الحلقة الثالثة عشر
#ليلة_من_فبراير
يروِّعُني ..
شحوبُ شقيقتي الكُبرى
هي الأخرى تُعاني ما أعانيهِ
تعيشُ ساعةَ الصِفْرا ..
تعاني عقدةً سوادء
تعصر قلبها عصرا ..
قطارُ الحُسنِ مرَّ بها
ولم يتركْ سوى الذكرى..
ولم يترك من النهدينِ
إلا الليفَ والقِشرا..
لقد بدأت سفينتها تغوصُ
وتلمسُ القعرا ..
أراقبها ..
وقد جلستْ بركنٍ ،
تُصلحُ الشعرا ..
تصفعه وتخربُهُ
وترسلُ زفرةً حرَّى
تلوبُ .. تلوبُ .. في الرُدُهاتِ
مثلَ فراشة حيرى ..
وتقبعُ في محارتها
كنهرٍ لم يجدْ مجرى
❤️
سهير ـ تعالي ولج متبوسين عمتج الجبيرة
نهاوند ـ ضحكت بوجهه ورحتلهه وبوستهه
طلعو كلهم سوية ودخلنة للبيت
طول هالفترة عمة كميلة ماسكتت
تمشي وتتحسب علئ كل واحد يسعئ بعرس توفيق
دخلنة الغرفة اني ودعاء وكعدنة نتفرج علئ التلفزيون
دقايق وصار انفجار كلش قوي هز الاعظمية هز
من الخوف
اني ودعاء ختلنة جوة الجرباية
البيبان اهتزت
والشبابيك نصهه وكعت وتكسرت
الاصوات قوية
بس مادري وين
بالمطبخ لو الهول لو وين تفلشت
ثواني ودعاء طلعت
واني وياهه طلعت
منال كامت تعيط
ناصر طالع بالسيارة
وولدي بالشارع
وطلعت تركض
تري تشوفهم
سمعت صوت عمو ارشد
دينزل الدرج ركض ومادري شيحجي
من خوفي جلبت بايد دعاء
اتذكرت اليوم البابا انخطف بي
ودخلو علينة الامريكان
نفس الاحداث عبالك دتنعاد
ونفس الصوت القوي
ونفس الرعب
طلعنة بالحديقة سمعنة
صوت هورنات السيارات
وصياح الناس بالشارع
ودخان كلش عالــي
اشوف الناس البشارع يركضون بأتجاه الانفجار
فتح الباب ارشد
وطلع وياهم يركض
ونزلت وراه ام محمد
تصيح وتعيط عليه
تكلة لا تروح
خاف بعد اكو انفجار ثاني
بس ماجاوبهه عافهه وراح
كلنة وكفنة بالباب
منال وام محمد وكميلة
واحنة وياهم
شفنة وسام واخوتة واكفين يم الحايط ركضت عليهم منال ودخلتهم جوة
نشوف الزلم البشارع يتصارخون
فلان بنص الانفجار
وعلان ستوة طلع من البيت
طلعن بالشارع ام قيس وام عمر مخطوف لونهن مشدوهات
ويدورن بالوجوه
يمكن ولدهن بالشارع همين خطية
وهيج خايفات..
ابد ماخطر علئ بالي
احد من عدنة راح بهالانفجار
منال عينهه علئ الشارع
وكل شوي تتصل
وام محمد نفس الشي
محد يجاوبهه
مر اكثر من ربع ساعه
ودخلو هواي زلم بشارعنة يتصارخون ويبجون
كلنة طلعنة برة خارج البيت
دنشوف شنو شبيهم
صار صياح وعياط كلش قوي ابيت ام قيس
دعاء انخطف لونه وكامت ترجف
ام عمر راحت تركض
وراحت وراهه منال دتشوف شكو
بدون تفكير ركضت دعاء
وركضت وراهه
دخلنة بيت ام قيس
شفنة الناس ملتمة وتبجي وام قيس كاعدة بالكاع مثل المصدومة
سألت منال شنو صاير
كلولهه ابنهه الجبير استشهد
والثاني متصوب واخذوهم للمستشفئ
راسا دعاء كعدت بالكاع وكامت تبجي
ماعرف شبيـة
مابجيت ولا دمعت عيني
يمكن اتعودت علئ هيج اخبار
طلعت ام عمر تركض من بيت ام قيس التفتت شفتهه حاضنة ولدهه وتبجي وتشكر الله لان مابيهم شي ..
ام محمد عافت الهوسة ابيت ام قيس وطلعت برة
ردت اتصلت وهم محد جاوبهه..
بقت تلوب وعينهه علئ الشارع
الزلم الموجودين ابيت ام قيس
كالو شايفين عمامي مابيهم شي
حجو هالكلمتين و ردو طلعو وجلبت بيهم ام قيس
تريد تروح وياهم
لان كالو يريدون يروحن للمستشفئ
راحت ام قيس
ورجعنة للبيت
قبل لاندخل اتصلت ام محمد
وجاوبهه عمو ارشد
راسا وكفنة دنشوف شنو الاخبار
ام محمد ـ وووينك اتصل متجااوب تدري شصاار بيةة يمعوود ووين صررت ااررجع وين اخوتك شنو الاخبار
ارشد ـ وووين ااارجع ولج نص اهلي ماتوو ووين اجيي ام محمدد ووين اخووتي راحوو
ـ شدتحجي اررشد
منو ماات احجيي
منال ـ عزااا العزاااني
نااااصر رااااح
ووولكم ابوووكم رااااح من ورة عماااتكم
ام محمد ـ بس اصبرري منال خلي نفتهمم بس اصبرري فدوة لعيينج
ارشد ـ ووج توووفيق ماااات علئ ايدييي ..
