الحلقة العشرون
لان تطلبوني بارت كتبتلكم هالاكدر عليه احبكم
#ليلة_من_فبراير
كنتُ فراشةٌ مُبهجة..
فراشةٌ بألوانٍ زاهية ،
أطيرُ وَ أتمايلُ بينَ زهرةٍ وَ زهرة..
لكني أصبحتُ بِلا أجنحة ،
لم أعد تلكَ الفراشةُ
التي تبتسم للجميعُ الناس
❤️
نهاوند ـ دگ التلفون وودعني وطلع وطلعت وراه
شفته صعد السيارة وذبيت المي وراه
دخلت وسديت الباب
ورجعت الكاسة للمطبخ
التفتت حتئ اطلع
شفت ابو صباح ساد الباب وجاي عليه
عيونة تخوف ..
شبيك ليش ساد البااب
ابو صباح ـ احذري تعيطين لو تصيحين ابليج ابلوة متتصوريهه..
واخليج تحيرين بزمانج
ـ شنو هالحجي
شتريد مني
وخر عني لااتتقرب
ـ هناوند والله نفسي بيج ماكدر بعد
ـ وخرر عني حرام عليك
اني زوجة ابنك شلون هيج تباوعلي
ـ ولج يا ابني
انتي بفلووسي اجيتي لهل بيت
انتي حگي مو حگ هالخصي
بعدين شبيج
والله ادللج واخلي قندرتج فوك راس شكو وحدة بهالبيت
ـ يحجي ويتقرب عليه
انحصرت بين السنك والكاونتر..
وخر عني الله يخليك
حرام التسووي والله حرراام
ـ لا موحرام
ولج انتي كلشي متفتهمين بالدين بعدج صغيرة وحرام هالجمال ماينضاك وولا ينركب
ولج انتي فرس اصيلة واني خياالج تعالي
والله اني بعدني بحيلي وبقوتي
شوفي شلون راح اونسج بالنومة
اعرف بيج كلشي متعرفين بالفراش
و ميكدر صباح يسويلج شي
تعالي شوفي شلون راح اريحيج واونسج
اصلا انتي مبين عليج غشيمة متعرفين سوالف الفراش ولج تعالي عاد لاتعبين كلبي
ـ وگ وخر عني استحي علئ شيبتك انت بكد جدي
ـ هاز كاروكج هسة حتئ الشباب شيبت ولج دتعالي عاد لاتعبين كلبي
ـ ووخر لا الم الدنية علييك
ـ لاتعليين صوتج ترة تندميين
ـ اتقرب عليه ولزم صدري
شگ دشداشتي من الصدر
معرفت شسوي
بقيت اقاومة وادفع بأيدة
بلكي اكدر انهزم لغرفتي
بس قوي
ايدة هواي جبيرة
حظني خلة ايدة علئ خلفيتي
وراسة بين رقبتي وصدري
ماعرف شسوي بهالحاله
مافكرت بشي بوقتهه
غير انقذ نفسي من عندة
ماعدات تهمني الفضيحة
بكد ميهمني شرفي
صرخت بعالي صوتي...
وخــــــــر عنــــــــــي
ـ صووتج والله تندميين
ـ الــــــحگوووووني
يااااناااس يااعالم
رررررريتاااللل خاااااالة
وووينكم
بدون وعي جريت سجينة جبيرة وضربته ماعرف وين اجتي الضربة بس شفته انجرح وكام يطفر الدم
انرعبت من كمية الدم الطفرت منة حسبالي ذبحته ..
