အချစ်ကိုအမျိုးမျိုး အဓိပ္ပါယ် ဖွင့်ဆိုလို့ရကောင်းရနိုင်
လိမ့်မယ်...။ရယူခြင်းနဲ့ပေးဆပ်ခြင်းတွေ ဆိုပြီး အမျိုး
မျိုးအဖုံဖုံ သတ်မှတ်ခြင်းတွေရှိနေတဲ့ကြားမှာတော့
ကိုယ်ဟာ အချစ်ကို ဒီလိုနည်းနဲ့ သတ်မှတ်ချင်တယ် ။
ကိုယ့်အချစ်ကနှုတ်ခမ်းပါလေးအောက်ကမှဲ့နက်လေး
နဲ့ကောင်လေး.....။
"ဂျီမင်းဟျောင်း"
"ပြောလေ"
မနက်စာအတွက် မီးဖိုချောင်၌ ကော်ဖီဖျော်နေသော
ဂျီမင်းဆီသို့ ရောက်လာကာ ဂျောင်ကုဘက်ကလှမ်း
ခေါ်ခြင်းဖြစ်သည် ။ဒီလောက်စံအိမ်ကြီးတမျှ ကြီးမား
တဲ့အိမ်ထဲမှာ ဂျီမင်း ဟျောင်းတစ်ယောက်ထဲနေတာ
တဲ့လား..။
"ကျွန်တော်...အင်းဟို.."
"ပြောစရာရှိတာပွင့်ပွင့်လင်းလင်းပြောပါ ဟျောင်းကို
အားမနာပါနဲ့"
"ဟိုလေ မင်းသမီးရှင်းအယ်ကလာမဲ့awardပွဲ
တက်မယ်လို့ကြားတယ် အဲ့ဒါလေ ကျနော်လဲအဲ့ပွဲ
ကို...."
"မင်းကြည့်ချင်လို့လား..."
ကျွန်တော်စကားမဆုံးခင်မှာပဲ ဖြတ်ကာမေးလာသော
ဂျီမင်းဟျောင်းကြောင့် အနည်းငယ်တော့ စိုးထိတ်
သွားရသည် ။
"ဟိုအဲ့ဒါ..ကျွန်တော့်သူငယ်ချင်းမီဆူအာဆိုတဲ့
ကောင်မလေးလေ သူကဂျီဟွန်းကိုတွေ့ချင်လို့တဲ့
အဲ့ဒါ လက်မှတ်ဈေးတွေဘာတွေ ဘယ်လိုဝယ်ရလဲ
တွေသိချင်လို့ ဟျောင်းကအဲ့ဘက်တွေဆိုသိလောက်
မယ်ထင်တာနဲ့...."
လက်ဖဝါးနှစ်ဖက်အားပွတ်ကာ မရဲတရဲဖွင့်ဟလာ
သော ဂျောင်ကုမှာ ကျွန်တော့်အားနည်းနည်းတော့
လန့်နေပုံရသည် ။အမှန်တိုင်းပြောရရင် ကောင်လေး
ပျော်ဖို့အတွက် ဆန္ဒတွေမှန်သမျှဖြည့်ဆည်းချင်ခဲ့တာ
ပါ..။အခုလိုကိုယ့်အပေါ် ရှိန်ပြီး မပွင့်မလင်းဖြစ်မှာ
မလိုလားလို့လဲ အမြဲပြုံးပြီးဖော်ဖော်ရွေရွေဆက်ဆံပေး
ခဲ့ပါတယ်...။
"မင်းရော ရှင်းအယ်ကိုမတွေ့ချင်ဘူးလား"
"ဟင် အဲ့ဒါကလေ...မတွေ့ချင်ပါဘူး"
"သေချာလား"
ဒီကောင်လေးကြည့်ရတာ ရှင်းအယ်ကိုသဘောကျတဲ့
ပုံပါပဲ..။ဟိုတစ်ခါကတောင် ရိုက်ကွင်းမှာရှင်းအယ်
လက်မှတ်လာတောင်းသွားတာ ဟိုဆော့ပြောလို့
သိခဲ့ရတယ်...အခုတော့မကြည့်ချင်ဘူးဆိုတာဖြစ်
နိုင်ပါ့မလား..။ကိုယ်သိပါတယ် မင်းလိမ်နေတယ်
ဆိုတာ...။
"ငါကကွာ မင်းပါတွေ့ချင်ရင် အကောင်းဆုံးစီစဉ်
