هية كلشي
شوفي بسبب الفلوس شنو صار بيكم
عمامج مارحموكم بسبب الفلوس
ونبيل مارحم اختة بسبب الفلوس
وماوية لعبت هاللعبة همين بسبب الفلوس
ـ صح كلامج خاله
ـ يلة خاله يلة
لا تهتمين لشي وامسحي دموعج وانسي كلشي
ـ خلصنة حجي ونزلو الجهال من فوك
جان عاجبهم يشترون
انطتهم خاله فلوس وطلعو يشترون
رحت للمطبخ لكيته مكلوب بالمواعين الغدة
غسلتهن ورتبت المطبخ وكلشي رجعتة لمكانة
احس نفسي جوعانة
بس ابد ما اشتهي اكل
واصلا ممغوصة مدري شبية
اندك الجرس وطلعت افتح الباب
اكيد هذول الجهال رجعو
فتحت الباب شفت رجال غريب ماعرفة كاعد بالسيارة
تفضل
ـ هلاااو خالتي موجودة جوة
ـ ياهلا بيك.. تقصد خاله ام مهند
ـ ليش اكو غيرهه ياعيني
ـ اي موجودة جوة بالهول
ـ اوك ..
ـ نزل من سيارته وقفلهه
ضحك بوجهي ودخل ..
وين عفية انت منو
ـ ااش لاتكولين الهه اني جيت
ـ شلون ما اكولله .. منو حضرتك
ـ وج بابا اني ابن اختهه حكيمة
ـ صفنت عليهه ...
البارحه شفت اوس و اياس انت منو منهم
ـ اني انمار اخوهم الوسطاني
لــــــــج ميـــسووون وووينج
ـ اياااا حيووووان يااا انمااااار
ووووولگ يالاثووول شوووكت رجعت يااانذل ليشش ماكلتلي اجي استقبلللك
ـ والله العظيم قبل ساعتين رجعت
ـ اشوو امك العوووبة ماكلتليي الييوم يجي
ـ ااني كلتلهم لاحد يحجيي اريد افاجئههه
نهاوند ـ كمز عليهه هالولد الاسمه انمار وكعد يحضن ويبوس بيهه وهي هم
شكد حلوة علاقتهم
خجلت لان واكفة بنصهم مثل العذول تسحبت وطلعت
ام مهند ـ نوونة حبابة سويلنة عصاير وكليجة
ـ حاضر خاله
رحت للمطبخ حضرت اليريدو وخليته بصينية وقدمته الهم وطلعت
الولد حلو ميشبه اخوته
جسمه كلش ضخم وقلافة
مو كلش طويل صباح اطول منه
بيني وبينة شبر تقريبا
وجهه بيضوي علئ بياض
عيون كبار شعرة اسود
حلكة هم جبير وخشمة صغير
يعني شي علئ شي متناسق
شلون قاط لابس جديد بالباكيت عبالك
والسيارة مالته تبجي من كد ماتخبل وجديدة
وكفت يم باب الهول اشم عطرة يدوخ هذا شنو هالعطر الحاطة
ام مهند ـ شجبتلي وولگ من الامارات
ـ جبتلج شكل عطور وبخور من بيت العود مستحيل تلكين منهن هنا
ـ طاح حظك شو صاير بخيل يمصخم بس عطوور جايب
ـ جايبلج اشكاال وغلاتج
هسة انزلهن من السيارة اصبري
ـ طلع الولد وركضت وكفت بعيد عن الباب
ـ تعالي يابنية شيلي الغراض ويايه حبابة
ـ رحت اركض وراه احس رجليه تمشي لوحدهه مدري شبية من شفته
ـ اخذي هذني ووديهن لخالتي
ـ اوك
كومة علاكات نزلت كلهن كبار ومال دعاية مرسوم بيهن اشكال
خليتهن بالهول وطلعت للمطبخ كعدت
اسمعه يحجي وية ام مهند يكلهه منو هاي البنية
ام مهند ـ بينة جبتهه تساعدني تشتغل هنا ويايه بالبيت
ـ حلوة
ـ ابو عيون شبسرعه فصلتهه
ـ تعرفيني اخذ سونر لكل يي
ـ ههههه اي بعدهه صغيرة وحلوة
بس خطية حياتهه ظيم وظلايم
ـ ديري بالج علئ عمي ابو مهند لايشوفهه وتنلاص انورج
ـ لا عمك بجيبي الصغير حاطته لاتخاف
ـ هههههههههه كفووو