كل الصار خلال ثواني
انكلبت حياتي كلهه
حسيت بنفسي مجرمة
دفعتة وابتعدت عنة واني اصرخ بهستيرية ماحاسة علئ نفسي
ابو صباح ـ لج بنننت الكلبببب
تبوووكينييييي
ياااا بنت القندرررة
بنت الفكررر يالخدااامة
لميتج من الشوووارع
عبــــالج ماعرررف
شمرووج عمامج بالشوارع يوومين
لج اكيد يعرفون بيج كحبة وشمرووج بالشوراع
وتالي كربسووج براسيي
ولكم وولديي ويينكم
تعالو شووفو شسووت مـــــرة صباح بيية تعاااالوو هاااي ذبحتنيييي
ـ عزةةة انــيي شنوو بككت منك
والله ماسوويت شـي .
عزةةة بعييني عزةة بعيني صباااح ووينك
التمو اهل البيت كلهم علينة بالمطبخ
دخل فلاح وخزام ونسوانهم
وام خزام وريتال احس كلبي وكف
فلاح ـ لج شسووويتي باابوية بنت الكلببب
خزان ـ تعاال تعاال شيلة خلي ناخذة للمستشفئ ولگ خلص دمة راح يموت
شبماء ـ ياستار يارب شنو صاير من الفجر
ساجدة ـ عزة جريييمة ابييتنة
يمة دخيلك ربي
اخذني لاهليي خزاااام
اني نفسة بعدني
ولك اخذني راح انجبس واموت اني وابنك
ابو صباح ـ وولكم باااكت مني خمسس اوراق وذبحــــــتني فوكاهه
ولكم ايدييي ما احس بيههه لحكووني
خزام ـ يافلوس يابة. انت وين تبقي فلوس بالبيت كلههن بغرفتك ومقفوول عليهه بالنفتاخ
ـ اااانجـــب
خليتهن بالهول ورحت للمرافق
اجيت لكيت هاي خامطتهن وفوكاهه تنكررر الساقطةة
ام خزام ـ اهااا هياانهن بالكاع اي والله هاي خمس اوراق
نهاوند ـ باوغت بالكاع هاي صدك فلوس شكلهن غريب ماشايفة منهن قبل
واكعات بالكاع وشالتهن ام خزام
و اجئ فلاح عليه
بدون ميسألني صدك لو جذب هالحجي
وشبعني ضرب
وكعت بالكاع لان دخت كمت ما اكدر اشوف بس احس الدفرات والراشديات تجيني من كل مكان ام خزام اسمعهه تكلة انت هم موخير شجابكم بالمطبخ سوية
تقرفصت علئ نفسي وخليت راسي بين رجلي وكعدت بمكاني استقبل الضربات
ريتال ـ موو هييج يمعودين والله نهاوند فقيرة ميطلع منهه هالسولف
ابو صباح ـ ايا ناقصة يابنت الناقصة تكذذذبييني
ام خزام ـ والله ماكو ناقص غيرررررررك
فلاح ـ انتي وياهه من نفس الخرة
ولج ذابحه ابووج شوفي الدم بكل مكان
نهاوند ـ والله مو هيج والله ماسويت شي
ابو صباح ـ اخذوووني للمستشفئ ولكم ذبحوني ابيتي وباكوني خمس اوراااق
خزام ـ يااابة مو وكت هالحجيي شيلوو راح يخلص دمةة خلي ننقلة للمستشفئ
ـ اخذو ابوهم للمستشفئ بقيت كاعدة بالمطبخ ارجف من الصار
ساجدة راحت تركض لجهالهه لان كامو يتصارخون وخابرت علئ اهلهه وراحت تلم هدومهه
وشيماء همين راحت لجهالهه
بقو يمي امخزام وام هناء وريتال...
بـ بـ بردانة رريتال بردانة
ام خزام ـ انتو ليش سوية بالمطبخ
ـ والله ماسويت شي عمة ذبيت طاسة مي ورةة صباح ورجعت للمطبخ ليكتة دخل ورايه
ام. هناء ـ فهمينة شجان يريد منج
ـ انهاريت بالبجي معرفت شحجي
ريتال ـ بس لا الي ابالي
ام هناء ـ وشنو ابالج فهميينة يمعودة حالنة مثل الطرش بالزفة
ريتال. ـ احجيي نهاوند لاتسكتين
ـ هـ هو هوة من زمان جان يتحرش بيه
كمت اشهك وابجي مكدرت اكمل
ماعرف شسوي راح يصدكوني لو لا
ام هناء ـ لهل درجة وصاختة وصلت
ام خزام ـ هية هم مو خيرة
اكيد شو شمسوية وهو متخبل عليهه اني سمعتهم هذاك اليوم اكوو شي بيناتهم لو صددك ماعدهه شي ويااه شكو ساااكتة ..