ပေးမလို့ သူငယ်ချင်းကဆိုတော့ နည်းနည်းစဉ်းစားရမယ်"
မျက်နှာပိုးသတ်ကာ ရုပ်တည်ဖြင့်စကားဆိုလာသော
ကြောင့် မျက်လုံးပြူးမျက်ဆံပြူးဖြစ်သွားသော
ဂျောင်ကု...။
"တကယ်ပြောတာလား အကောင်းဆုံးစီစဉ်ပေး
မယ်ဆိုတာ ဘယ်လိုမျိုးလဲ ကျွန်တော်လဲတွေ့ချင်တယ်"
"ဟျောင်းပြောထားတယ်လေ မင်းလိုအပ်တာ
မှန်သမျှဖြည့်ဆည်းပေးမှာပါလို့"
ခပ်သွယ်သွယ်ပါးတို့အား မမှီမကမ်းလှမ်းဆွဲသော
ဂျီမင်းကြောင့် ဂျောင်ကုအမြန်ပင်မျက်နှာလွှဲလိုက်
လေသည် ။ထိုအခါမှ ဂျီမင်းလဲကိုင်ထားသော
လက်လေးအားလွှတ်ကာ မနက်စာစားခြင်းဖြင့်
တစ်နေ့တာကိုစတင်ခဲ့လေသည်။
"အော် ဒါနဲ့ မင်းဒီနေ့ကျောင်းပိတ်တာပဲ
အပြင်တွေသွားချင်လား "
စားနေရင်းမှ အစီအစဉ်မရှိဘဲမေးလာသော
ဂျီမင်းကြောင့် ဂျောင်ကုလဲ ချက်ချင်းအဖြေပြန်
ပေးရန်စဉ်းစားရလေသည် ။
"ကျွန်တော့် မေမေဆီသွားချင်တယ်"
"ဒါပဲလား..တခြားရော??"
ဒီနေ့မှပဲသဘောကောင်းနေတာလား..။ပင်ကိုယ်
စိတ်ရင်းက သဘောကောင်းရိုးခံရှိနေတာကြောင့်လား
မသိ အမြဲလိုက်လျောပေးတတ်သော ဂျီမင်းကြောင့်
ဂျောင်ကုလဲ ဆွံ့အနေမိသလို မနေတတ်လဲဖြစ်နေရ
သည် ။
"တခြားတော့ ဟျောင်းအဆင်ပြေမယ်ထင်တဲ့နေရာ
သွားပါ"
"အွန်း...ရုပ်ရှင်သွားကြည့်ချင်တယ် ဘယ်လိုလဲ
ကြိုက်လား"
"ရပါတယ်"
ထို့နောက်မှ မနက်စာထမင်းဝိုင်းလေးအားအမြန်
လက်စသတ်ရင်း ဂျောင်ကု၏ အမေအိမ်သို့ ဦးစွာ
ထွက်ခွာလာခဲ့ကြသည် ။
သိပ်မကြီးကျယ်သည်လဲမဟုတ်သော အိမ်ငယ်လေး
သည် ခြံနဲ့ဝန်းနဲ့ ပန်းပင်အချို့လေးတို့ဖြင့် နေချင့်စ
ဖွယ်ဖြစ်နေသည်ကိုတော့ ဂျီမင်းအခိုင်မာဆိုနိုင်မည် ။
သုံးထပ်တိုက်အိမ်မှာ တစ်ယောက်ထဲ အထီးကျန်စွာ
နေရတာထက်စာရင်ပေါ့....။
"မေ ကျွန်တော်ပြန်လာပီ"
"ဟယ် အမလေးမေ့ကလေးလေး ကုကီးလေး
လွမ်းနေရတာ ကြည့်ပါအုံး မတွေ့ရတာဖြင့် သိပ်မကြာ
သေးဘူး ငါ့သားလေးကချောလာလိုက်တာ"
"မေမေကတော့မြှောက်ပီ ဗျာ"
"ဟော ဘေးကလူချောလေးကဘယ်သူပါလဲ"
"Nae Park Jiminပါအန်တီ "
နဂိုမှေးနေသောမျက်ဝန်များအား ပိတ်သည်အထိ
အချိုမြိန်ဆုံးပြုံးပြလာမှုမှာ မြင်ရသူအပေါင်းအတွက်