نااصر مادريي ويينــــة
شفاء وبنتهةةة رااحوو مااضل بيهم ااحد
وولج لميتهم لم من الشاارع
وو ج سهييير وولدهه راحتت
بس لكيت اثنين من ولدهه والبقية مااكو
ووج ادور بالشارع والمستشفئ مثل المخبل ومااكوو مالهم ااثرر
نهاوند ـ هالخبر صدمة صارلنة
منال من عرفت ناصر ميدرون بي وين كامت تصرخ وتعيط
كميلة ساكتة وكاعدة بمكانهه
رغم عرفت بتوفيق مات
بس يمكن مصدومة
ماسوت شي حتئ مابجت
كالو سيارة ناصر ما باقي منهه شيي محترركة حررك وصايرة هيكل
ماعرف شلون مر الوكت بهاليوم
لا نمنة ليلنة
ولا اكلنة لكمة
ودنعرف نتصرف
بس كاعدين نبجي ونتصفن
دعاء اغلب بجيهه علئ ابوهه وقيس خايفة يموتون
واني كل حزني علئ عمة شفاء وبنتهه ..
مدتخيل بعد ماشوفوهن هي وسحر
كلش متعلقة بسحر
جنت اشوف اختي الحان بيهه
حتئ ولد عمة سهير همين خطية
ولدهه الكبار بكدي وعدهه صغار
صار الصبح بين مكذبين الاخبار السمعناهه وبين مصدكين
اجة عمو ارشد حالته تبجي
جان مبين عليه تعبان
هدومة بيهن دم يمكن
ماعرف وصخ
ممبين كلش واضح
اول مادخل كام يبجي
اتاكدنة عمة شفاء وبنتهه ماتن
وعمو توفيق مات
واثنين الكبار من ولد عمة سهير ماتو
وبقة عدهه بس ولد وبنية الصغار
وهي متصوبة لان جانت حاضنة ولدهه الصغار واجتي الشضاية بيهه
وعمو ناصر هم متصوب بالمستشفئ
اجتنة الاخبار اخو قيس الجبير مات وقيس انقطعن رجليناته اثنينهن
الاخبار كلهه مأساة جانت
مرة ابجي مرة اسكت
الكل مفجوع
الشارع كلة مفجوع
لان راس شارعنة بي هواي محلات والعصر كل الولد يطلعون
يوكفون براس الشارع لو يم المحلات
مال شارعنة
والشوراع الورانة همين عدهم فواتح
شارع حيوي يكولون عليه ونشط
نصبو الفاتحة
ومدو الجادر يم بابتنة
هالايام ابد ماجنت علئ بعضي
كل يوم
تروح منال للمستشفئ علمود ناصر.. وسهير وولدهه زوجهه جان يداريهم
كلنة لبسنة اسود بالبيت
ودعاء نطتني قميص اسود منهه
وعندي بنطلون اسود ولبسته
اجوي هواي نسوان للفاتحه مالت عمو توفيق وعمة شفاء رغم زوجهه لشفاء سوة الفاتحه ابيت اهله
بس كرايبنة اجوي علينة
اول مرة اشوف اقاربنة
اغلبهن عمات بابا وبناتهم
و خالاته ووبناتهم
كم وحدة من النسوان
تباوع عليه بنضرة عطف
واني كلش اكره هالنظرة
جنت اقدم مي للنسوان
وسمعت وحدة منهن تكولهم
خطية هاي بنت فؤاد
البيهه حاله نفسية
شوفوهه شلون تقهر وتكسر الخاطر
بس زوجي ماتاركهه لوحدهه
دائما يدفعلهه فلوس العلاج
ينطي لولد اخو
حتئ ياخذوهه للطبيب
والله مبين عليهه مو طبيعيه
شوفوهه شلونهه
والنسوان يكولن اي صدك مبين مو طبيعية
التفتت عليهن وبقيت اباوع بوجوهن
ماعرفت شحجي
ولا شلون اتصرف
من شافتني هيج
التفتت راسا ودارت وجهه عني
صار كل همي طول فترة الفاتحه اثبتلهم اني مو مخبلة
ولا بية حاله نفسية
بس مدعرف شلون اثبتلهم
اذا ابتسمت
كالو صدك مو طبيعيه
بنص هالمصايب وتضحك
واذا بجيت
كالو اكيد تبجي لان نفسيتهه تعبانة الله يساعدهه
واذا تعصبت
كالو العلاج مأثر عليهه وهيج يخليهه
حرت بنفسي شسوي وشلون اتصرف حتئ يكولون عني طبيعيه
صرت مثل الخشبة كدامهم
احاول ما اصير عصبية
ولا ابجي ولا ابتسم
عبالك لعابة
اخدمهم واشتغل
بدون روح ولا ردة فعل
وهمين ماخلصت من الحجي
الكل يكول
وجهه مبين عليهه مو صاحية و مصدومة وتكد منال تجملهه عليه تكلهم
اي حقه هيج تصير
امهه عافتهه
وابوهه مات كدامهه
ومرة ابوهه ماتت وراه شيصير بيهه
لو يكولون النسوان
سمعنة هيج مسوية بيهه زوجته ابوهه مخليتهه تتلبس ببنتهه الميته
شوفوهه وجهه شلون مصدوف واضح عليهه الموض
صرت اشك بنفسي
خاف صدك بية حاله نفسية
واني مو طبيعيه
بس والله دعاء
وبنات عمو ارشد مثل تصرفاتي
نوبة يبجن
نوبة يضحكن
نوبة يتعاركن
يعني ليش بس الحجي عليه
بشنو افرق عنهن
اتمنيت خاله ام عمر كاعدة وتردهن
بس جانت تجي بغير وكت ساعه يمنة وساعه يم باقي الجوارين العدهم عزة مثلنة
طول الفاتحه نشتغل طبخ وتقديم وثوابات ونشيل غدة ونحط عشة للناس
اجن نسوان لابسات اسود ووياهن بنية وجهه احمر من البجي عبالك مخرمشة وجهة
كامتلهه تركض مناال
واستقبلتهه
عرفت هاي نداء زوجه عمو توفيق
بنية حلوة طويلة
ومتروسة شوي ومحجبة
وجهه مدور وبيضة كلش
كميلة جانت تبجي
شافتهه وتخبلت
اول مادخلت وكعدت
كميلة عاطت هاي نداء ام كصة الفكر كصتهه فگر علئ توفيق موتته
فگرت جهالهه ويتمتهم
ونداء وامهه وخواتهه ماقبلن بهالحجي وصارت مشكلة كلش جبيرة بيناتهن ..