خابرو صبيح شوفو يعرف بسالفة مررتة
اذا ميدري شي يعني مررتة عااجبهه الوضع وعااجبهه ابووه يتحرش بيهه واكيد اختلفو علئ السعررر
ـ عزااااا عمة
والله موو هيج ليش هيج تحجين
ماسوويت شي والله العظيم دائماا اردة. والله والله وداعت خواتي والله ريتال جيبي اي شي احلف بي والله ماسويت شي عزاا بعيني والله بريئة والله
ريتال ـ خلي اكوم اغسل هالدم الدم بكل مكان
ام خزام ـ عووفي كل شي بمكانة
ام هناء. ـ شنو عاجبج زفر الدم بكل مكان
ـ عيني حبيبة معليج
هذا بيتي واني اتصرف بي
انتي بيتج فووك ميخصج بينة
ريتال ـ وليش ماغسلة غير افتهم شنو معناهه يضل الدم بكل مكان مو يجمد شيطلعه بعد
ـ مادري فلاح كال كلشي لاتسوون
ـ ارتجيت علئ الثلاجة
والم بروحي
ارجف واتخيل اشياء ابالي
احس عيوني تريد تنفجر من البجي
ماكدر اسيطر علئ روحي
شسوي وين اروح
وين صباح اريدة ييمي
نسيت كلشي بلحضتهه ايدي وملابسي بيه دم امسح وجهي يتلطخ بالدم
نفسي لعبت وكرهت روحي
كلهم راحو يكملون يومهم بس اني ضليت كاعدة بمكاني ومتجمدة من الخوف ويمي ريتال
ـ ليش ماحجيتي ليش ماكلتي شنو سالفتج مو تحجيلي كل شي ليش سكتي
ـ خفت ريتال خفت احجي محد يصدكني وخفت صباح يقتل ابوه واروح اني بالرجلين
ـ يعني صباح يددري
ـ لا بس كلتلة انت راح تضل ساكت عن حقك وتالي ياخذني اني هم منك وتضل ساكت بسبب خوفك كلي انتي وسجئ نفس الحجي حجيتو واذا سوة شي اقتلج وااقتل ابوية
ريتال والله مابكت ولا فلس والله العظيم وداعت خواتي وداعت امي ازدهار اني مابووك والله العظيم
ـ لا تحلفين اعرف طينتج شنو بس انتي غبيية راح تروحين بالرجلين هسة امي كعدت بالهول لا اكدر اغسل االدم ولا اكدر اساعدج بعد
لوو حاجية بساعيتهه وفاضحته ماجان وصلنة هالمواصيل بس كليلي شيريد منج بالضبط
ـ يرريد ينام وياييه اليوم كلي حجي مينحجي ريتال لاتعوفيني الله يخليج والله ماسسوييت شي والله العظيم
ـ ااش لاتخافين هسة. يخيطون ايدة. ويجون ماكو شي لا تخافين بس اهدي خلي نفكر عدل
ـ مر ثلث ساعه واجوي اهل ساجدة اخذوهه هية. وجهالهه ورة تقريبا اقل من ساعة اندك الجرس
ماعرف ليش رجف كلبي
ريتال لاتعوفيني
ـ لاتخافين خلي نشوف منو
بس اسكتي لاتضلين تبجين ماكو شي
ـ نكبست اكثر بمكاني
من الخوف حتئ رجلية خدرن وجسمي نمل سمعت ناس دخلو وكالو وين المدعوة نهاوند فؤاد حمزة
ريتال ـ عزة. صخام شرطة
ـ شنوو شررطة لالااا ريتال وين انهززم
ـ ااش صبرري خلي نفتهم اكعدي
ام خزام ـ بالمطبخ كاعدة بالمكان الذبحت بي ابو خزام الله لاينطيهه كتلت الرجال الجبيير
ابو صباح ـ ووينهه التريد تبووكني وتذبحنني ووينهه الساقطةة
ـ عزاااا لحكيييني ريتااال..