တော့ အေးချမ်းမှုအားရရှိသွားသယောင်ပင် ။
"ဟုတ်တယ် မေမေ ကျွန်တော့်ကုမ္ပဏီရဲ့CEOပါ"
"အို !ဒီလိုအသက်ငယ်ငယ်လေးနဲ့ CEOတစ်ယောက်
ဖြစ်နေတာအံ့သြစရာဘဲကွယ် လူလေးကလဲချောသေး"
"အာ ကျေးဇူးတင်ပါတယ် အန်တီ အဲ့လောက်လဲ
မဟုတ်ပါဘူး"
ဘေးကကောင်လေးကိုကြည့်တော့ အပြုံးအရယ်ဖြင့်
သိပ်မရှိ ခပ်ရေးရေးလေးပြုံးနေသည်သာတွေ့ရ၍
ဂျီမင်းလဲ သက်ပြင်းချမိသည် ။မင်းကလဲနားလည်ရခက်
တယ် ဂျောင်ကု..။
ထို့နောက် ဂျောင်ကုမေမေ မီးဖိုချောင်ဘက်သို့
ထွက်သွားအပြီး ဧည့်ခန်းရှေ့၌ သူနဲ့ဂျောင်ကုသာ
ကျန်ခဲ့လေသည် ။ကောင်လေးကတော့ ခုံပေါ်မှာ
အကျအနထိုင်ပြီး ဂိမ်းဆော့နေလေရဲ့..။မင်းမှာလဲ
အဲ့လိုကလေးဆန်တဲ့အပြုအမှုလေးတွေရှိနေပါလား။
"ဂျောင်ကု ရုပ်ရှင်ကြည့်ဖို့လက်မှတ်ကြိုဖြတ်ထားရ
အောင်လေ"
"ဟိုရောက်မှ ဇာတ်လမ်းအေးဆေးရွေးရအောင်"
"ကောင်းပီလေ"
တစ်ဖန်ပြန်ငြိမ်သက်သွားပြီးနောက် နှစ်ယောက်
ကြားပြောစရာစကားမရှိတော့၍ ခေါင်းအားအနောက်
သို့မှီချကာ လေပူတစ်ချက်မှုတ်ထုတ်မိသည် ။
ဂျောင်ကုရေ မင်းဒီလိုလူမှုရေးခေါင်းပါးမှုနဲ့ဧည့်
သည်တွေကိုမဆက်ဆံမိပါစေနဲ့အုံး...ကိုယ့်အပေါ်
ပဲရမယ်..ဘာလို့လဲဆိုတော့ကိုယ့်လောက်မင်း
အပေါ်နားလည်ပေးနိုင်မဲ့လူ ဒီကမာ္ဘမှာရှိတော့မယ်
မထင်လို့....။
"သားတို့ စားပြီးမှပြန်ကြမလား"
"နေပါစေ အန်တီကျနော်တို့စားလာခဲ့ပါတယ်"
"ဟုတ်တယ် မေမေ..ကျွန်တော်တို့သွားစရာလေး
ထပ်ရှိသေးလ်ို..နောက်ကျရင်မကြာမကြာထပ်လာ
မှာနော်..ကျွန်တော်လဲမေမေ့ကိုအမြဲလွမ်းနေခဲ့တာ"
မိခင်ဖြစ်သူရင်ခွင်ထဲသို့တိုးဝင်ကာ ဖက်လိုက်သော
ထိုအချွဲလေးမှာ တကယ့်ကိုချစ်စဖွယ်ပင်..။ကိုယ်လဲ
ကိုယ့်မာမီနဲ့အဲ့လိုလေးနေချင်မိခဲ့တာပါ...။
ဝေ့တက်လာသောမျက်ရည်စတို့အားထိန်း
ချုပ်ရင်း အတွေးတို့အား တစ်ခဏမျှအတိတ်ကာလ
ဆီသို့....။
"ဂျီမင်း မင်းကိုမာမီပြောစရာရှိတယ်"
အသက်၁၂နှစ်အရွယ်သာသာလောက်ရှိမည့်
ကလေးငယ်ဂျီမင်းသည် စာလုပ်ရာမှအသံလာရာ
မိခင်ထံသို့စောင်းငဲ့ကြည့်မိသည် ။
"မာမီ နောက်အိမ်ထောင်ပြုတော့မယ်"
"သားခွင့်မပြုဘူးမာမီ ပါပါးနေရာမှာဘယ်သူ့မှ
