សួស្តីអ្នកទាំងអស់គ្នាមុននឹងអានរឿងនេះសូមបញ្ជាក់បន្តិចគឺរឿងនេះជាប្រេភេទ bg បើមិនពេញចិត្តអាចរំលងបាន តែបើអានហើយជួយ vote ផង😁
___________
នៅក្នុងពិភពម៉ាហ្វៀតែងតែមានការឈ្លោះទាស់ទែងគ្នារឿងដណ្តើមអំណាចគ្នាំទៅវិញទៅមកជាររឿងធម្មតាទៅហើយមិនថាអ្នកតូចឬធំនោះទេ ដូចជាគ្រួសារចន និង គ្រួសារគីម ទាំង២នេះអញ្ចឹងសុំប្រាប់ទៅចុះមិនដែលថាត្រូវគ្នាយ៉ាងមិច តាំងពីជំនាន់ឪពុករហូតឈានមកដល់ជំនាន់កូនៗ
"ចៅហ្វាយ ថ្ងៃនេះមានការណាត់ជួបដៃគូរសហការថ្មីបាទ"សម្លេងអ្នកជាកូនចៅបានបន្លឺឡើងប្រាប់ទៅអ្នកជាចៅហ្វាយដែលកំពុងតែដើរបោះជំហ៊ានចូលទៅក្នុងក្រុមហ៊ុនដែលធំជាងគេនៅក្នុងប្រទេសកូរ៉ទាំងមុខមាំមានអំណាចអាចធ្វើឱ្យមនុស្សគ្រប់គ្នាខ្លាចរអាបាន
"នៅឯណា?" សំណួរយ៉ាងខ្លីចេញពីបបូរមាត់ក្រាស់មានមុនស្នេហ៍សួរទៅកាន់អ្នកម្ខាងទៀតទាំងរាបស្មើ
"គឺ ក្លឹប ខេធីអេក បាទ"
"ក្លឹបរបស់គ្រួសារគីម?"
"បាទពិតមែនហើយ តើចៅហ្វាយចង់ប្តូរកន្លែងណាត់ជួបឬអត់"អ្នកជាកូនចៅសួរឡើងព្រោះដឹងថាគ្រួសារទាំងពីរគឺមិនដែលត្រូវគ្នាទេដូច្នេះទើបសួរក្រែងថាចង់ប្តូរកន្លែងនាយនឹងបានសុំឱ្យដៃគូរថ្មីនោះប្តូរកន្លែងណាត់ជួបឡើងវិញ
"មិនបាច់ទេ ឮថាក្លឹបនោះល្បីយូរណាស់មកហើយមិនដែលបានចូលសោះលើងនេះចង់សាកម្តងចង់ដឹងថាដូចពាក្យដែលគេសរសើរមែនឬអត់"ជុងហ្គុក ពោលទាំងញញឹមចុងមាត់ខណៈដែលនឹកឃើញរឿងដែលនឹងកើតឡើងក្នុងពេលបន្តិចទៀតនេះ
ចន ជុងហ្គុក អាយុ២៥ឆ្នាំ កម្ពស់១.៨៨m ជាកូនប្រុសហើយក៏ជាអ្នកស្នងដំណែងតែម្នាក់របស់គ្រួសារចន សព្វថ្ងៃជាម្ចាស់ក្រុមហ៊ុនផលិតស្រាក្រហមធំបំផុតនៅក្នុងប្រទេសកូរ៉េហើយក៏ជាមេម៉ាហ្វៀដែរ បើនិយាយពីចរិតវិញគឺម៉ឺងហ្មាត់ហ្មត់ចត់ ប៉ុន្តែពេលខ្លះក៏ជាមនុស្សលេងសើចដែរគ្រាន់តែជាមួយអ្នកដែជិតដិតតែប៉ុណ្ណោះ