دخلو عليه الشرطة للمطبخ شافو حالتي هيج ومنهارة وابجي
الشرطي ـ انتي نهاوند
ـ ماكدرت احجي ابد كمت اختض خض من الرجف
ابو صباح ـ ااي هاي الساقطة اللميتهه من الشواارع وخليتهه تصير مرة ابني وتدخل بيتي تالي تبووكني وتخطط لقتلييي
الشرطي ـ لاا تغلط بوجوودنة احترم وجوودنة ابو صباح
ريتال ـ سيدي والله نهاوند خطية. بعدهه طفلة والله اعرفههه ممتقصدة. تضرب ابوية
ابو صباح ـ انجبييي انتيي ادبسززز توكفين وية الغريبة ضد ابووج
الشرطي ـ شكو جايبنة اذا تضل تحجي بمكانة ؟
علئ العموم المدعي عليه ابوج اشتكئ عليهه ولازم. ناخذهه للتحقيق
ـ يمعود يابة شنو ياخذوهه
سيدي هاي مشاكل عائلية يعني متسووة شرطة يدخلون
ابو صباح ـ هاااا متسووة شوفي الدم شووفي بكل مكان الله ستر واجتي بايدي الضرربة لوجاية بكلبي جان هم كلتي متسووة
الشرطي ـ مايخصنة
مشاكل عائليه او لا
طالما اشتكئ عليهه
لازم ناخذهه للتحقيق
ريتال ـ زين شنو التهمة سيدي
ـ سرقة و شروع باللقتل
نهاوند ـ سمعت هيج راسا اغمئ عليه مادري شنو صار بعد ..
حسيت يذبون مي علئ وجهي ويضربوني راشديات حتئ اصحئ .. شفت الشرطي بعدة واكف يعني ماجنت احلم ولا كابوس.. هذا واقع
جابتلي شيماء عبااية راس وحجاب
وربطو ايدي بزنجيل مال شرطة واخذوني
ووراهم فلاح وابوه وخزام وياهم
اشوف ريتال تبجي واني وياهه ابجي
ام خزام ممهتمة شيماء مصدومة
ام هناء حايرة مبين علئ وجهه
الشرطي. ـ نحتاج هويتهه وباقي مستمسكاتهه
ابو صباح ـ موجودة هسة. يجيبهه خزام ويجي ورانة.. ريتااال جيبي هويتهه وباقي اوراقهه وانطيهه لخزام
ـ صعدوني السيارة واخذوني لوحدي
وحدي بنص اربع شباب
غمضت عيني وبقيت اشهك وابجي
شكد احتاجيت امي ازدهار يمي
لو حتئ امي رحمة
وينگ صباح شلون اوصلك
شلون فاتتني ماخابرت علئ ماوية لو زوجهه من جنت بالبيت
انشدهت ماكمت اعرف اتصرف
بس اريد احد يمي استند عليه
شنو هالهم الشلتة من صغري
ربي والله بعدني طفلة
واريد العب باللعابات
والله بعدني اريد اتفرج كارتون
واريد العب ختيلان وركيضان وغميضة
والله بعدني اريد انام بحضن امي واحضن لعابتي .. وينج يمة
اني ما اذيت احد ليش دائما اتأذة ليش
هواي حجي بكلبي بس ماكدر احجي ولا اعرف اطلعه
كلشي ترجمته للدموع وبجي
وصلنة المركز ونزلوني ووايدي مربوطة مثل المجرمين
الزلم كلهه تباوع عليه
شرطيين ومدنيين
كلهم يباوعولي بأشمأزاز
دنكت راسي ومشيت
سمعت الشرطي الاول
يكلة للشرطي الثاني
بعدهه قاصر راح ياخذوهه لسجن الاحداث بس حاليا ماكو سجن للاحداث نخليهه وية البالغين ..