ـ ارتفعت معنوياتي من سمعت هالولد يكول عني حلوة
بقو يسولفون بيناتهم ويحجون
عفتهم وصعدت فوك اتفقد الجهال
دقايق وسمعتة ديطلع
وخاله تودعه
وكفت يم الشباك واباوع عليه
مهند ـ هذا انمار ابن خالة حكيمة مو
ـ اي اسمة انمار
ـ يومية مسافر لدولة شكل
ابد ميكعد بالعراق
ـ وين يروح
سارة ـ يوو مفتر الدنية كلهةة يروح للامارات ومصر وتركيا واردن ولبنان
ـ صدك نياله.. ليش هالكد يسافر
مهند ـ هو تاجر وهيج شغلة كل يوم بدولة شكل
ام مهند ـ نوونة ووينج
ـ نزلت جوة وورايه الجهال .. نعم خاله
ـ صعدني هذني الغراض لغرفتي حبابة
تعالي سارة شوفي هالساري علئ كدج
مهند ـ اشو بس لسارة جايب
ـ ولگ لاتصير عينك ضيقة هذي الملابس الك جايبهه اني وصيته عليهن
ـ اخذت الغراض لغرفته
خليتهن ونزلت يمهم
اشوفهه تكدر الملابس والاحذيية الجايبهن علئ جهالهه
كلما اكول انسئ شي اسمه عائلة
بس هالتصرفات تفطني وتخليني احن
ياريت عندي هيج ولد عم وولد خال يذكرونة وحنينين علينة
ماجان هذا حالنة
ماعرف شبية فرحانة وية فرحة هالصغار
ام مهند ـ حبابة نونة سوي العشة
ـ حاضر
كمت للمطبخ حضرت العشة وخليته
اتعشو الاطفال وصعدو نامو ورحت لغرفتي…
مكدرت انام
كاعدة وافكر بالصار وياية اليوم
ردت اخابر ماوية وارزلهه واعاتبهه بس الوكت متاخر تقريبا ساعه 11 بالليل واكيد هسة نامت ..
خليهه باجر اخابرهه
بقيت العب بالاتاري الئ ان غفيت
مر اكثر من اربع ايام ومتردةة اخابر
مرة اكول اخابرهه واطيح حضهه واتعارك وياهه
ومرة اكول اوكعهه بالحجي وافشلهه
اكثر من مرتين دكت عليه ريتال ما شلته
و مالي خلك حتئ اخابرهه
عفتهه ماهتميت الهه
لان كلهم منافقين وكذابين
خلصت شغلي الصبح
واستأذنت خاله وصعدت لغرفتي
خلص لازم اخابر وابرد كلبي بيهه
اخذت التلفون ودكيت عليهه
ماوية ـ هلو نهاوند شلونج اااخبارج مشتاقين حبيبتي
ـ الحمد لله اني الاشوق
انتو شلونكم
ـ الحمد لله ماشي الحال
ـ صباح شلونه
ـ الضاهر الكلب حن
ـ لا مو هيج بس العشرة متهون
ـ حقج ببنت اصول ..
والله صباح مو زين خطية جان متأمل علئ قرار العفو وضاعت اماله
ـ اريد اشوفه ماوية
ـ شنو .. المن تشوفين
ـ اشوف صباح يعني منو اشوف
ـ هاي شلج بيهه
كعدي وسكتي يمعودة
هوو احنة وكوووة نشوفه
ميسمحون بالزيارة
ـ حاولي ادبريهه من يمج ماوية
مو احمد يشتغل وية محامي اكيد يكدر يدبرهه
ـ اااابد ودااعتج مترهم
ياا هية ريتاال اختة ومكدرت تزورة الاجرائاات مشدديهه مستحيلة الزيارة
ـ يعني ابد مابيهه مجال
ـ لا مستحيل يمعودة
اني اخته من امة وابو يشهد الله كومة فلوس ادفع يلة اكدر اشوفة
ـ شوكت شفتي اخر مرة
ـ عمت عيني عليه
البارحه رحتله سودة عليه
كلش متاذي حتئ ماعرفني صاير فد مرة مريض
ـ ليش
ـ هو كلش تعبان ومتخبل الا شوي
ـ عجيب بس من رحت وشفته
عرفني وحجئ ويايه وكلشي مابي
ـ شـ شنو… ششوكت شفتي
ـ معقولة ماكلج قبل كم يوم جنت يمة
ـ انتي! رحتيلة
ـ اي وسولفنه وجان كلشي مبي يحجي عادي ويبجي هم خطية
ـ ها ...