លី វូប៊ីន អាយុ២៥ឆ្នាំស្មើនឹងជុងហ្គុកដែរ កម្ពស់១.៨៥m គឺជាជំនិតហើយក៏អាចរាប់ថាជាមិត្តភក្តិរបស់ជុងហ្គុកម្នាកដូចគ្នាដែរដោយសារតែពួកគេគឺស្គាល់គ្នាហើយរៀនជាមួយគ្នាតាំងពីថ្នាក់បឋមរហូតដល់បញ្ចប់ថ្នាក់ដោយសារតែប៉ារបស់នាយក៏ជាជំនិតរបស់ប៉ាជុងហ្គុកទើបរៀបចំឱ្យនាយក្លាយជាជំនិតជុងហ្គុកដែរ
_______
@. ក្លឹប ខេធីអេក
ក្រលេកមកមើលក្នុងក្លឹបដែលធំបំផុតនៅក្នុងទីក្រុងសេអ៊ូលក៏ដូចជាប្រទេសកូរ៉េទាំងមូលយើងឃើញថាមានមនុស្សជាច្រើនកុះករភាគច្រើនអាចថាសុទ្ធតែជាពពួកកូនអ្នកមានដែលមករាំលេងសប្បាយក្នុងក្លឹបនេះ ប៉ុន្តែ បើយើងក្រលេកមើលទៅជ្រុងម្ខាងទៀតនៃក្លឹបដែលមិនមានអ្នកក្រៅហ៊ានចូលមកដល់ក្រៅពីម្ចាស់ក្លឹបឯនេះវិញយើងនឹងឃើញមាន កម្លោះតូចរូបរាងដូចមនុស្សស្រីឬអាថាស្រីមួយចំនួនសុំចាញ់ឯនេះវិញយើងគឺកំពុងតែបឺតបារី តែអេដូចជាមិនមែនទេ ការពិតគឺគេបៀមស្កគ្រាប់តើ គឺកំពិងតែមើលការខុសត្រូវនៅក្នុងក្លឹបនេះដោយយកចិត្តទុកដាក់បំផុត
"ចៅហ្វាយ ឮមកថាថ្ងៃនេះមានអ្នកណាត់ជួបភ្ញៀវមកទីនេះ"ភ្លាមនោះស្រាបតែមានមនុស្សស្រីកម្ពស់ស្តង់ដាម្នាក់ពោលឡើងប្រាប់ទៅអ្នកជាចៅហ្វាយ
"អឹម វាជារឿងធម្មតាទេក្រែងក៏ធ្លាប់មានអ្នកមកណាត់ជួបភ្ញៀវនៅក្នុងក្លឹបយើងញឹកញាប់ដែរមិនចឹង"អ្នកដែលមាននាមជាចៅហ្វាយសួរបកទៅវិញមិនមែនថាមានធ្លាប់មានឯណា ហេតុអ្វីក៏ធ្វើដូចជាមិនដែលមានរឿងបែបនឹងកើតឡើង
"គឺ ការណាត់ជួបដៃគូសហការណ៍វាជារឿងធម្មតាទេប៉ុន្តែខ្ញុំបានឮមកថាដៃគូរសហការណ៍របស់គេគឺចន ជុងហ្គុក"
"ចន ជុងហ្គុក? ចន ជុងហ្គុកណាទៅ"គេលើកចិញ្ចើមសួរទាំងមិនយល់តើម្នាក់នោះមានអ្វីអស្ចារ្យទៅបានជាភ្ញាក់ផ្អើលថ្នាក់នេះ
"ពុទ្ធោអ៊ើយចៅហ្វាយ ចន ជុងហ្គុក គឺជាអ្នកបន្តដំណែងរបស់គ្រួសារចន ហើយគ្រួសារគេម្នាក់នេះគឺមិនដែលត្រូវគ្នាជាមួយគ្រួសាររបស់ចៅហ្វាយទេ ហើយអ្វីដែលសំខាន់នោះគឺ គេក៏ជាដៃគូរប្រកួតប្រជែងរបស់ចៅហ្វាយកាលនៅវិទ្យាល័យនោះអី ចៅហ្វាយភ្លេចហើយមែនទេ?"