مفتهمت شنو احداث وين يصير هلسجن
راسا دخلوني بممر طويل
واخذوني للسجن
فتحو الباب ودخلوني
وردو قفلوهه
المكان بي كومة نسوان
اشكال والوان من النسوان
كبار وعجايز شابات
اكو وحدة وياهه بنتهه طفله ترضع من صدرهه شكلهه يقهر ويفت الكلب
اول مرة اشوف سجن
واول مرة ادخل بيه
ريحته كلش مقرفة شباك ماكو وضوة واحد وضعيفة اضائتة
والحياطين مثل السودة
عزة هاي اني وين ..
من الصدمة ماكو دموع بعد
بس باهتة بوجوه النسوان
بقيت واكفة بمكاني
ماتحركت بس اباوع بالوجوه
محد اهتم بيه
اغلبهن مهمومات
مبين عليهن
وكل وحدة حايرة بنفسهه
التاكل لو تكرز الصافنة والكاعدة. تحك بشعرهه
مكان غريب علية
شجابني هنا يالله
من الوكفة رجليه خدرت
وكامت تأذيني
بمكاني كعدت بين البنات
ـ هالبنية مبينة اصغر وحدة بينة
ـ التفتت شفت وحدة جبيرة. بالعمر ومشيبة وتحجي وية النسوان اليمهه وتأشر عليه
ـ شكد عمرج يخاله
ـ ارباطعش
ـ شسويتي وهنا شمروج
ولج بس لا لاكفيج وية واحد دعارة
ـ لالالا
ـ لعد شعندج هنا جيتي
ـ حسيت بضيق بصدري
ردت اموت من هالضيق
اريد اتنفس بعد ماكدر
طلعــــوني... يمـــــــــة
يـــــــوم ازدهاااااااار يمةةةة صباااااااح صــــــبااااااح وووينكم طلعوووووني
ـ ياا شوف تصيح لعشيقهه
ـ مو عشيقي خاله والله هذا رجلي .. انهاريت وكمت ابجي الحجي كوة يطلع مني
ـ لاتخافين خاله هو دائما اول يوم بالسجن هيج يصير بيج تحسين راح تموتين من الخنكة وكلبج راح يوكف
ـ مااااااسويت شي واااالله ماسووويت شيي صبــــــــــاح الـــــحكنييي
ـ تالي وياج خاله كافي تصيحين لايجون عليج يمخلوج ضرب ويصلخون من جلدج جلد
اسكتي يخاله وكافي صياح ترة هنا ميرحمون احد
ـ كمت اشهك وابجي بصوت عالي ماكدرت اسيطر علئ نفسي
ـ ولج سكتي اسكتي والله ميرحمنج...
ـ سمعت هالحجي وزادت كئابتي وانهياريت كوة سكتت نفسي وسيطرت علئ صوتي
اريد اصرخ صرت اخاف من خيالي ..
حسيت نفسي راح اموت من ريحة المكان
المكان هذا مو مكاني
ليش اني هناا
اني دافعت عن شررفي
واالله ماسوويت شييي والله
ياانااس لحكووني
يمةةة وووينج اخذيني يمج..
ـ احجيلي خاله شنووسالفتج ..
