Fake World

Epilogue

Hindi ko aakalain na iyon ang sapatos na susuotin niya at hindi ko alam na may parehas kaming sapatos dahil last year ko pa ito nabili. Hindi rin namin parehas nasuot noong sa broacay. Ang napag-usapan lang namin ay parehas kaming magsusuot ng itim.

We will spend in Tagaytay for three days. First time ko makakasama ang Hakdognism ng ganoon katagal. Halos lahat naman pinayagan, kay Caileen at Jisoo lang kami nahirapan. Sila kasi ang pinakabata sa amin, halos lahat kami ay magkakasing edad na.

Sa shot gun seat ako umupo dahil alam kong doon naman talaga ako pa-uupuin ni Keiji. Nakita ko na yung mga gamit niya sa likod, medyo madami din dahil halos lahat kami nag-ambagan sa mga kakailanganin.

"Saan nga pala si Zarel?" tanong ko. Hindi ko kasi siya napansin, alam kong kay Keiji 'yon sasabay.

"Nasa mall pa, iniwan ko na lang siya do'n. Babalikan naman na natin, may kulang pa daw kasi sa dala niya." sagot niya atsaka ini-start ang makina ng kotse.

Ilang minuto lang ang lumipas nang marating namin ang pinakamalapit na mall sa bahay. Hindi na kami bumaba at sa parking lot na lang hinintay si Yeol.

Pagbalik niya may mga bitbit na siyang paper bag at plastic. Akala mo isang taon sa Tagaytay sa dami ng binili.

"Tagal mong hayop ka." reklamo ni Keiji. "Kung hindi ka pa itetext 'di ka pa ata lalabas ng mall. Dapat binili mo na lang yung buong mall."

"Tanga ka ba? Sabi niyo magkanya-kanya ng ambag." bumuntong hininga siya pagkatapos.

"Oo na, shut up!"

"Tama na yan." awat ko sa kanila. "May susunduin pa ba tayo?" tanong ko, hindi ko kasi alam kung anong plano ng iba papunta doon.

"Si Sage at Caileen lang." sambit ni Keiji. "Sila Lulu na daw ang susundo kay Lisa at Clyde eh."

"Ayy, wow! Andito na pala si Taeyeonie."

Kanina pa ako nandito ngayon lang ako napansin? Siraulo talaga 'tong si Yeol.

"At talagang parehas pang naka-itim. Ano ba pupuntahan natin? Birthday ko, birthday ni Jisoo at Taeyeonie, o baka patay talaga?"

Natawa ako ng bahagya sa tanong niya. May point naman siya do'n. Bakit ba kasi itim na itim yung suot naming dalawa ni Keiji?

Mas puputi kasi kami sa itim, lalo na siya dahil medyo chinito siya.

"Manahimik ka na lang diyan kung ayaw mo masapak." saway ni Keiji.

Mabilis lang naming nasundo si Sage at Cai dahil magkasama na pala sila. Excited na din ang dalawa kaya naman mas lalong umingay sa kotse. Hinayaan ko na lang sila at umidlip ng saglit.

Pagdating namin si Keiji ang gumising sa akin.

"Nandito na tayo, Felicity." hinawakan niya ang braso ko. "Kanina pa sila bumaba, tara na?"

Agad kong binuksan ang pinto ng sasakayan para bumaba na. Binuksan ko din ang front door ng bahay.

Mabuti na lamang na hindi makalat dahil naglinis naman kami noong huli kaming pumunta dito.

"Ang saya namin dito noon." natutuwang sabi ni Yeol at agad na tumakbo sa sofa. "I'm glad na nakabalik ako dito, alam niyo bang may swimming pool sa likod? Nagswimming kami nila Taeyeonie dito." pagmamalaki niya. Akala mo naman kanya yung bahay.

"Hala, baka magselos ulit si Keiji niyan."

Agad naman akong tumingin kay Keiji, umiwas lang siya at inilapag ang mga gamit na galing sa kotse. Nasa kusina kami ngayon para agad na mailagay sa ref ang mga pagkain.