وطلعت نداء زعلانة
هي وامهه وخواتهه وابوهه
لان محد فزع الهم
ولا كدرو يسكتون عمة كميلة
ضلت تحجي وفضحتهم بين الناس
والنسوان يسمعن الهه ويواسنهه ..
صار ثالث يوم الفاتحة
وديطبخون بالحوش
وكفت سيارة اباب البيت
بس مهتمين
هواي سيارات اجتي ووكفت هنا
جنت مدنكة ولازمة الصوندة مال المي ديغسلون التمن ..
سمعت صوت بنية تصيحلي
نهاوند
رفعت راسي شفت
نغم وصبا والحان
ووراهم وداد
صرخت بعالي صوتي
خـــــواتـــــــــي
شمرت الصوندة
ورحت اركض عليهم
وهمة يركضون عليه
حضنتهم وشميتهم
الله هسة احس ردت روحي
شكد جنت مشتااقتلكم
والله مشتتاقتلكم مووت
كعدت بنص الكراج رغم كلة مبلل مي لان ديشتغلون
بس ماحسيت علئ روحي
غير كاعدة
وحاطتهن بحضني وابجي
ونغم تبجي ويايه
صبا حضنتني وتريد تعوفني وتدخل جوة
يمكن عبالهه حفلة لو عرس
تريد تدخل تشوف احد تلعب وياه والحان شكد كبرانة
صايرة تخبل وبس تضحكلي
كل شوي ابوس بيهم ممصدكة هنة يمي
وداد ـ ها خاله نهاوند شلونج
ـ خجلت منهه ووخرت خواتي وكمت علئ حيلي ..
بخير خاله خواتي شلونهن
ـ زينات خالة لا تخافين جبتهن الج تشوفيهن ..
شنو ما اجتي ام حسين ؟
ـ لا ماكو ما اجتي
ليش كالت راح تجي
ـ اي هية خابرتني وكلتلي عن المصيبة الصارت الله يرحمهم
واتفقنة نجي سوية
خطية تريد تشوف البنات وتشوفج
ـ دخلي خاله جوة كل النسوان كاعدات
ـ ديري بالج لا يطلعن خواتج بالشارع
ـ لا خاله يمعودة اني ماصدكت اشوفهن انوب اخليهن يطلعن برة..
دخلت خالة وداد جوة
واخذت خواتي ودخلت للغرفة ..
ردت اغير هدومي
بس ماعندي شي اسود البسه
البنطلون كلش اتبلل ..
دعاء عندج شي اسود البسة
ـ عندي هاي التنورة شوفيهه علئ كدج
ـ لبستهه شوي جبيرة كمرهه جبير عليه طلعتلي غيرهه نفس الشي ..
ـ زين باعي لبسي البنطلون الكابوي
ـ خاف عيب
ـ لعد شتلبسين ماعندي اسود غير هذني ..
زين روحي لهمسة
عدهه هواي بناطيل سود علئ كدج
ـ لالا ماريد منهه شي
البس الكابوي احسن
غيرت هدومي وكعدت وية خواتي
صبا راحت تلعب وية الجهال ماقبلت تضل يمي
بس نغم والحان بقن بحضني..
اتذكرت اخر مرة خابرتهم
وكامت تبجي نغم راسا كلتلهه ...
شبيج نغم
اشو ذاك اليوم من خابرتكم
جنتي تبجين شنو صاير
ـ مابينة شي
ـ احجي حبيبتي
شنو ضامة عليه
احد يأذيج هناك
خاله وداد دتأذيج تضربج انتي وخواتي
ـ لا مو دائما تضربنة
ـ يعني تضربكم وتأذيكم
ـ لا مو قوي من نضوجهه
ـ زين فهميني شبيج
حسيت صوتج بي شي
احنة خوات نغم
ميصير تضمين عليه شي
تتذكرين شكد جنة نسولف ونلعب سوية
ـ اي
ـ احجي احد ديأذيج
ـ خالو نبيل ... يأذينة ويأذي خاله وداد وجهالهه هم
ـ وشجابكم علئ نبيل؟
انتي وين عايشة مو ابيت خاله ووداد
ـ خالة وداد من زمان طلكهه زوجهه
ـ شنو صدك تحجين ؟
ـ بس متقبل احد يعرف هنا
كالت لاتحجون
ـ هسة انتو وين عايشين
ـ هية اخذتنة واخذت جهالهه
وراحت تعيش ابيت جدو
بس خالو نبيل وزوجته
كل مرة يسوون عركة وتكعد تبجي
ـ خطية خاله ليش طلكهه زوجهه شنو صار
ـ مـ مـ مادري
ـ شفتهه مرتبكة وكوة تحجي
عرفت بيهه ضامة شي ..