"អា៎~ ពិតមែនហើយ គឺគេម្នាក់នោះ"ថេហ្យុន ពោលឡើងដោយការភ្ញាក់ផ្អើលចំជាឆ្កួតមែនចេះភ្លេចសត្រូវស៊ូពូជទៅកើត
គីម ថេហ្យុន មានអាយុ២៥ឆ្នាំ ជាទាយាទបន្តវេនរបស់គ្រួសារគីមដែលជាគ្រួសារម៉ាហ្វៀប៉ុន្តែគេមិនមែនមានតែម្នាក់ឯងទេគឺនៅមានប្អូនស្រីម្នាក់ទៀតប៉ុន្តែមិនដែលមានអ្នកណាស្គាល់ឬឃើញមុខទេថាមានមុខមាត់យ៉ាងមិចហើយមនុស្សភាគតិចណាស់ដែលដឹងថាគ្រួសារគីមមានកូនស្រីម្នាក់ទៀត
ឆាង សេអា អាយុ២៥ឆ្នាំជាជំនិតរបស់ថេហ្យុនរូបរាងស្អាតបាតសាកសមនឹងកម្ពស់១.៧០mរបស់នាង
________
ងឺត សម្លេងបញ្ឈប់ឡាននៅកន្លឺងចតឡាននៃក្លឹបធំជាងគេក៏បន្លឺឡើងភ្លាមនោះក៏បង្ហាញឱ្យឃើញនាយកម្លោះសង្ហារចន ជុងហ្គុកដើរចូលទៅខាងក្នុងទាំងមុខមាំមានអំណាច ហើយវត្តមានរបស់នាយក៏បានទាក់ទាញចំណាប់អារម្មណ៍របស់មនុស្សក្នុងក្លឹបឱ្យងាកមកមើលនាយដូចគ្នាដែរព្រោះអ្នកណាៗក៏ដឹងថាគ្រួសារទាំង២មិនដែលត្រូវគ្នាទេតែថ្ងៃនេះបែរជាឃើញវត្តមានទាយាទត្រកូលចននៅទីនេះទៅវិញ តើអាចនឹងមានរឿងអ្វីកើតឡើងដែរទេ
"សួស្តីលោកចន ពិតជារីករាយណាស់ដែលបានលោកមកដល់ក្លឹបរបស់ពួកយើង"ភ្លាមនោះស្រាប់តែមានមេការម្នាក់ដើរមករាក់ទាក់នាយ
"ពិតមែនឬ? ចុះហេតុអ្វីលោកធ្វើមុខដូចជាភ័យអញ្ចឹង"ជុងហ្គុក
"គឺអឺ..."
"បានហើយខ្ញុំនិយាយលេងទេ ខ្ញុំមកនេះគឺចង់ជួបលោកឆយ តើគាត់នៅឯណា"ជុងហ្គុក មិនចង់ឱ្យខាតពេលច្រើនក៏ចូលសាច់ការតែម្តង
"គឺនៅក្នុងបន្ទប់វីអាយភី បន្ទប់លេខ២បាទ"មេការ
ក្រោយបានចម្លើយពីមេការហើយជុងហ្គុកក៏ដើរទៅតាមទិសដៅដែលបានប្រាប់តែម្តងទាំងមិននិយាយអ្វីសូម្បីតែមួយម៉ាត់
______
"សួស្តីលោកឆយ តើចាំយូរដែរទេ មើលទៅខ្ញុំដូចជាមកយឺតហើយ"ជុងហ្គុក សួរទៅកាន់អ្នកម្ខាងទៀតដែលកំពុងតែអង្គុយចាំនឹងសាឡុងមិនប្រាប់ក៏ដឹងថាជាមនុស្សល្មោភកាមដែរបើលែងសុទ្ធតែមានមនុស្សស្រីម្តង២អង្គុយអមសងខាងនោះតែជុងហ្គុកមិនបានខ្វល់ទេ នាយមកនេះគ្រាន់តែចង់និយាយរឿងការងារតែប៉ុណ្ណោះ
