parang ibon na makasama mo lang sa paglipad sapat na;
maging ang pakiramdam na nasa himpapawid ay tila iba.
hindi mapantayan, hindi matumbasan;
saktong ngisi lang, "haha-ng" malaman.
mahirap pa sa madali;
sa madaling araw nagtatago ang gabi.
kalahati ng buwan;
nawala, sa sikat ng araw, nagapi.
mainit pa sa malamig,
pinaglalaruan ang bawat titik.
mainit ang bawat titik,
pinaglalaruan pa sa malamig.
ang bawat letra na ginawang panggatong sa papel;
pilit ipinapag-kasya, makapal pa sa mapapel.
mahirap pa sa madali,
pinupulot lang ang bawat salita sa tabi.
bugtong-bugtong, hanapin ang naiiba,
bugtong-bugtong, hinanap ang magkaiba.
bugtong-bugtong, nahanap ang kakaiba,
bugtong-bugtong, parehas parin pala.