اذا متحجيلي يانغم
اني هم ما احجيلج شنو صار بية
ـ ليش شنو صار بيج
طردوج بالشارع مرة لخ
ـ ما احجي ..
احجي انتي اول
ليش طلكهه حتئ اسولفلج كلشي
ـ خاله كلتلي لاتحجين لاحد ميصير
ـ بس اني اختج مو اي احد
دعاء ـ يلة نهاوند مابدلتي هدومج كوومي عاد دنكمل شغل
ـ شوي واجي ما أتأخر
ـ اووف يلة لا تتاخرين المطبخ متروس جدورة ومواعين
نهاوند ـ ها نغم احجي
شنو صار ليش اطلكت خاله وداد
ـ راح اكلج بس متكولين اني كلتلج
ـ لالا وداعت ماما ازدهار كلشي ما احجي
ـ جان خالو حباب وهواي يشتريلنة حلويات بس بعدين كام يكلي تعالي كعدي بحضني لان احب اشيلج
ـ اي وشكو بيهه
غير يحبج ويكعدج بحضنة
ـ بس جان يأذيني هواي
ـ حجت هالكلمتين وبجت صفنت بوجهه
ـ جنت من ابجي يكلي بعد ماجيبلج حلويات وهسة اخلي خالتكم وداد تشمركم بالشارع
وبعد محد ياخذكم واني اخاااف
ـ مادفتهم شي
حسيت عقلي وكف
شنو يأذيهه
وشنو تكعد بحضنة
وليش تبجي ويهددهه يشمرهم بالشاررع
يعني شلون ياذيج نغم مدفتهم
ـ يأذيني منا هوااي يوجعني
ـ اشرت علئ المكان الاذاهه منه
حسيت نفسي راح اتخربط
راسا حضنتهه وانهاريت بالبجي ..
صدك تحجين ااانتي
ـ لاتحجين لاحد خالة متقبل
ـ مااااكول لاتخااافين
بس كليلي طلع دم منج
ـ لا بس من اروح للتواليت جان يوجعني واكعد ابجي
ـ عزااا ليشش ماكلتي لخاله
ـ جان يهددني يشمرنة بالشارع
ومرة صار عصبي وفتح الباب وشمر اختي الحان وطلعت اركض وراهه وابجي بس خاله وداد جلبت بينة
بس بعدين شافتني خاله وداد مخليني بحضنة وكامت ادك وتطلم وتملخ بروحهه وكتلتني موتتني كتل
اني كمت اخاف منهه
ورحت ختلت جوة الجرباية
بس اسمعهه تكله
هاي هم حلوة وجسمهه مغري ويعجبك
وبقت تغلط عليه وبعدين ضربهه
لان كلتله ما أئمن علئ جهالي يمك
واخذتنة احنة وجهالهه وراحت ابيت جدو
وبعد مارجعت كالت طلكته ماريدة بعد
ـ حضنتهن اثنينهن وابجي
اتذكرت صبا برة
طلعت مثل المخبلة ادور عليهه
شفتهه تلعب بالحديقة
شلتهه ودخلت للغرفة
جمعتهن تلاثتهن يمي ...
شنو ما اشتاقيتلي
صبا ـ اي اشتاقيتلج بس اريد العب
ـ اكلج انتي هم جان زوج خالة ودواد يكعدج بحضنة
صبا ـ اي وينطيني فلوس اروح اشتري
ـ متت بجي علئ حالنة
طالما متحرش بخواتي الكبار ممعقولة الحان عايفهه
احس كلبي نار علئ خواتي
كل شوي اريد اروح اسأل وداد بس خايفة يتأذن خواتي
ماكدرت افهم من صبا
هالحقير متحرش بيهه لو لا ..
احسهه بعدهه متفتهم ولا تستوعب ماعرف شسوي
ياريت اكدر ابقيهن يمي
ياريت اكدر المهن ونضل سوية ...
زين نغم هسة احد ديأذيكم
ـ لا بس خالو نبيل هواي يكتل خاله وداد يكلهه ليش اطلكتي
ـ يعني ميعرف ليش اطلكت
ـ لا متقبل احد يحجي
تكول تطلع سمعه مو زينة عليكم
وعلئ جهالي
بس هسة خاله سوت حمام وتواليت صغيرة فوك يم الغرفة وكالت بعدين تسوي مطبخ من تاخذ الراتب اللاخ
ـ يعني هسة مرتاحين محد ياذيكم ويتحرش بيكم
ـ لا محد
بس جان خالو نبيل يكتلنة هواي
وهسة خاله عزلتنة فوك
ـ اووف ااالحمد لله ياارب ..
ـ نهاوند اني جعت
صبا ـ واني هم جعت
ـ اي تعالي اكيد كملو طبخ
هسة اصبلكم
اخذتهن وطلعت بالحوش لكيتهم ديطبخون التمن ومكملين التشريب ومرك الفاصولية وكلشي جاهز
جبت ماعون وصبيتلهن ورحت للمطبخ اوكلهن وابجي
دعاء ـ شبيج تبجين
ـ ها ..
