Unicode version
အဂျီ ၂၇
မိုးအုံ့လို့ သစ်ရွက်လေးတွေငြိမ်နေရင်
တိမ်တွေပြိုတော့မှာ ကြိုသိတယ် ~~
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
" အဂျီ နိုးပြီလား "
လက်မောင်းကိုခေါင်းအုံးအိပ်ကာ ရင်ခွင်တွင်းထဲအိပ်ပျော်နေသူ၏လှုပ်ရှားသွားဟန်ကိုကြည့်ရင်း မေးလိုက်သည်။
" နိုးနေပြီလား ဘယ်အချိန်ရှိနေပြီလဲ "
" စောပါသေးတယ် ပြန်အိပ်ချင်အိပ်ဦးနော် "
" မင်းကရော ? "
စောင်တွေအောက်နှစ်ယောက်သားလုံးထွေးနေတဲ့ကြားက ခေါင်းမော့ကြည့်ပြီးမျက်လုံးမပွင့်သေးပဲမေးသည်။
" ဖေဖေဖုန်းဆက်တယ် ဘွားနေမကောင်းလို့တဲ့ ငါသွားခေါ်ရမယ် "
" ဟင်? ဘွားဘာဖြစ်လို့တဲ့လဲ သွားခေါ်ရမှာပေါ့ ငါလိုက်ခဲ့ရဦးမလား "
" ဟင့်အင်း ဒီနေ့မင်းကိုဆရာက မီးအိမ်လုပ်နည်းသင်ပေးမယ်ဆို "
" ဒီနေ့လား? ဒီနေ့သွားခေါ်မှာလား? "
" အင်း ကားနဲ့ပဲသွားမှာဆိုတော့ဒီနေ့သွားမှမနက်ဖြန်ညနေလောက်ရောက်မှာလေ အဂျီရဲ့ "
" အွန်းးးးးးးးးး "
သံရှည်ဆွဲကာ အပျင်းကြီးရင်း ဇွတ်အတင်းဖက်ထားကာ ရင်ခွင်ထဲခေါင်းတွေတိုးဝေ့နေပြန်တော့သည်။
" ဘယ်အချိန်လဲ "
" မနက်စာစားပြီးရင်သွားမှာ မင်းကိုကျောင်းလိုက်ပို့ပေးခဲ့မယ်နော် ကြားလား......
ကြားလားလို့ အိပ်ပုတ်ကွာ "
" ကြားတယ် လွမ်းနေရမှာပေါ့ "
" ချက်ချင်းပြန်လာမယ့်ဟာကို "
" အေးပေါ့ဘယ်တတ်နိုင်မှာလဲ ငါမနက်စာသွားပြင်လိုက်ဦးမယ် ကူးအိပ်ရာသိမ်းမနေနဲ့ရေချိုးဖို့ပြင်တော့ "
" ဟုတ်ကဲ့ပါခင်ဗျ "
ကိုယ်တော်ချောရေချိုးနေတုန်း ထမင်းကြော်ထားလိုက်သည်။
အိပ်ရာသေချာသိမ်းရင်း ခရီးသွားဖို့လွယ်အိတ်ထဲကိုထည့်စရာရှိတာတွေထည့်ပေးထားလိုက်၏