အစားမထိုးနိုင်ဘူး ပီးတော့ ပီးတော့...မာမီနဲ့
သားနဲ့ပဲနှစ်ယောက်အတူတူနေသွားကြမယ်လေ"
"အဓိပ္ပါယ် မရှိတာတွေပြောမနေစမ်းနဲ့ဂျီမင်း
ပြီးတော့ မင်းခွင့်ပြုချက်လဲလာတောင်းနေတာ
မဟုတ်ဘူး မင်းဘက်ကလဲငါဆုံးဖြတ်ထားသမျှကို
ဆရာဝင်လုပ်ခွင့်မရှိဘူး ကလေးက ကလေးလိုနေ"
'ဂျိမ်း' ခနဲဆောင့်ပိတ်သွားသော တံခါး၏နောက်ကွယ်
၌ မျက်ရည်စတို့ကထိန်းမရစွာကျဆင်းနေသည့်
ကောင်လေးတစ်ယောက်ရှိနေခဲ့သည် ။
"ပါပါး..မာမီကလေ တခြားလူနဲ့ပျော်နေတော့မှာ
သားတို့ဘဝထဲကိုလူစိမ်းဝင်လာတော့မှာ
ပါပါးနေရာမှာလဲ...အ..အစားထိုးတော့မယ်
သားမကြိုက်ဘူး ဘယ်လိုလုပ်ရမလဲပါပါး အီးဟီး ဟီး"
ထိုအချိန်ထဲကစပြီး မာမီဟာနောက်အိမ်ထောင်ပြု
ပြီး ယောက်ျားဖြစ်သူကိုအိမ်ခေါ်လာခဲ့တယ်..။
ပါပါးသိလား..အဲ့လူကလေ ပါပါးနေရာမှာဝင်နေရုံတင်
မကဘူး စိတ်ဓာတ်ကလဲအရမ်းယုတ်မာတာ...။
သားဘက်မှာ မရှိဘဲ အဲ့လူဘက်ကိုအမြဲလိုက်ခဲ့
တဲ့မာမီကိုလဲမုန်းတယ်...။အရမ်းမုန်းတယ်...။
☘︎
Movieကြည့်ရန်နှစ်ယောက်သားဇာတ်လမ်းအရွေး
မှာအတော်ကြာခဲ့လေသည် ။တကယ်တော့ ကိုယ်က
ပြိုင်ငြင်းနေတာမဟုတ်...ကောင်လေးသဘောဟူ၍
သာစိတ်ကြိုက်ရွေးချယ်ခွင့်ပေးထားခဲ့သည် ။သို့သော်
ဒီကလေးကိုယ်တိုင်ကကို စိတ်မကြိုက်နိုင်ဖြစ်နေတာ။
"အာ ဒါမဆိုးဘူးပဲ"
'The Nightmare Before Chirstmas'
ဆိုတဲ့ ကာတွန်းကားတဲ့...။ဂျွန်ဂျောင်ကု တို့ကတော့
ကလေးလေးပါပဲလားကွာ...။
"ဟင် ကာတွန်းကြီး"
"အင်းလေ ရွေးစရာမှာမရှိတာ ဒါပေမဲ့လဲကောင်းမဲ့
ပုံပါပဲ လူကြည့်များတယ်လေ"
ထို့နောက် ဂျီမင်းလဲဘာမျှမပြောဘဲ ရုံထဲသို့သာ
နှစ်ယောက်သားဝင်သွားလေတော့သည် ။
ဇာတ်လမ်းစပြသည်နှင့် ဇာတ်လမ်းထဲအာရုံမရနိုင်
သည်က ဂျီမင်းပင် ။အမှောင်ရိပ်၌ ထင်းနေသော
တစ်စုံတစ်ဦး၏ ချောမောမှုအောက်၌ လုံးလုံးလျား
လျား ကျရောက်နေခြင်းကြောင့်ဖြစ်သည် ။
အင်း..မင်းကငါထင်တာထက်ကို ချောတယ်ဂျောင်ကု။
ကိုယ့်ထက်မဆိုသလောက်လေး မြင့်သောကြောင့်
အနည်းငယ်တော့ မော့ကြည့်နေရသည် ။ပတ်ခ်ဂျီမင်း
ရေ မင်းဘေးမှာဝိုင်းနေတဲ့ မဒီတွေသာတွေ့ရင် ဒီ