ام محمد ـ هذا غير سؤال غبي
يعني احنة بنص الفاتحه ورايحين مو واحد واثنين النة
لا خمس نفرات راحو بغمضة عين من هالبيت ..من الطبيعي تبجي
دعاء ـ معقولة تحبيهم ؟
ام محمد ـ الموت مابي شماته لو حب
ويجوز اتذكرت امهه ازدهار وابوهه هم ومنا خواتهه صارلهه فترة مشايفتهن اكيد تبجي اصلا طبيعي تبجي
ـ شبعت خواتي
وكمت غسلتلهن
ورحت للهول شفت وداد ويمهه كاعدة خاله ام حسين
ركضت عليه وحضنتهه احس حضن خاله ام حسين
مثل حضن امي
خليت خواتي يمهن
ورحت انقل مواعين الغدة
لان بدو يصبون
كملنة واجيت اكعد يم ام حسين
سمعتهه تكول لوداد
الله يعوضج بالاحسن منه ان شالله
ووداد كلتلهه شلت هالفكرة من راسي كاعدة ابيت اهلي ومرتاحه والحمد لله علئ كل حال خليني اربي جهالي وهالايتام اكسب بيهم ثواب
مر الوكت بسرعه
ماجنت اتمنئ يخلص هالليوم ابد مكابلة. خواتي وحاضنتهن لووبيدي كلهن اشيلهن علئ جتفي سوية
قبل لا تطلع شفت منال ملتهية عني
ركضت جبت ورقة وقلم ورحت لوداد كلتله عفية خاله كتبيلي رقمج
ـ ها مااشالله صار عندج تلفون
ـ لا بس بلكي احصل تلفون اخابركم
ـ اي شكو بيهه حبيبتي ..
ـ كتبتلي رقمهة بنص الدفتر مالتي ..
كوة ودعت خواتي
روحي راحت وياهن
بس شي ارحم من شي
ماكدر اكول اطمئنيت عليهن
بس خاله وداد حبابة وياهن واكيد ماراح تخليهن يتأذن بعد
خلصت الفاتحة
وكل واحد رجع لبيتة
وبقينة لوحدنة بالبيت...
راسا اتغيرت كميلة تماما
وكامت تضحك وتسولف
وتخابر علئ اهلهه
وتشاقة و تاكل بشهية
مو مثل اول ايام الفاتحه متقبل تاكل
منال ـ دسمعيهه ام محمد
والله كلة جذب وتمثل
لا بجت علئ توفيق
ولا مهتمة بموته
عمي ستر الله علئ ازدهار
من مات فؤاد الئ ان ماتت هية دمعتهه بعينهه مانشفت ..
ام. محمد ـ الراح راح لرحمة الله
شلون يعني المرة تدفن نفسهه وراه
ـ هاا يعني عادي هيج حالهه؟
ـ ما مسوية شي المرة تخابر وترفه عن نفسهه ودتخابر اهلهه مو غربة
ـ ترة ماصارله اسبوع من مات رجلهه ومنا اخته ولد خواته تلاثة كل هالمصايب و هيج شقاهه وضحكهه
تتصورين امر طبيعي هيج حالهه
ـ يجوز مصدومة تريد ترفه عن نفسه وحاسبتنة خواتهه وتضحك كدامنه عادي ترة
ـ يابة درووحي
كوة تريدين تصيرين خوش مرة ومثاليه ومتحجين براسي ..
ـ غصبا عليج اني خوش مرة
وخافي الله كافي لغوة زايدة
تر زوجج بعدة بالمستشفئ متخافين عليه لايصير بي شي
كاعدة و تشيلين غيبة هالناس
ـ اممم ..
هجم بيتهه للبامية شتنفخ
اروح انام باجر ورايه كعدة من الفجر ناصر عندة عملية يطلعولة شظايا من جسمة ولازم اكون حاضرة يمة
ـ اي الله يشفي ..
نهاوند ـ المناوشات
بين منال وام محمد متخلص
كلنة نمنة
وكعدنة الصبح علئ صوت دك وركع بالحايط وصوت هوسة قوية ..
كميلة ـ هيييي انتوو
ولد نعااال
اقصد منااال
يلةة بررة برررة
يلة بسررعه طلعو عندي شغل اليوم هوااي لاتأخرووني
نهاوند ـ اجتي كميلة ودفرتنة احنة و نايمين
كعدنة مثل المخابيل
من الفزة وسام واخوته واحد حضن الثاني ودعاء كمزت واني وياهه
دعاء. ـ خير عمة شتريدين
ـ يلة برة
من اليوم هاي غرفتي
وانتو صعدو فوك اخذو هذيج الغرفة الكم يلة بسررعه كومو لا افلش الحايط فوك روسكم
نهاوند ـ مدنستوعب شتريد كميلة
ومحد يمنة لا منال ولا ارشد
دعاء ـ ياحايط التفلشي ؟
شتريدين من عدنة
ـ عمية العين
وطرررشة الاذن
كلتلكم هاااي الغرفة الـــي صارت والغررفة الفووك الكمم
شنو داحجي فرنسي ومتفهمين
كوومو طلعوو غراضكم بررة
لا اطشررهن واكسررهن
وااابن ابوو اليحجي ويايه
نهاوند ـ كامت دعاء اخذت اخوتهه وطلعنة وكفنة يم باب الغرفة مدنعرف شنسوي
كميلة ـ يلة يلة لمو غراضكمم شيلوهــن الفررش الجرابي الكنتوور زبالتكم كلهن بررة
يلة شتنتضروون
برهان يريد يفلشش الحايط
دعاء. ـ عمة ما اتصرف بشي اذا امي متجي
ـ اي خوش لعد اني اتصرف
هذا اخوية برهان ويايه
وخواتي هسة ييجن
واشوفكم شلون متستمعون كلامي
ـ راحت دعاء لبيت عمو ارشد
ووسام واخوتة كاعدين بالهول واني رحت للمطبخ
الغرفة الجديدة البناهه عمو توفيق الله يرحمة بالترك ورة البيت
صايرة لزك بغرفة بيبي
يعني حايط علئ حايط صايرة
يمكن تريد تفتح الغرفتين وتاخذهن
لان الغرفة الجديدة بيهه حمام وتواليت ومالحك عمو يسوي مطبخ
بس جان حاط المواد حتئ يبني
الدك كلش عالي
ويهز البيت هز
المطبخ كام ينفض تراب علينة
خفت اطلع الفرش من الغرفة خاف منال تأذيني
عفتهه وكعدت اغسل مواعين العشة والريوك جانن مشمورات بالسنك
دقايق ورجعت دعاء .. وين رحتي
ـ صعدت لعمة ام محمد عبالي تعرف شي طلعت مثلنة كلشي متدري وخابرت علئ عمو ارشد وحجتله وراح يجون هو وماما
ـ همين راح تصير مشكلة
ـ هي حقيرة احنة يمهه حواليهه اشو اجتي ادفر بينه وكعدتنة من النوم وتريد تاخذ غرفتنة...