"អ៎ូ សួស្តីលោកចន ពួកនាងចេញទៅ គឺលោកមិនបានមកយឺតទេមកទៀងម៉ោងល្អណាស់"លោកឆយ រាក់ទាក់ទៅកាន់ជុងហ្គុករួចទើបបហរាប់ឱ្យស្រីៗប៉ុន្មាននាក់នោះចេញមុននឹងបន្តនិយាយជាមួយជុងហ្គុកបន្តទៀត
"មើលទៅលោកដូចជាចូលចិត្តក្លឹបមួយនេះណាស់តើមានអ្វីពិសេសមែនទេ?"ជុងហ្គុក ចាប់សួរនាំព្រោះមើលទៅលោកឆយដូចជាមិនមែនមកទីនេះលើកដំបូងទេ
"អ៎រ បាទគឺពិសេសខ្លាំងណាស់ព្រោះសេវាកម្មនៅក្លឹបនេះគឺល្អហើយក៏មិនដែលមានរឿងដែរទើបសូម្បូរអ្នកមកទីនេះ ហើយបើមានរឿងណាក៏ម្ចាស់ក្លឹបចេញមុខចាត់ការអ្នកបង្ករឿងនោះដោយផ្ទាល់មិនឱ្យប៉ះពាល់ដល់ភ្ញៀវដទៃទៀតទេ ចុះលោកចនយល់យ៉ាងមិចដែរ"លោកឆយ
"អ៎រ ខ្ញុំក៏គិតថាអញ្ចឹងដែរ ចឹងយើងចូលសាច់ការតែម្តងទៅ"ជុងហ្គុក
"បាទ គឺខ្ញុំចង់បណ្តាក់ទុនជាមួយក្រុមហ៊ុនរបស់លោក"លោកឆយ
"អ៎របាទ គឺក្រុមហ៊ុនយើងមានមានលក្ខណ្ឌច្រើនខ្លាំងណាស់ក្នុងការចូលរួមសហការ វាមានការចំណាយច្រើនចំណែកចំណូលក៏ច្រើនទៅតាមហ្នឹងដែរគ្រាន់តែថាវាមិនទៀងទាត់នោះទេព្រោះអាស្រ័យទៅលើអតិថិជនដូចគ្នា តើលោកគិតយ៉ាងមិចដែរ"ជុងហ្គុក រៀបរាប់ពីលក្ខណ្ឌគ្រប់សព្វបែបយ៉ាងអស់ហើយទើបសួរទៅអ្នកម្ខាងទៀតវិញ
"គឺខ្ញុំយល់ព្រម"លោកឆយ
"បាន បើលោកអូខេហើយអញ្ចឹងយើងចុះកិចសន្យាតែម្តងទៅ វូប៊ីន យកឯកសារមក"បន្ទាប់ពីសញ្ញេឯកសរកិច្ចព្រមព្រៀងគ្នាអីរួចអស់ហើយជុងហ្គុកក៏សុំបំបែកផ្លូវទៅមុនព្រោះមិនមានកិច្ចការអ្វីត្រូវបន្តទៀតផង
"ឌឹប អួយ"ពេលដែលដើរចេញមកចៃដន្យមានក្មេងមកពីណាមិនដឹងទេដើរមកបុកនាយស្ទើរតែដួលផ្ងក្រោយទៅហើយ
"សុំទោស"អ្នកម្ខាងទៀតពោលពាក្យសុំទោសទៅកាន់នាយព្រោះអម្បិញមិញពិតជាមិនបានប្រុងប្រយ័ត្នពិតមែន
"ដើរមិនចេះមើលមនុស្សទេឬយ៉ាងមិច?"ជុងហ្គុក ពោលឡើងទាំងសម្លេងស្មើទៅកាន់អ្នកម្ខាងទៀត
"ប៉ុន្តែខ្ញុំបានសុំទោសហើយតើ"
"សុំទោស? សុំទោសហើយបាត់ឈឺមែនទេ?"ជុងហ្គុក
"លោកឯង..."ប្រុងនឹងនិយាយបន្តទៀតហើយស្រាប់តែមានសម្លេងមួយបង្អាក់ជាមុន
"អ្នកប្រុស"
រងចាំភាគបន្ត