ترة حركتج هاي ااابد ماحلوة يا نهاوند شنو تلعبين عليه تكذبين عليه
وتكليلي مشتاقتله واريد ازورة ودبريهه وانتي رايحتلة
ـ اني العب عليج؟
ههههه وعندج عين تحجيهه بوجهي
ـ ها شنو هاللسان الطويل
ـ اني ما اوصل لكذبة من كذباتج ياماوية
تكولين لاخوج جنتي تزوريني واني طلبت الطلاك منه
شوكت زرتيني بالتوقيف
ووشكت طلبت الطلاق منه؟
وفوكاهه تجين يمي تحجين نفس الحجي والكذب
شنو غايتج
ليش هيج سويتي
شنو جنتي تريدين بالضبط
ـ طالما صار الحجي علئ المكشوف
اي صـــح
اني ماردتج تبقين علئ ذمة اخوية
ـ سيطرت علئ نفسي حتئ لاتنزل دموعي ..ليش
ـ ماعشتي وياه الا جم شهر
وفوكاهه مو زوجته بشكل قانوني
ولا حتئ واقعي
حبر علئ ورق
لا لمسج ولا كدر يتقربلج
صح اتمنيت يتزوجج بشكل طبيعي ويشوف ذريته وانخبصت اني وابو همام بيكم
بس هذا قدر الله كاتبه عليه
احنة سعينة ومكدرنة نسوي شي
فـ ليش تبقين علئ ذمته
وليش تورثين من حصته
وانتي الماعشتي عيشتنة ولا نهضمتي مثلنة
تجين علئ الحاضر تاخذين من لكمتنة
اي سعيت حتئ يطلكج
وكل واحد يروح بطريقة
بس يانهاوند لاتتصورين اكرهج
لا ابدا
بس الفلوس اني وخواتي احق بيهه
احنة العشة وية هالنذل النكبر جوة التراب
احنة التعذبنة منه
صباح اخوية من 35 سنة
وانتي زوجته من جم شهر مو اكثر
احنة الاحق بفلوسه مو انتي
ـ لو صدك تحبين اخوج جان رحتي وزرتي بالسجن وشفتي شيحتاج
لو صدك تحبين اخوج
جان بفلوس ورثة تكدرين اطلعي
خصوصا هالوكت لا دولة لا قانون
كلشي تايه
و اي واحد يدفع فلوس يطلعو برائة لو قاتل الف شخص
بس انتي حتئ محامي ماخليتيلة
انتي مصلحجية
وانانية ولئيمة
متفرقين شي عن الاعرفهم ومرو بحياتي
بس جان ضاهر يشكل وداخلج شكل ثاني
لو صدك تحبي جان طلعتي من سجنة وعالجتي بفلوسة وخليتي يعيش طبيعي
لاتحجين بالاخوة والحب
وانتي قمة الانانية والخبث واللئم
حالج حال ابوج القذر
بس الخسران الوحيد بينكم صباح المسكين
قتل ابوكم ودخل السجن
ويمكن راح يعدمو
حتئ انتو المتستاهلون تعيشون
تتنعمون بهالفلوس
زين وين بقية خواتج عنة
ليش محد يزورة ويذكرة
تدرين شلون كعد يبجي مثل الطفل
وهذا اكبر دليل علئ خوتكم الجذذب
انتو بداخلكم اعداء
وعلئ العموم راح اسوي باصلي واحجي
اكو حارس عرض عليه يساعد صباح ويطلعه مقابل فلوس تنطوه
اذا صدك مهتمين لحياة اخوكم
اتصلي علية واخذكم الة ..
وهسة خلصت نصلحتي وياح
حرامات والله صرفت هواي رصيد عليج
راسا سديته بوجهه وشمرت التلفرن ...