اكلج حميتي الجاي جعت
ـ اي هذا علئ الهيتر خليته طالما اكو كهربا احسن من الغاز
ـ يلة هذا كيمر وجبن خلي نتريك
ـ كعدنة اتريكنة والدك فوك راسنة
غسلت المواعين وكملت
احس صدعت وعيوني تريد تنشلع من مكانهه وية كل دكة ..
دعاء ـ عزاا نهااوند تعالي شوووفي
ـ اجيت لكيت الحايط متفلش وصاير شلون الزرف الجبير
وواكعة الطابوكات علئ الفرش ومدمر كلشي بالتراب ..
ـ وج امشي امشي خلي نشيل الفرش شوفي شصار بيهن
نهاوند ـ الملابس ادمرن من التراب عمة مو هيج
كميلة ـ وطززز
حجييت لو ماحجيت
مو كلت شيلو سلاباتكم نريد نفلشش طبكم مررض
ـ اسمع اخو كميلة يحجي وياهه يكلهه انتي كايلة الهم هيج راح تسوين
تكلة معليك اشتغل كلشي يعرفون
واليحجي اني اردة
حجت وية الولد دعاء كلتله لاتفلش راح تتكسر غراضنة خلي بس نشيلهن عفية..
هو هم بطل وكعد علئ جهه الولد
رغم كميلة ماقبلت بس ماسمع كلامهه..
كمنة ركض ركض نشيل بالغراض
و اجة وسام واخوته واني ودعاء
انفض بالفرش ونطلعهن بالهول
والملابس هم نقلناهه
الا شوي وجنة راح ننكشف
لان التلفون حاطته دعاء بين الهدوم
بس الله ستر وراسا لفته وضمته وية الاغراض
الغرفة صغيرة بس الغراض مدتخلص نشيل ونطلع برة وبعد اكو ..
انفتحت الباب الخارجية
ودخل عمو ارشد يركض للبيت ووراه منال ...
منال ـ عزاااا شنووو هاااي اغرااضكم ليش هناا
دعاء ـ دتفلش بالغرفة وطردتنة رادت تفلشهه علئ روسنة
منال ـ طررردت وولدي وتريد تفلش الغرفة علئ راسهم ..
اليووم اشووفهه منو منااااال
نهاوند ـ راحت منال طايرة وراح قبلهه ارشد واحنة نركض وراه
نريد نعرف شدسوي
تلازمت منال وكميلة
ووحدة ملخت الخ بالضرب والكتل
اخو كميلة لزم اختة
وارشد لزم منال وهنة يتصايحن بيناتهن ويغلطن ويسبن اصواتهن كلش عالية جانت
ارشد ـ كااااافي عاااد حلي افتهـــم... شنو هذاا شدسووي انت هنااا
كميلة ـ لاااتخجي وية اخوووية
احجيي وياااية ااني
ـ فهميني شدسووين
ـ اريد افتح الغرفة الجديدة علئ هااي الغررفة عندك ماانع
منال ـ وووانتيي بكييفج تطررردين ولديييي منهةةة بكيييفج تااخذييهه منووو كلج اااقبل انطيجياااهه
ـ غصبااا علييييج وعلئ الخلفوووج اخذذ الغرفة التعجبنــــي فتهمتتتي
يلةة شووفيني شرااح تسووين
ارشد ـ شبيج شادة حيلج علينة اشو لا حجيتي لا كلتي لا اخذتي رأينة
ـ واااخذ رأيييكم علــــئ شنوو يااابـــــة
علئ سوووااااااد وجـــووهكم
ماصار جم يووم من جنتو فرحاانين ومكييفين بهجمااان بييـــــتي
وتسعوون وية المررحوم وتريديون تزووجو
ورحتو خطبتوووله
هذاا الي يدااينة فلوووس
وهذا اليجيبلة فرااش هدية علئ حساابة وهذا اليصبغ غررفته
اشو محد اخذ رأأأأئـــــي
جاييني هسة تريدووني ااخذ رائييكـــم تحلمووووون اسويلكم اعتبار بعـــــد
منال ـ ولج بالمخبلةةة هاي غرفة جهاالي
ـ انتيي المخبلة
يااابنت المخبـــــــــل ياااسااقطة
اني مو ازدهااار حتئ تمنعيهه تسكن هناا وتستقوين عليهه
ولا هااي المسكينة اللبستيهه ثووب المخابيل وتجديين بيهه بين الناس والمسكينة متعرف تاخذ حقهه
لج انـــــي كميلـــــــــةةةةةةة
اشك حلكج بالنـــــص
واادفنج بهالغررفة ومحد يحجي وياييه
منال ـ والله وطلعلج لسااااان بعد مارااح صكارج والجان مسويج مكفخة ياكميلة
ـ راااح وندفن وخلــــصت منةة
وماعااش اليئذيني بعــــد
كميلة الضعييفة المالهه كلمة ورأئيي وجانت لعبة بيدكم
اتغيــــرت
كميلة ام اربع عيوووون وعودة المطيرجية تغيييرت
من شفت حقارتكم ويايةة وشلون مكيفين بهجمان بييتي
منا وهييج راح تشوفون غير ووجه مني وووياوويلة اليندك بية بعـد
ارشد ـ تررة هذا بيت ابوية
مو بيت ابوج حتئ هيج ماخذة راحتج
خاف حضرتج نااسية كلت اذكررج
ـ ااايبااااه لا ذكررني بشررفك
يمكن نسييت ذكررني الله عليك ..