ـ حسيت احتاج احجي حالتي لاي احد بلكي يساعدني
حجيتلهه كلشي ابجي واحجي
وارجف
ـ احجي كلشي للضابط
ابد لاتسكتتين بلكي يلكالج حل
ـ صدك
ـ كولي يالله بليك الله يطلع شريف ويساعدج
بس لاتسكتين ابد ديري بالج كلشي احجي
ـ بلعت ريكي وهزيت راسي
دقايق وانفتحت الباب وصاحو اسمي
ـ نهاوند فؤاد حمززة
ـ كمززت من مكاني وصرخت... اننني
ـ تعالي الضابط يريدج
ـ طلعت اركض من السجن احتصرت فد مرة منة يارب ما ارجعلة يارب ..
اخذوني ودخلوني يم الضابط شفت العجوز كاعد
ويمة فلاح وخزام
ركضت ابوس بايد ابو صباح..
عموو الله يخلييك لاتخلييهم يسجنوني الله يخليييك
خزام ـ لا خوية ياسجن ماترهم يعني متسوة مشاكل بييت هاي
ابو صباح ـ اسكت انت ولك
حقي ما اتنازل عنة
نهاوند ـ سيدي والله العظيم ماسوويت شي والله جنت ادافع عن نفسي والله
الضابط ـ من شنو ادافين عن نفسج
ـ مـ مـ منة ادافع عن نفسي
ـ طيب عندج شهود
ـ علئ شنو الشهود
ـ جنتي بحاله الدفاع عن النفس
ـ بقيت صافنة مين اجيب شهود
خزام ـ يابة ميصير مرة. صباح تنسجن يمعود مهما يكون صارت محسوبة. علينة والفلوس لكيناهه
ـ بس اني مابكت والله العظيم مابكت ولا فلس
الضابط ـ تفضلو برة كلكم وخلوني وية المتهمة
ـ طلعو كلهم برة. وبقيت اني الضابط
ـ اسمعي .. تحجين كلشي بالتفصيل الممل .. ليش ضربتي سجين وشنو الصار ترة كل حرف يفيدج بالقضية واضاهر هالمرابي ماناوي يتنازل ويطلعج فـ الافضل تصارحيني بكلشي حتئ لو بكتي الفلوس احجي حتئ اكدر اساعدج
ـ والله العظيم وداعت خواتي وامي ووداعت زوجي صباح مابكت الفلوس
الصار هو من زماان يتحرش بية
ـ يتحرش بيج؟
ـ اي والله العظيم
ـ اوك كملي
ـ اني ماجنت انطي وجه ابد يكلي انتي من فلوسي اشتريتج
ـ لحظة وحدة وحدة شنو يقصد من فلوسة اشتراج
ـ سيدي اني عمامي اخذو منة فلوس وماكدرو يرجعولة الفلوس لان تضاعف عليهم ونطوني بمكان الفلوس وزوجني لصباح ابنة
ـ اها.. تمام كملي
ـ هو يتحرش بية يكلي انتي... سكتت معرفت شحجي بعد
ـ كلشي احجييي السكوت مو بصالحج ترة راح ناخذج لسجن الاحداث تنسجنين احجي كل شيي
ـ راح احجيلك كل شي ..
سولفتلة عن وضع صباح الصحي وشلون دائما يتحر شبية ويكلي اني اسوي هيج وهيج وياج لان صباح خضي ميكدر وانتي بفلوس اشتريتج انتي حقي مو حق صباح وحجيتلة. بالضبط الصار اليوم الفجر ..
والله سيدي بس رحت للمطبخ لكيتة ورايه والله سيدي مو قصدي اضربة بسجين بس لزمني من من من
ـ كملي لاتسكتين
ـ من اماكن حساسة
ماكدرت اتحمل راسا جريت من السنك وضربته بس مادري سجينة والله عبالي جفجفير والله العظيم
ـ وضحت الصورة .. لازم نشوف طريقة نقنع هالشايب بيهه
ـ سيدي اني بريئة والله العظيم
ـ القانون يريد ادلة والادلة ضدج ..
ضاربته بألة حاددة
وثانيا ماعندج شهود هو كان يتحرش بيج.. ايش ماحجيتي السكوت مو بصالحج بهيج مواقف ..
