hindi na ako kinakabahan;
nawala na ang panginginig ng kamay ko pero hindi pa rin masabi ang nararamdaman;
parehas lang sa pakiramdam kahit na malayo ka o malapit sa akin;
masaya.
ang 'yong ngiting walang mintis sa pagpapatigil ng aking mundo;
takaw-tingin na may kasamang sikretong ngiti na tayo lang ang nakakapansin;
hindi makalimot;
sadya na talagang walang papantay sa kagandahang naukit mo sa isip ko.
ang pakiramdam na sabik sa piling mo;
hindi na matago ang pag-ibig na nakalaan para sa'yo;
ibulong mo lang sa akin ang salitang gusto kong marinig;
naghihintay ako.
handang maging alipin ng pag-ibig mo;
iibigin ang isang katulad mo;
ikaw ang magiging liwanag ko sa dilim;
wala nang makakapigil sa atin.