بابااا اسمع
محد اله كلمةةة علييية
البيييت بي حصة جهـــــالي
وحصــــــتتي
دتسمع حصتــــــــي
فنةة اليحجي وياية منكم
هذه حصتي وحصة جهالي من البييت اخذهه من عيوونكم
وحق كل كلمة بالقران
اليحجي منكم
اشووفه منوو كميلة
لا عبالكم بعدني هذييييج الضعييفة الجانت شابعه كتل
لااااا
رااح وندفن الجان يذلهةةة
لان بـــــية حـــــوبة
بية شااااارررة
ماكو واحد سعئ بهجمان بيتي
اذا ما الله هجم بيته
وطلع حوبتي بي
وحتئ انت مررتك هميين يا ابو محمد
جااييكم السرة ان شالله
ارشد ـ علئ شنو تدعين ؟
قابل احنة جبرنا يتزوج علييج
وبعدين الرجال راح لدار حقة
شنو هالكره والغيظ بكلبج
ابري الذمة ليش هيج تحجين عنة
ـ والله ولا ابري الذمة
كل دمعة نزلهه مني
وكل ذل ذلياه
اطلبهه منه
واخذ حكي من عيونة بالاخرة
وانتو هم نفس الشي
استنجدت بيكم
اكلكم عقلو
تكلولي رجال ومرة مندخل بيناتهم
لعد ليش رحتو خطبتولة ومشيتو بزواجته وجنتو فرحانين
اشو ماكلتو رجال ومرة معلينة
ـ ترة بعدج عايشة بخيرة لو ماحصته بهالبيت جان هسة انتي بالشارع
ـ لا خلفت عليه يابة
اني مرته وهذول جهاله
قابل جايبتهم من الشارع حتئ يحملني منية وتكول عايشين بخيرة؟
والحي ابقئ من الميت يا ارشد افندي
ـ هسة انتي شتريدين
ـ كلشيي ماريد منكم
انتو الجاي عليه
ـ اي غير انتي كاعدة تخططين بكيفج؟
ـ اي بكيفي ..
هاي حصة جهاالي
وحصتي وياهم
انت شكو شدخللك
من بنيت فوك لمرتك
اشو محد حجة وفتح حلكة؟
مثل ما اخذت حصتك
اخذ حصة حصتنة
ارشد ـ ترة اكدر الوفهه عليكم واكول اخوج داس بيتي واني مموجود
واخذ فصولة من عدكم
برهان ـ لا عاد لهنا ولا تحجي شي
احد كلك ماعدنة اهل لو عشيرة لو منعرف الاصول
ارشد ـ زين طلعت تعرف تحجي عبالي اخرس
ـ لااتتجاوز ابو محمد ..
انتو بهذلتو اختي وشوفتوهه الويل
والدتسوي من حقهه
هي مارايدة شي منكم
تريد تفتح الغرفتين
وتبني هالباب منا
وتفتح باب الهه مناك
وكان الله يحب المحسنين
ارشد ـ يا ابن الاصول
مو لازم من الاصول تجون وتحجون وتاخذون رأئينة وتنطونة علم بالي تريدون تسوو ابيت ابوية
كميلة ـ اااااني ماقبلت انطيكم خبرر وشترريد تسوي سووي يا ارشد
وانعل ابو التسكت الكم بعد
راح افتح هالغرفة
علئ هذيج الغرفة
ويكملي اخوية المطبخ مناك
وابني هالباب
حتئ ماشوف جهرتكم بعد ابددد
حتئ باب البيت
راح اغيرهه و اخليهه علئ القطعه الترك ومن ذاك الشارع اطلع اني وجهالي
قابلة امشي بنص الزباله
بس المهم ما اعيش وية الزبــــاله
منال ـ شسالفتك ااارشد ليش ساكت
نهاوند ـ وية حجاية منال دخلت ام محمد وعاطت بيهه
ام محمد ـ شتريدين يمعودة
تريدين تعاركيهم ؟
هذا مو ناصر حتئ ادخلي بمشاكلج
هذا رجلي ابو بيتي معلييج بي
امشي ارشد عوف كميلة
ترة حقهه بالتسوي
مالومهه
ارشد ـ اي غير تحجي
ام محمد ـ ميخالف اختك ووحدة من هالبيت تمون عليك ماسوت شي جبير ومو زين
منال ـ مبين متفقات انتن
ام محمد ـ لا تشوفين نفسج تسوين اتفاقات ومؤامرات وعبالج الكل مثلج
بس سمعت كل حجيهه
وبصراحه اخاف من الحوبة اني
عندي بنات ولد وعندي رجال اخاف عليهم
وبعدين حقهه
المرت بي مو شوي
وابسط حقوقهه تستقل وتعزل وترتاح هية وولدهه
كميلة ـ هه صايرة عود حكانية
ام محمد ـ اي عيوني كميلة
الحق مينزعل منه
يلة عيني ابو محمد
حمودي فوك ينتضرك
والبنات همين
يلة امشي اصعد يمهم
اريد اكمل الباجه بعدني ماطابختهه
نهاوند ـ رأسا سكت عمو ارشد وماحجة بعد
ضل شوي واكف وبعدين صعد فوك وبقت كميلة تباوع بنضرات حادة لمنال ومنال هم تباوع بغيظ وحقد الهه
ورجع برهان اخو كميلة يشتغل بالحايط ويفلش