ကောင်လေးနောက် သေချာပေါက်ပါသွားကြမှာ ။
"ပြီးပြီလေ ဘာကြည့်နေတာလဲ
ရုပ်ရှင်ထဲမျောသွားလို့လား"
"ဟမ် ပြီး..ပြီးသွားတာလား ဘယ်တုန်းကလဲ"
"အဟော သေချာပါတယ် မျောသွားပီဆိုတာ"
ရုပ်ရှင်ပြီးလို့ပြီးမှန်းမသိအောင်ကို ကျွန်တော်ငေးနေမိ
တာလား..။နှစ်နာရီကျော်ကျော် ဇာတ်လမ်းကို တစက်
လေးမှသတိထားမိဘဲနဲ့လေ..။
ကိုယ့်ဟာကိုယ်မလုံမလဲဖြစ်နေမိတာနဲ့ပဲ ဂျောင်ကုရှေ့
ကအမြန်ကျော်တက်ရင်း ကားဆီသို့သာခပ်သုတ်
သုတ်လျှောက်ခဲ့လိုက်သည် ။
"ဘယ်လိုလဲ ဇာတ်လမ်းကကောင်းရဲ့လား"
"အမ် အော် အရမ်းကောင်းတာပေါ့ ဂျောင်ကုရဲ့
တစ်ခန်းမှတောင်မလွှတ်တမ်းကြည့်ခဲ့တာ ကြိုက်လွန်း
လို့..."
တကယ်ကိုမလွယ်ပါလားနော်...ငါ့နှယ်..။
"အဆုံးနားလေးဘာဖြစ်သွားလဲဟျောင်း..ကျွန်တော်
အဲ့နားလေးအာရုံသိပ်မရခဲ့လို့"
ခါးပတ် ပတ်နေသောလက်တို့ တုံ့ခနဲပင်ဖြစ်လျက် ။
ဂျောင်ကု သူ့ကိုဇာတ်လမ်းအကြောင်းမေးလိုက်တာ
လား..။အဲ့မှာ ပတ်ခ်ဂျီမင်းတို့ဒုက္ခရောက်တာပဲ။
စောနလေးတင် တစ်ခန်းမှမလွှတ်ခဲ့ဘူးပြောတာ..
အခုတော့ဘယ်လိုလုပ်ရပါတော့မလဲ..။
"ဟိုလေ အဲ့..အဲ့ဒါက"
"Jackနဲ့ Sallyကနှစ်ယောက်ပေါင်းရရဲ့လား
မသိလိုက်လို့"
အမှန်တိုင်းပြောရရင် ကိုယ်လုံးဝမသိတာကောင်လေး
ကိုယ်သိတာပြောရရင် မင်းအလှပဲ..။မင်းပြောတဲ့
Jackနဲ့sallyမှာ ဘယ်ဟာအထီးဘယ်အမ မှန်း
တောင်ကိုယ်သိတာမဟုတ်ဘူး..။
"အာဟုတ်တယ်လေ နောက်ဆုံးsallyကသေ
သွားတာ"
"ဟင် ဟုတ်လား..ဇာတ်လမ်းကဇာတ်နာကြီးဖြစ်ပြီး
ကြည့်နေတဲ့လူကပြုံးနေလို့ပါလား အဆန်းပဲနော်"
"အော် အဲ့ဒါကsallyကသူ့အချစ်ကိုထုတ်ပြခဲ့ရလို့
နေမှာပေါ့"
ပြောသာပြောနေရတာ အသံတွေကလဲတုန်လို့...။
ဒီအကြောင်းကို ဒီမှာလက်စသတ်ရင်ကောင်းမယ်
ထင်တယ်...။
"ဟိုလေ ဂျောင်ကု
Awardပွဲကိစ္စက မင်းတို့ပိုက်ဆံအကုန်ခံပြီး
လက်မှတ်ဖြတ်စရာမလိုဘူး..ဟျောင်းတို့ရဲ့
ကုမ္ပဏီ ကသင်တန်းသားတစ်ယောက်အနေနဲ့
ခေါ်လာပေးလို့ရတယ်"
"ဒါဆို ကျွန်တော်ပဲရမှာပေါ့ မီဆူအာကရော"
"ဂျောင်ကုရယ် ဟျောင်းထက် ရာထူးမြင့်တဲ့လူ
ဘယ်သူရှိသေးလဲ...ငါခွင့်ပြုရင်ဘာမဆိုလုပ်လို့
ရတယ် ....