احس روحي ارتاحيت من حجيت
وواجهت هالمنافقة
حتئ صرت اضحك واسولف واتشاقة مو مثل قبل كئيبة ومنطوية
خلصت عطلة نصف السنة وبدت المدارس
اغراض خواتي بعدهه يمي
اتصلت علئ خاله وداد وكالت علئ فرغتهه تجي واضاهر ما كدرت تجتي خطية اكيد مشغرلة
هذا نهاية شهر الثاني
وبهالشهر المفروض عيد ميلادي
ولو ماكو يوم 29 بهالسنة لان مووكبيسة
بس ميخالف اتمنئ انجمع وية خواتي
و اخذ كيكة جاهزة واحتفل وياهن
طول هالايام خاله ابد ماقصرت وياية
وين ميروحون ياخذوني وياهم
اتعلمت اكعد اكل بمطاعم بدون خجل
وتعلمت اتصرف مثلهم
هواي اشياء اتعلمت بهالمدة القصيرة
وهية خطية حاولت تعلمني علئ هواي اشياء
كمت اشوف البنات شلون تلبس وتعتني بنفسهه
جنت احاول اقلدهم واوكف كدام المراية واتمكيج علئ وقت فراغي
بس البيت جبير وتنضيفة يتعب خصوصا ايام التراب اكره روحي من التنضيف
شكد مقبط البيت
وهمين يدخل التراب مادري مين
بس شسوي العيشة تنراد والحمد لله والشكر علئ كل حال
صار يوم 26/2 وماضل شي لنهاية الشهر بس يومين ..
شفت خاله ام مهند جانت كاعدة تتفرج فلم اجنبي طالع علئ قناه مشفرة.. اجيت ووكفت يمهه
ـ ها نونة خيرج كولي
ـ خاله من يوم الاجيت يمج ماشفت خواتي
ـ اي والله صدك ..
غير وداد بربوك متجيبهن
ـ زين خاله ميخالف اني اروح يمهن
ـ تروحين .. مو اني ما اكدر استغني عنج
ـ دنكت راسي وكلتلهه كيفج خاله
ـ ليش نونة صاير شي
ـ لا ماصاير بس…
ـ بس شنو خالة احجي
ـ هالشهر عيد ميلادي
ـ اهااا ياعيني
ـ واريد احتفل وية خواتي
ـ شوكت يايوم باجر لو عكب باجر
ـ لا باجر ولا عكبة يوم 29 بالشهر
ـ ههههههه صدك جاية بسنة كبيسة
ـ اي
ـ يلة ميخالف روحي باتي يوم ورجعي
ـ صدك خاله تقبليين
ـ اي اي روحي واتونسي وية خواتج
بس هااااا… .كلمة متطلع منج
شغلج هنا… مقابل سكوتج
ـ امني خاله
مستحيل احجي
ـ عفية
باجر اخابر علاء ابو التكسي الاخذج تشترين كيكية وتروحين لخواتج
ـ ركضت بستهه وكلتلهه ..
شكرا خاله شكد احبج واموت عليج
ـ واني هم حبيبتي
ـ حضرت ملابسي ولميت غراض خواتي واخذت اتاريات اثنين الهم وبقيت الي واحد
خابرت خاله وداد وكلتله راح اجي ورحبت بية
صار ثاني يوم وخاله نطتني 50 الف بيدي
ـ شوفي خاله ..راح تستلمين راتب كل شهر 50 الف
من غير الاني انطيجياه والهدايا التجيج
يعني لان عايشة ويانه اكلج شربج من عدنة
ـ اي شكرا ماقصرتي خاله
ـ هذا راتبج…
ووصيتلج علئ كيكة هسة من تطلعون علاء يمر عليهم تاخذوهه
لان دافعة فلوسهه كلشي لاتنطين الهم بس انطي اجرة علاء
ـ شكرا خاله .. مع السلامة
ـ الله وياج حبيبتي مو تتاخرين عليه باجر رجعيلي ماكدر بلياج
ـ ضحكت بوجهه وطلعت…
صعدت السيارة و مشينه شوي وبدة يعاتبني علاء
ـ هذا كارت رصيد الج
ـ منو كلك محتاجة رصيد
ـ لعد ليش كل هالايام انتضرج تراسلين لو تتصلين وولو مسكول ادكين عليه
وكلشي ماكو منج
ـ حسيت نفسي صرت بنص هدومي من الفشلة نسيت تماما ان علاء ناطيني رقمة وينتضر اتصال مني
وللحكاية بقية………. 🥀