لو حاجية من البداية كان انردع وخاف لكن شافج ساكتة واتمادة
ابـــــو اسماعيل
دخلهم خلي يجون
نهاوند ـ دخلو خزام وفلاح وابو صباح
حاول وياه الضابط بس مافاد ..
ابو صباح ـ ما اتنازل اااابد
خزام ـ شنو ما اتنازل شلون تقبل يبقوهه هنا وهية بهالعمر
ـ خلي تاخذ جزائهه سيدي الضابط حقي هذا باكتني وتريد تكتلني
فلاح ـ هية من البداية مبين عليهه مو راحه
نهاوند ـ حرام عليك فلاح شنو شفت مني وهيج حجيت
الضابط ـ ترة تكدر تقيم عليك دعوة تحرش جنسي
ابو صباح ـ تحررش جنسيي ؟ اني بكد ابووهه يا ابوهه بعمرر جدهه وهية زوجه ااابني الجبير اتحررش بيهه ليش خلصت النسووان بووية اني عندي بالبييت تلااثة نسوااني حلالييي واذا اريد اربعن بااجر اجيب اصغرر منهه كل عقلك سيديي الضابطط اني اتحررش بمحاارمي شنو هالحجييي ززين عدهه شي يثبت كلامهه عدهه احد يشهدلهه معقولة تاخذون بكلامهه لاا اني هيج اخلي محاامي احسسن لازم تتادب هالبنت انني اتحررش بيهه ليش
وووين اتحررش بيهه ابييتي يعني نسواني بالبيت وبنااتي موجودات ماعندي عقل حتئ اتحرش بيهه كدام هالناس
فلاح. ـ اشو ماتحررش بنسوانه ؟
ولگ خزام فد يوم مرتك كالت ااگ ابوك تحرش بيهه
ـ لا
ـ لعد شنو هالحجي الجديد بعد
الضابط ـ طيب حلوهه وديا.. انتو اهل ومهما يصير تبقون اهل وانت مثل مكلت حسبة ابوهه سامحهه هالمرة
ابو صباح ـ لالا مستحيل
بعد الحجته مستحيل اتنازل
خليهه تتادب سيدي
اني زوجتهه لابني وسترت عليهه
عمامهه جانو شامريهه هية وخواته بالشوراع من اخلاقهن الزفت
بس متخيلت هيج لهل درجه واصله بالاخلاق..
الضابط ـ تمام .. وقعو علئ اقوالكم
نهاوند ـ وقعنة علئ اقوالنة ابو صباح ابد ميباوع بوجهي
اخذني الشرطي حتئ يرجعني للسجن
طلعنة باب الضابط وابو صباح كلهم سبقوني للسيارة ..
صرت مقابيلة ووكف يضحك عليه
ابو صباح ـ ابو اسماعيل بس كلمتين وية جنتي رحمة لابوك.. وهاي حلاوتك
الشرطي ـ لا تتاخر ترة يحاسبوني
ـ اخذ خمستالاف الشرطي وشوي ابتعد وهمسلي بصوت ناصي ابو صباح
ـ شفتي شلون بهذلتج ..
وبعد وبعد ياما راح تشوفين
اليوكف بوجهي امحي
فكري عدل ورديلي الجواب
ترة كلهه يومين
وتنرفع قضيتج فوگ
وصعب بعد تطلعين
ويصير عندج ارشيف بالسجن
من غير راح الشرطة هنا راح يقومون بالواجب وياج
اذا. جنت اني واحد اطلب منج هنا عشرة عشرة يغتصبووح غصبا عنج
من غير التعذيب الراح تشوفي
لاني موصي عليج ودافع فلوس بيج
اتخيلي اني ادفع فلوووس ..
فكرري لان بكلمة مني اطلعج
بس الثمن تعرفي شنو
سلام...
وللحكاية بقية............ 🥀