အဲ တစ်ခုတော့ရှိတယ်နော် အဲ့လိုလိုက်ရမယ်ဆိုရင်
တော့ သူတို့ဖျော်ဖြေပွဲတွေကို စင်နောက်ကTVကနေ
တဆင့်ပဲကြည့်ရမှာ"
"ဟာ အဲ့ဒါတော့ဘယ်ကောင်းမလဲ ဖျော်ဖြေတာကိုအဲ့
လိုကြည့်ရတော့ဘာထူးမှာလဲဗျာ..အိမ်ကပဲထိုင်
ကြည့်တော့မှာပေါ့.."
"အဲ့လိုလဲမဟုတ်ဘူးလေ မင်းကဖျော်ဖြေတာကြည့်
ချင်တာလား..အနီးကပ်ကြည့်ချင်တာလား"
"အနီးကပ်ပေါ့"
"ဒါဆို ငါစီစဉ်တဲ့အတိုင်းလက်ခံမယ်ဟုတ်"
"အွန်း....ဒါနဲ့ သင်တန်းသားသာပြောတယ်
ကျွန်တော်အခုထိဘာမှ လေ့ကျင့်တာတွေမလုပ်ရ
သေးဘူးနော် ကျွန်တော့်ကိုပွဲဦးထွက်ပေးဖို့ အစီစဉ်ရော
ရှိရဲ့လား.."
ဂျောင်ကု၏ ခပ်ငေါ့ငေါ့အမေးအား သဘောကျစွာ
ဂျီမင်း ရယ်မိသည် ။
"မင်းစာမေးပွဲရှိနေလို့ပါ..ပြီးတာနဲ့ ဟျောင်းရယ် ခဏ
နားပါအုံးဆိုပြီးပြောယူရတဲ့အထိ လေ့ကျင့်ရမှာ"
"အေးဆေးပါဗျာ"
ဒီကောင်လေး၏ 'အေးဆေး'ဟူသောစကားမှာ
ပေါ့ပျက်ပျက်မဟုတ်ဘဲ တကယ့်ကိုပင်လေးနက်
သည်။ အနုပညာနဲ့ပတ်သက်လို့ကတော့...ဘယ်
လောက်ပင်ပန်းနေပါစေ ခံနိုင်ရည်ရှိတယ်ဆိုသော
စကားအား မျက်လုံးများကအခိုင်အမာကိုပြောဆို
နေလေသည် ။မင်းက ပတ်ခ်ဂျီမင်းဆိုတဲ့ ငါငယ်ငယ်
ကအတိုင်းပါပဲလား..။
ထို့နောက် မောင်းထွက်သွားသော ကားလေးတစ်စီး
နှင့်အတူ ကားထဲမှ လူနှစ်ယောက်သည်လဲ စကား
ပြောခြင်းအလျဉ်းမရှိခဲ့...။
ထိုအထဲမှတစ်စံတစ်ဦးသည် ကား၏တစ်ဖက်မှန်သို့
လှည့်ကာပြုံးရင်း ဘေးလူမကြားအောင် တိတ်တဆိတ်
ရေရွတ်မိလေသည်မှာ.....။
ခင်ဗျားကပျော်ရွင်စရာဇာတ်လမ်းကို နာကျင်စရာအ
ဖြစ်ပြောင်းခဲ့တာပဲ ပတ်ခ်ဂျီမင်းရှီ....။
တကယ်တော့ Jackနဲ့Sallyကပေါင်းဖက်ခဲ့ကြပါတယ်..။
~~~~~~~~~~~~~~~~~~~~~~~~~~~~~~