اجني خوات كميلة وبنات خواتهه وكامت يفرغن بالغرفة الفوك وينزلون الاغراض جوة بالهول
اشوف منال تحرك روحهه بس متكدر تحجي
شلون صارت هيج قوية كميلة
وشلون واجهتهه وتعاركت وياهه
هاي منال الكل يخاف منهه
خلتهه متعرف شتحجي وشلون ادافع عن نفسهه
لعد ليش ما دافعت لامي ازدهار من اجتي ورادت تسكن هنا
ليش مادافعت الي ولخواتي من ذبونة بالشارع لو من لزمتني وجوتني بايدي وكصت شعري
اسأله مالكيت الهه اجوبة ابد
البيت صار كلش وصخ وانترس تراب
عفت كلشي وصفنت بخواتي
ماعرف شبيه من يوم العرفت بالصارلهن
يمكن بعدني ممستوعبة الصار
ولا مستوعبة وفاة عمة شفاء وبنتهه
من اتذكر صار هيج بيهن واني مو يمهن
اكعد بمكان وابجي
يشوفوني ومحد منهم يسألني شبيج كلهم حايرين بسالفة كميلة
هاي الايام كلهه
ابد ماخطر مازن علئ بالي
ولا ذكرته
مر اكثر من اسبوع علئ الوفاة
صعدنة اغراضنة فوك بالغرفة
وكميلة استقرت وسدت الباب العلينة وخلت كنتور حتئ متنتفح بعد
واخوتهه ديبنون المطبخ بالمواد الموجودة
وفتحولهه باب علئ القطعه اليذبون بيهه زباله وصار شارعهم مناك
دعاء بهالفترة ابد ماعجبتني كلش
ذبلت فد مرة
متتشهي تاكل
ودائما مقهورة وتبجي وتتصفن
اسألهه تكلي اشتاقيت لقيس ..
امهه انتبهت وكامت دائما تضغط عليهه حتئ تاكل بس دعاء متقبل
مرات جان يجينة مسج من مازن
يسلم علية ومن يريد يحجي ويايه ما اقبل
ماعرف ليش احس عمة ام محمد راح تسمعنة
لان حايط غرفتنة علئ غرفتهم
فمجنت اقبل احجي وياه اخاف
بس رسايل ادز...
كاعدين بالغرفة
ودعاء تبجي
سمعنة صوت منال دتصعد الدرج وراسا ضميت التلفون بالهدوم
منال ـ مدكليلي شبييج
مكافي عاااد
شنو معنئ هالبجي
ـ مابية شي ماما
ـ كل هذا ومابيج شي
عليمن تكذبين ؟
لج لا تكذبين عليه دعاء
كلش زين اعرفج
ـ شبيج ماما شتريدين
ـ مابية شي
بس اجيت اكلج
صرفت نضر عن قيس
لان ماجايزة من بنتي الوحيدة
حتئ انطيهه لواحد مكرم ماعندة رجلينات
دعاء ـ عزا شنو هالحجي
ـ شنو شنو هالحجي ؟
شنو المافتهمتي
ـ ليش صرفتي نضر
هاي فوك مأساتة واذيته هيج تحجيين
ـ لج يا مأساة يا اذية
قابل اشمتت بيه اني ؟
بس شخص صار مكررم
وماعندة رجليناات
شلون يشتغل
شلون يعيشج
شلون يمارس حياتة بشكل طبييعي
قابل ادزج سستر الة تشيلين وتخليين من جواه
ـ عزاا ماماا هاي شبيج
ـ لج عميية العيين
شووفي ابووج ايدة ورجلياااانتة موجودات وميكدر يتحررك
الا اني اشيل واخلي وابدل
هسة بعد جم يوم
ويطلع من المستشفئ منو يقيم بي؟
اكيد اني
لج اني ماجايزة منج
تريدني ازوجج لهيج قسمة
وبعدين منو يكول بعدهم يريدون يزوجو لقيس؟
اكيد هسة حايرين بأبنهم وعلاجة ويجوز يسفرو ويعالجو بالخارج
ـ موو بكيفج ماما
لو قيسس لو ماريدد احد
والله اعنسس واكعد علئ كلبج
وما اتزوج غيرة
ـ ليش عود ولج
بشنو يفرق عن غيرة
ـ هوااااي
الفرق من السما للكاع
ماريد غيرر قيسس
ـ لج دكلـــــــــج اتكرررم معوووق مااعندة رجليييناات
شلوون يوكف
شلون يسند نفسه
شلون يمارس حياته
ولج باجر عكبة
حتئ ميكدر يدافع عنج
اذا صار شيي
شسووين بهيج واحد
وبعديين
تعـــــــااي تعااي
شنو هالتعلق بقيس
مو كلتي مااعندي شي وياه؟
لج تكذبيين عليييه
ـ ماكذبت هاي شبيج
ـ لج احجيي ادبسززز شمصخمة انتي وقيس حتئ هيج ادكين رجل عليييه
ـ هاي شبيج يمة شنو هالحجي
ـ سالفة تحبيي ومن هالخراابيط موو عليية ..
احجيييي شمصخمةة ويااه
وانتي كل هالاياام مو علئ بعضج
وحتئ اكلج قليـــــل
لـــــــج اااحجي لا اذبحج هناااا والله العظيم
وللحكاية بقية............. 🥀
لاتنسون تصويت ولايك وتعليق حبايب